Cafe Paradise (砵蘭街) (已結業)

熱情果沙冰清新嘅果香，配搭奶香，整體口感順滑，而且都唔算易溶，食到最後都仲飲到有沙冰。水蜜桃花茶個顏色有啲似洛神花茶，一開始仲以為上錯左，但一飲就知冇錯，花茶有濃濃嘅蜜桃香氣，味道酸酸甜甜，好解膩，而且份量好多。雖然有火一直溫住啲茶，但飲到最後都完全唔會澀或者太酸，由食正餐前到食完都可以飲住一壺暖暖嘅茶，個胃好舒服。南瓜濃湯通常餐湯都係普普通通嘅水準，但呢個南瓜濃湯俾到驚喜我！湯唔會太濃或淡，口感唔錯，南瓜味又幾香，係會令人想再飲多碗。帆立貝墨魚汁燴意大利粉呢個粉食到我成口都黑曬，但係值得我不顧儀態咁去食，每一啖都食到脆啵啵個嘅蟹子，鮮、香、鹹，食到意猶未盡。煙三文魚黑松露海蝦天使麵煙三文魚同蝦都發揮正常水準，而個sauce係令人覺得有驚喜。黑松露味好濃郁，配埋天使麵真係好好味，啖啖都好creamy，配埋杯酸酸嘅花茶，又唔會覺得膩。但可能因為飲晒成個南瓜湯，而呢個本身都幾creamy，而且分量都唔少，所以到後面唔係好食得晒份麵。

今日同朋友去左太子地鐵站附近嘅一間cafe，地點好方便，行過去一分鐘就到啦店既裝修以簡約為主，俾人一種放鬆既感覺牆上面貼左好多客人既即影即有因為同朋友都有d肚餓，所以簡左兩個午餐飲品都有好多選擇，選擇困難的我諗左好耐先上粟米湯，好足料，有啖啖既粟米粒，仲有少少甜味我點既係蒜蓉牛油白酒帆立貝意粉，一上枱已經聞到好香嘅牛油味，未食都已經覺得好吸引。而且帆立貝都係大大粒食一啖意粉，牛油味好香，而且意粉嘅軟硬度啱啱好，好入味。帆立貝都好鮮味，食到停吾到口呢杯係玫瑰鮮奶咖啡，個樣十分吸引，拉花超級靚，完全唔捨得飲飲一啖，好香嘅玫瑰味，係我最鍾意嘅味道，有一種幸福嘅感覺呢杯係榛子鮮奶，又係好香滑，榛子同鮮奶原來係咁夾，好飲到停唔到口同朋友傾吓計，食下野就過咗一個下午，喺呢間Cafe渡過左好愉快嘅一日

同朋友四圍行街，因為突然間落超大雨，所以諗住搵間餐廳食野坐下，等停雨😂呢間cafe又唔錯喎，有氣氛傾下計都幾好，唔會太嘈，見到啲牆仲有好多即影即有，有啲日期係2016年嘅，都保存得好好喎。餐廳有午餐下午茶，隨意選擇。。我地就點左set lunch，跟湯同飲品。煙肉薯仔湯真係純薯仔打溶！入口好似食緊薯蓉咁，好creamy，再加上煙肉碎，味道唔太咸，但好濃郁。。蒜蓉牛油白酒帆立貝意大利粉上枱已經聞到好香蒜味，食完應該成口蒜味😂帆立貝有2大原粒。蒜蓉牛油去煮好香，不過食入口有小小油，意粉都癡住好多蒜蓉，意粉煮得岩岩好，硬身唔會淋pat pat。原條鰻魚蛋蓋飯哇！真係哇一聲！好大條鰻魚，好大份！大家望吓，長過把刀㗎！上面仲滿紫菜，木魚絲，仲有鰻魚汁！鰻魚下面有煎雞蛋。。如果個飯有炒過應該更加正！不過而家都好滿足。。鰻魚唔係薄薄一片㗎！荔枝沙冰，雜莓沙冰好大杯！飲落唔會太甜，而且飲到果肉㗎。不過真係越飲越凍😆要讚下呢度環境舒適，以二人枱為主，不過唔會太迫，而且員工態度友善細心，讚👍🏻

又俾我搵到間西餐可以同女朋友去食下飯拍下拖, 佢喺正太子地鐵站隔離好方便。佢有d性價比幾高嘅扒餐仲有正常嘅set dinner 揀咁今晚我地就點左個set嚟試下Main course揀左slow cook 羊膝同龍蝦拼牛小排份量多到有d嚇親人, 好彩無衝動叫全份咋另外有跟到沙津同餐湯~個龍蝦好厚肉, 而且幾彈牙, 個牛小排淨係睇樣都知好嫩! 簡直胃口大開另外仲點左個passion fruit沙冰, 超大杯, 差唔多要滿瀉經過嘅朋友可以一試

難得同阿媽一齊放大假，梗係要趁機食個好啲嘅lunch！平時佢都比較鍾意食中菜，所以今次就特登去間”年輕”啲餐廳👻之前都嚟過幾次，每次都覺得食物價錢&品質都唔錯，喺其他地方仲有分店添👍🏻每一個餐都配咗龍蝦蘑菇湯，叫肉眼扒嘅話仲配埋田園沙律添🤗個人覺得價錢真係幾合理， $100內就可以食到扒，感覺好抵！😼香草橄欖油春雞配薯菜 ($75)一上菜賣相非常之得，仲熱辣辣💛以呢個價錢來講，份量都算幾多👍🏻切開嘅時候仲有少少血色，食落味道都幾足，可惜有啲乾身有啲”鞋”，不過醬汁都幾惹味，再加上入面有好多薯條，彌補咗雞肉嘅遺憾😙是日特飲檸檬梳打唔使加錢就有杯檸檬梳打，清新酸甜，好解渴✌🏻石燒美國頂級谷字牛肩胛肉眼扒 200g ($78)+$30 升級套餐 (餐湯+沙律+甜品+飲品)熱奶茶之前去過其他餐廳食呢類石燒牛扒，冇諗過喺呢一間Cafe入面都有機會食👻熱辣辣嘅石板上放住半熟嘅扒，再按自己喜好切成一口牛肉粒😙雖然係最平嗰種牛扒，但係味道都唔錯，當然仲因為自己燒嘅扒味道特別好食😋跟餐送嘅龍蝦蘑菇湯味道都好濃郁，唔會太鹹👍🏻再加埋雲呢拿味雪米糍，係超滿足嘅午餐🤩

紫薯湯 72hkd鮭魚和風白醬意大利飯 set特飲檸檬梳打紫薯湯 75hkd白味噌比目魚 set 凍檸水餐廳地點好就腳，地鐵一出就係，今日同bb一齊嚟食，揀咗啲，唔同嘅食材咩都畀佢試下， 平時唔鍾意食魚，但努力不懈，點咗比目魚及三文魚，職員揀咗個地方有隻卡通公仔 喺隔離結果炸比目魚set有意外驚喜，配搭生椰菜絲 mix咗好幾種醬汁，包括有沙律醬，麻醬，芥末醬，發現好 bb 鍾意食芥末醬，時唔鍾意食三文魚，今日都開金口肯食。 估唔到簡簡單單嘅醬汁令佢可以肯開金口，食魚。平時出街都冇特別準備小朋友餐具， 今日小朋友冇餐廳跌咗兩次餐具，職員都非常主動，換番支新嘅餐具畀我哋， 非常細心， 耳朵都好靈敏職員見我哋有小朋友，亦都另外準備咗一套趣緻 hello kitty 餐具， 引佢食飯， 本來一直喺度搗蛋，大叫， 拎住左支膠餐具之後就靜曬， 乖乖地坐低慢慢食， 玩膠叉。飲品方面突意叫咗 bb最鍾意嘅檸檬， 食完嘢之後，一個人可以飲半支。平時bb都唔鍾意食蕃薯，紫薯，因為都真係幾難吞， 不過用咗餐湯嘅方式，佢就亮毫冇抗拒，雖然都唔係食好多總括而言餐廳嘅食物軟度 (易吞)鹽份 控制職員細心都係拎滿分

巴黎式紅酒慢煮紐西蘭羊膝 $208 一上碟見到原隻羊膝上，入量真係大到有啲嚇親人，好好用左以慢煮方法烹調，令肉質柔軟緊實，鮮美可口，感覺含有豐富膠質haha，而且完全唔算重羊膻味，味道唔錯。加上配菜都有啲烤粟米幾甜。 香蒜芝士焗龍蝦拼頂級牛小排 半份 $258 龍蝦不嬲係我的最愛，加上香蒜芝士落去焗令香氣滿滿，半隻開邊龍蝦入口Q彈！加埋有一塊牛小排，啲肉粉粉紅紅咁 香煎後帶油筋之間嘅肉鮮嫩多汁。一次過可以擁有雙重享受 正！ 加埋一200零蚊就有是日餐湯+田園沙律+甜品仲有餐飲

呢間餐廳位於砵蘭街412號地鋪,港鐵太子站D出口右轉就係。餐檯分左右兩邊整齋直行排列,中間通道闊落,五顏六色嘅餐檯隔板增加色彩🌈。餐廳細細,set lunch差不多有十款,仲有all day breakfast、沙律、主菜、石燒、甜品等,選擇非常多,價錢仲好親民添！我哋點咗🔸叻沙海鮮忌廉汁意大利粉🔸蒲燒原條日式鰻魚蛋蓋飯set lunch 包餐湯及是日特飲或檸檬茶/檸檬水/奶茶+$10可配各式特飲+$20可配花茶一壺是日餐湯@薯仔忌廉蜆肉湯,入口幼滑帶點薯仔嘅粉綿,除咗蜆肉,仲加入蟹柳同粟米粒增加口感！意粉煙韌,配搭彈牙鮮蝦同蜆肉,椰香中帶少辣嘅忌廉汁帶出令人開胃感！嘩！原條鰻魚色澤亮麗,肥美肉厚中帶甜味,再搭配上嫩滑炒蛋將成碟飯覆蓋住,份量惊人！加$10轉飲芒果沙冰,大大杯又有芒果香甜味！炎炎夏日,除一杯冰涼幼滑飲品外,服務員親切嘅笑容,又吾會趕客,加貼地嘅價錢,值得再來！

☟非專業最真實食評☟𝙂𝙧𝙖𝙙𝙚 𝘽：六分厚切西冷牛扒薯菜配餐湯（$89）其實就係一份好普通嘅lunch set😂牛扒正常發揮，唔會太老👍🏻要重點講下嘅係佢地嘅餐湯紫薯湯～紫薯味好出，飲落有啲似西式湯～創意就真係滿分喇，但我飲落總係覺得有啲怪😂接受唔到🙈❀超主觀推薦度❀（5分為滿分）：3

今日放假同女朋友去旺角行街，我地係太子站D出口一出行幾步見到有間餐廳，再行埋去睇下餐牌。由於今日係週末，所以冇lunch同tea Menu。不過見佢既主菜唔算貴，而且加$15就有埋湯同餐飲，所以我地就入左去，我地3點入去都坐滿人😎餐廳入面嘅設計以藍色同白色為主，一邊牆掛著啡色架，架上放著小擺設，另外仲放滿左食客係餐廳入面留念影嘅相，幾有心思❤️ 餐廳環境比我地既感覺幾舒服，絕對係個休閒聊天嘅好地方😊餐廳提供食物既種類算多，分別有意大利粉，天使麵，risotto，闊條麵，肉扒，小食甜品等😋我地叫左兩個主食，再加2個set首先黎既煙肉忌廉湯，我個人覺得個湯好出色我好鐘意。湯有濃濃既忌廉味，入面仲有好多蜆肉同煙肉😋主菜方面有酥炸軟殼蟹龍蝦汁天使麵。軟殼蟹既size一d都唔細，而且炸得好鬆脆，蟹肉又唔會炸到好乾身，恰到好處。天使麵佈滿左濃濃既龍蝦汁，味道跟軟殼蟹簡直係perfect match!😍第二個主菜係蟹子蟹棒忌廉意大利闊條麵，呢個主菜我地都大讚不絕，真係好好味！闊條麵軟硬度適中，配搭着香草同濃厚嘅忌廉汁味道一流。而且闊條麵上面仲有好多蟹子做襯托，蟹棒亦都好有口感👍飲品我地叫左玫瑰乳酸特飲

餐廳位於太子在鬧市中環境超方便中午時分好多附近上班族前往所以餐廳長期大排長龍呢間餐廳主打西餐同日式食物創意十足Lunch set 有餐湯、主菜及飲品今日餐湯係薯仔忌廉湯小店將薯仔打蓉再配上忌廉湯湯味好濃郁好重忌廉味入口好香好滑蒲式日式原條鰻魚蛋蓋飯賣相已經相當吸引成條鰻魚有一支义咁長而且份量超大份足夠兩人食鰻魚肉質爽口彈牙配上熱辣辣好滑既蛋包飯再加上日式燒汁好好味6分厚切西冷牛扒配薯菜厚切西冷超大塊同鰻魚一樣成個碟咁大牛扒肉質鮮嫩多汁配上燒汁味道不錯厚切薯條香脆可口☺️我們兩人都點了特飲檸檬梳打酸酸甜甜感覺好fresh 整體餐廳環境舒適食物質素不錯份量超大份兩個人食吾晒鬧市中一個不錯地方同朋友食飯傾計☺️

Cafe paradise 我會形容為一間簡簡單單的西餐餐廳有時唔知道食乜，發現食呢類餐廳都幾舒服。因為算多選擇🥰 餐廳可以散叫同dinner set Dinner set 尚叫多選擇👍🏻 當日拍拖去叫左兩個set 都有頭盤同餐飲簡簡單單叫咗凍檸茶/水冇記錯應該係薯仔蜆肉湯第一個主食，西西里茄蓉煙肉三文魚意大利飯第二個主食，龍蝦汁海鮮意大利飯味道唔錯架，兩個人埋單都係$300最緊要抵食同好食👍🏻👍🏻👍🏻順帶一提，個廁所要經後巷入返廚房度去，如果唔係太急，建議去返朗豪坊嗰邊先去廁所

因為21/7放假陪屋企人早上做身體檢查，前一晚已準備訂定有西式午餐等她食餐🍽豐富啲。於是揀呢間(平時行過晚市都多人等)最好訂位先，不過今次食🍴午餐，嚟到約好12:30p.m時間尚早好多坐位揀，即刻點餐先(lunch時候）服務員👦很好有禮貌介紹今日嘅餐湯薯仔蘑菇🍄湯同餐飲水蜜桃🍑梳打，加上後未見到我倆叫嘢食份量多，再幫我地拍多張枱俾我地用，好細心💗👍👍👍👍！我屋企人🤭讚嘆叫嘅招牌午餐鰻魚蛋蓋飯同芒果🥭沙冰份量十足好吸睛，味道方面好恰當好味👍👍👍。而我揀了凱撒🥗沙律share食同午餐大啡菇南瓜汁意大利飯。首先沙律茶🥗好新鮮，配上凱撒汁另上可按自取份量調味，幾爽口同開胃！用南瓜蓉同意大利米一拼煮，啲味道好入味😊，唯一係煮嘅時間再耐多一陣等啲米軟身少少就好喇！整餐好愉快 🥰🥰，環境舒適，喜歡小店又有情調可以嚟呢到。所以會有下次同試佢哋嘅晚市晚餐😋😋😋😋

今晚去咗一間太子黃店食晚餐6點入到餐廳都已坐滿左一半🍴石燒美國安格斯穀飼翼版牛扒300g $198+$30可以升級做套餐呢個價錢可以食到安格斯牛扒非常抵食牛扒好厚身但一啲都唔鞋口亦都唔會好韌咬落好Juicy亦有香甜牛肉味有蒜蓉汁同燒肉汁可以點牛肉食就更好味用石燒食牛扒嘅好處係可以自行調節熟度我要食7成熟 朋友食5成熟 都滿足得到可以各取所需😆300g呢個價錢性價比都幾高👍🏼🍴龍蝦汁海鮮燴意大利飯 set dinner $138聞落去有好香嘅龍蝦味每個飯粒都有龍蝦汁包住而海鮮 青口 帶子同蝦都新鮮咬落去冇腥味Set dinner包左忌廉湯沙律飲品同甜品如果要轉特飲只需+$15🍹金牛&薄荷朱古力平時餐廳見得黑牛多金牛原來係芒果雪糕加忌廉兩種味道都幾夾而薄荷朱古力就比較重朱古力味🍧士多啤梨雪糕比起雪糕更加覺得佢似雪芭因為佢唔容易溶平時食雪糕要好趕時間咁食因為驚溶哂呢個雪糕可以邊傾計邊慢慢食都幾好😙

去到太子附近交收，同朋友去咗cafe坐下。本身想試下All Day Breakfast但見到餐廳好多人叫主食於是就轉咗諗法～前菜沙律🥗味道正常菜唔會黃，如果多少少醬汁就更好！龍蝦汁海鮮意大利飯：食Risotto好驚食到口感偏林既，個Risotto做到粒粒分明，好飽滿咁吸收咗龍蝦汁既精華，好有層次感既味道。青口一般，但蝦肉彈牙，而飯中混入唔少既蜆肉，真心唔錯。黑松露薯條🍟：一上台已經好開心，因為份量足，粗薯條條條都香脆，點一點松露沙律醬真係一口接一口咁ko朋友叫咗78既（薯角）牛肉鐵板set:呢個價錢無雪味無根，肉質唔霉有肉味，點奉上既燒肉汁+蒜蓉汁食，已經好惹味☺️朋友加30多元仲有沙律+餐湯+甜品+野飲，好經濟！檸茶：正常水準～值得一讚既係益力多雪糕：真係好似飲緊益力多咁，好足料，同埋好特別，幾有心思既一道😻