Cafe Paradise (砵蘭街) (已結業)

Happy Friday 緊係要食好嘢啦，係太子地鐵站一出，行唔洗一分鐘就到，極方便🤘🏼今次叫咗一個 白酒煮蜆，paradise jumbo 同香脆豬手（+廿蚊轉set好似幾抵，多個湯，沙律同嘢飲）沙律正正常常，蘑菇湯好香蘑菇味，正😋蜆肉數目比想像中多，唔係好食到白酒味，但蒜同牛油味好濃好香👍🏼👍🏼呢個all day breakfast啱曬貪心嘅我，乜都有d，可以試曬唔同嘅嘢食😋牛扒比較少喺all day breakfast見到，重有三文魚，好豐富😋😋豬手皮脆肉嫩，半肥瘦嘅豬手加埋微辣嘅辣粉，十分惹味😋😋

今天雖然工作上遇到不愉快嘅不倖運的事情, 但係一放工約咗心愛嘅男朋友享受一頓地中海嘅風情,確實令我心曠神怡。可惜嘅係哩邊比較嘈座位唔夠。餐廳裝修雅致，餐牌都富有濃厚藝術色彩,到達餐廳時，已經有唔少人光顧，現場有大圓枱又有卡位，無論三五知己，抑或一家老少，都適合光顧..gd mood!第一啖試一試他們的煙三文魚 risotto意大利芝士飯,簡直令我倆再度墮入愛河。回味那次初吻的感覺,每一口，吃下的時候凝望著她的眼神,令我全身銷魂入骨。簡直是taste上的高潮。加上他們獨有的地中海沙律,配上獨有的芡汁,就如同沐浴春風一樣,就好像在雨中的陽光,給人一種心曠神怡的感覺。

咖啡廳鄰近地鐵站路程約需五分鐘左右。 門面看起來 已經充滿特色，內裏更是一個童話的角度。餐廳上菜好快，啱晒肚餓嘅心急人。因為咁，我哋都食得好快，怕枱唔夠位放新嘅嘢食.....雞翼算是多肉，細汁很豐富，入口濃味又不乾身，入味，肉質嫩滑豬手皮脆肉嫩!!! 而且肉質彈牙、肉汁豐富的鹹豬手，食落又唔嚡口，配上干邑燒汁要簡直頂瓜瓜呢!餐飲我另加$15 選咗 Strawberry Yakult Soda, 普通的都可選檸茶，咖啡等。 大滿足🥰😻抵食: 9/10😋好味: 9/10🥰環境: 10/10🤤返食: 9/10

今日心血來潮去搵有all day breakfast嘅餐廳，行開太子呢一間又近地鐵站，所以就睇睇佢好唔好食啦！蘑菇湯就係第一道菜，加埋沙律打咗個底先。我就叫咗個荔枝沙冰，真係好啱夏天飲，但係如果你驚太甜可以叫員工加多d冰少d糖漿，但對我來講就啱啱好。呢個我哋all day breakfast真係乜都有，除咗個粟米格仔餅，其實佢有其他嘢揀嘅，所以可以因應自己嘅口味揀。漢堡扒、炒蛋同菇係我的最愛！其他嘢佢都好快手咁樣上到嚟唔會搞到個早餐凍凍的。佢加埋嗰個士多啤梨果醬陪個個同埋玉米格仔餅度，夜晚食都真係好有早餐嘅感覺xd另一道餸就係豬肋骨，開始好驚剩係得肉唔飽，但如之後證明只係我多慮啦xd 入面一大排好誇張，睇相嘅時候唔覺，但黎到的時候先知真係好多😂一個人都未必食得曬最後當然要有個心太軟做結束！入面有朱古力流心，而佢個雪糕相信係有雲呢拿籽㗎🤤🤤加埋一齊食，又凍又熱咁，好好味

仍然記得開心的日子。當日同嫲嫲一家人去食意大利餐。餐廳裝修精緻，一室香濃咖啡味，不期然有種閒適自在感pizza香氣撲鼻，跟湯麵包條香脆，味道較淡，一啖脆條一啖，湯更突顯出海鮮嘅鮮味這種意大利薄餅很特別,是跟意大利傳統薄餅一樣。他有很多不同餸菜我跟舅父都很喜歡。mozzarella這種芝士香味很特別,全球祇有意大利才可有。顯得分外矜貴。calamari意大利名就是魷魚的意思。它的香味很特別配上薄餅可以提昇色香味。clams這是意大利出產的蜆肉,肉身比較厚實。而它的香味更特別。配上意大利獨有cheese分內芳香。pomodoro意大利以南西西裏島出產培植的番茄。跟另外出邊吃的番茄不一樣。味道濃郁。

今晚同朋友約左去太子聚會，經過砵蘭街 俾一間白色門窗餐廳吸引住。餐廳外邊好似外國嘅咖啡店嘅裝修。同週邊嘅鋪頭成左對比。一入到門口 ，有長長梳化，華麗嘅吊燈。感覺令人舒服。店內有提供set dinner 同全日供應嘅食物，例如all day breakfast 。一打開餐牌 食物款式多。其中一個餐牌打開仲有個立體嘅圖案，設計都有心思。我同朋友一齊叫左幾款食物同小食值得推介嘅：水牛雞翼個醬汁辣辣地，但係隻雞翼係好脆皮。食落啲肉汁出哂黎。黑松露薯條🍟煮出黎薯條脆身，但面頭油唔多，好似上菜前已經吸左啲油咁。特別一提個黑松露醬，好好食 勁有黑松露味道 配合忌廉 混合一齊 好好嘅配答蟹子蟹棒忌廉意大利寬條麵呢款我十分喜愛。本身我就熱愛蟹棒今次仲要加埋忌廉寬條麵食落去每一口都好似食緊蟹棒嘅感覺超正另外，我地又叫左個jumbo all day breakfast 滑蛋唔錯，呢個餐賣點 有片西冷牛扒肉汁鮮味。一個人食嘅話 份量會好滿足黑松露意大利飯都唔錯，濃濃忌廉配黑松露鐘意食黑松露嘅 可以值得一食仲有叫左個意式肉丸茄長通粉呢個菜 食得出蕃茄好新鮮肉丸好似有牛味呢個就普通啲不過味道可接受總結今餐都唔錯

今天剛好一支公嚟到太子附近，經過看到這間在門外看到非常有特色的餐廳便前來一試。進入餐廳後發覺裏面裝修非常舒適，而且有很多特別的小東西去襯托這間店舖的主題： 天堂。例如Menu上會有一個立體的小花園，有很多熊公仔等等。這間店舖的lunch set價錢貼地，不會很貴。這次我不知道吃什麼好，便order了什麼都有一點的paradise jumbo!這個餐比想像中大份很多，真的是什麼也有一點，而且每一樣食物都不馬虎喔。尤其是這個香草肉眼扒，肉身鮮嫩可口，比起出面的扒房一點也不輸蝕。另外推薦加錢玩這個窩夫，因為窩夫入面很足料，而且個面皮脆卜卜，非常有口感。

上次同朋友食過呢一間覺得唔錯今次決定在同另一班朋友嚟食下 推介下畀佢哋餐廳位置非常方便太子站一出就係 大門口除咗擺放餐牌之外擺設咗好多好可愛嘅摩天輪裝飾 吸引人去欣賞餐廳內有大量同客人嘅即影即有相片 睇得出呢間餐廳著重同客人之間嘅互動 值得一讚我哋今日六點鐘去到已經有唔少客人入座晚餐除咗有set dinner之外 仲有好多散叫嘅菜式今次我哋叫左黑松露薯條 $43薯條粗身而炸得香脆 份量十足 岩哂成班朋友share食 配上香濃嘅黑松露醬 非常可口美式水牛城雞翼 $55水牛城雞翼最講求就係佢嘅醬汁 呢間餐廳嘅水牛城雞翼整得非常香脆之餘 佢嘅醬汁仲夠濃 每個部分都沾上佢香濃甜辣嘅醬汁 非常吸引！意式肉丸茄茸長通粉 $68肉丸再配上茄茸 絕對係perfect matchParadise jumbo $123材料包括西冷牛扒 炒蛋 煙肉 煙火腿 等等西冷牛扒 唔會過熟 唔會好韌 保留到肉汁之餘都唔嚡口 其他材料亦都好豐富 而且份量都好大份 仲包埋一塊香脆多士配士多啤梨醬同埋橙汁一杯 食完非常滿足蟹籽蟹棒忌廉意大利闊條麵 $73闊條麵再配上大量嘅蟹棒同蟹籽 幾乎每一條闊條麵都沾上 令到成道菜式口感

叫咗兩個set dinner, 一個係羊膝$198, 另一個係蟹肉蟹棒南瓜意大利飯$133.羊膝中規中舉, 肉質軟腍.至於risotto簡直可以話係難食. 一上枱見到個飯咁白又咁乾, 個心已經沉咗一半, 心諗中伏了. 首先蟹肉雖然預咗唔會多, 但實在少得可憐. 南瓜幾乎食唔出, 成個飯除咗蟹籽腥味之外完全冇味, 可以話同白飯差唔多. 極度懷疑佢哋係用水嚟煮意大利米而唔係用上湯, 因為啲飯真係完全冇味. 至於套餐嘅沙律普普通通, 餐湯係磨菇湯, 微暖唔夠熱. 是日甜品係藍莓雪糕, 食得出有藍莓果肉, 但太甜. 總括而言, 羊膝可以一試, risotto就真係永世難忘. 絕對係我一生人食過最難食嘅risotto. 

上星期睇完牙醫，經過呢一間餐廳就入咗去食晏。大約12:30其實未見人朝餐廳啱啱開。食物選擇方面有好多款揀，我揀咗個BBQ豬柳條，個餐廳湯我非常鍾意，唔係好水嘅蘑菇湯，淡淡蘑菇好滋味😋😋😋仲要餐飲有得送熱情果梳打，大熱天時飲的確十分涼快♥️

位於太子砵蘭街412號地舖的Cafe Paradise，主打精緻西餐及甜品。餐廳以黑色為主調，感覺型格浪漫，頗適合情侶約會吃晚餐。而且，每張桌子上都會放置一支水，供客人自由飲用，同時也減輕職員負擔，一舉兩得。除了可以點晚市套餐，也可以試試餐廳的All Day Menu，份量足夠又頗抵食。首先來到的是 All Day Breakfast - Paradise Energy，包括有炒蛋、煙火腿、煙肉、漢堡扒、直布羅陀腸、茄汁豆、薯餅、烤蕃茄、炒雜菌、田園沙津，還有一客多士配果醬。Paradise Energy的賣相豐富，碟子上盛滿了食物，新鮮熱辣，頗為吸引。個人最喜愛吃炒蛋，口感滑溜，不會炒得過熟而變老。薯餅炸得脆口，而且有兩大件。多士採用了雞蛋麵包，烘得脆口，可以塗上少許草莓口味的果醬。全日都供應的All Day Breakfast 系列還會包一杯橙汁，橙汁份量不算太大，但味道頗天然。順帶一提，雖然二人桌的桌面空間不算太寛闊，但餐廳職員頗為勤快，會定時定候把空盤子收走。朋友點了一客蟹籽蟹棒忌廉意大利寬條麵 - Carb Roe & Sticks with Cream Sauce。 蟹籽份

朋友特登走過來同我食晏，揀好咗食呢間咖啡店食晏時間呢間咖啡店都算多人喎，全場爆滿九成嚕。我哋兩個嗌咗兩個set既，一個全日早餐+一個「紅酒煮牛肋骨飯」然後配一杯熱檸水同埋橙汁!首先紅酒煮牛肋骨飯配南瓜湯跟餐不過碗湯略嫌太多粉開出黎個紅酒煮牛肋骨好快到左，味道就一般般，應該係煮起一大煲既，嗰汁太咸，好濃味，所以唔係好岩我口味至於個全日早餐雖然望落好okay，，，但其實味道好一般，，整體就普普通通啦！

Cafe Paradise 是一間很有格調的西餐廳 雖然舖位細又人多 但勝在服務周到又親切 小食來講我幾鍾意佢嗰個黑松露雲吞 濃厚嘅黑松露味再加creamy嘅口感 真係好想再食一次 但沙津要成78而菜得好小 稍微失望來到cafe paradise 梗係要嗌下佢哋嘅set dinner啦 頭盤係salad 就冇走㗎喇 我飲嗰個湯都幾好味 雖然係粟米火腿湯 但佢嘅味道係特別濃嘅 本身一直糾結於嗌rip eye 定豬手好 今次就試咗rip eye 佢塊扒都好大 而且入口即溶 不過見到隔離枱啲豬手好大嚿 下次都想試下佢 佢呢度嘅特飲都有好多款 不過我淨係揀咗朱古力沙冰 朱古力味夠晒濃 除咗沙冰仲可以試下其他花茶

入到餐廳，職員已安排好座位及打點好一切，坐下來喝杯水、開始點餐頭盤:蘑菇湯味道香濃，蘑菇補氣益胃，呢個湯營養豐富。主菜：法式鵝肝蒜香天使麵鵝肝可以再煎得香口啲、或者加一啲醬汁味道效果會更好，天使麵口感不錯、不過味道偏鹹，略減淡一點會更好。小食；蒜香牛油白酒煮蜆冇沙，非常乾淨，酒味濃郁 服務生人手充足，不過，經理態度有點差，說話有點令人銀耳，有什麼不喜歡或者不如意的事情也不應該破口大罵，坐着有其他客人，雖然客人沒有留意她的說話。但我希望佢會自己檢討下自己有咩問題⋯⋯衛生情況還可以，因為服務生清理枱也非常有效率。👍🏻#cafeParadise 2

呢間意大利餐廳好近太子地鐵站，基本上行1分鐘就到。一坐低叫咗個set，煙三文魚海蝦黑松露天使麵，個天使面煮得啱啱好，唔會太硬。個麵採用左鮮甜嘅配料，三文魚魚味香濃，顏色非常之漂亮，加咗啲百里香、可以去除三文魚嘅腥味，果然唔錯！想分享下其實煮意大利面都唔容易㗎！以我所知一定要係個過程入邊加入鹽，咁樣先可以保留到意大利麵嘅風味同埋彈性、而且唔可以將佢折斷，要水滾先可以放落鍋入邊、煮完之後自然攤凍就得啦！千祈唔可以沖冷水、所謂過冷河！配合意大利麵梗係要加橄欖油啦！有機會你地都自己試吓😎#cafeParadise