影片
更多
2016-10-25
286 浏览
好姊妹生日，當然要揀個好環境好地方同佢好好慶祝下，揀左呢間係荔枝角既cafe，無論環境同食物質素都令人滿意，慢慢咁渡過左一個輕鬆既晚上呢到既晚餐都係大眾化既牛扒羊扒等，但我其實係為左呢到馳名既德國豬手而黎架哈哈，所以一坐低已經揀定左呢個非試不可，紫薯控見到有紫薯意大利飯即刻心郁郁！！可惜點餐時岩岩賣哂，無計啦，比左個理由我下次再黎最後叫左墨魚汁意大利飯同黑松露薯條~跟餐既湯同沙律好快就黎到，成日都覺得磨菇忌廉湯其實都好可以睇到一間西餐廳既質素同誠意，好多時食主菜前黎個所謂既忌廉湯，但實情係得水一啲都無忌廉味既湯，已經扣左好多分，呢到忌廉湯唔太重忌廉味，但反而蘑菇粒粒好多，令每啖湯都有少少口感同埋香濃蘑菇味，唔錯！反而沙律其實只係菜，雖然新鮮但略為單調，好彩有甜甜地既黑醋汁平衡返。黑松露薯條$38：黑松露竟然三十幾蚊就食到，薯條份量一啲都唔少！最令人興奮係黑松露忌廉醬仲多過啲薯條囉條條薯條都可以盡情點醬，黑松露味好濃，加埋類似沙律醬咁質感，好想知有無得單買呢隻醬薯條屬於粗條，未算好香脆但熱辣辣算唔錯！以呢個價錢黎講已經係超高質墨魚汁意大利飯：小女好中意墨魚汁，但通常墨魚汁都係配意粉，意大
呢到既晚餐都係大眾化既牛扒羊扒等，但我其實係為左呢到馳名既德國豬手而黎架哈哈，所以一坐低已經揀定左呢個非試不可，紫薯控見到有紫薯意大利飯即刻心郁郁！！可惜點餐時岩岩賣哂，無計啦，比左個理由我下次再黎最後叫左墨魚汁意大利飯同黑松露薯條~
跟餐既湯同沙律好快就黎到，成日都覺得磨菇忌廉湯其實都好可以睇到一間西餐廳既質素同誠意，好多時食主菜前黎個所謂既忌廉湯，但實情係得水一啲都無忌廉味既湯，已經扣左好多分，呢到忌廉湯唔太重忌廉味，但反而蘑菇粒粒好多，令每啖湯都有少少口感同埋香濃蘑菇味，唔錯！反而沙律其實只係菜，雖然新鮮但略為單調，好彩有甜甜地既黑醋汁平衡返。
黑松露薯條$38：黑松露竟然三十幾蚊就食到，薯條份量一啲都唔少！最令人興奮係黑松露忌廉醬仲多過啲薯條囉條條薯條都可以盡情點醬，黑松露味好濃，加埋類似沙律醬咁質感，好想知有無得單買呢隻醬薯條屬於粗條，未算好香脆但熱辣辣算唔錯！以呢個價錢黎講已經係超高質
墨魚汁意大利飯：小女好中意墨魚汁，但通常墨魚汁都係配意粉，意大利飯的確少見，上碟真係食碟黑蚊蚊意大利飯煮得大約7分稔身3分硬，屬大眾易接受既軟硬程度，墨魚汁味好濃好濃，如果真係中意墨魚汁既朋友一定岩，加埋忌廉所以都頗黏口同埋相對重味，味道夠特別，反而個人覺得啲餸量少左啲，因為本身飯重味，需要多啲餸平衡返，但整碟係好多飯加幾件魷魚，所以會有啲單調，呢方面可以改善下就好~
德國咸豬手$148：主角終於黎喇，其實都係四個字左右就上菜，幾快手，薯條都未食完就上，張檯都放唔哂囉豬手都好大份，切到好多件，兩人分岩岩好，做到皮脆效果，之前食過一次係肉較多肥膏少啲，今次反而肉少啲肥膏多，但整體都唔覺肥，皮醃得夠哂味，唔會太咸令到勁口乾，配菜有西蘭花同蕃茄，中和一下咸味，仲有球黑松露薯蓉，相對黎講就無咁重黑松露味，薯蓉較濕唔會令人好漏，難怪一直係招牌菜！
冧酒朱古力慕斯蛋糕$32：蛋糕時間就最開心！朱古力慕斯香滑重忌廉，夾住軟棉棉既朱古力海棉蛋糕，配上脆脆餅底，的確唔錯但未算好特別，份量黎講亦較細份，未夠喉囉！
檸檬撻$32：由於唔夠喉就試埋呢個檸檬撻，估唔到呢個最令人驚喜！有別於平時既撻，佢既所謂撻皮其實係一塊平既餅底，檸檬饀唔會過酸，平時整檸檬撻勁酸然後再用好甜既蛋白作平衡，但呢到以簡單取勝，檸檬味係淡淡地滲入口，與別不同過到我呢個甜品專家
兩個人試左咁多野都係百幾蚊一個人张贴
