Cafe&Meal MUJI (已結業)

一直想食Muji, 但同時想食Sushi所以決定左:  先食sushi 再去muji食甜品!!8份飽咁返番muji,  大概9點未夠, 遺憾既係今日既雪糕芭菲賣哂好彩甜品選擇都幾多因為食左正餐無幾耐, 同朋友cheap cheap的share左個迷您甜品set:烘培茶布甸-最鍾意, 超鍾意!  茶味超濃topping嗰一塊野好好味, 有芝麻香,  成件事好夾迷你抹茶芝士蛋糕配紅豆忌廉芝士蛋糕但係一啲都唔漏,   最不得了係個紅豆忌廉,  淡淡地咁漏啲紅豆味出泥伯爵戚風蛋糕伯爵茶味都幾出, 不過三個甜品入面佢就無咁特別同突出喇小小地咁食, 好精緻  特別享受PS1: 店員服務都好好,  睇得出係日系公司...PS2: 店鋪環境好好,  係個冷氣超凍...幾時都話, harbour city 既冷氣係唔洗錢既PS3:  盛惠88蚊,  唔知點解有discount...更加平呵呵呵

muji cafe 是我的飯堂，很喜歡這裡的deli set, 但最近service 真的很差，最上一次有女侍應，全店半吉 狀態也要我攞飛，還呼渴我企埋一邊，如果再不改善要改飯堂希望能留意

muji 開左餐廳咁耐一之都無食過淨係聽過食素既朋友話啲飯餐好好吃咁岩想食甜品 見到佢啲蛋糕幾靚就入去試下好無食餐廳裝修貫徹無印的感覺木系裝潢簡單整潔 俾到人好舒服既感覺果日三點幾去到可以叫飯餐 或者下午茶既甜品餐因為唔太餓同想食甜品就兩個人都叫左甜品餐因為想試多幾種甜品我叫果個係三個迷你甜品加熱咖啡價值唔算平架 三個超迷你既蛋糕要$98叫左1)抺茶芝士蛋糕配紅豆忌廉2)培茶布甸3)香橙朱古力蛋糕黎到個拼盤係好精緻既 靚就真係幾靚不過味道就唔算好突出抺茶芝士蛋糕 芝士味好濃但抺茶味唔夠雖然說 抺茶同紅豆係絕配但我覺得抺茶加芝士味道已經夠豐富紅豆忌廉無畫龍點睛既效果而且太甜培茶布甸第一啖試佢個培茶糖漿係有驚喜既因為有好香既茶味雖然對左黎講都係甜左少少只係佢個布甸就有啲失望滑係好滑無錯但無咩味食落去口感就係 好滑既培茶糖漿味稍為可惜唯一我覺得俾既係香橙朱古力蛋糕朱古力味香濃 香橙味奶但唔會搶左朱古力的風頭而且蛋糕糕體恰到好處好濕潤 亦都唔會甜到過火如果下次要黎我會淨係叫呢個蛋糕服務亦值得一讚加左幾次水好快同好好態度下次再次下麵食或飯餐啦

經過見人少少唔洗排隊，就入去試下。無印一向係香港人最愛品牌，由讀書年代開始已經追奉佢嘅文具。近年仲進駐埋muji go 同cafe. 一直都未試過cafe ,就入去飲啖茶食件餅見到有cold press juice, 又有戚風蛋糕，very good! 等等等咗好耐先有得食，明明店內都唔夠十台客....OK 慢活, 可能係咁解啦！個cold press juice 都ok 好香lime juice 無加冰無加糖, 係真嘢！但個cake就 差左少少, 鍾意佢甜度 唔算太甜，但蛋糕唔太鬆軟，但有少少乾..蛋糕底直頭係硬，似雪太耐雪硬咗.....想喺尖沙咀搵個安靜地方，呢度都幾好，但食就...

今日同朋友一早經過海港城，想食個早餐但又唔想食快餐，就決定去MUJI食個靚靚早餐。我地叫左個Healthy breakfast set同pancake set。前者係菠菜炒蛋多士配一個自選冷盤前菜，加一份yoghurt同飲品。炒蛋多士好好食，蛋份量多而唔老，加上搽左牛油既muji麵包，好好味。而冷盤揀左雜菌配半乾蕃茄，都不錯的；而yoghurt有少少太酸，因為加入既雜果都是新鮮既，個人覺得甜度唔夠。另外個pancake真係十分不錯，好鬆軟好香蛋味，糖漿都唔會死甜，輕輕鬆鬆就食曬三件。

今天有朋自遠方來，建議去試試muji cafe.這兒環境舒適，一貫無印的簡約作風。午餐主要是三小碟或四小碟、all day breakfast 或咖喱。由於近日肥左少少，所以今天試試healthy breakfast $98 作為午餐。這healthy breakfast 有炒旦多士、一冷盤（我選了炒磨茹），鮮果乳酪及咖啡。黃黃的炒旦口感滑溜，又滿有旦香，配上鬆軟的麥多士，好有飽肚幸福感；炒磨茹是涼的，有少少醋香，味道ok，唔太特別；鮮果乳酪是無糖的，有少少什莓拌著，口感香滑都幾smooth 下，簡簡單單的餐點，吃完無負擔，我相信這午餐約只有400卡路里，所以應該可以做我的減肥午餐。咖啡是蒸溜的，味道比即磨咖啡淡口，沒有酸澀味，只有淡淡的咖啡味道。以$98 元食個all day breakfast ，貴就唔貴，但份量偏少，或許胃口細的女生才夠吃吧。

👁‍🗨 宇治抹茶芭菲 💲58成日都去Muji買野，但係佢間cafe就真係第一次試🙂下午茶時間，竟然會全間滿座，都要攞飛等一陣位😳佢有啲套餐提供，但係因為冇咩特別意欲想飲野，所以我就咁單點左一個甜品，個宇治抹茶芭菲都有抹茶味，雖則未去到回甘，但係都還好既，總算比預期中出色喎🤗面頭有少少紅豆，下面仲有粟米片，好脆卜卜既，同埋少少抹茶啫喱，不過啫喱就硬左啲同埋無咩味啦😳🔛 整體評分（7/10）

Cafe&Meal Muji 已經係香港登陸左好耐，但係一直都未食過muji因為對呢間餐廳真係無乜好奇同好感，連muji 既零食我都唔好不過因為我食量真係太少，同行友人又唔想曬野次次都要幫我清埋搞到食到好飽，所以muji 既份量其實幾岩我～今次食晚市，但係個menu 既野食配搭都幾新奇呢度有d 大路西野burger 薯條呢d，但係因為我㨂左三品，所以就配兩個冷盤同一個熱食不過d 配搭我覺得有d 怪怪，沙律配又白飯？？薯餅配白飯？？其實佢有好多choice 俾客人選擇既，但可能我份人比較㨂飲擇食，所以都唔太岩食呀其實⋯⋯所以最後我㨂左呢三樣野食：帶子沙律、薯仔沙律同埋黑醋豬肉，配白飯帶子沙律個重點當然係帶子啦，個帶子唔係原粒， 佢切開左細粒d，味道幾清甜。個沙律落既醬汁唔係多，所以都食到d 菜同帶子既味道。作為一個前菜其實幾fresh～（但係如果唔係配飯而係牛扒既話）薯仔沙律就普通一個薯仔沙律，薯仔整到有d 口感唔係smash 曬好淋既因為食薯仔真係好飽既，但呢個份量其實又唔係多，所以就算食曬都唔會好飽好啦食完兩個沙律就食熟食，不過食完兩個沙律之後食白飯真係有d 怪個黑醋豬肉其實好食既，

今晚收工後同幾個同事食完晚餐呢就直接去食甜品朱古力好重味，甜度適中綠茶好好食，好香，我最中意食呢個！因為我太中意綠茶味，所以我叫多左個綠茶雪糕黃色圈內賣相好得意，好似蛋黃咁蛋糕面的生果好新鮮，夠甜唔酸

有朋友帶路，才知道原來Muji有飯吃而去簡單，味道還不錯。我和同伴都點了四品飯配上味噌湯，在十多款裡面選擇自己喜歡的菜式，而且還有不少素菜的選擇。唯一美中不足是定下了兩款涼菜兩款熱盤，為何不能選擇全熱盤，尤其在冰冰凍凍的冬天。好喜歡這裡的五穀飯，一向喜歡粗糧的我，吃得很滋味，當然都有白飯的選擇。菜式方面就不一一點評了，味道很夠，可惜素菜就是有點油，最後每人一百多點賣單，說很便宜就不是，但還是可以一試。

相識滿天下如木嘴都會有寂莫嘅時候，平時如果得自己一個人，通常都係去D連鎖快餐店就算數，反正好多顧客都係寂寞人，無咁老尷。今日木嘴就正正係得一丁友食Lunch，但今日又突然想食好少少唔想咁頹，又要一個人食唔老尷，又要有D質素，最終喺腦海就浮現呢間野。木嘴其實就黎過呢間野唔少次，每當做緊寂寞人或者有時行開海港城諗唔到食咩既時候就會揀呢間，因為間野通常都無乜人同幾好食，木嘴依家連佢個餐牌都差唔多識背咁滯。今次就試佢個All day breakfast，之前每次望餐牌都覺得幾靚幾有日式味但又驚唔飽所以無嗌。個餐好似好少野但食落又覺得幾豐富，個麥皮好足料，好多生果同提子乾，但木嘴就覺得甜左少少。至於條腸其實幾好食，但塊腸皮真係好厚，仲厚皮過木嘴D腳皮，食落去好似食香口膠咁咬勁耐都未咬得爛。火雞片、蘆筍同Egg benedict都唔錯，味道好清新。順帶一提，之前食過佢D幾餸飯，漢堡，三文治果D都幾好食，但就建議唔好食咖哩，因為味道極普通。不過總括黎講，如果閣下都係一個寂寞人，去開呢頭不妨黎呢間野一試，話唔定木嘴都咁岩坐喺隔黎枱享受緊寂寞安靜既感覺。

講簡約，整齊，清新，始祖係由日本傳來既無印良品。佢既文具有幾好，真係無須我講。而佢既cafe&meal我就一直都好想試。Tea time 係試食甜品既最佳時機，甘諗既當唔止我一個啦，cafe外有短短既人龍，最票後可到muji先逛逛。這個<梳乎厘奄列>最吸引我！賣相亦非常吸睛👀✨味道十分難忘。外表係奄列，表面有薄脆，內裡係軟綿綿既梳乎厘，不太甜而且有濃郁蛋味。配以雲尼拿雪糕、朱古力醬、楓蜜，任君選擇。多重口感，令我回味無窮

又到 lunch hour 啦，一點鐘高峰期諗住要等位，點知去到大把位～第一次幫襯，叫左個三品料理套餐，配個十榖飯，包一碗湯。料理可以揀2個冷盤，1個熱盤。蜂蜜乳酪醬汁拌青蘋果乾果（冷盤）：乳酪味較輕，食唔出蜂蜜味，青蘋果唔太酸檸檬啫喱配蔬果（冷盤）：有半塊大菇，半件西式翠玉瓜 X 2，好有趣ge配搭，味道清新餐湯（熱盤）：呢個堅好飲，飲得出真材實料冇味精桂花蜂蜜炸魚柳：個醬好香好好食，撈飯一流，但分量較少，得兩件

放工有時想自己輕鬆一下，去尖沙咀shopping 後就需要醫一醫肚啦，要起尖沙咀搵到可以一個人食晚餐的地，第一時間就會想到muji cafe ,一人食晚飯亦不會感到尷尬！😂😂日式晚餐主要以輕食為主，份量好適合女仔，今次就簡左兩個主食同埋兩個冷盤的四個菜的晚餐啦！熱食分別簡左橙汁味的豬柳（左上方）及炸薯餅（右上方）豬柳用左橙汁一齊煮，好清新同開胃，細細件食起上來亦很方便！炸薯餅就粉漿不厚，係穩陣的選擇，驚喜就欠奉！冷盤就簡左一個沙律（左下方）同冷食蒸玉子（右下方）味道正常，玉子也十分好送飯！這是約$100完的價錢起尖沙咀坐得舒適，一個人也不尷尬的選擇！

尚有一星期便出發去旅行，今天休假去兌換日圓，幸運地近期匯率有回落的趨勢，不無少補。雖然天氣不太好，時晴時雨卻無礙星期一下午悠閒地享用下午茶的決心！我從海港城這間Muji Cafe及港女最愛的Lady M 中選擇了Muji Cafe。自學生時代起，已對無印情有獨鍾，喜歡簡約設計的文具，有時候甚至會儲一系列顏色的原子筆，時至今日，仍然很嚮往將來的家有這種日系簡約風格。餐廳全採用木製傢具，沿用無印一貫簡約設計的照明，感覺舒適自然。有什麼比大部分人在忙碌工作，而你在享受生活更快慰呢Tea set 以甜點為主，我點了一份鮮果忌廉卷蛋配沖繩的Suntory 紅茶。卷蛋精緻的外貌已非常吸引，中間夾著新鮮的無花果做餡。切開可見無果花份量不少！幾乎是原隻奉上，無花果咬落清甜爽口，啖啖新鮮果味，而海綿蛋糕也頗軟，配上新鮮忌廉，淡淡甜味也很討好。吃罷一份下午茶不會太有罪惡感，實是女性恩物