Cafe Paradise (砵蘭街) (已結業)

今日出開太子，本身想食餃子但太多人放棄左，見到cafe paradise d lunch set 幾抵食，不妨一試Lunch set 跟餐湯同飲品，加$10就可以加配特飲，都幾抵食餐湯跟粟米白湯，有粟米粒咖<煙三文魚蜆肉羅勒茄茸意粉$72>煙三文魚蜆肉意粉配紅醬，紅醬酸酸地，幾開胃三文魚份量都唔少，蜆肉唔會有沙，價錢性價比都算高<紐西蘭一級西冷牛扒$89>牛扒叫咗五成熟，切落有少少血水，唔會太熟啱啱好薯角即炸熱辣辣好好味<焦糖鮮奶咖啡$35><玫瑰鮮奶咖啡$35>咖啡本身單買都30幾蚊杯㗎，但係跟餐加$10就有啦咖啡味都幾出，同出邊cafe 嘅質素差唔多

Enjoy a REAL Stone Grill 🥩🍴@Paradise..太子既西式平民小店，以Cafe 形式經營，質素確唔差，而且仲要係黃店💛 實屬難得。入內好多不同擺設，仲有個巨型旋轉木馬擺設、南瓜車、公仔，營造一個小小Paradise🎠。來吃個 Set Dinner🍽 打個卡吧。.llSoup of the Day、Garden Green Salad蘑菇餐湯🍄，濃濃blend碎既蘑菇蓉融入湯中，保留口感，仲有蒜蓉香，個湯真係有質素，我喜歡🖤。沙律菜🥗 又新鮮，配上芝麻醬，必勝既配搭。.ll $123Fettuccine with Mushroom & Black Truffle炒過既寬條麵，質感仍然保持煙韌。淡淡野菌松露香，但如果味道重一點會更好，沒汁效果 炒出既寬條麵很少見呢，可以一試。.l甜品、咖啡或茶]lComplimentary Regular Coffee or Tea甜品係雪糕球，曲奇口味，好正 透心涼呢。.______________________________Stone Grill Steak Menu有冇諗過Cafe 都有石燒牛❓呢個主意好新穎，當然要一

Cafe paradise {太子舒適Cafe☕️#黃店💛}呢間係黃店💛Cafe，裏面有好多pepe毛公仔🧸坐好耐員工亦都唔會催你走，同朋友撐枱腳啱晒，而且地理位置都好方便，太子站一出就係🥰.❣️紐西蘭西冷牛扒配意粉$89西冷大過隻手，仲要都幾厚，而且肉味好出😋.❣️卡邦尼意粉$65煙肉同蘑菇份量都好多，唔好睇佢好似好乾咁，佢個底好多cream㗎🍝.❣️芝士帆立貝$58超級大粒嘅帆立貝配上芝士同煙肉碎，呢個最有驚喜😝.📍 Cafe Paradise太子砵蘭街412號地舖

一間理想的咖啡店，應會給人寧靜休閒的感覺。不過香港地小人多，這類小店確實很難找到。所以當一次偶然的機會進入了這間餐廳後，我真的覺得自己不在香港！這間咖啡店在旺區較偏遠的位置，所以我想因為較難發現，所以不怕多人擁擠。店以木色作主體，讓我如自身於大自然中，找回咖啡室那種放鬆的感覺。除此以外，仔細觀察，店內的擺設會發現有許多驚喜。枱上放的畫並不是仿製品，而是看得出由真人所畫，獨一無二的作品。走廊旁的木櫃，則擺放了各類的書籍，讓人可以靜下來，一邊品咖啡，一邊看書，休閒的消磨時間。食物方面，選擇種類都很多，而且有素食選擇。我和朋友點了一份三文治，想不到份量大而且有添加薯片！三文治用紙精緻的包著，賣相吸引。而裏面的沙律菜和牛油果都很足料和新鮮，絕對是物有所值。另外，我們點了兩份蛋糕，我自己偏愛蜂蜜蛋糕，因為裏面添加了榖物粒，令人覺得有種特別可口的口感之餘，都比較健康。總括而然，我很喜歡這裏的環境，真的坐得很舒適，不怕嘈吵。同時，食物都相當有水準和有驚喜。我下次會再來！

琴日大食妹同朋友仔encore Cafe Paradise上次食左佢個All Day Breakfast就深深咁鍾意左呢間餐廳<Paradise Full>因為上一次已經食過Paradise Combo, 今次大食妹就睇下佢個Paradise Full係咪一樣咁正Full嘅份量同Combo係差不多嘅, 主要唔同係牛扒變左漢堡扒, 食材同樣多元化All Day Breakfast嘅前菜都係多士同士多啤梨果醬, 餐飲同樣係橙汁大食妹覺得Cafe Paradise最抵讃嘅地方係All Day Breakfast真係all day serving 嘅, 而且唔會因為係dinner要暗地提高價位<石燒美國頂級穀飼牛肩胛肉眼扒>而朋友仔就嗌咗份石燒美國頂級穀飼牛肩胛肉眼扒雖然價錢非常優惠, 但牛扒都幾大塊而且厚身, 一啲都冇偷工減料牛肩胛肉眼扒肉質偏瘦, 減緊肥嘅朋友都可以食加30蚊仲可以轉套餐, 跟埋佢嘅餐湯、餐飲、沙律同甜品沙律好新鮮餐湯係蘑菇湯, 菇味好突出甜品係豆腐雪糕而餐飲方面, 我哋就揀咗凍檸茶

今日係我同男朋友嘅求婚紀念日，book咗一間太子嘅西餐廳慶祝。夜晚八點幾入到去全屋滿座，好熱鬧。疫情期間餐廳嘅設施都做得好好，間隔板好足夠，每一個枱都感覺好安全。餐廳有提供一set set嘅晚餐，包沙律、餐湯、主菜、甜品同飲品，啱晒我哋呢啲唔鍾意自己選擇太多嘅人。我哋叫咗一人一個餐～沙律好新鮮冰冰凍凍，而且份量都好多，甘筍南瓜湯都要讚一讚，雖然係跟餐嘅餐湯，但係感覺好足料，南瓜味好濃，口感濃厚。我同男朋友都好鍾意食黑松露嘅味道，見到有呢個黑松露寬條麵即刻嗌嚟試吓啦。呢一款煮法比較乾身，但係亦可以做到濃濃嘅黑松露味，而且材料都好夠，野菌嘅份量都好多。脆皮豬手做到個皮真係可以好脆，點埋佢提供嘅醬汁好好食。而且切開嚟食每人都有五六件，好夠食，好飽肚。伴碟方面，佢有薯蓉、烤菠蘿，同埋烤翠玉瓜，亦都唔錯，幾有誠意。最後跟餐甜品今日係豆腐雪糕。喺大雨之中，在這裡享用咗我哋今日嘅幸福晚餐。餐廳位置都好容易搵，係街頭第二間就係啦。

今日同朋友嚟太子行街，見到呢間Cafe 好多人幫襯，所以我哋都試吓。我哋兩個人叫咗兩個set，一個係蒲燒原條鰻魚飯，令一個係all day breakfast: Paradise Energy。個鰻魚飯賣相好靚，好厚肉，分量十足，基本上食完條鰻魚我都已經覺得好飽，下次我都會再叫過，因為唔係度度嘅鰻魚飯都係咁好味。朋友叫咗個all day breakfast, 質素都唔差，特別係個滑蛋同埋bacon 都整得好好味。餐飲方面朋友叫咗一杯薄荷朱古力咖啡，薄荷味香濃得來又唔會冇咗啲朱古力味，佢好滿意。下次我就唔叫細橙汁會轉飲特飲，試吓佢其他特飲係咪都一樣好味。

今日經過太子見到有間Cafe都幾抵食 同埋入面嘅顧客幾多所以就入去試吓 💭一嚟到兩個餐都有一個餐湯係蘑菇湯嚟嘅見到入邊有啲茹溶應該係新鮮蘑菇打爛整成🍄🍄紐西蘭一級西冷牛扒 薯菜$89🥩🥔牛扒大塊肉質都淋 呢個價錢來講唔算貴自己超級市場買分分鐘都要 最值得一讚係佢嘅薯角 炸到好香脆 咬落去好似食緊薯片咁 入面就有薯仔嘅香味 一定要試吓飲品就加$10叫咗個榛子咖啡☕️由於榛子咖啡嘅甜度係固定嘅所以冇得叫少甜但係嚟到都唔會太甜 注重健康朋友可能好開心了紅酒牛肋條配飯🥩食落去佢嘅汁幾特別有少少紅酒嘅香味 肉質就比較似牛腩 少少肥少少瘦質感幾好 佢嘅紅酒汁配飯食都幾開胃㗎總括嚟講呢間咖啡店食西餐好適合同朋友嚟食個晏傾吓計坐下👍🏻😉

今日又黎支持黃店💛深水埗太子一帶其實黃店選擇都好多，今日就揀左喺太子黨鐵站出口附近既Cafe paradise餐廳主打係西餐，但估唔到都有近年勁hit 既鐵板牛排，而且價錢仲幾抵添！美國頂級穀飼牛肩胛肉眼扒 $78 (200g)加$30 升級套餐（包餐湯、沙律、甜品、飲品）即係$108 就有成份牛扒set!餐湯係蘑菇湯，蘑菇味濃而且都幾大碗沙律就係簡單既胡麻醬沙律。牛扒都幾大件，如果可以配個白飯就正，不過就可能同西餐唔夾！牛扒肉味唔算濃，但口感唔錯，而且煎香兩邊後食真係唔錯。最後有甜品係雪糕，味道竟然唔係平時hea 到爆既雲呢拿，而且豆腐味！豆腐味香濃，口感滑，正！

1️⃣「卡邦尼意大利粉🍝($65)」-食落有芝士香味🧀煙肉香口唔死鹹🥓意粉超掛汁The spaghetti carbonara ($65) is creamy and cheesy. The sauce is rich and yummy. I love those sliced bacons!-2️⃣「美式水牛城雞翼🐔🐃 ($55)」-大推薦👍🏻雞翼巨型到一隻頂兩隻🤩！熱辣辣又香脆 配埋微辣配酸甜醬汁冇得頂❤️The Buffalo chicken wings ($55) is scrumptious! Their size is extremely large👍🏻It is crunchy and appetising with Buffalo sauce.-3️⃣ 「薄荷朱古力(熱)🌱🍫($35)」-第一次飲熱薄荷朱古力😳 飲落薄荷同朱古力味平衡得幾好 唔會好甜The hot peppermint chocolate is delicious. The peppermint makes it fresher.-4️⃣ 「朱古力心太軟🍫($48)」-係西餐必備甜品👻 個人鍾意苦朱古力覺得食落有d甜

五時到達該店，餐廳內只有一枱客，相信沒有很多人在這段時間食晚餐罷，可能係討厭有客到，所以要對客人黑面，阻住各員工吹水，又要我們坐門口位，冷氣不到的位置。要求換位被嘲諷，説另外那邊冷氣好凍個喎！唔想做生意可以關門，開門在生意又要串客。換佐枱後才下單，不明白點解出餐又出錯枱，侍應似游魂，要我們提醒才知道。食物水凖倒是不錯！之前去過舊界限街舖，服務及食物水準很好，希望老闆你注意一下現在的服務，眼前經濟下滑，失一個各少一個客。

太子一向都隱藏住好多cafe,自已亦有個cafe list一直遲遲未去打卡,今日啱啱好約左個朋友黎到太子去試下呢間於亂世中仍然保持信念既cafe.lunch set既餐湯係忌廉蘑菇湯,每啖都食到好多蘑菇粒而且菌味又多香,忌廉湯夠晒滑.蟹籽帆立貝龍蝦汁燴意大利飯,飯面上超多蟹籽,蟹籽多到傾瀉,同意大利飯拌匀後每一啖都食到滿滿蟹籽粒係口中爆開後流出既新鮮海洋味,夠晒鮮甜.意大利飯煮得唔會過糊口感帶點煙韌感及淡淡龍蝦湯味.美國頂級穀餘飼牛肩胛肉眼扒先係廚房內輕輕燒好肉眼扒既外層再放上熱好既熱石上由客人按自已既喜好去燒熟.牛肩胛好厚身,切開內裏既牛質粉嫩又唔會好肥,燒到大概5成熟後入口嫩滑又不失牛扒既嚼勁.雖然唔多脂肪但肉味夠香.美國頂級穀餘飼牛肩胛肉眼扒再另加$30有齊一個set包晒沙律,餐湯,薯菜,飲品同甜品真係好抵.甜品既雪糕係乳酪雪糕,乳酪陣酸酸甜甜既口味剛好化解左頭先牛扒陣肥膩感,清新一下口腔.黑朱古力沙冰啱晒咁悶熱既天氣,朱古力味香得黎又唔會甜,正正食得出朱古力本身陣甘香既可可味.

Cafe Paradise - 豪華版全日早餐早前試過了在杏花邨的分店，食物款式多，包括日式、西式，也有跟貼潮流的石燒牛系列，也有提供high tea的花茶等，最重要是價錢經濟實惠，性價比高，今天出沒了在旺角太子，一於試試另一分店。Paradise Jumbo非常豐富的全日早餐系列，分為四個級別，有Energy, Full 同 Jumbo. 還有素食Vegetarians的選擇，難得來了，當然選擇珍寶的級別，是試過全日早餐以來最多款的一次，滿足得很。當中最鐘意就是可以按自己喜好把不同的食材配搭一起吃。全日早餐系列還配有橙汁。是日蛋糕餐廳提供多款蛋糕選擇，這次選了特濃朱古力，朱古力味很夠，忌廉感也十足。

每次經過太子站附近，都鍾意佢依一間小店食嘢，因為佢價錢實惠，份量又大，見佢由最初開，到而家五時有人排隊，都覺得用心做，就自然有人賞識　。今日點左個紅酒燴牛肋條牛肋條份量其實夠兩個細食嘅人食仲有餐湯同嘢飲另外點咗紐西蘭I級西冷牛扒配薯菜件牛扒長過手掌，唔使$100嘅牛扒佢個質素都算好唔錯。應該見到好多人都有掂佢個全日早餐，非常豐富嘅擺盤，雖然有好多人食，但係店家冇趕人走嘅情況，大家坐低舒舒服服傾吓計食下野。

聽朋友講呢度好多後生仔等排隊，既然朋友約我係度食lunch 就即管試下。入到餐廳夥記便會安排你坐位，剛剛有二人位空出，夥記便示意我們坐下去。兩個人一樣點了紐西蘭一級西冷牛扒。這裏不是舊式扒房不會喺你面前淋汁上扒。西冷扒帶少許脂肪的部位，脂肪比例均匀分佈，煎出來帶油脂香和肉味濃郁，入口即化，令人你帶來嶄新牛扒滋味。馬鈴薯，蘸上醬汁，加入黑胡椒碎，風味獨特。炎炎夏日走進茶餐廳，當然想要嘆杯凍檸茶消暑解渴。午市值得推介。