Cafe Paradise (砵蘭街) (已結業)

呢間意大利餐廳好近太子地鐵站，基本上行1分鐘就到。一坐低叫咗個set，煙三文魚海蝦黑松露天使麵，個天使面煮得啱啱好，唔會太硬。個麵採用左鮮甜嘅配料，三文魚魚味香濃，顏色非常之漂亮，加咗啲百里香、可以去除三文魚嘅腥味，果然唔錯！想分享下其實煮意大利面都唔容易㗎！以我所知一定要係個過程入邊加入鹽，咁樣先可以保留到意大利麵嘅風味同埋彈性、而且唔可以將佢折斷，要水滾先可以放落鍋入邊、煮完之後自然攤凍就得啦！千祈唔可以沖冷水、所謂過冷河！配合意大利麵梗係要加橄欖油啦！有機會你地都自己試吓😎#cafeParadise