Café Circles

為咗去慶祝 又想近近地 去左荃灣如心到食自助餐咁岩 撞正復活節 都照去啦 見係官網book有折首先要讚 ： 鵝肝 不斷煎 唔洗好似某酒店咁 要等好耐 排大隊 炆花膠海參 都幾好食 都算係回本之作復活節主題甜品 做得都幾靚既 雪糕係Häagen-Dazs 但係 下次都係會選擇返 有龍蝦 同生蠔食既自助餐啦

今日夜晚豪食，試咗下人均六百幾蚊嘅buffet❤️今次buffet主題係國際海鮮🦐🦀🦞海鮮方面，通常係啲蟹腳，不過蟹腳嘅數量好少，一陣間已經冇晒，蟹腳嘅味道都OK新鮮嘅，應該要refill多啲🤧今次仲有埋麵包蟹可以試吓，仲有一啲係蝦，正正常常值得讚嘅係蒜蓉鮑魚🐠味道好好，感覺到鮑魚嘅好新鮮另外有工作人員會幫手燒蟹腳🦀燒出嚟嘅蟹腳好香味道好好食，值得一試👍🏻家常菜方面，啲肉類多數係牛肉🐮牛扒三文魚🍣壽司個啲。仲有一啲比較家常嘅菜啦例如京蔥爆牛肉，白切雞🐔，芝士焗蠔🦪，味道都正常普通，冇乜特別有一檔係專門燒啲雞肉🍗串燒，味道好柴好難食搞唔掂🤢甜品方面，唯一驚喜嘅係佢嘅甜品🍨，例如有好多唔同味道嘅馬卡龍，紅莓伯爵茶檸檬開心果，鍾意食甜品嘅係可以喺度揀好多試吓其他嘅甜品仲有一啲豆腐花，夾糖🍬，朱古力瀑布同埋朱古力雪糕有Häagen-Dazs,芒果🥭朱古力🍫士多啤梨🍓味道👅方面，啲嘢飲好普通，Mr juice或者係啲普通嘅茶蘋果汁呢一方面比較失望😿總結！呢個價錢嘅話，我覺得啲嘢食幾失望，海鮮正常冇乜特別，唔會再試🤐

踏入冬季又臨近新年，最啱約埋親朋好友一齊聚餐慶祝🥰 荃灣西如心酒店最近推出「冬日珍饈美饌」自助餐，以珍貴海味包括鮑魚、花膠、海參及冬日時令食材入饌製作滋補佳餚，共享冬日暖意❤️ 網上商店Nina Boutique預訂更可享高達75折優惠～✨ 冬日珍饈美饌 – 鮑魚花膠海參盛宴❀ 海鮮 🦀自助餐賣點之一就係凍海鮮，當日有清酒鮑魚、麵包蟹、雪花蟹腳、翡翠螺、藍青口及凍蝦😍 清酒鮑魚鮮甜又爽彈，麵包蟹入面有唔少蟹膏，蟹腳充滿鹹鮮味，啖啖肉好正😝❀ 壽司｜刺身｜冷盤 🐟刺身有吞拿魚、三文魚、鯛魚、希靈魚、北寄貝及油甘魚，款款厚切又夠新鮮😍 另外仲有多款雜錦壽司，如鰻魚及帆立貝壽司等✨ 冷盤就有煙三文魚、法式豬肉火雞批、芝士及火腿拼盤～❀ 燒物 🔥人氣items有烤乳豬及鵝肝多士😍 即場有專人燒羊架、牛扒及各款串燒，仲有即切燒羊脾、供應好充足👍🏻❀ 熱食 🥢提供多款冬季時令美食，有花膠海參鵝掌煲、蒜蓉蒸鮑魚、燒蒜香皇帝蟹腳、燴羊膝伴紅椰菜、味菜胡椒豬肚煲、樟茶鴨等☺️ 另有雜錦炸物、燒雞伴燒烤醬pizza、章魚燒、關東煮、焗蠔、日式慢煮豬簽骨、燜羊腩及紅酒燴牛肉等❀ 甜品 🍰甜品corner精緻又多

第一次食下午茶自助餐。熱食，：蒸鮑魚，焗蟹蓋🦀，xo海鮮炒飯，蒸魚，芝士青口，叉燒👍🏻😋白切雞，🍕pizza，燉湯 。冷盤：長腳蟹🦀，酒鮑魚，東風螺🐚，🦐。燒烤：豬，雞串燒，牛扒，雞翼，刺身壽司：三文魚，吞拿魚，八爪魚🐙，各款壽司🍣，日式冷盤前菜。甜品：件件都細細份，可以食好多款式推介蝴蝶餅，重有häagen-dazs四口味嘅雪糕雪條…人唔太多，所以唔洗好似搶食咁，大家都食得好開心

疫情過後一直未有時間去食buffet, 應該話未有勇氣帶埋BB一齊去食buffet, 趁住今個聖誕, BB又已經可以坐定定食街外野, 我就係kkday book咗如心酒店Cafe Circle食個聖誕buffet今次我地book左5點個輪, 可以食到7點半, 5點鬆D去到門口, 完全唔駛等位由staff帶入場, 枱面已經貼心放好左BB椅同埋BB餐具, 仲有聖誕玩具, 岩晒用黎消磨BB的好奇心, settle down之後我就去開動食野咯今次個buffet無生蠔任食, 因為我地唔太好蠔, 冷盤有鮑魚, 小龍蝦, 翡翠螺, 魚生, 熱盤都有好多選擇, 仲有D岩BB食添, 我就拎左白飯, 蒸魚, 西蘭花, 翠玉瓜同埋火雞俾佢食仲有一個位要讚的係-----呢度竟然有羊架!!!!!!同埋鵝肝多士!!!!!!仲要唔限取, 放係度任!!!!拎!!!!! 唔好意思, 我真係...食左好多件鵝肝多士, 因為真係超級好味甜品就更加唔駛講啦, 有成張長枱放甜品呀樹幹蛋糕, 哈根達斯, 豆腐花, 生果隨意拎, 真係俾多2個甜品胃我都搞唔掂呀由於聖誕節關係, 餐廳仲安排左扭波波同埋聖誕老人派禮物環節, 氹到我個

非常之失望，估唔到如心咁嘅大酒店提供嘅自助晚餐竟然係咁差。 一心諗住同女朋友慶祝一周年，準時6:30到達，酒店員工服務非常之好，上到去入場非常之快，只需講電話號碼就可以成功入場。 本次自助餐主題係sell食蟹，但係入到去蟹只有三款，一款凍蟹腳，一款凍麵包蟹，一款燒蟹腳，蟹腳不過不失，麵包蟹非常之普通，燒蟹腳極咸。 其他冷盤加埋20多款(冇乜記憶點，淨係記得連Parma Ham都冇)，熱食30多款(得中式蒸魚好少少吧)，日式刺身吧(爭鮮質素)，甜品20多款(本餐唯一亮點)。 除咗甜品唔差之外，其他都並非物有所值。 本來對食物已經感到失望，點知之後更失望，作為人均超過$500嘅自助餐，除咗自助咖啡機之外，提供咗十幾款樽裝飲料，但係提供嘅啤酒唔係生啤都算竟然係樽裝青島，真係完全不能接受。 食左一陣更加發現，場地通風極差，全場都係油煙味，本來以為係坐嘅位置問題，但係行均全場都仲係聞到極重油煙味，食多一陣淨係聞到油煙味都飽，已經完全食唔落其他嘢。 最後只係食咗一個半鐘頭左右就我同女朋友都頂唔順決定走先，唔會再有下次。 PS. 酒店的員工服務很好，熱心有禮，換碟上菜速度飛快。

朋友生日午餐，係蟹fans。見到寫蟹宴佢就衝左去啦，千里迢迢去到，原來好少蟹既菜式，而且蟹亦冇蟹味，其他野食仲好過佢。但菜款式唔多，壽司魚生類又係好少款式。甜品有Halloween 主題幾可愛，有返少少開心。生果都少種類。咩叫少，三種少唔少？😂基本上，未食過咁少種類既自助餐，而且味道亦非常一般。

食物種類多，味道好，座位安排了獨立房，地方闊落，食得舒服。 侍應服務態度良好，收碟快。 失望當晚無煎鴨肝、魚生鮑魚欠新鮮。 熱盤及燒烤質素較好。 芒果拿破崙蛋糕，出一次便沒有再出。馬卡龍好好食。

2023年9月15日(五)~我們一行四人到如心酒店9樓的Café Circles享用自助午餐，在app找到買二送二的優惠,即平均每人約$230多即可享用。當天約有7-8成滿座,食客以長者為主,可能是有閒日的長者優惠吧！主打食物：冰鎮雪花蟹腳、羔蟹、凍鮮蟹、焗釀蟹等

本人真係好鍾意食蟹，妹妹通知有buffet係蟹主題，我就第一時間book位，約埋妹妹一齊食。午餐的buffet都好多嘢食，冷盤：長腳蟹、麵包蟹🦀、凍海蝦🦐、鮑魚、蜆、刺身壽司、冷麵，沙律都有，不過我覺得佢選擇少啲。熱盤：串燒（秋葵/冬菇/雞肉串…..）、燒味、燒牛扒、點心、中湯西湯、時菜、魚、都有少少台灣美食。甜品：種類繁多，馬卡龍、泡芙、小蛋糕、水果、豆腐花，每樣食少少和妹妹share已經好飽。雖然餐廳蟹嘅菜式唔多，但食物嘅種類質素，是很好的。

折後約六百多元一位, 員工收碟很快, 不會不夠人手, 食物很啱我口味, 沒有生蠔, 但有焗蠔, 很落本, 有twining 一盒6款茶包選擇, 又häagen-dazs雪糕雪條不用爭, 又充足. 今日有人閘蟹.

荃灣西如心酒店 Café Circles 由即日到11 月 26 日期間，逢星期六、日呈獻「和風の味」 週末下午茶自助餐，用上香港人最愛嘅宇治抹茶同紫薯作甜品😍.西餐行政總廚同糕餅團隊以宇治抹茶同紫薯構思多款特色甜點包括：口感輕盈細滑嘅宇冶抹茶慕絲蛋糕、風味獨特醇厚嘅宇冶抹茶歌劇蛋糕、濃而不膩嘅宇冶抹茶燉蛋、及經典嘅宇冶抹茶奶凍；同時亦可品嚐鬆軟綿密嘅紫薯麻糬戚風蛋糕、層次豐富嘅紫薯香草芭菲杯及紫薯朱古力撻😝 甜品區仲有Nina Patisserie自家製pastry、candy section、朱古力噴泉、大量Häagen-Dazs雪糕雪條，真係太多種類揀～.除咗甜品外，下午茶自助餐仲提供多款凍盤、小吃、熱盤，例如養生牛蒡飯、蘋果蟹籽沙律、鹽燒雞肉大蔥串、章魚小丸子、燒日式雞串等～.供應日期：即日到11 月 26 日期間，星期六及日供應時間：3:15PM - 5:15PM價錢：成人 $318小童/長者 $258

趁假期到酒店放鬆一下，入住這家酒店，並享用它的自助早餐。 環境方面，樓底高而光猛，外望荃灣市景。 食物選擇算豐富，西式食品有煙肉、即製煎/炒蛋、腸仔、蔬菜、水果、沙律、各類麵包、熱香餅和穀物等。 中式食品有炒麵、燒賣、饅頭、珍珠雞、炒腸粉、即煮湯粉麵和白粥等。 當中比較出色的是炒麵，麵條軟身，入味之餘亦不算鹹。燒賣亦皮薄而肉質彈牙。 此外，粥煮得黏稠，夾雜了瑤柱絲，仍保持到米飯的味道。 服務亦令人滿意，這是不錯的早餐體驗。

榴槤主題T buffet，感覺太失望，熱食款式是在全港食過buffet之中最小款，食物唔熱，見到好多熱爐無擺食物，是空的，開始不夠十分鐘，已無奈要去甜品區⋯⋯榴連甜品無榴連味，結果又直接食雪條作完結，至完全未飽也像沒東西可吃狀態，是我在全港食過最惡劣的buffet，倒不如不做buffet環節…

星期日見午市自助餐做8折，諗住食下好野，但期望過高…😅😅環境舒適，食物衛生唔錯，但食物質素對唔住價錢…4百幾蚊…食咩無咩食物牌同盆內食物唔夾，例如明明寫住焗蟹蓋，但係盆內係燉牛肉…如果都係果日食嘅人應該都體會到…🤷🏻‍♀️主打食物補充得慢，熱葷食物選擇唔算多…好多都係平價野…燒味類得白切雞同叉燒，如果多幾本款更好！9月份主打係蟹…但蟹嘅食物選擇唔多又唔夠精緻叫做放得入口…俾咗四百幾蚊一個人會希望食得更好。唯一可取係海鮮冷盤嘅翡翠響螺同埋青口幾好食，刺身尚算新鮮，甜品有Häagen-Dazs雪糕任食。但應該唔會再食下一次。🫣