Cafe Paradise (已結業)

見到屋企附近呢間cafe咁多好評，今日終於試一試。大約十一點五十分去到，小小的cafe未坐滿。不過到咗十二點二左右就要拿飛啦，畢竟座位不算多。先講講裡面的環境，裝修擺設都好有文青feel。不過幹淨度我覺得只是僅僅合格，地面&天花板畀人感覺有d邋遢，而且我食飯的時候一直feel到有蚊所以建議大家唔好做靠墻位置。點咗個黑鬆露蘑菇意大利飯，rose latte (+15蚊)~

自問是Risotto迷，所以對Risotto有一定要求，這回和友人點了海鮮南瓜汁燴意大利飯及香辣鮮蝦意大利飯(各$73)，很喜歡這裡的Risotto做到外軟內韌，單看顏色已令人很雀躍，上枱已能聞到一陣香味，前者的南瓜汁口感濃稠，與海鮮一同入口，口感豐富有層次；後者有彈牙的蝦肉配搭意大利飯，天婦羅蝦炸得香脆入味。

今天和幾位朋友到cafe paradise晚餐，聊聊近況。由於我們旁邊的食客點的黑松露野菌意大利飯實在太香，吸引我們點了一份，還有蕃茄鴨胸寬條麵、豬手配薯角、full paradise(all day breakfast)、煙三文魚蜆肉天使麵。以上食物單點大約$6x-$9x，set dinner（配餐湯/沙律、甜品、飲品）才$11x-$16x，價錢相宜。黑松露野菌意大利飯果然不負眾望，除了濃郁的香氣，飯的質感也是剛剛好，不太硬也不太軟。這點很難得，因為我實在吃過很多很硬的意大利飯然後胃部不適。另一亮點是豬手配薯角，這款菜式在德國餐廳動軋要二三百元，這裡只需百多元，卻有著出乎意料的水準。豬皮燒得香脆，用刀沿著一條直骨切下去，很容易「起肉」，一口吃下香脆豬皮、帶點油香的脂肪和嫩嫩的豬肉，一次享受多重口感。豬手調味不會過咸，蘸燒汁不錯，不蘸也好好吃。為這道菜加分的是薯角，炸得又熱又脆。由於豬手太好吃，我們秒速吃完才想起沒有讓相機食先，唯有拍下分食後的畫面。蕃茄鴨胸寬條麵和煙三文魚蜆肉天使麵很足料。Full paradise上桌時，我們都不禁「嘩」了一聲。雖說all day breakfast

呢一晚三人相約去太子，朋友話試下呢間cafe，我冇所謂啊！反正都係傾計聚下為主，唔係食垃圾就得啦！我地之前已book位，去到唔洗等，坐位都比較迫，坐得唔係好舒服之餘亦冇咩私隱，係咁聽到隔離檯對話內容（爆）佢地會有set dinner，如果唔岩心水可以直接睇menu加錢轉set都得，set入面有，沙律，飲品及甜品。umm...天氣咁凍真係好想飲熱湯，但係微暖的有點失望，味道係ok嘅，如果夠熱會加分囉。嗱。嗱。嗱，全晚最好味呢個肉眼扒啦，5成熟做得剛剛好，肉稔得黎仍然冇咬口，牛有牛味，肉汁＆肥膏令成塊扒升左級。呢個蟹肉乜乜忌廉麵，umm...有啲失望，個汁唔夠creamy，蟹肉有啲腥，西式得嚟又有點日式，fushion野黎架 （爆），不過都係同樣問題，唔夠熱，要知道上檯食物唔夠熱真係好失色㗎，留意下好喎。仲有呢個豬手，老實講佢都整得啲肉肉唔錯，好稔好嫩又夠味，不過敗筆係塊皮，食豬手梗係食皮先啦嘛，但咬落去有少少脆，脆中有點煙un，仲有燶燶地嘅苦味添。杯朱古力咖啡賣相唔錯呢……朋友話質素可以啦！我飲果杯係iced rose latte，另一朋友飲iced vanilla latte，苦到阿媽

因為在屋企樓下，所以阿媽一唔煮飯就會同我落黎呢度開餐，成為了我們家的飯堂，哈哈！我地既例牌菜係呢度既芝麻雞翼，因為真係香、脆、嫩，就係咁簡單！呢度既意粉、飯同寛條麵選擇好多，所以成日黎食都唔會厭，濃濃的忌廉汁佈滿每條意粉，味道濃濃的，配料份量不少，mix埋食好滿足，就係忌廉海鮮意大利粉。而蟹籽蟹棒忌廉汁意大利寛條麵有大大既蟹棒，尚算有蟹味，忌廉汁好香濃，能提升海鮮既味道。

現在出街搵地方食飯，發現很多食肆都屬於集團式，所以更加珍惜一些出品有質素的自家小店，這裡就是其中一家。喜歡這裡簡約的設計，還有桌上放有一些聖經語句，令人身心都好平靜。這次點了黑松露醬薯條，想不到兩者竟然咁match，薯條炸得香脆juicy、黑松露醬味道香濃，最重要是價錢經濟，食得特別開懷。芝士焗雞軟骨棒面層舖滿厚厚的芝士，味道甚為濃郁，雞軟骨棒好有嚼口，肉汁豐滿更能帶出雞軟骨的質感。主菜是香煎龍脷柳配牛油檸檬汁，這是一道傳統法國菜，原條新鮮龍脷較冷藏龍脷柳感覺更矜貴，牛油檸檬汁酸中帶香，更能突出龍脷的鮮甜。

今日下午我們去咗太子界限街嘅「Cafe Paradise」食下午茶！我們叫咗意式香辣煙肉茄汁長通粉、蟹籽蟹棒忌廉意大利寬條麵、黑松露野菌意大利飯同Paradise  Full！粟米忌廉湯、橙汁、焦糖鮮奶同士多啤梨沙冰！意式香辣煙肉茄汁長通粉蟹籽蟹棒忌廉意大利寬條麵嘅麵質好煙韌彈牙，香濃嘅醬汁加埋木魚乾同蟹棒一齊食，真係幾惹味！黑松露野菌意大利飯嘅黑松露醬汁都幾香滑濃郁，硬硬嘅意大利飯都幾有咬口！Paradise  Full嘅材料非常足料豐富，煙三文魚嘅煙燻味香濃，豬肉腸嘅口感都幾煙韌，炒蛋炒得都幾嫩滑，薯餅炸得都幾外脆內嫩！粟米忌廉湯嘅味道比較淡，粟米粒亦唔係太多！士多啤梨沙冰係用新鮮生果製成，味道好香甜！

已經是第二次光顧這家小店，喜歡它裝潢簡潔清新，店員親切有禮，而且價格相宜，出品質素亦相當有水準，選擇亦豐富，今次就帶埋個新朋友仔來食。趁近日天氣有點回暖，我們都不約而同點了杯雲尼拿沙冰，甜蜜的雲呢拿雪糕與沙冰混為一體，每口涼快濃郁滋味透入心。朋友點了Carbonara，香滑濃厚的蛋汁配上煙肉、蘑菇和芝士，再加上彈牙意粉，不出一會就全碟被他掃光光。我吃的是set dinner德國脆皮豬手，外皮咬落又脆又煙韌，內層肉質鮮嫩幼滑，入口肉汁豐盈，鹹香惹味，配埋好多粗薯條，咬下去時很響亮，就知道有幾香脆！

四個女仔去shopping，出發前想搵個地方坐低飲杯嘢食件cake叉足電先，上網search發現太子街角有呢間特色小店，於是就入去relax下~睇完menu後，大家決定一人一杯玫瑰鮮奶咖啡，再叫四款唔同嘅cake開心share！首先歎返杯玫瑰鮮奶咖啡，聽落已覺得係一個好浪漫嘅組合，喺甘醇嘅鮮奶咖啡入面散發出一陣玫瑰花香，入口甜甜的，成個心都sweet晒。綠茶有美白同抗氧等益處，啱晒我地呢班咁貪靚嘅女仔，所以叫左個綠茶白朱古力慕絲蛋糕，聞落有濃郁茶香，而白朱古力就香甜軟滑，慕絲蛋糕鬆軟綿密，口感細膩，令人一試愛上。有朋友大愛檸檬嘅清新香氣，所以我地就叫左檸檬慕絲蛋糕同檸檬撻，前者入口芳香幼滑，細味真係好fresh，後者檸檬味比較濃郁，淡黃檸檬餡加上微焦蛋白霜，可以話係酸甜夢幻組合。仲有冧酒朱古力蛋糕，柔滑香濃中帶甘味，冧酒迷不容錯過，最重要係呢度嘅甜品賣相精緻，最適合相機食先upload上網放閃~~

同幾位同事放工後去想搵個地方傾下計搵到開飯就發現到依間野蘑菇忌廉湯好足料，有好多蘑菇，同埋重忌廉味，中意既千萬唔好錯過啊！好好味，D湯飲落口好滑！應該唔係開罐頭，係真材實料去煲！榛子LATTE，好香既榛子味，好味好飲，奶味唔會話蓋過咖啡味太多，個拉花都拉得好靚！！同事叫左花茶，味道不過不失，個壺都好靚煙三文魚蜆肉天使麵味道不錯，夠味好多汁，有好重既煙三文魚的香味服務好好，STAFF好多笑容，同埋依到中午冇話限時坐幾耐，所以大家可以HEA下

再次來到這間在太子附近其中一間口碑最好的咖啡店吃東西，這次是與太太一起到來，吃的是午餐。兩個人吃的都是意粉。先上餐湯，是簡單的「粟米忌廉湯」。湯不太稠，可也不算稀，甜甜的奶味，甜甜的粟米粒，對辦。我吃的是「煙雞肉茄汁意粉」，新鮮即煮，上桌時還在冒煙，茄汁做得不錯，酸味適中，十分開胃。煙雞肉原來不是一件件，而是一片片的，雖然薄薄的雞肉味道普通，意粉都幾有彈性，不會軟弱無力，整體水準頗佳。太太吃的是「肉醬意粉」，我只是小嚐了一口，味道挺好，肉醬肉味甚佳，這意粉我覺得比我的意粉更好呢！這店子一樣不好的地方，是午餐不包飲品，不過這兒午餐是不收加一的，那不叫飲品，只喝店子桌上放著的白開水，便可以像剛播完的無線飲食節目裡的肥媽話齋：「食平尐尐」啦！

和兒子一起試下食評好這餐廳 黑松露野菌意大利飯.飯心太硬 廚師煮這飯未有留意時間準確和試食. Paradise energy 漢堡扒煎到黑色乾硬,炒蛋炒到又硬又老和乾身,收這價錢連普通快餐都比不上,廚師基本功不足.

今日男朋友生日，早於一星期前book左位8點。在預約中問店員可否在甜品中寫上happy bday 及男友的姓名 店員也表示十分樂意。餐廳的位置十分方便 地鐵站出步行5分鐘內到。叫了一份set dinner 有呑拿魚味道的餐湯 (第一次飲 都ok wo 幾濃好香)另一份散叫 再嗌左份瑞士雞翼 飲品跟餐加15蚊轉特色飲品軟綿綿朱古力 一杯平凡的朱古力也話得得吸引 忍吾住幫佢影番張close up唯獨不夠熱 南瓜汁海鮮意大利飯 不過不失拉 飯粒的軟硬度適中要讚既系d汁汁 甜甜地吾會覺得好濟 煙三文魚蜆肉天使麵味道不錯 夠哂汁 很濃煙三文魚的香味蜆有4粒 2個人食就一人兩粒拉🙊 跟餐仲有個是日甜品 不過男友生日就加25蚊轉左個抹茶味既蛋糕仲有埋蠟燭吹tim。女店員也十分熱情主動幫我地影相，笑容十足 雖然環境吾大 一個小小既cafe仔再加店員既優良的服務 令整頓晚餐都很開心👍🏻👍🏻👍🏻👍🏻👍🏻

今晚同女朋友慶生🎂所以事先問左可以係甜品碟上寫上生日快樂👍一入店店員主動同有笑容仲有得揀坐位👏店員友善仲會講笑搞氣氛值得一讚，我地叫左一個晚餐加一個小食瑞士雞翼，雞翼上枱時夠熱仲出緊煙証明即叫即整，而且瑞士汁唔會太甜（個人唔鐘意太甜），而晚餐主菜點左豬手配燒汁仲有d薯角伴碟，先講薯角真係用叉吉落去已經感覺好脆👍食落正，而且店員窩心提醒豬手反轉會容易切👍豬手重點在於豬皮，好脆口😋正，最後甜品特別讚！雪糕加上咖啡再加小許甜酒，口感好正👏一定再食

太子★Cafe Paradise好多次想同朋友仔黎試下都失敗左，因為佢夜晚要做2轉，唔係630pm太早就830pm太晏每次都要另謀高就 今日咁岩同朋友仔可以早，前一日即刻打去book 630pm果段時間（始終位置有限又受歡迎，book定安全d唔洗白行一趟）。其實都唔算好難搵，不過路痴都兜左個圈先番正路 對正條行人路之餘，仲有份外雪白既牆身＆白底黑字招牌，係條舊街之中特別突出 適逢聖誕，門口都添置左唔少聖誕裝飾。不過最驚喜都係入到cafe見到連ｄ櫈仔都著晒唔同公仔既＂聖誕衫＂，勁得意呀即刻feel到d節目氣氛湧埋黎 講番室內環境先，配合番paradise既形象，同樣係白色牆身，其中一面牆上面貼左好多好多即影即有，感覺上好有人情味 cafe既形狀都幾特別（接近Ｚ形？），空間比想像中細。印象中全部都係好細張既２人檯，野食黎晒既時候都要好努力執位先叫勉強放到 搵食時間本身想嗌個dinner set + sandwich，可惜原來今晚所有麵包類食物都停- 忌廉湯（跟餐）：不嬲都唔太鐘意飲湯都係留番比朋友仔飲。試左一啖味道好普通，似係買現成再加熱。- 田園沙律（跟餐）：沙律菜都幾新鮮，