Cafe Paradise (已結業)

貓貓今日比兵仔請食飯，去左間精緻，野食又好食既咖啡廳。見到餐牌最貴既套餐，即刻叫黎食，因為係我最鍾意既肉眼，重要係280g。好大塊。煙肉薯仔湯。濃度適中，煙肉味夠，唔會搶曬成個湯既味道。健康沙律，沙律醋酸酸地，雖然開胃，但可以放少d。貓貓既肉眼牛扒好大份量，好開熏。七成熟既肉扒，拿捏得啱啱好，牛肉鮮味依然係度，加埋香料，唔洗淋燒汁食都好好味，識食一定係咁食，咁樣先食到整牛扒既功夫。呢個肉質質感冇得輸。原來薯角係肉眼下邊，幾得意。特濃朱古力蛋糕，質感滑，唔膩，個苦度係貓貓鍾意的，食朱古力最正就係有朱古力既濃度，加少少苦，個口感好幸福。今日真係好開熏，野食好食，環境服務都好，貓貓鍾意呢度，下次再黎喵！

餐湯係好濃的南瓜湯，南瓜的鮮甜味道再加忌廉的幼滑，好夾好香，熱熱的忌廉沒有太溜的感覺，反而味道清新而且幼滑，有暖胃的感覺！個沙律菜好清新，淡淡沙律汁突顯了沙律菜的新鮮，菜咬落鮮味好大件肉眼扒，真係冇叫錯！肉眼咬落好林，仲有肉汁，十分juicy! 肉眼外表煎得香口，咬入口牛味十足，肉質紅紅，熟的程度剛合我心水，加埋焼汁更令牛味加重，口味十足细細件特濃朱古力蛋糕，份量剛好，朱古力味好純，好香可可味，入口滑滑，大飽口福配返杯洛神花花茶，酸酸的甜甜的，中和朱古力的甜，又有美顏的感覺，好飲呀！

想食cafe，特登黎左太子試呢間。鋪頭望落細細間，環境一般，但服務唔錯。叫set會包埋沙律、餐湯、主菜、飲品、甜品。餐湯係南瓜湯，我本身都好鐘意食南瓜，所以非常鐘意個湯，同埋都比其他cafe特別，唔係忌廉湯。首先上既係，蜆肉煙薰三文魚天使麵，呢個強烈推介，個汁有d蒜同埋好creamy 而且都食到有三文魚味，不過煙薰三文魚唔係一大片個種，而係碎碎地撈埋係麵入面，同我想像有d出入。之後上左個飯，個飯就普通，個味似食pizza個辣肉腸味，我覺得可以唔洗試呢個都得。我地仲叫左個肉眼扒，見到好多食評都推介呢個，但我食落就覺得普通，肉既份量係大既，但係就硬左d，薯菜偏醎。野飲方面叫左玫瑰花菜同水蜜桃茶，水蜜桃個個似藥水味，另外叫左士多啤利沙冰，都幾大杯下。最後係甜品，朱古力蛋糕，最上個層係朱古力醬，之後個層係mousse，最後係蛋糕，幾好食又唔會太甜。

原本諗住同朋友慶祝生日切蛋糕搞驚喜，我們用膳後等埋朋友來，點知餐廳攞左個蛋糕出來話我們夠鐘關門，場面十分尷尬，搞到我地攞住個蛋糕去公園食，服務態度差！餐廳應該15-20 分鐘前告知準備關門，咁我地自然會安排，建議如果要慶祝生日就唔好去這間，無下次！！！

在網上讀過>>>Cafe Paradise<<<的介紹，口碑不錯，於是趁著假期，走到其太子店用膳。 和地鐵站有點距離，徒步而至還得要耗點時間。 畢竟是地舖，不會太寬敞，但還算可以接受。 簡單來個set dinner。部份項目可加錢更改選擇，保留彈性。 是晚餐湯為甘筍薑忌廉湯。甘筍忌廉湯倒也常見，加入薑則較少；然而薑味清淡易入口，不用擔心太過刺激。 沙律需自行拌勻，如需加醋，可要求侍應提供。火箭菜切得較細碎，多分幾次才能夾起。加入車厘茄，為沙律加入點點甜味。 主菜是煙三文魚蜆肉天使麵(HKD118)，天使麵煮得不錯，蠻有嚼勁，忌廉汁味道也調得很對冰的胃口，不會太濃，只是煙三文魚和蜆肉份量較少，有點意猶未盡。 餐飲方面，另加HKD15改點黑牛。朱古力味雪糕來自Movenpick，當中混入大量chocolate chips，非常滋味；但部分碎片黏在杯底，未能撈起，白白浪費了，下次定當要吃得快一點。 當晚甜品是Tiramisu，吃得飽飽過後，這bite size甜品就顯得恰到好處。加一後是晚消費約HKD150，算是實惠，但限時用餐，如要細意傾談，

行完花市，係附近找到間不錯的餐廳餐牌上的可以轉晚餐set, 又幾多選擇喎南瓜忌廉餐湯好濃南瓜味，入口好creamy 呀！少少杰又好有口感，味道濃郁田園沙律好大份，菜新鮮又爽口，入口有沙律汁撈埋，好fresh叫左呢個蟹籽蟹棒忌廉意大利寬條麵，暖暖的寬條麵，入囗林而不糊口，忌廉味嘅汁好夾寬條麵，加埋蟹籽，咬落多了層口感，蟹棒好鮮味，幾條真蟹棒，多汁仲保留了蟹肉香美式咖啡好香咖啡味，又香又滑，入囗回香甜品叫的Affogato ，兩球雲呢那雪糕，加了奶茶酒，味道好突出，只一隻expresso, 加左有陣香濃咖啡感，令平平的雪糕味道更豐富，好味

有一次經過Cafe Paradise，見到好多人等位，因為趕時間而冇食到。今次早D黎，星期六十二點幾黎食lunch，好在唔洗點等位。Cafe Paradise喺太子同長沙灣都有分店，今次黎到太子分店，地鐵站行過去大約三分鐘左右，都算方便。店子小小，座位唔多，裝修簡約時尚丶光線充足。Pasta/Rice嘅選擇都唔算少，叫左蟹籽蟹棒忌廉意大利闊條麵，午餐包餐湯。是日餐湯係忌廉湯，好"杰"，"杰"到似醬汁咁，所以麻麻地。至於闊條麵個忌廉醬好creamy，整體幾好。餐飲加左$25飲壺沖嘅花茶，揀左玫瑰花茶。味道好香玫瑰味，不過茶味偏淡。如果覺得淡，餐廳附上糖水俾你加落去花茶，個人認為即使淡味D，都係唔加比較好。另外點左一份Paradise Full，好足料嘅一份All Day Breakfast~ 有粟米丶茄汁豆丶蕃茄丶磨菇丶薯餅丶炒蛋丶火腿丶煙肉丶漢堡丶煙三文魚丶腸仔丶沙律菜同多士，價錢$98仲包一杯橙汁，都算抵。味道全部都ok，只係唔係咁夠熱。特別一提個薯餅炸得幾好，唔會過火，幾脆，有薯粒。環境氣氛： ★★★★☆食物質素： ★★★★☆服務態度： ★★★☆☆

朋友生日，見到呢間餐廳食評同價錢黎講都唔錯就一於試下。由太子D站出口行過黎不過幾分鐘，門口全白色裝修，有一種好雪亮既感覺，都幾易搵到。準時六點鐘入去限時兩個鐘。好想食牛扒， 叫左個set dinner ,頂級美國肉眼扒（$208), 另外main menu 都有好多其他小食，意粉同飯，價錢五十幾至七十幾不等。叫左個龍蝦帶子意大利飯，upgrade 做套餐都只係$128,夜晚食西餐黎講，呢個價錢都算超值。加15蚊仲可以㨂特飲添先黎個湯，得一款湯：薯蓉煙肉忌廉湯。飲到微微薯蓉口感，同埋都有幾多煙肉，幾入味。不過不失沙律估唔到得沙律菜only ,感覺好孤單...但隔離枱有車厘茄既。。係咪比漏我啊😭太dry,我真係哽唔到成碟，失色左，如果比片鴨胸or 煙三文魚都好丫重頭戲黎喇！！呢個10安士頂級肉眼，真真真係好大塊啊！叫左7成熟，但口感估唔到岩岩好！原全唔會un 或者過淋， 肉眼扒充滿肉汁既香味，肥油分佈適中，加埋個燒汁一流😍平時好怕食好多肉怕好快滯，但呢個兩個女仔一人半塊都唔係好夠。碟底仲有薯角，好味啊。呢個價錢，有咁既質素，開心龍蝦帶子意大利飯，呢個粉量都頗細，但個碟好大。張枱真係好迫下，

【Cafe Paradise】的水準向來不錯，長沙灣都有一間分店，剛好放工經過太子一站交收就順便出站食埋餐晚飯回家位置並不多，記得要BOOK台或者學我揀晚市前後的時間開飯餐牌如下：如果SET DINNER無岩心水，亦可以自己選菜再加錢配成一個餐【蜆肉忌廉湯】名副其實的蜆肉忌廉湯，CREAMY的忌廉湯底，仲配上無數的蜆肉每一口都食到有蜆肉，真是大為感動老實說蜆肉都不值什麼錢，點解其他餐廳唔落D，搞到成個湯像喝水一樣，有點所謂既"湯榨"咬下仲正簡簡單單的醬汁，可惜落得不多，變成真正的青青小草....都係件好事既，因為食到沙律菜新鮮不帶苦澀，十分健康的前菜薄荷朱古力都非常解渴好飲，大愛佢既薄荷味超強烈，非常香...【香辣鮮蝦意大利飯】$128呢排迷上左意大利飯，因為飯質吸味吸汁又軟綿又好咬依個香辣鮮蝦正正就配上意大利飯，所以飯的香帶有鮮蝦的鮮味、香辣醬汁的辛辣感，非常惹味香辣醬汁亦做得非常到位，熱騰騰的也增加了它的辣度，令人一口又一口唯奇怪它的鮮蝦是炸的?? 普通的灼熟放埋一齊仲好吧!意大利飯裡落下不少洋蔥粒、蕃茄粒、火腿，令到個飯不會太DRY最後亦加上一個甜品點綴返成餐飯，可是CREAM得

早幾日已經book好位，上完堂就同男友仔一齊黎食反餐好，點知遇上大雨天，好狼狽咁去到餐廳，位置較逼，二人位置，東西都無地方可以放了，又帶著濕，心情即時太跌。 叫了set dinner ，有湯有沙律，沙律菜都幾新鮮，個湯係忌廉湯。 我點了份10安士頂級肉眼扒，我地要求了要七成熟，份量適中，切落帶點韌。咬落不算林，不過有牛肉香，肥告位置特別好味面煎得帶點脆，配菜就不算多，不過還可以。 最後我加錢要了杯黑牛，來到心情即時好反晒，好好味既雪糕，朱古力內仲夾住啲朱古力碎碎，好好味加埋可樂一齊飲，爽呀

星期六, 上晝忙吓公司野, 下晝三點先出街揾野食, 輕鬆吓~ 見哩間啲囗碑都唔錯, 就一於試吓...點咗一客香辣鮮蝦意大利飯, 一客人氣之選 Paradise Full (all day breakfast)。個香辣鮮蝦意大利飯, 賣相普通, 上枱時重以為得一隻炸蝦；不過, 食落先知飯裏面都重有啲蝦仁。味道方面, 不過不失, 略嫌飯同蝦仁既味道比較淡。至於個Paradise Full故名思義乜都有啲: 有薯餅, 炒蛋, 漢堡扒, 煙肉, 煙三文魚, 腸仔, 烤蕃茄, 烤菇, 焗豆, 粟米, 沙律菜同多士。款式雖然多, 但其實個種感覺好住家, 啲用料好似自己係屋企煮噤, 粟米係最普通既罐頭貨色, 焗豆又水稀稀, 最冇誠意就係塊多士, 如果可以改用厚多士或者係牛角包會似樣啲加錢點咗柸Rose Latte, 聞落好香, 飲落就少咗啲咖啡味...

今天是小弟的生日日子，但今年跟以前很不一樣, 因為是第一次和另一半過生日, 另一半在上班的時候已經説訂了位吃晚飯，感覺很surprise, 從來沒有人對我做過這樣的，她原來帶我來一直想試的Cafe Paradise，就連菜式已想好, 對平時沒有意見吃什麼的她今晚真是眼前一亮餐廳位置不算旺區, 所以在這裡有間cafe是十分有氣氛，餐廳本身格調亦很有獨特風格，在這裡用餐就彷彿身在夢幻的一處Darling今晚第一次決定在這間cafe吃晚餐，我當然任她拍板，她決定吃set dinner美國頂級肉眼扒，set包餐湯沙律, 主菜，餐飲及甜品首先上餐的是沙律, 沙律很fresh, 非常開胃, 而磨菇湯很濃郁，我和另一半吃完已完全打開了食慾令人期待已久的肉眼扒終於上場，服務員主動詢問我們是否需要sauce，另上在小碟子上, 我倆眼前看見這麼有份量的肉眼扒便急急想試一囗, 先沾上燒汁, 十分美味, 肉眼扒很juicy, 而且很有牛扒味, 心裡想$208是十分抵食, 肉眼扒質量是不錯的肉眼扒底還有薯角, 雖然是配角, 可算是為肉眼扒錦上天花，我和另一半十分喜歡這個主菜。, 餐飲我和另一半都點了檸檬茶，可能

太子食店選擇多，火鍋、車仔麵、中式菜館、街頭小食應有盡有，但精緻的cafe 卻少見。相比連鎖式經營的餐廳，我更喜歡支持小店，Cafe Paradise 正合我意。餐廳位於界限街，這間素白牆身、小巧精緻的咖啡館，跟四周的店子和交通繁忙的街道有點格格不入，走進去像進入了另一小天地。冬日星期天的下午，食客不多，餐廳內都以素白色為主調，擺放了不同的裝飾品，感覺十分cozy 。其中一幅牆貼滿食客即影即有相片，似乎口碑不錯。我們點了香辣蜆肉炒意粉和卡邦尼意粉。炒意粉味道不錯，但略嫌不夠辣椒，帶不出辣味，吃不到這道菜應有的勁度。友人的卡邦尼意粉味道可以，但賣相卻一般。這裡有多種咖啡、花茶等飲品供客人選擇，叫人花多眼亂，什麼都想試。最後揀了Cappuccino ，拉花很美而且香滑易入口；熱朱古力則偏甜，朱古力味不夠濃郁。

友人想搵個地方傾下計，甘上網搵附近有咩cafe，發現之前係長沙灣食過一間cafe，原來依到都有分店，之前食覺得不錯，就推薦友人食。入去後，店內好細，坐位不多，之後點了一個set dinner，煙三文魚蜆肉天使面$118Set dinner包括：餐湯，沙律，主菜，甜品和餐茶。餐湯好cream，味道不錯，沙律菜好新鮮，好爽脆，煙三文魚蜆肉天使面令我喜出望外，因為平時食開既天使面都淋pat pat，好易斷開，碎濕濕，但依個天使面好彈牙爽口，白汁又調較得好好味，好夠味，唔好過淡/過咸，正！熱情果慕士蛋糕，幾清新，食完成餐飯後食點甜品refresh下，即磨咖啡，好香濃好滑。

個白汁整得不錯，好香濃，配搭天使麵係一個不錯的選擇。天使麵都整得幾好食，感覺好soft,材料都好足，雞柳好入味，菇食落好香，份量足夠，不是太大食量既話都應該會飽肚。