Cafe Paradise (砵蘭街) (已結業)

大熱天時，在太子行街，想找間坐得舒適d嘅餐廳，行過見到<Cafe Paradise>嘅西餐廳，門口menu都有幾多選擇，價格又吾貴，當然要試下啦！！～午餐都有好多選擇，牛扒、意粉、意大利飯、沙律、石燒牛扒、all day breakfast 等等。Set lunch仲包是日餐湯同飲品添！！～跟套餐仲可以加$10轉特飲，而且飲品種類都有好多選擇。先來餐湯，是煙肉蘑菇忌廉湯，湯嘅味道非常之濃郁，入口有淡淡嘅煙肉，而且仲好creamy!!<牛肝菌汁三文魚蜆肉意大利飯>意大利飯入口相當creamy, 有啖啖蜆肉同三文魚，材料都幾豐富，個汁同味道都好濃郁，而且仲非常惹味，非常驚喜!!<6分厚切西冷牛扒配燒汁>西冷牛扒份量好足，煎得好香，外面油脂微脆帶軟，牛扒肉質夠嫰，煎得剛剛好，完全不會過老，入口亦帶有肉汁，非常好食。另外值得一讚嘅係，呢道嘅薯角都炸得非常出色，微脆而帶點兒牛肉香味，絕對係必食之選!!<凍玫瑰鮮奶咖啡>有淡淡玫瑰味道嘅咖啡，都幾特別吖!!<芒果沙冰>芒果味好濃好好味，仲非常大杯，絕對要試吖!!餐廳午餐

喺太子砵蘭街經過呢間餐廳，見到啲宣傳廣告牌有平民價嘅stone grill，好有興趣，因為最初香港嘅Stone grill餐廳係喺尖沙咀某大商場裏面，好貴！入到餐廳裏面，睇咗menu之後，就叫咗一個stone grill套餐－石燒法式羊架(2 bones)，有紫薯忌廉湯、沙律🥗、兩塊羊架、一杯餐飲(冷熱同價)+甜品。紫薯忌廉湯好味道，有晒薯仔嘅質感同埋紫薯嘅甜味。沙律份量唔多，但係都幾新鮮。石燒羊架熱辣辣上枱放喺我面前，因為有塊熱辣辣嘅石代替左普通嘅碟，所以我可以慢慢享受呢兩塊羊架，每啖切細嘅羊放入口時仲係好熱辣辣，非常正😋。想講意外驚喜就係個炸薯條，每件薯條又大又好味道！我叫咗一杯齋啡，見到甜品係一個圓咕碌嘅士多啤梨雪糕球，諗起台灣食過雪糕咖啡所以就將個雪糕放入齋啡裏面，效果出奇咁好！咖啡有士多啤梨嘅酸甜味之外，仲有香香地嘅咖啡味！

真心好底食，性價比高。環境ok, 服務態度一流，很細心。我叫左份200 克牛扒先$78大元，有湯有沙律, 加杯紅酒🍷只需$40。好超值！甜品我轉左心太軟，水準不錯。會再去

今日放工又同朋友仔去左太子搵食，經上網資料搜集後，見到呢間餐廳爆多like，出品應該唔錯！又有機會同朋友仔黎試下😋😋😋餐牌有好多款式，有多款主菜，意大利飯，意粉同小食供應👍🏻👍🏻👍🏻見到有晚市套餐是最好不過，岩哂有選擇困難症嘅我！巴黎式紅酒慢煮紐西蘭羊膝$208送到黎見到大大隻羊膝，份量大得驚人，羊膝肉質鮮嫩，好juicy，又唔會太重羶味，配埋蒜蓉汁一齊食好match！龍蝦汁海鮮意大利飯$138非常真材實料，有多款海鮮，包括：蝦，青口，帶子，仲有蜆肉，甚為豐富！意大利飯配上濃濃的龍蝦汁，味道鮮味得很，呢個價錢非常之抵食！甜品方面，套餐是跟益利多味雪糕，味道非常清新，質地似雪葩，十分透心涼！另外加了$25點了朱古力心太軟，外脆內軟，中間嘅朱古力醬相當流心，再加埋雲呢拿雪糕一齊食成件事好perfect!

好多人等位！好多人等位！好多人等位！唔寫咁多，介紹值得最介紹的：📍石燒紐西蘭牛柳（$120）。好肉，好肉，無論肉質、肉味和肉汁都屬高質。其實不用點醬汁（雖然佢比左三款），仲有薯角仔，正！📍 藍莓芝士蛋糕和檸檬撻，一個係跟餐，一個係外加的！一上枱，嘩了一聲，同步拿出手機打卡。花C9和柚子畫到咁靚，好犯規。📍素野菌黑松露炒意大利闊條麵（$123）跟餐有沙律、餐湯、甜品和餐飲。

今日去咗太子附近搵嘢食見到有呢一間感覺不錯嘅cafe，門口有個旋轉木馬嘅裝飾，都幾靚。而喺門口見到啲set dinner都不太過貴百零二百蚊一個。入到去個menu中多選擇，除咗set dinner普通嘅意粉啦飯呀各樣都有...咁最後叫咗個半分香蒜芝士焗龍蝦拼頂級牛小排,睇個名都覺得唔錯,價錢都不算太貴$258,同埋加多15蚊轉做特飲,就叫咗個薄荷朱古力,呢個餐仲有個餐湯同埋一個田園沙律仲有是日甜品，跟住再嗌多個美國頂級穀飼牛肩胛肉眼扒，超抵食78蚊有200 g，加多30蚊就可以叫做套餐都係有餐湯沙律甜品同埋飲品。一上個湯好香原來係忌廉龍蝦湯，個湯好或好用仲有少少龍蝦肉在裏面。之後到上主菜我就食呢就係食呢個78蚊嘅扒，上既呢係一種鐵板，雖然叫做五成但都要速戰速決如果唔係就變全熟。口感比出面一啲專業食牛扒餐廳還要好，78蚊呢個價錢真係超級抵食。跟住就試下今晚嘅焦點龍蝦配牛小排,芝士龍蝦啖啖肉，而且芝味十足，牛小排肉質鮮嫩，幾有牛味，，正呀，跟住飲品凍檸水同埋薄荷朱古力都不錯，甜品係抹茶雪糕，今餐真係非常之好食。下次就等我返嚟再試下呢嗰啲飯同麵。

放假約了男朋友他找到了這一間 — Cafe Paradise 感覺不錯於是便來了一起試試龍蝦忌廉湯喝下去口感軟綿細滑帶陣陣的龍蝦香味 不錯不錯田園沙律有沙律菜、蕃茄和粟米等淋上芝麻醬 味道十分夾龍蝦汁海鮮燴意大利飯海鮮有青口 蝦 帶子和滿滿的蜆肉 用料十足底下的意大利飯以龍蝦汁作為調味還有洋蔥粒和蒜粒 吃下去很香 味道不錯 石燒紐西蘭牛柳熱辣辣的石燒笑得牛柳咋渣聲一想枱已經覺得很吸引牛肉是生的 熟度可按自己喜愛的口味熱燒牛柳大大塊 點上牛肉燒汁或蒜蓉燒汁 好味道心太軟心太軟入口還是暖暖的中間是朱古力流心 吃下去十分滿足旁邊的朱古力雪糕帶有朱古力碎 口感不錯藍莓芝士蛋糕芝士蛋糕面上一陣薄薄的藍莓配上底下芝士味香濃的蛋糕荔枝沙冰荔枝沙冰味道不會太甜帶奶香 軟綿綿的質感 正凍檸水

今日朋友嚟到太子行街，一出地鐵站就見到呢間餐廳，見到環境都唔錯，近近地食個set lunch！同朋友叫左墨西哥瘋狂辣肉醬意大利寬條麵（$72），配柚子梳打特飲，附送餐湯。另外有見到個stone grill steak系列，最平$78有石燒牛扒，性價平高，加$30可以轉set（餐湯、沙律、甜品、飲品）。本人平日食牛扒都鍾意食肉眼扒，鍾意佢油脂比較豐富，食落肉質比較嫩，所以叫左牛肩胛肉眼轉set。首先送上枱的係餐湯，餐湯係栗米濃湯，味道好香濃，仲有粒粒粟米係入邊！主菜墨西哥瘋狂辣肉醬意大利寬條麵賣相好吸引，寬條麵軟硬適中，配上微辣的肉醬汁，酸酸辣辣味道相當開胃，醬汁嘅辣度係可以選擇，我同朋友選擇咗小辣，我食得辣都會覺得有稍稍辣，所以唔食得辣嘅朋友要注意⚠️另外石燒牛扒賣相非常吸引，燒熱嘅石頭上面有微生的肉眼扒，可以根據自己嘅口味煎到幾多成熟，另外配上兩個醬汁，有燒汁同埋蒜蓉汁，仲有小配角：薯角，薯角炸到常酥脆，就咁單食都好好食！整體而言呢度環境唔錯，set menu 成價比都高，地點方面都好近地鐵站，如果經過太子都可以過嚟試一試！

近年太子深水埗都開左唔少新cafe之前行入基隆街買水餃經過見到呢間好多人等位今日放工一於約埋朋友黎試一試🤓🌟Stone Grill 美國頂級穀飼牛肩胛肉眼扒餐（$108）嗰肉眼扒餐真係抵食之選🤩有得玩又有得食 生牛肉上枱 可以自己控制幾成熟而且牛扒質素對得住價錢有少少筋 不過煎到熟曬都唔會靭燒好嘅牛肉可以點蒜蓉汁同燒汁個人推介嗰蒜蓉汁因為蒜味比平時食嘅蒜蓉汁更香跟餐仲有是日餐湯、沙律、薯角同甜品是日餐湯係龍蝦湯要讚吓呢度龍蝦湯好足料 唔係搵粉溝出黎最正嘅係飲落去啖啖都有龍蝦肉薯角係新鮮炸出嚟非常脆口🌟蟹籽蟹棒忌廉意大利寬條麵（$75)蟹籽山打卡一流✨忌廉汁充滿蟹棒嘅鮮甜味撈起上嚟意粉好掛汁而且啖啖都食到卜卜脆嘅蟹籽成個意粉真係好有日本feel🌟煙肉芝士焗帆立貝（$58）本身諗住叫truffle fries 不過見牛扒餐有薯角梗係叫其他野食😌帆立貝比想像中大 仲充滿牛油香芝士邊同煙肉都焗到香脆邪惡得嚟夠晒惹味-服務員好細心 見我哋叫左幾樣野話牛扒嗰盤有啲大會坐得好逼主動拍多一張枱俾我地😚依啲小細節位真係非常加分👍🏻

太子不嬲都好多唔同類型嘅Cafe今次試吓呢間門面雖然細細地但係俾人感覺好溫暖同舒服餐牌嘅選擇非常之多除咗有散叫之外仲會有套餐除咗主菜之外仲會包餐湯沙律同埋甜品而佢都另外有個Menu係主打食扒嘅On top再加$30就可以轉做套餐沙律配搭日式麻醬味道好開胃而餐湯就係忌廉龍蝦湯仲有啲龍蝦肉喺入邊增加當中嘅口感叫咗個美國頂級穀飼牛肩胛肉眼扒真係想講呢塊牛扒完全超出我期望冇諗過一塊$78嘅牛扒肉質同肉味竟然可以做到咁好同時仲好細心上左兩隻醬仲跟咗個炸薯角CP值簡直就係超高鐵板控制溫度亦都做得好好好多時食鐵板嘅肉類都會令到塊扒over cook但食到最尾塊扒依然保持五成熟嘅狀態另外一個餐叫咗香蒜芝士焗龍蝦配牛小排淨係睇個賣相都一流除咗龍蝦同牛小排之外仲配搭左炸薯格同埋番薯蓉牛小排肉質一流保留左肉汁喺入邊半邊龍蝦亦都啖啖肉飲品就叫咗凍檸水同埋薄荷朱古力食到咁飽最後仲上咗一個抹茶雪糕性價比可為相當之高

成日收工經過呢間黃店，但係次次都好多人，今晚經過竟然有位，於是就同同事去試吓。但係因為我哋好晏先食lunch，所以唔係好肚餓，於是就試咗一個dinner set 加一個甜品😎😎沙律🥗餐湯🫕Dinner set餸沙律同埋餐湯，沙律菜好新鮮，個湯係龍蝦湯，好清甜西西里茄蓉煙肉三文魚意大利飯🍽主食方面，我哋要咗個risotto, 個飯好香，個人鍾意啲飯偏硬，所以呢個飯超級啱我，加埋煙肉同三文魚口感好豐富，茄蓉同個飯又配搭得好好😆Vanilla latte ☕️飲品方面，叫咗個vanilla latte,咖啡味好濃，飲落去好香滑，又唔會太甜☺️心太軟配雪糕最後，加咗錢要咗個心太軟，心太軟熱辣辣，一切開有流心嘅效果，加埋雪糕一冷一熱，口感非常豐富😆

今日order左個set dinner 🍽 .是日餐湯(紫薯忌廉湯)🍠🍲 (推薦指數：😋😋😋😋😋)一大舊紫薯、清新、香甜、creamy👍🏼.田園沙律🥗(推薦指數：😋😋😋)我鍾意呢個沙律有粟米🌽同埋胡麻醬👍🏼.香蒜芝士焗龍蝦🧄🧀🦞拼頂級牛小排🥩(推薦指數：😋😋😋😋😋)半份賣相已經好吸引，淨係個龍蝦都搶晒鏡。隻龍蝦除咗有龍蝦味啲肉之外，仲有買個龍蝦鉗嘅肉，絕對冇偷工減料。至於牛小排方面，好嫩，唔韌，呢兩點一定係牛扒嘅重點啦。而且仲可以keep住係medium。細細塊，對於女士來講係好適合。👩🏼配菜方面有三色椒🫑、蕃茄🍅、菠蘿🍍。我見到菠蘿嘅時候嚇親，好少何西餐會用菠蘿做配菜。而菠蘿嘅加入係好出色的，佢嘅甜同埋酸，咁啱中和返牛小排嘅肥膩感，呢個心思值得一讚👍🏼.是日甜品 士多啤梨味雪糕🍓🍦 (推薦指數：😋😋😋😋)都唔錯，首先都有士多啤梨嘅酸味，而且唔太甜。👍🏼.芒果沙冰🥭🧊(推薦指數：😋😋😋😋)

鰻魚飯，鰻魚係一整條，好大條。鰻魚油脂同魚肉分佈平均。淡淡都有魚肉和油脂香味，鰻魚係屬於新鮮嗰款，鰻魚汁好足夠。鰻魚同埋飯都係即刻整出嚟，有煙出。朱古力蛋糕，朱古力味香濃嘅蛋糕。熱薄荷朱古力，朱古力裏面滲透出淡淡嘅薄荷清香。龍蝦湯，碗湯真係有龍蝦嘅味道，碗湯煮得好濃郁。餐廳環境係西餐廳裝修，我一個人去，坐左張兩人枱，我坐梳化嗰邊比較舒服。另外，枱與枱之間距離唔會好近。店員好後生，服務幾好。餐廳位置近太子地鐵站。

出黎買糧，順便過黎Cafe paradise食野，下午時段人不多，不用等位就可以入座。是日的午餐餐牌不太合口味，散點了主餐牌上的天使麵，原來一樣可以加錢轉餐，咁又幾好喎。轉餐有餐湯送，是日係忌廉粟米湯。湯都幾杰身，啖啖粟米味幾清甜，唔錯呀。主餐牌上的煙三文魚蜆肉天使麵，賣相不錯嘛。份量十足，唔係淨係得隻碟大㗎。蜆肉用上有蜆殼的那種，味道更鮮甜，煙三文魚也下得很多，鹹香鮮味。天使麵有咬口，每一條都有醬汁包住，好味又不覺膩。飲品方面轉了花茶，是日想飲熱飲又唔多想飲咖啡，就揀左玫瑰花花茶。個壺幾靚呀，原來一個蠟燭仔都好保溫，飲到尾啲茶仲好熱。抵讚係純玫瑰花無其他野添加，好怕啲餐廳加入玫瑰糖漿搞到啲味又甜又假，呢壺純玫瑰花好香，而且啲花落得好多好重味，飲到尾杯茶幾深色，正呀。另外仲加左份甜品，店員畫左隻豬豬幾得意。朱古力慕絲蛋糕，真係超濃朱古力味，叫特濃係無錯嘅。蛋糕又綿又滑好正，突然覺得好幸福，哈哈。百幾蚊個人都幾抵呀，下午茶時段唔多人，坐左好一陣嘆下茶先走嘛。

同幾個中學同學好耐都冇見，所以今次就搵咗呢一間Cafe去敘舊。以前同朋友都有嚟過呢間Cafe食all day breakfast，今次就試下佢哋嘅set dinner。我哋叫咗一個卡邦尼意粉，上到嘅時候因為份量真係好大所以嚇咗一跳，但係真係好好食，忌廉好濃郁，而且煙肉鹹味啱啱好，強烈推薦呢個意粉！另外我哋仲叫咗一個黑毛豬肋排，成條豬肋骨真係好適合打卡，而且醬汁酸酸甜甜，份量亦都適合三個人食，食到我哋舔舔脷。我自己另外叫咗一杯軟綿綿朱古力，其實就係朱古力上面放咗溶緊嘅棉花糖，好彩朱古力唔會特別甜所以我覺得兩邊好夾。雖然我呢次係平日嚟到，但係店舖到8點左右已經坐滿人，大家想食就要早少少嚟啦。