Cafe Paradise (砵蘭街) (已結業)

這日嚟到這間太子cafe晚餐，我哋六點嚟到，但係亦都有好多客人。坐低左之後，見到旁邊的一台顧客食緊石燒牛扒，好吸引！見到餐單，嘩！幾抵喎！最平七十幾幾蚊？！我哋點左一份牛扒，加$30去咗一個餐。另外，見到OpenRice 好多人都有話呢度嘅all day breakfast 好味，我哋都叫咗一個素食all day breakfast ☀️先來餐湯：蟹肉南瓜忌廉湯。呢個湯絕不馬虎，好滑，味道恰到好處，完全感覺到南瓜香甜，亦有絲絲嘅蟹肉沙律菜好清新，醬汁適中，酸酸地好開胃牛扒一想到枱好吸引！熱石令到佢「沙沙聲」，香氣洋溢。另外都估唔到佢原來都好大塊客人想食生定係熟啲，亦都睇下自己煎牛扒嘅功力喇。All day breakfast 唔錯，特別喜愛炒蛋香滑，果醬多士都幾好味，蜜糖粟米上枱嘅時候仲係好熱，味道香甜：薯餅有兩大大塊，都好香脆餐飲我哋點左橙汁同埋熱奶茶，都OK。另外有一個跟餐嘅甜品，係芝麻雪糕，味道香濃，好味！餐廳客人源源不絕，相信有好多熟客。今晚晚餐感覺滿足，下次約朋友再嚟

知道這間店食西餐是ok既好耐，但都未試，昨放工去買兩個飯盒返去食，6點多，店內已坐了8成枱，見外賣有8折，有些飯盒優惠，50蚊，連罐裝汽水，我揀了卡邦尼意粉，焗南瓜海鮮飯，打算飯和意粉兩樣都試下😃我行入去買外賣，見客人的在枱上的菜色都好吸引，都有些期待飯盒啊😂，返到去個意粉好creamy, 好食😊, 個飯就只有飯，魷魚，南瓜和蘑菇😑，海鮮飯就是這樣😪，飯不太好食，南瓜一般，魷魚和蘑菇都很淡😖，或者堂食質素較好吧

大概6點15前已經到，竟然都坐咗好多人！！佢超近太子地鐵站，轉個彎就到十分重要方便👍🏼👍🏼石燒牛肩胛200g +30(套餐)性價比高！78蚊已經有扒食，有薯角食👍🏼套餐佢包一個沙律一碗湯！好好飲個湯係薯仔忌廉湯，有一粒粒嘅薯仔喺入面有咬口！！沙律個sauce就比較鹹，個菜十分新鮮☺️個扒我地放咗係石燒太耐🤣🤣變咗10成熟🙈好彩一開頭都有試過5成嘅滋味！佢肥肉好正！！滿口油脂同瘦肉夾一起，正！上碟嘅時候，仲係生，跟住睇住佢慢慢熟🤣不過鼓勵大家唔會放太耐！！塊熱石好勁，熱力保存得太好！黑松露薯條 $43新鮮熱辣出爐嘅薯條係最好食，食得出佢啱啱整哂！大家分享就好開心，佢分量都幾多！煙三文魚蜆肉天使麵 $75正！！好好食！成件事好夾！！特別蜆肉好新鮮，唔似係冰鮮！蜆肉味都入咗意粉到！！highly recommend~~相對起出面普通Cafe，佢份量好多！忌廉曲奇咖啡沙冰原價$42但係我哋跟餐就加$15就有！好抵，超大杯，仲要唔算好甜！！咖啡味偏重！

Paradise Jumbo $128個all day breakfast賣相超豐富有西冷牛扒🥩、炒蛋、火腿🥓、薯餅、炒雜菇、煙三文魚、蕃茄🍅、腸仔、茄汁豆、沙律菜🥗、粟米🌽另外仲有跟多士配果jam西冷牛扒煎得啱啱好 唔會太乾身蕃茄係有煎過 薯餅係即炸好脆口幾好食份量真係好大份 食完已經飽左😂仲有跟一杯飲品 幾抵食龍蝦汁海鮮意大利飯 $138有青口、帶子同蝦一入口好creamy 啖啖都充滿龍蝦湯嘅味不過食食下會覺得有啲寡 呢個dinner set有包飲品同甜品 甜品係芝麻雪糕🍦

好耐以前食過呢間，舊地重遊返黎，見到佢出左石燒牛，梗係要試試佢🤪「美國頂級穀飼牛肩胛肉眼扒」$78呢個價就有200g ， 真心覺得抵食，額外加$30就有套餐，餐湯，沙律，甜品，飲品。正常都會加埋套餐既。塊扒🥩仲有跟粗薯條🍟 喜出望外，晚餐食牛咁既價，仲有得玩下石燒，重點係塊牛都唔差，有牛味，少筋。「蟹籽蟹棒忌廉意大利寬條麵 」$75大量蟹籽舖面令人心情愉悅，歡暢，忌廉汁量好多，但略嫌太稀，太甜，寬條麵唔係我想像中既果種粗寬條，不過麵既質地幾好，個價格都抵食。

今次同朋友去左地點好方便嘅café paradise。估唔到tea time鋪頭出面都仲有唔少人等緊位。店員做野都快手，客人比較多，反應都好快。全部枱都已經有彩色隔板隔開，感覺防疫之餘，仲多左D私人空間～食物都好多選擇，小食，扒餐，沙律，意粉等等都有。我就叫左個All day Breakfast-- Paradise Jumbo超級豐富。好大份，隻碟放低已經用左半張枱。多士同jam另上。多士細細塊，烘得啱啱好。面頭好脆，搣開好軟熟。jam嘅味道似雜莓又似士多啤莉，好結身，好香果味，仲唔會太甜。仲有牛小扒，煙三文魚，煙肉，沙律，雜菌，薯餅等等。 牛小扒有少少筋同脂肪，食落都唔錯好韌或者太實肉。茄汁豆，粟米，薯餅，煙三文魚，火腿，腸味道正常，唔錯。煙肉煎得夠香，雜菌都幾多，唔只係得一種菇,，好食。而炒蛋偏挺身，整體不算重味。沙律菜新鮮爽脆，食完肉類可以refresh下。飲品原先跟一杯橙汁，加$15轉Iced Cappuccino。Iced Cappuccino都幾香，泡好細，咖啡都好幼滑。絕對會返轉頭再食過！

星期六相約左好耐冇見嘅朋友一齊tea time。餐廳裝潢簡約，座位位置靠兩邊，有足夠空間。食物其中叫左一個兩件石燒羊架扒餐，加左$30，連埋餐湯，沙律，甜品同飲品。甜品係雪糕，加左$25要心太軟。飲品叫左軟綿綿朱古力(+$15)。扒餐一上菜睇見羊架D油脂燒到卜卜聲，不斷冒煙，石頭溫度好夠。羊架肉質嫰滑。油脂足夠，好香，冇羶味。扒餐跟埋薯角，份量都多，炸起冇耐，仲係熱辣辣。汁方面扒跟左蒜汁，燒烤汁，店員細心提醒唔好淋D汁落石板。而薯角跟茄汁。醬汁比得好充足，唔會唔夠點，值得一讃！小食叫左一個黑松露薯條，跟黑松露同茄醬。食過唔少次黑松露薯條，Cafe Paradise佢地嘅黑松露薯條係性價比最高。一黎份量多，係一般嘅1.5到兩倍；二黎黎黑松露醬比得好多，咁大份都夠哂點。仲係熱辣辣，新鮮炸起嘅粗薯！甜品方面，心太軟跟一個雪糕球，心太軟上到碟仲熱熱地，面頭脆脆地，裹面係幼滑嘅朱古力流心，超好食。而飲品軟綿綿朱古力好香濃，綿花糖溶左再幼好香甜。Cafe Paradise性價比真係好高，值得一試再試。

放工嚟到太子食晚餐，揀左小清新cafe paradise🤩 好彩早嚟冇咁多人咋😜大家記得要bk呀😛.我哋叫左個jumbo all day breakfast 🍳 佢有件西冷、腸、煙三文魚等配料，仲有多士同橙汁添🥰 多士幾脆口，加埋蛋一齊食更正😮 另外個西冷又幾好食，有口感得嚟亦唔會話太腍太硬！個炒菇菇都好香，亦可以配埋多士食💕 仲有脆卜卜薯餅，超中意😜 橙汁就甜d🤨.另外點左個dinner set係羊膝😌 好鬼大舊呀！整得好腍，入口即化咁濟👏🏻配菜有d燈籠椒，都幾爽甜🍽🍽.甜品叫左心太軟😍 朱古力味好濃，亦都幾夠流心，配雪糕就剛好啦☺️☺️

今日去開太子食tea，個邊都有好多cafe ，今次竟然比我搵到間cp值奇高，人均唔洗$100既cafe! 呢間好近地鐵站，地點方便，人流都眾多！入面座位好多，所以等侯時間唔會好耐。我地兩個叫左兩份tea set! 佢價錢一啲都唔貴，set連埋特飲加$15，所以好抵叫！點了黑松露野菌意大利飯，上碟好有驚喜，估唔到份量咁多，香味濃郁既黑松露，沾滿整個意大利飯，飯熟成度剛好，粒粒分明，絕對抵食！另外點了all day breakfast (純素),想食返清淡啲中和返，薯餅新鮮整起，好香口熱辣辣！推介特飲chocolate paradise ，濃厚凍忌廉朱古力，係朱古力迷必試！同曲奇咖啡沙冰，飲品大大杯，好似食緊Oreo咁，埋單都唔洗兩舊水，係太子窮人恩物，抵食！

水蜜桃🍑花茶值得一試，香氣十足，味道香甜，本來不太喜歡水蜜桃口味嘅飲品，但呢個有驚喜。原條鰻魚飯好味，以原條鰻魚嚟講呢個價錢唔算貴。有送一碗湯，但對我嚟講個湯同鰻魚有啲鹹，同埋飯有少少硬。店舖容易搵，幾就腳，喺太子站D出口隔離。環境幾好，2個人一張檯，因為加左隔板感覺有少少狹窄，但cafe環境都安靜，幾適合同朋友一齊一邊食嘢一邊傾計。如果再去開附近或者再有機會約朋友去呢度會想再試埋其他幾種花茶。👍🏻👍🏻👍🏻

太子如果想要間高質西餐黃店💛我十分喜歡呢間，而且價錢有質素之餘又唔太貴，可以再次一戰💖餐廳內環境偏黑，比較有格調，適合情侶拍拖，較有氣氛💑店內有set和單點前菜: 田園沙律🥗麻醬汁沙律🥗十分fresh，加上粟米甜味🌽開胃不錯👌紫薯湯💜呢個真心驚喜😍紫薯味十分重和味，還有幾舊紫薯在內，好creamy和滑🤩十分推薦酥炸軟殼蟹龍蝦汁意大利粉🦞🦀原配天使麵，可轉意粉🍝軟殼蟹超大🦀橫跨整個碟，十分惹味而且龍蝦汁香濃😍超好食👍🏻最重要只係$98，真係好抵龍蝦汁十分掛麵，每條意粉都吸盡精華額外有少量蜆肉😇讚👍🏻呢個角度好大隻🦀💛士多啤梨🍓雪芭🍦好滿足夜晚經常爆場

估唔到係旺角砵蘭街呢個咁多大排檔同望落咁「雜」既地方，竟然有間咁靚既西餐廳！呢間cafe paradise係旺角站D出口一出就係！入面長期都坐爆晒人，睇黎都好受歡迎。今次我就同朋友各叫左一個set dinner，價錢都可接受，唔太貴。前菜田園沙律不過不失，都係沙律菜配上芝麻醬。今日餐湯係蕃茄忌廉湯，食得出有蕃茄蓉，好香蕃茄甜味，唔錯！黑松露薯條，炸得極脆，脆到連叉有時都吉唔入，唯有用手食，卜卜脆配上黑松露醬或勁甜既蕃茄醬，好出色，食到停唔到口！西西里茄茸煙肉三文魚意大利飯，茄味好甜好出，飯粒口感軟硬適中，三文魚份量亦好多。三文魚扒配菠蘿橙酒汁，呢個汁真係要讚，好清新、酸酸甜甜咁好開胃。三文魚扒肉質都唔錯，唔會散亦夠實，配上個汁勁match，美中不足就係個三文魚扒本身調味唔係好足，無汁就味道唔太出。配菜紫薯蓉亦要讚，打得好「蓉」，好甜，唔錯！最後仲有甜品抹茶雪糕，完結呢個滿足既晚餐！呢間餐廳好多菜色都有用到蕃茄，而且用得好出色，大家一定要試！

復活節前，同朋友去到太子，黎到呢間黃店食飯！我哋每人叫咗一個餐，然後大家share。我就叫咗個香蒜芝士焗龍蝦配頂級牛小排，朋友就叫左個鐵板牛肩胛骨肉眼排。每個餐都有跟set salad，湯，飲品同甜品！個沙律幾清甜，餐廳有落胡麻醬酸酸地幾開胃！個湯有南瓜同龍蝦味道，都幾濃幾好味！主菜方面，我個龍蝦都幾多肉而且幾新鮮，佢個牛肉質幾鮮嫩而且一d都唔硬，我在擺係朋友個鐵板整熱佢即刻食好正！朋友個鐵板都唔錯，自己燒同埋佢有幾個汁比我哋點，我最鍾意個蒜蓉汁！呢個set性價比都幾高，佢個牛都幾有牛味，呢個價錢有鐵板食真係好抵，仲配埋薯角！最後佢有個甜品，係芒果sorbet，有清甜芒果味，食落去味道一d都唔假，幾正！

太子站（好似係b2出口）向右行幾分鐘已經到餐廳，位置好方便。復活節假期同友人去食好西慶祝下，叫左好多野食丫。我地叫左1. 蟹子蟹棒忌廉意大利闊條麵 （75蚊）2. 辣辣 芝麻雞翼（52蚊）3.蒜香牛油白酒煮蜆 （55蚊）4. 黑松露薯條 （43蚊）😂😂😂 兩條友嚟講都幾多餐廳定價唔貴，最重要係佢小食嘅質素幾高。 蒜香牛油白酒煮蜆好香！啲蜆一啲都唔霉唔細隻，份量仲好多。如果有杯酒就更perfect😍辣辣芝麻雞翼皮脆肉嫩！仲有少少bb辣味, 唔食得辣嘅我都食到。黑松露薯條都係即叫即整嘅感覺，薯條熱辣辣，面頭脆，入面係熱辣辣嘅薯蓉。加埋啲松露醬，簡直係正！呢三樣小食都好送啤酒，如果有杯啤酒就完美了😂蟹子蟹棒忌廉意大利闊條麵啲忌廉汁好creamy, 蟹籽同蟹柳嘅份量都好多。

連假繼續食黃店！今日就嚟到太子嘅cafe paradise😜 set menu 價格正常，都幾多元化👏🏻.我哋叫左個羊膝dinner set😍 先上龍蝦湯，幾濃味的。 另外有個salad, 沙灘菜都爽脆嘅🥳.主角羊膝到啦，好大舊下！一切就知d肉好腍，羊騷味正常😛 配菜有d菠蘿同燈籠椒，可以中和下肉膩感🤩.另外叫埋all day breakfast jumbo🤪 先上多士同橙汁👍🏻 Jumbo入面有埋西冷，所以真係超豐富！特別喜歡個滑蛋，好滑架😛.Dessert轉左心太軟，都幾流心的🥰🥰