Cafe 103

营业中

休息中

原本之前已經book了4月頭然後突然話取消 好啦唔緊要啦我同我個朋友都已經再改時間就返酒店話開餐廳嗰幾日 直至到去我今日18-4-2022 早上突然話吾開 覺得好唔尊重人 起碼你都提前返幾日通知 人哋特登改假過嚟食飯 一個咁高星級的酒店 竟然如此踐踏人哋嘅時間 好無禮貌

 很久沒去ℝ𝕚𝕥𝕫 ℂ𝕒𝕣𝕝𝕥𝕠𝕟吃ᴀғᴛᴇʀɴᴏᴏɴ ᴛᴇᴀ啦🤭! 上次去過ᴛʜᴇ ʟᴏᴜɴɢᴇ & ʙᴀʀ，今次就去• ℂ𝕒𝕗𝕖 𝟙𝟘𝟛 ✨•試試吧～餐廳環境舒適，我們預先要求坐窗邊位，高聳入雲的景觀，一邊看著藍天白雲，一邊吃下午茶，多麼的享受呀～ 供應時間🕞: 星期一至日•下午3時15分至6時。包括: 4款鹹食，5款甜食和2件英式鬆餅。 鹹食•包括: 煙肉瑞可塔芝士櫻花漬三文治、雪蟹肉木魚啫喱三文魚撻、香烤紫薯栗子卷 和 日式咖喱雞肉丸。 三文魚撻鹹香又鮮美，是我的最愛😍! 甜甜的紫薯栗子卷也不錯🍠。不過我𣎴太愛吃櫻花🌸，浪費了件三文治了🥺～ 甜品•包括: 草莓紅豆慕絲蛋糕、焙茶蜜桃杯、抹茶櫻花蛋糕、草莓柚子撻 和 紫薯萢芙。 甜品的味道不太甜，紫薯萢芙又香又濃，好吃哦😆!!! 草莓撻因為加入柚子後，吃起來也不會過膩呀。 鬆餅各有2個口味，有原味和伊予柑味，可以配奶油和草莓醬。

三月疫情影響朋友book左lunch buffet已經無得再改期又pre-paid左無得唔去打左三針唔怕嘅 照去啦！12點開始 不過我差不多12點半先到可惜都未入去係門口已經扣左分🙈Reception問訂枱人全名 但係book枱係friend個friend我真係要打電話問朋友喎唔緊要嘅 但係佢個語氣態度完全係驚死你白撞覺得你消費唔起個種喎雖然我只係一個普通小小上班族都唔駛禁嘅.算數 入到去見到其實50人都無 坐得勁梳都好好彩有個勁靚窗邊位出到去攞野食行左一轉咦 點解好似無咩特別想食😂攞野飯分3張枱冷盤壽司海鮮 甜品 熱熏粉麵燒牛肉其實我一向甜品當主食嘅點知…講左冷盤先凍海鮮有青口、蜆、蝦、小龍蝦、波士頓龍蝦同生蠔全部食左一次就無意欲再食叫做有凍海鮮囉壽司刺身就唔好提啦有個師傅企足全場嘅 完沙律呢 嗯鐘意食沙律醬就會好開心勁到蘋果沙律連蘋果都見唔到淨係見到啲醬芝士就有啲非常唔衞生 完全冇蓋冚住好顛啊所以點返題先三兜沙律菜真係好正 雖然又係無野冚但係 有菜食好感動 終於有野落到手跟住熱食一黎就一籠燒賣Keep住不停蒸所以個樣就 你懂的Naan bread硬到咬唔到咖哩羊係好食嘅燒味有豉油雞

一早預約了birthday lunch，兩日前已確定訂位，早一日通知訂位要取消，因為要緊急維修，沒有任何其他安排，你覺得我咁短時間仲可以搵到其他地方？對呢間酒店非常失望，我一定不會再光顧這品牌的任何餐飲服務！

食物款式OK而且都特別，飲品選擇都好多，除左自助早餐多數會有嘅中西式大路野e.g 煙肉、薯餅、腸仔、茄汁豆、蘿蔔糕、炒麵、粥etc⋯個人覺得比較特別嘅有咖喱魚蛋、雞翼、茶葉蛋等等⋯甜品除左waffle、pancake竟然連churros都有😳質素算幾平均，無邊個覺得特別好食亦唔算難食，除左凍肉試左幾款都覺得好難食☠️呢度食物感覺主要都係賣相精緻，特別係麵包類😍croissant、doughnut都好靚靚😍味道就正常😂-總結：食物質素平平，主要食環境、服務。-ᴘ.s. 因為無預先reserve坐唔到窗口位，cafe係103樓景色一絕，有機會食記得要reserve!

水果好早已經不refill, 水也不倒給你！位置也奇怪，沒有人但是並不給你窗口位！喑喑的，如果沒有窗口位，這個酒店是不值得一去的。因為食物質素不是太特別！最奇怪係未走嘅時候已經係喺你腳邊吸塵？？？？？？

之前book咗呢間嘅afternoon tea本身以為係坐窗口位因為之前有request但係去到之後發覺佢比張燈光暗，有冇景睇嘅角落頭位同佢講又話安排唔到，但係confirm booking嘅時候又冇講steiff teddy bear afternoon tea係期間限定，去到1月2號有四款鹹點、六款甜點同埋Scones 鹹點方面有麵包同三文治，自己最鍾意係佢個龍蝦忌廉tart，撻皮夠薄，都幾好食甜點方面有芝士蛋糕、蘋果撻、黑森林杯、迷你小餅同埋樹形蛋糕芝士蛋糕幾好食，唔會好甜蘋果撻賣相好靚，黑森林杯酒味都算重不過個焦糖蛋糕就超級甜Scone 比較扁身，有士多啤梨果醬同埋clotted cream牛油味唔算重，而且唔算好鬆軟個人覺得麻麻地整齊一般，加上環境同服務都比想像中差所以只此一次，唔會再去

店員服務好好，有禮貌！要求更換位置，都會盡量安排。鬆餅有四件，有兩隻醬，正常，冇乜特別出色嘅地方。甜品假擺設幾靚，但係無論鹽點或者甜點都係一般，正常發揮。包未算新鮮。

一行四人到Cafe103 afternoon tea, booking時已説明for congratulations 同埋window side。之前一日又要我回覆email confirm booking , 結果去到餐廳，我們被安排一張既不是window side又燈光昏暗的死角枱，我諗全場我這張枱位置最差。既然fulfill唔到我request，咁不如email講我知，我才考慮去唔去，好啦都算，食物質素方面亦非常失望。一般到不得了，沒有酒店水準。$1800，CP值極低，不會再光顧，物非所值

超級伏！一行人嚟食自助餐晚餐，海鮮吧都算多選擇，生蠔普通偏細，龍蝦鉗幾好，但開邊龍蝦、螺同蜆完全冇味 （冰但唔鮮）。去到sushi吧，差到一個點，仲難食過爭鮮，三文魚吞拿魚帶子北寄貝八爪魚，已經唔多選擇，唔係結冰就係魚肉霉，冇一件擺得入口。五星級酒店係serve呢啲嗎？Roast beef，好生又多筋，Turkey啲肉好「鞋」。熟食區唔多選擇，得10款左右，燒味幾好。甜品區係全個buffet入面最好嘅，有返多啲選擇同味道正常。綜合所有，呢間嘢真係可一不可再。未食過咁難食嘅五星級酒店自助餐！

很喜歡這裏103樓居高臨下用餐 感覺特別抒懷愉快自助餐食物質素很高雖然選擇不多 但個人覺得質素取勝個人最喜歡甜品🍮拿破崙100分冷盤也10分出色成日同阿仔慶祝生日

都聽過好多食友對此酒店評價但我以為是偏激及太負面直至自己親身體驗後。除咗「伏」真係唔知講乜好！咁嘅價錢畀咁嘅質素食物給客人食簡直影衰間酒店個名。我初時諗冇可能但真係太天真！

朋友生日，想同佢去食自助餐，諗住食好小小，就揀了呢間，卜了8:00,場好細，野食只有靠牆那2個長位，生蠔開定晒係雪櫃拿出黎。感覺不新鮮，顏色仲變了。刺身得4款，仲要更普通的。熱食蒸點心，仲要放2層，咁熱，地方又細，如何一個人拿起上面個層既籠，仲有手夾下面既點心呢仲有碗仔翅牛雜仲要硬到待應把刀都切到撻Q,心知不妙湯只有南瓜湯，炸魚柳，印度咖喱+飯。全場野食10只手指都數得晒俾成8百幾食啲咁既野。。。。連湯麵都無，突然好想食個套餐米線。所有野食都極普通。只有甜品係最滿意成晚

茶點配搭得宜，味道同口感都不俗。鹹點比例較少，尤愛“火龍果紫薯煙肉布里芝士撻”，紫薯混入煙肉蓉，外搭鬆軟撻皮，入口即化。甜點樣樣都好好味！鬆化程度及甜度剛剛好，鬆餅烘得微脆，裡面不會過乾。我們點了熱帶日落水果茶及有機香橙錫蘭紅茶。水果茶香氣濃郁，不甜，微酸，很適合搭配甜點飲用；紅茶的橙味很突出，茶味濃厚。

五星級果然係五星級，服務一流，食物滿分！由我泊車，入lobby開始, 就已經有員工幫我攞花同蛋糕!! 好熱心！而cafe 103，由於遲咗收工，佢哋臨時應變能力好快，幫我同壽星安排咗lounge 有海景嘅位置安頓我們可以繼續享用時間!呢個Teaset每一件都好好食，雖然個QR code用唔到，不過最重要係享受呢段時光，雖然短暫但好開心。所有嘅安排都好好👍本人非常注重Service！食物嘅質素同服務其他酒店真係比唔上！！慶祝活動只係一個儀式感，最重要係同咩人一齊食，當刻嘅感受好滿意，佢哋會care你每一個客嘅感受，最緊要係連嗰壽星都開心!!我諗我之後都會揀呢一間