Cafe Corridor (已結業)

早幾日見到有個朋友post左張幾靚嘅咖啡相上fb, 就問佢係邊間cafe啦, 佢話係times square對面, 我都知佢應該係講緊呢間cafe corridor. 其實之前search食評都search過, 見唔錯都想一試, 但始終都唔係成日過海, 今日終於有機會了.地方都幾易搵, 一行入條走廊幾步就到. 入到去地方細細得十個八個位, 而且都幾窄, 好似唔係太啱我呢d XL人仕適逢我仲未食早餐, 除左叫左一杯Latte Macchiato之外, 就叫多份All Day Breakfast喇. 俾完錢之際, 收銀員向廚師講左句: "all day喇媽", 真簡潔~有得食了, 杯Latte Macchiato夠滑, 而且啡味都夠濃, 如果大杯d就好了.至於份breakfast 就好有心思, 份scrambled egg上有香草n pepper, toast上亦已搽牛油, 連d菜亦有d應該係類似酸醋嘅汁, 健康好味~ 當然佢地仲有係塊薯餅上畫哈哈笑呢樣強項啦, 今次我覺得我呢份畫得好細緻, good! 總括黎講, 食物質素同心思值得一讚. 一分錢一分貨, 價錢絕對唔平但間中黎食一次都可以

星期六想搵一個同朋友坐低傾計食TEA既地方都唔係咁易幾經辛苦搵到黎呢度 好彩黎到唔係好多人 唔駛等位環境好好 唔會太嘈或者太靜 傾到計既聲量又不失熱鬧員工態度好NICE 自動幫我地安排坐位SUPPOSE係自己攪掂架Board MenuFrench Toast: 用楓糖漿代替普通糖漿 冇咁漏 炸得啱啱好 唔會好油Peanut Butter and Banana Toast: 個人好鍾意食花生醬 覺得配埋一片片香蕉好matchAvocado Spread on Toast: 朋友既選擇 自己冇食 但係朋友既評語不錯Coffee: 唔記得係咩 拉花幾靚

當天為了到銅鑼灣赴約 (我親愛的耳鼻專科醫生), 所以一個人在時代游盪, 時間為下午兩時了, 還未吃過東西, 距離約會還有一段時間, 便在想那裡可以優閒一點又適合獨個兒 "hair" 的餐廳, 一剎那間便想起這兒, 他的咖啡香, 食物好, 雖然份量不足以為大, 但以我的需求就是剛剛好了。服務幾乎是自助型式, 但服務員反應快, 有禮貌, 令客人很舒適自在。

帶友人黎左呢間cafe嘆個茶傾下計幫友人點了份all day breakfast + apple juice自己就點了杯hot chocolate + banana with peanut toast食物即叫即整，保證新鮮熱辣份all day breakfast既份量相當大，幸好男生們大多都不浪費，盡管感覺到飽意，都會將佢食晒店員仲好有心思，響份all day breakfast個薯餅上面用茄汁畫了一個笑臉好可愛，令人好開心友人對呢份食物評價為佳呢而小女子既熱朱古力則拉了花，好靚，真係唔捨得飲份toast好香好脆，加上香蕉甜甜的，味道真係好合襯不過美中不足既係鋪頭地方比較細，坐左好多人，好full，同有d嘈如果想坐係度聽下歌或睇下書既，我諗呢度唔會係一個太好既選擇

星期日同老婆兩點幾先去食LUNCH.... 老婆鍾意食薯餅, 出到街都3點幾LU~~ 唯有找間BRUCH食下.. 尼間CAFE SHOP,位置好方便, 叫左兩個ALL DAY BREAKFAST ($55 X 2), 一杯"卡巴千奴"(~$28左右)同凍莫卡 ($35)...... $173左右~~ 都有D貴~不過食物質素好OK~先黎凍茵卡, D朱古力味好濃, 似DARK CHOCOLATE味... 唔太甜, I LIKE~~之後ALL DAY BREAKFAST有炒蛋, 脆皮腸, 番茄仔, 菜SALAD, 茄汁薯餅同香草包,炒蛋 - 好滑, 有黑PEPPER, 唔錯,脆皮腸 - 好味, 有蜜糖菜SALAD - OK, 檻欖油加黑醋...茄汁薯餅 - 熱, 香, 脆, YUMI~香草包 - 最好食, 因為係多士加埋本身既香草同牛油, 簡直一流~ 有D貴, 不過可接受既....

今日和朋友去這間在openrice看到很多笑面的cafe lunch, 以為好正. 誰不知食物和服務都好差, 相對下, 收費就好高昂了!!坐下後, waitor自動給我們每人一杯暖水. 心想: 幾細心呵!我因為其實之前吃了少少嘢, 只想趁高興吃少少及試吓很多人讚的coffee, 所以我問個waiter有冇得叫凈toast, 他說有. 所以我只叫了一客牛油jam多士 + house coffee. coffee $25, 但toast他竟然當其他有配料的sandwich咁收我$25!!!! 咁都算啦, 因為我事先冇問清楚. 但份toast真係得兩塊乾憎憎的麵包!! $25 俾塊生菜都唔駛死啩!! 個coffee仲衰 - 苦的!!! 我啲朋友叫嘅all day breakfast, $55 份量一樣少得可憐, 連女仔都話唔夠, 而且d friend都話唔好食, 個hash-brown 好油 叫佢地加水時, 其中一個waitor竟然指住佢地有個斟水的水喉, 黑口黑面說: 呢度d水係自己出嚟去個水喉處斟架!! 講完繼續做自己嘢!!! 我地成班對這突如其來的低劣服務態度都唔識反應!!! 我

聽過有位朋友說自己最喜歡這間Cafe Corridor，覺得這裡的咖啡真的好飲，一直都只會去這裡歎咖啡。既然來到銅鑼灣，我也去試一下~All Day Breakfast $55 - 有炒蛋、脆皮腸、牛肉多士、薯餅和沙律。炒蛋夠滑，薯餅上畫了笑臉很cute，沙律配醋和橄欖油，中和其他煎炸食物的油膩。Latte $28 - 很美的拉花，咖啡香而不苦，果然不錯。Cookie n Cream Cheesecake - 份量不大，芝士都算滑，芝士味夠。面頭的oreo餅林了，有點失色。室內店子不大，到處都是寶麗來相片作品。外面還有露天座位，方便食煙人士。

銅鑼灣鬧市少有的悠閒cafe, 雖然食品的choice不多，但她的latte真的很讚！拉花一流呢！！另點了mushroom and egg on toast, 炒蛋做得不錯！！友人點banana toast, 愛甜的一定會喜歡呢！Shopping 久了在這叉叉電，又可以再血拼了！

已經來過這店很多次了，一般都是黃昏時分來，晚飯後光顧則是頭一次。因為是飯後，喝咖啡之餘還思量著想要吃甜品，於是點了個Affogato，即是在Esspresso中加入雲呢拿雪糕。先說一下賣相，杯子很美，是他們慣用的Reneka杯子，esspresso shot的crema很多，雪糕上還放了粒咖啡豆。拍過照片，急不及待要試試這個Affogato。一啖下去，真的不得了！雲呢拿雪糕一下子變成了咖啡雪糕！香濃的咖啡加上甜甜的雪糕，一冷一熱、一苦一甜，實在是絕配。假如份量可以大一點便完美了。

sat同朋友兩個去試試cafe corridor~ 想試左好耐了!! 12點幾去到剛剛有位唔洗等位!! ^^點左 All Day Breakfast 同 hazelnut latte!! * All Day Breakfast: 味道ok!! 份量都滿意。只係個芝士吃腸好係唔係太夾。如果係煙肉或者american style D既sausage會比較匹配呢! 但係都好滿意。salad都有balsamic vinegar，唔錯!! 但係D vinegar有D整左落個薯餅度~* Hazelnut Latte: 有貓貓拉花!! 好可愛!! 咖啡豆夠香! 溫度對我來講剛好!! 讚! 環境好warm .. 同朋友傾計好好!! 好多polaroid既相左decoration! 老闆好用心既感覺!絕對會再來!!

星期一朝早 拍住拖 斯斯然去CAFE CORRIDOR 食個早餐 真係寫意炒蛋幾香 多士烘得幾脆軟SCONE 有水準 不得不讚!!兩杯LATTE 味道都唔差平均40幾蚊一個早餐雖然對自己黎個已經有少少奢侈不過抵食

朋友生日~行開銅鑼灣又掃左陣街~咁岩路過呢間cafe諗住飲杯野~點知見到「隔離飯香」~所以我地又試一試呢個All Day Breakfast啦~食物賣相果然重要~見到個薯餅係度哈哈笑真係令人心情開朗呀蛋好嫩好好食~薯餅方面我就麻麻地咁多茄汁啦~其他都正常味道啦~~飲品揀左杯Latte同蘋果熱情果沙冰~聽聞有個人拉花拉得好靚~又拎左好多獎咁~不過可惜當日呢個人應該唔係度~Latte art係成日見ge心心~反而蘋果熱情果沙冰有d驚喜~唔會好多碎冰~反而覺得果味好濃同好fresh~

要銅鑼灣區飲咖啡，這是不二之選....我每次都會點 Latte奶香滑，好 smooth, 咖啡味亦夠濃, 拉花靚，拉花反映了這杯咖啡的質素都唔差得去邊...見到有個食評提到佢地換左個 barista... 是的，這位 barista 的拉花一流，咖啡亦沖得好好.. 好有 heart... 知道佢轉左來呢間，我都地多左黎捧佢場...如果有多D位.. 仲好... 氣氛都OK，但因為地方唔大，唔可以坐好耐，少左果種休閒的感覺... 但以咖啡質素來說，真的不錯...

今日約左好友午餐，佢提議去Cafe Corridor食~是日比較晏出外午餐，所以去到都唔洗等位 我係第一次去呢度食，是日Set Lunch有4款，可惜原本想食果set賣哂 於是我地叫左煙肉蕃茄意粉，蘋果蛋沙律~煙肉蕃茄意粉 不過不失~冇特別~蘋果蛋沙律 幾新鮮，我覺得好食過煙肉蕃茄意粉~餐茶加左錢要Latte~好香好滑~餐後叫左件Cookies n Cream Cheese Cake， 幾大件，但味道普通~如果lunch趕時間，呢度就唔太合適，因為上菜時間比較慢。個人都幾喜歡呢類小店，在銅鑼灣鬧市但位置唔算好起眼，旺中帶靜，感覺幾好~

這裡的espresso沒有機會失準,最失望的那次是一貫水準.而有時會超水準.今天正是,很剛烈的一杯...杯中是像蜜的形態.Markco 在GBC 那天只是太堅張而已,今天在店中她主事.那天比賽她是失準.今天這杯好勁.