Café Circles

我是在12月頭來的,但book位是要差不多要個多月的時間,這個月抱著超大的期望來到這裡吃自助餐.我與朋友一心覺得要訂咁耐先可以訂到的自助餐一定好好味啦..點知...一黎到大堂就覺得很大陸囉,裝修簡陋,近睇仲幣...算啦入返正題:我們大約7點到達,去到已看見一碟只餘下蟹殼的碟,但係行黎行去都沒有換新的一碟,大約到8:30有一位先生忍不住與經理投訴,很快新的一小碟就由侍應生取出,但是這一小碟又會夠當晚的客人食嗎?但我食過這一條長腳蟹後只覺得不拿也罷(很難食啊!沒鮮味,有d霉霉地添)食物沒有很多可選,只有一樣係不斷供應就是魚生,,就連最普通的生"虫毫"也沒有,只有一款個殼超大的焗"虫毫"...大約8點終於見到有人龍了...原來是燒龍蝦仔..oh排咁耐隊..沒有味道的..蝦不新鮮.....唉..最簡單的沙律連生菜也沒有...這叫自助餐嗎?到最後的甜品..賣相已不好,佢可以用白色的匙載一個小甜品,用豉油碟載焦糖蛋..可解以300元就吃這些食物????若我用這300大元到樓下的大排檔都不知幾好味啊.....但最後要提一提侍應生們有禮..全晚最滿意的地方...

首先，去呢處地方路標或指示牌唔清，兜好大個圈至去度，最慘係我之前已經打電話去問佢落西鐵點去，佢仲答我搭西鐵好近，行一陣好快到！一心以為真係西鐵站附近，誰不知要我行成半粒鐘至搵到！一入到去，大堂已經唔grand，上到9樓，竟然冇人招呼，要我等成半分鐘至有個人埋帶位，坐低去搵食，我係食LUNCH BUFFET，其實我都預少，不過冇諗個真係咁少！三文魚係我食咁多間切得最厚O既一間，真係食幾舊都飽呀！壽司就冇乜款，睇到都冇衝動去食！熱盆款式都少，果款香煎豬扒簡直係絕頂....難食，豬扒"鞋"又冇味，另外果款唔知係津白定娃娃菜，有陣豬籠車經過果陣味，好難頂！佢仲有一款叫粟米班塊，班塊與粟米汁係分開的，我見到個大叔竟然用個小湯碗去"裝"粟米湯，成碗滿呀，"筆"完真係齋食班塊，佢可以考慮除羅宋湯外加多樣粟米湯啦！侍應服務又唔可以話差，又唔叫得好，我個FRIEND坐果張搖搖，佢都諗住唔好咁衰換隔離果張，於是叫個侍應幫佢換，點知佢換隔離果張比佢就算，執碟仲搞笑，未食完果D就執，食完果D又唔執，吹賬...睇係佢仲有好多地方要改善喇！

我地上個星期一行十幾人開開心心去試新嘢，點知唔試由自可，一試幾把火。野食選擇少唔在講(只係得夾埋唔夠廿呎嘅枱)，連沙律都好呢d好難可以難食嘅野都唔好食，d野又唔新鮮(D蝦"梅"架，每次出得果10件壽司都可以飯硬紫菜"林")，焗蠔又唔熟，甜品直情樓下間街坊餅鋪D蛋糕都有誠意同好食過呢間「酒店」呀﹗食到無野好食，有個朋友索性食豬仔包算，好救命﹗每人大拿拿俾成$306，真係依家諗起都嬲﹗唯一好就係侍應態度好好，而且換碟夠快﹗

前日訂了今日吃自助午餐，入到酒店，第一個感覺係咁有大陸feel....上到九樓，環境簡潔，我們坐了窗口位，望哂半個荃灣，甜品都有十款，芝士餅係最搶手，魚生得三文魚、吞拿魚、立魚、八爪魚，壽司賣相完全唔掂，所以無吃，仲有20款美食，都好好味，兩人吃了＄303

餐\\\聽極差野食出兩三次就唔出(EG:長腳蟹最勁，出兩次就唔出，仲要係腳碎，狗食咩)估唔到上網睇人D日記話幾好開左一個月就差咁多.....勁.....祝佢\\\生意興隆啦，大家千其唔好去....

原本是想到東涌東薈城個間酒店食自助餐，但已知悉要預早半年預約，於是在雜誌見到推介這酒店之晚餐自助餐可以與東涌的差不多，故在今日前往品嚐，食物種類都幾多，味道亦不錯，refill食物速度夠快。到11月底仲有八五折，抵吃!!!