Cafe Paradise (砵蘭街) (已結業)

餐廳係太子開左好耐 但人氣無減反增 平日晚市都好full 想食真係要訂左位先炸魚薯條$128 以為係小食 點知正餐黎大大塊新鮮炸魚加粗薯條 仲正係配埋 黑松露醬一齊食黑松露野菌意大利飯$75勁濃黑松露味 份量用料非常十足 真材實料 呢個價錢食到咁高質嘅黑松露意大利飯真係好抵食 香脆豬手 （dinner set)$188晚餐可選套餐 會包湯同加$15有特飲 豬手香脆 唔會有腥味 好大隻要share食 皮脆肉嫩 好好食 蟹子蟹棒忌廉意大利闊條麵$75超好食嘅忌廉醬汁 食完都唔會好溜 唔似平時嗰啲咁重口味 蟹子份量都好多 每啖意粉都有蟹子嘅鮮味 曲奇忌廉咖啡沙冰$35味道偏淡 冇想像中咁濃 忌廉味比較重 朱古力沙冰$35非常重嘅黑朱古力味 苦味大過甜味 鍾意朱古力嘅朋友可以一試 員工非常友善 餐廳食物都抵食 而家外賣仲有折扣 雖然環境比較迫 不過都唔錯

同朋友行完街見到依間Cafe，好似選擇都算多，唔貴又好似幾好食，晚上有set dinner，十分吸引set dinner有齊沙律、湯、飲品同甜品 ，餐湯仲要係好有特色嘅紫薯湯~~煙三文魚黑松露海蝦天使麵，5分滿分我俾4.5分或滿分。黑松露加忌廉汁味道啱啱好，唔太稠唔太稀，連同幼細天使麵味道好好😋當然三文魚同海蝦都係perfec match龍蝦汁海鮮燴意大利飯意大利飯中，每一口都充滿了龍蝦汁的味道，係一個好有特色嘅選擇，海鮮分量豐富，值得一試再試整體食物水準不錯，環境舒適吾會太追， 會再去^^"

✨餐湯📎薯仔忌廉湯入口棉密，食到薯仔粒，有沙沙口感😋不過味道就比較濃，偏鹹少少✨主菜📎薄切西冷牛扒沙律沙律菜都幾新鮮，西冷牛扒嘅肉味好濃，配上好濃味嘅黑醋汁🤤幾清新不過黑醋汁比較酸，餐廳都有將沙律嘅汁另上，可以視乎返自己口味📎西冷牛扒配薯菜呢間餐廳嘅午餐牛扒冇得選擇幾多成熟🤭當日牛扒嘅熟度大概係七成熟，口感軟淋，相對沙律嘅牛扒肉味冇咁濃✨餐飲📎熱情果沙冰沙冰打得好creamy，冇碎冰，入口果味好濃好清新，推薦👍🏻🥰📎蜜桃果茶佢用咗玻璃茶壺同埋燭台加熱，個presentation好靚，味道方面就酸酸甜甜😊✨甜品📎紫薯牛奶慕絲蛋糕整體係有慕絲同埋海棉蛋糕組成，有唔同嘅層次。面頭仲有少少紫薯粒去做裝飾，靚之餘仲有多重口感✨環境

今日去咗太子呢間咖啡店 嚟到嘅時候都有幾多人等緊位㗎 不過同啲店員講我哋book咗三點鐘 就好快安排咗我哋入座啦 呢度都有幾多款式嘅食物選擇 估唔到係西餐廳都會有而家大熱嘅鐵板牛食 五點半之前 仲可以選擇加多15蚊就有餐湯同埋飲品啦 飲品仲可以選擇特飲添 好快啲嘢食就嚟到 今日嘅餐湯係薯仔湯 味道偏甜 特飲我就叫咗玫瑰鮮奶咖啡帆立貝墨魚汁燴麵 每一次見到都會好想叫因為就係鍾意佢會食到個嘴黑媽媽嘅模樣 意粉夠彈牙 墨魚汁味道有少少鹹味 有海鮮嘅味道另外一個意粉就叫咗香辣蜆肉炒意粉 佢用咗茄汁加少少辣味去炒個意粉 鐵板牛就又唔同gram數嘅選擇 你仲可以選擇跟意粉或者薯菜㖭 佢畀一塊生牛肉你 你自己就可以根據想食嘅生熟程度去自製滿足曬每個人嘅喜好

🍴Set dinner 香脆豬手配燒汁 $188呢個set就會跟埋是日餐湯同沙律 我地個日就係紫薯湯🍠 沙律就一致覺得唔夠凍 紫薯湯就偏甜 口感有D粉粉地 同食到紫薯肉 都真材實料嘅🙈主角豬手都好大份🐷不過不失 有返豬手應有既鹹味 而且肉質都幾嫩 如果個皮再脆啲就更好啦🙈跟餐最後仲會有球士多啤梨雪糕🍓味道冇問題 但係就雪到起哂冰粒咁 觀感唔太好😂🍴酥炸軟殼蟹龍蝦汁天使麵 HKD 98軟殼蟹其實都幾大隻🦀但係就炸粉偏厚😓食落油膩感都幾重 口感係食粉多過食肉😂但係天使麵同個龍蝦汁就不錯啦👌🏻醬汁幾濃郁 意粉軟硬度亦適中🍝🍝🍴蒜香牛油白酒煮蜆 HKD 55呢個味道係幾唔錯嘅 蒜同牛油味都好香好出 但係白酒就唔係好食到🥲蜆嘅份量都好足夠 三個人分食 都可以食到好耐😬可以叫呢餐中比較突出嘅一項料理🧐 🍴黑松露薯條 HKD 43覺得呢間餐廳可能係小食好食過主食😂薯條量都好多 每一條都炸得好透 金黃脆卜卜🍟食到最後雖然覺得有D油 但係整體都很ok😬可以改善嘅點係希望黑松露醬可以再黑松露D 依加呢款有D似普通沙律醬🙈🍴Chocolate@Paradise 配Dinner set +HKD 15🧜🏻‍

一個人放咗工，決定今晚唔煮飯，行吓行吓到咗間白色Cafe，門口餐牌幾吸引，餐廳內卡位排列整齊，可以坐得舒服，歎個晚餐。點咗個 set dinner 龍蝦汁海鮮意大利飯，先嚟個餐湯粟米忌廉湯，creamy幼滑，份量較少，連埋田園沙律一齊食好夾，嫩口沙律菜，配粟米番茄仔，令胃口大開。我鍾意意大利飯嘅質感，厨師煮得軟硬度適合，粒粒分明，每粒都吸收到龍蝦汁，加上新鮮青口、蝦肉、元貝及蜆肉的鲜味配合，美味非常。一杯凍檸檬茶，茶味稍淡但解渴，跟住有益力多味雪糕甜品，夠凍好味。其實佢嘅美國頂級榖飼牛肩胛肉眼扒200g，只係$78，加$30就升級有餐湯、沙律、飲品及甜品都好抵，等下次同老公一齊嚟就可以享用了。

喺地鐵太子站‘D’出口行幾步，就到Cafe Paradise，餐廳一向多人幫襯，今日都唔例外，兩個人決定鋸扒。餐湯係粟米忌廉湯，味道一般，田園沙律顏色豐富，沙律菜新鮮爽脆，配上胡麻醬，好開胃。先上西西里茄茸煙肉三文魚意大利飯，煙肉及三文魚煎得香口，飯沾滿鮮茄茸，趁熱入口，香味四溢，非常惹味。加咗$15，叫咗杯凍薄荷朱古力特飲，朱古力味夠濃，微微薄荷味，解渴好飲；另一杯凍檸檬茶，少冰少甜，茶味如果濃啲會好飲啲。揀咗石燒紐西蘭牛柳，燒熱咗嘅鐵板放上牛柳，一直煎緊，熟成度由自己決定，動作要快去煎封兩面，太慢就過熟。切開牛柳，食出濃郁牛味，肉質豐厚，鮮嫩多汁，配埋炸得甘香嘅薯角及三款醬汁，兩個人 share，啱啱好，滿足口感。最後，甜品係益力多雪糕，好冰凍，酸甜味交雜，暑氣全消。

放工悶悶地 去咗太子行街 仲發現咗呢間西餐Set dinner都幾抵食 有好多款揀 我同朋友叫咗兩個餐好快就送咗餐湯同埋沙律 餐湯係煙肉薯仔湯 好creamy 胡椒味重 沙律菜都算新鮮 仲用咗胡麻醬第一份主菜係黑松露雜菌寬條麵 寬條麵口感好好 煙煙韌韌有咬口 黑松露醬超多 基本上每條意粉都有 鍾意食黑松露真係唔可以唔叫另一份主菜叫咗燒豬手 豬手肉好林 皮非常鬆脆 燒得剛剛到火候 兩個人食絕對夠 而且少少鹹味 都唔會好漏後來見到隔離枱叫咗石燒牛扒 我哋睇睇餐牌 $78就有交易 於是都叫咗一份 牛扒油脂同跟腱均勻 有肉味 雖然一定係急凍貨色 但係解凍得好好冇雪味我俾一百分💛💛

放工係油尖旺區想食西餐，好多樓上/地下 cafe都價錢貴但冇特式。今日黎到呢度有驚喜，一入去除左有set dinner 仲有我至愛嘅石燒牛。雖然冇任食沙律同白飯，但黎到嘅牛係我食過最高汁(真心多肉汁)嘅牛肩扒。加30仲有set 配飲品，沙律個湯一d都唔hea我地，好夠味又有配料食。呢個牛一上枱都幾生，但一路切一路燒，可以自己控制熟度，加上側邊的牛脂肪繼續將牛嘅味道昇華。有2種醬汁配上食入口真心一流，勝價比超高！作為食肉獸，呢份豬手都不得了，肉味好出，都有調味，個皮係好好好脆，肉嘅味道都調得好好！ 雖然份量真係好大，但香港人工作壓力仲大，係隔離枱有一份好香黑松露嘅味道嘅意粉，搞到我都忍唔住再叫左份！ 味超香，寬條麵好彈牙，100分！ 一定再encore

近年生酮飲食、低升糖飲食、低碳飲食興起，我身邊都有好多成功例子，但實行起上嚟真係唔容易，識揀之餘定力、堅持、決心要好夠，尤其出街搵食都幾頭痕；星期日行經太子砵蘭街，俾我見到呢間Cafe Paradise ，佢哋個Grill Steak Menu都幾接近我想嘗試實行嘅低升糖及低碳飲食，所以入去食咗個early dinner 。石燒美國頂級穀飼牛肩胛肉眼扒，200g，只需要$78咋，仲有又熱又脆嘅薯條添，如果唔加$30變為套餐，連加一$86走得，但係C9心態，加多$30就有餐湯、沙律、甜品及飲品喎⋯⋯所以加咗😆，件肉眼扒都好大件，自己切到細細件慢慢響塊熱石燒，都幾過癮，但食到後期D肉已經變咗全熟，如果唔介意食全熟牛扒，可以慢慢品嘗。是日餐湯，紫薯忌廉湯，好靚嘅紫色忌廉湯，仲有D紫薯食吓，好特別。田園沙律，細細碗，份量OK，因為無食薯條，所以叫多咗個意式鮮蝦田園沙律 $68，食多D蔬菜🥬，感到包肚D👅凍齋啡 ＋ 草莓雪糕，食咗少少，酸酸甜甜。

同朋友放工去太子買嘢，見到有間Cafe排晒隊咁，好似幾好食，雖然鋪仔細細，但係都坐得舒適見到價錢一啲都唔貴，選擇都算多，晚上有set dinner，更吸睛係見到石燒牛套餐最平只需要$78，好抵食我同朋友即刻試吓，只要加$30仲可以變套餐，有齊沙律、湯、飲品同甜品沙律菜新鮮，配上酸汁好開胃餐湯係白汁粟米湯，味道正常主角嚟啦，就係石燒牛肩胛肉眼扒，上菜時只有兩三成熟，自己可以調校燒嘅時間，生熟好彈性店員仲好細心提供餐巾，以免彈汁沾污衣服，以呢個價錢來講，牛肉質素正常，有牛味，唔會太難咬而且有兩種汁可以點，仲配上一盤薯角，食完都算飽，薯角炸得香脆跟餐揀咗杯凍檸茶，自己調校甜度，夏天飲夠消暑另外甜品係益力多雪糕，呢樣比較特別，酸酸地好開胃，益力多味都夠重埋單每人只係百幾蚊，超值，而且店員嘅服務態度好好，鋪頭仲係太子站隔離，好方便。原來仲有酒可以點，想盡興嘅朋友可以試下

約朋友到太子食下午茶，見到這間有參與Mee，而且評價不錯，就選擇了這裡。進去就看到雅緻的裝修，客人都不少。大家自在地聊天，很配合下午茶悠閒的氣氛。Menu有特價石燒牛扒餐，比較得意，平時吃石燒牛扒的地方都沒這裡坐得那麼舒服，毫不猶豫點了。跟餐有沙律、餐湯、飲品和甜品。最近減澱粉質，和店員說不要玉米，真是細心地幫我走了，很優質的服務！餐飲揀了榛子Latte，大大杯。喝一口，榛子味濃郁，也有咖啡香氣，和鮮奶的嫩滑，超鍾意。牛扒還有配薯角，炸得香脆，裡面還很燙，點茄汁吃降溫。雖然很多篇食評都有講，但不厭其煩講多次這茄汁不是麥_勞那種只酸又澀的，是有甜味（應該是地捫），好吃好多的。牛扒上枱時油香和肉香非常吸引，還有滋滋聲，好像以前在扒房吃鐵板牛扒。店員主動給一隻碟，覺得燒得差不多就可以把牛扒放入碟慢慢切，不用繼續燒到太熟。看我火候控制得不錯。肉還算嫩滑，沒有調味，有兩款醬汁，蒜蓉醬能把牛扒的鮮味提升出來。全部吃完。還有甜品，是適合夏天感覺的芒果雪糕。用牙籤吉來吃比較方便，芒果味很自然，每一口融化了都好像變成芒果汁一樣，既甜又解渴。

今天行開太子，見到這家西餐廳，裝修幾有特色，於是入內進食。入到店內，泠氣充足，坐位也舒服，店內環境令我有休閑的感覺。店員也很友善帶我們入座。裝修得幾有格調。看完餐牌，叫咗個美式水牛雞翼，雞翼好入味道，味道很濃，好香脆。肉好滑好嫩。好深刻印象。另叫咗個黑松露薯條，薯條是即炸的，又熱又脆，黑松露醬很濃。再配薯條，很好食，而且也份量十足。叫咗個素野菌意大利闊條麵。闊條麵好爽口，好味道。菇菌好入味道。又多汁，一食再食。也叫咗個龍蝦汁青口飯，青口很大，又鮮甜，龍蝦汁渗入飯中，好入味道。濃烈香味道。做得好有水準。飲品方面，叫咗杯芒果沙冰，天氣太熱，飲杯沙冰，人都醒神一點。芒果味也很濃。飲完感覺十分涼快。綜合各方面，價錢，食物質素，環境，服務等。絕對是物超所值的一餐。個人認為必定會再來光顧。

公司傾得埋幾NICE既同事搵到好路數要離開，散水飯循例要食番轉，大家屬於係朋友唔單係同事，唔想係公司晏晝飯食完一餐就算。幫佢揀左間係太子既CAFE，地方就腳，太子地鐵站一出，行路番屋企都係15分鐘路程。雞翼炸得香脆，雞肉嫩滑好多汁，加上醬汁辣辣地好惹味！黑松露份量適中，唔會過分地蓋過汁既味，闊條麵煮得啱啱好，有咬口唔會過腍/軟身，菇菌類處理得幾好，唔會有腥味，幾好食！份量好多，超出左我地兩個人食既份量。夏日炎炎一定要揀番杯飲品，揀左芒果沙冰，唔會死甜，有微微芒果奶香。整體來說，CAFE 的價錢說得上抵食，食物在水準之上且選擇多，餐廳環境都坐得舒適，唔錯既選擇。

之後要去深水埗所以喺旺角搵嘢食先行行吓見到呢間西餐廳好似不錯就試吓佢比佢個all day breakfast吸引住左🤪🤪🤪先黎餐包加橙汁 佢個份量好似所有食物都x2 薯餅有兩塊呀 超鍾意食😍😍😍雞蛋算滑溜 配埋蘑菇食好味煙三文魚都有兩塊啊All Day Breakfast俾其他餐廳唔同嘅就係多左塊西冷扒😎😎😎小食叫咗黑松露醬薯條最鍾意係餐廳食熱氣嘢 因為喺屋企係好少會特登整嘅😋😋😋薯條上枱嘅時候熱辣辣 dip埋黑松露醬薯條即刻提升咗🥰朋友叫咗豬肋骨條 肉質整得相當淋份量都係好大條 配埋薯蓉唔飽都唔得啦下次嚟要試吓佢啲意大利飯同意粉先🤩🤩