Butlery

营业中

休息中

等位嘅時候明明到我哋張枱，佢都俾咗另外一張枱先，仲要反咬我地轉頭，喺度質疑我哋走開咗。佢個制服好似係經理，但係完全唔似經理，好似大排檔嗰啲夥計多啲。成餐飯仲要俾佢啤住，明明佢態度差，做嘢又慢又冇精神咁。仲好似覺得客人錯，仲話大陸客仲好過香港客，完全唔理解佢咩心態。完全唔知佢係咪做生意，係咁趕走啲客。成餐飯都勁唔好食，如果上嚟嘅話，起碼抗壓能力要高，唔係好似成間餐廳對住啲西侍應。完全唔推介嚟！

沙田新城市廣場行下，見到butlery裝修得幾靚，價錢都唔太貴，所以就同朋友試下。叫左個MO burger,餡料係安格斯牛肉，炒洋蔥蘑菇 ＆芝士漢堡，個包好鬆軟但微温，軟淋淋好軟熟。牛肉漢堡好厚身又多肉汁，再配埋洋葱磨菇更香更有層次感。整體好好食！忌廉牛油果醬薯條，薯條粗身香脆有質感，topping加上牛油果醬，蕃茄莎莎，令層次更多變！口感豐富。全日早餐有厚班戟，炒滑蛋好得，非常香滑，英式香腸，煙肉＆炒蘑菇，即叫即整，等既時間會長dd, 但新鮮熱辣都非常值得。脆炸爆谷蝦肉，外層酥脆唔油膩，蝦肉都彈牙，而醬汁係香蒜蛋黃醬，非常惹味。甜品係厚班戟焦糖牛油配水果，班戟係非常好食，夠鬆軟，帶有甜甜既微秒變化，富有濃濃蛋香，超正，配埋楓葉糖漿更加清新。

Butlery (沙田)沙田沙田正街18號新城市廣場一期4樓479A號舖 -Sea urchin & scallop linguine 海膽扇貝蟹肉忌廉汁意粉 $178意粉非常creamy軟硬度適中，幾掛汁，可以食到一嚿嚿蟹肉，仲有成舊海膽！扇貝煎過非常香口，肉質鮮嫩，味道鮮甜-Strawberry milkshake 士多啤梨奶昔 $55甜度適中，有士多啤梨味😻-Bultery’s pancake $108呢個pancake係即叫即做嘅，充滿空氣咁，配有士多啤梨，青提子，藍莓及芒果～-Stewed Lamb Fettuccine 燉羊肉扁意粉 $155羊肉嘅份量都幾多下，肉質鮮嫩，調味方面做得幾好，唔會太膻～～-Daily soup: mushroom soup 蘑菇湯

今晚又返咗嚟沙田新城市呢間餐廳食飯，上次試過佢哋嘅邪惡Milkshake，今日再試吓其他嘢食。6:30嚟到都有九成滿人，好在早啲嚟拎位。今次都叫咗幾多嘢食Buttermilk Chicken Waffle炸雞扒又脆又juicy ，Waffle又夠鬆脆，加埋蜜糖芥末醬一齊食真係正。Sea Urchin & Scallop Linguine一大片海膽，兩隻大帶子，忌廉汁好掛身所以意粉入味，係好食不過份量少啲。Chilli Concarne Chips上次食過啲薯條正，今次試吓呢個辣肉醬，仲要有芝士，極之邪惡惹味。Banoffee Crème Brûlée Pancake點可以唔叫甜品？一片焦糖一層燉蛋，下面兩塊鬆軟嘅Pancake，旁邊仲有啲生果點綴一下，兩個人Share啱啱好。

今日係2024年第一日返工！同咗我親愛嘅同事去咗Butlery食lunch 😊 呢間餐廳，其實我已經幫襯左第七次😉所以知道佢定期就會轉一轉lunch Menu，今次一月個餐牌都幾啱食！我哋就嗌咗以下呢四樣嘢：🌟帶子海膽意粉$178一如以往，好Creamy ，價錢合乎中道，上面有一塊大海膽，帶子新鮮，share就會好滿足，因為自己食一個就會好膩。🌟墨西哥牛肉漢堡配薯條$138呢個漢堡意外地好食，味道較濃，10分惹味，入面有炒過嘅洋蔥同埋其他香料，所以好香噴噴！好值得試吓！（呢張相片比較懵查查，唔好介意）另外，我哋叫咗個士多啤梨奶昔，呢個係我每一次都會叫嘅😊一定冇死😃✌🏻2024返工第一日，happy yummy lunch with my dear colleague! 🥳👍🏻

沙田市中心好多好既餐廳。Butlery雖然以梳孚厘班戟聞名的餐廳，但它的主食也很不錯，尤其係意粉係有surprise。1) 海膽扇貝扁麵條（$178）麵條本身呈現細長扁平的形狀，口感同質地都好柔軟，麵條本身呈現淡黃色或乳白色。而橙紅色海膽就有強烈的對比。而source好creamy，雖然價錢偏貴但都可以接受。2) Banoffee CREAM-BRULEE Pancake ($119)梳乎厘班戟基本上每一台都叫，今次左法式焦糖梳乎厘班戟。梳乎厘班戟上有一層薄薄既甜脆的焦糖層，每一口都帶來豐富的口感和味道。而個底有CREAM-BRULEE既感覺之餘又保持到梳乎厘班戟既空氣感。香草的香氣，並配以甜脆的焦糖層，正~3) Lemonade($48)好普通4) Sour cream Works Chips ($55)細細碗薯條，topping 有sour cream 、牛油果醬同蕃茄仔都唔錯。夠fresh又好味。

有次發現新城市廣場開咗間新嘅西餐，menu望落唔錯仲幾多選擇所以黎咗試。價錢偏中高，lunch set都要$138-$168，包咗沙律/湯同飲品。2個人叫咗一個墨西哥卷一個意粉share。燒蝦肉& 芒果墨西哥皮配酸椰菜芒果蝦墨西哥卷好好食，配埋酸椰菜絲，甜甜酸酸好開胃，不過呢個價錢黎講份量就小咗啲，餡料嘅燒蝦肉都係薄片，唔係原隻，女仔黎講呢個捲都未必夠食。燉羊腿肉伴闊麵另外有個好吸引嘅羊腿闊麵，小失望，啲羊好韌，唔知係overcook咗定點解，如果佢係嫩嘅會好好。酸忌廉牛油果醬薯條個薯條係好食嘅，但上面嘅酸忌廉牛油果醬好難點到晒，一係就酸忌廉牛油果醬mix好做一個醬，一係就用個碟。套餐加咗錢飲奶昔，飲落好肥仔好濃朱古力味。

一間餐廳可以喺一個網頁成為2024嘅同區美食推介第2間介紹，一上嚟睇就3百幾篇食評，有時一星期可以有數篇，令到我更有信心去試。我同朋友都係問到想食咩都隨心，但今次令我寫食評，係佢哋嘅梳乎厘班戟。餐廳位置比我想像中易搵，入到去啲位都好舒服…朋友有嘢唔食，所以揀咗寬麵。之後叫佢嗰牛肉口味嘅漢堡睇佢細細個，但好足料，漢堡非常有口感，Yummy 。有漢堡點可以冇薯條，揀咗三重芝士味，上枱熱辣辣，正呀。甜品一定要留肚食，今次試咗一款拖肥醫梳乎厘班戟，食第一啖已經好想繼續食，平時好怕飽膩嘅梳乎厘班戟，今年試過3間有同類甜品嘅餐廳，呢間嘅我會再試哦。

2023.12.17 係沙田新城市商場搵好嘢食😋呢間西餐食物唔錯，食味配搭都有些特別。💕💗pancake做得超好食！😋係超好食！值得一試。但今次好難忘，係我地一家從來未食過咁鬼酸芒果🥭酸到眼都開唔到，臉形嚴重扭曲果隻😅根本未熟！！同店員講，佢好似唔多信我地咁，又話我地都係同一批貨來咁咁咁(同一批貨，唔代表個個芒果都靚嘅！)，不過佢都有俾返少少草莓藍莓補償下。((水果味$108，芒果味期間限定$145。美中不足最衰芒果咁酸！其實一睇咁淺黃都知酸啦！不過估唔到酸到癲覆想像😆)#不過我都係會再來食㗎因為其他食物都好好味職員都ok服務呢個入面雞肉味道都點不喜歡呢個好食pancake超好食

呢間餐廳岩岩新開個陣成日要排隊先入得，咁岩去個日無乜人就試下。兩個人叫左三樣野🌝1）Caesar salad 味道不過不失，但牛油果得好少，幾粒左右。主要係想食少少疏菜所以點左一個。2) SEA URCHIN & SCALLOP LINGUINE見係人氣之選所以揀左黎試。其實味道唔差，但海膽同帶子份量偏少，佢個海膽忌廉汁其實唔係好食得出個海膽味，不過都creamy嘅。可能期望太高，有少許落差感。3) SALMON WAFFLE BENEDICTS呢款係三款入面我覺得最好食，半生熟嘅蛋汁流出黎，睇見都已經想食🤤牛油果份量都多，仲有少少三文魚片係面。簡單嘅食材但好味😋

今日食lunch 去咗沙田新城市廣場，搵到一間lunch set唔錯嘅餐廳，充滿歐陸風情！我哋嗌咗兩個set lunch，一個沙律！雖然地方比較淺窄，食物質素都幾好！我哋叫咗個烤羊腿闊條麵，羊肉有少少臊味，但闊條麵幾好食，麵嘅軟硬度啱啱好！另外叫咗烤鴨胸意大利飯，比較乾，如果多啲汁會比較好！我自己最鍾意係個沙律，叫咗羽衣甘藍藜麥輕燒三文魚沙律，羽衣甘藍新鮮，三文魚輕輕灸燒過，特別香亦都新鮮！但都係佢個汁如果多啲就比較好！另外我好鍾意佢哋嘅咖啡，好香

食物同以前一樣都係好嘅但係而家增添咗90分鐘限時唔知係咪咁 上菜就好快但係我哋嗌咗成四個餸一個甜品一次過嚟晒四個將二人台真係好迫根本放唔落個侍應夾硬都話放落嚟我話唔得 問可唔可以遲啲先？佢仲要再夾硬放落嚟 話上左啦冇得遲啲咁解跟住我同佢講根本唔夠位擺叫佢唔好再放落嚟真系要人地發脾氣先得😮‍💨

2023.9.22 星期五 3:30pm假日太多人了，平日去才可以真正悠閒地午餐。••••••••••••••••••••| Pulled Pork Lasagna Roll | $142- 慢煮手撕豬、酸椰菜、香草蕃茄汁芝士千層麵 -🐖🍅🧀🍝手撕豬肉分量好多，好腍不會乾，芝士千層麵好多芝士好香又夠滑，多醬汁好豐富。| Black Truffle Cheese Chips | $59🍄🧀🍟薯條夠脆，芝士醬夠濃，有黑松露香氣，但醬和薯條分量略嫌少。| Earl Grey Pancake | $125☕🥞- 伯爵茶醬、無花果、果仁脆餅、白朱古力脆米 -有蛋香味，有質感不只是空氣，伯爵茶醬的茶味會甜度恰到好處，不同脆脆加添了口感。| Strawberry & Custard Waffle | $115🍓🧇- 士多啤梨、窩夫、焦糖薄脆、士多啤梨醬 -很多香甜幼滑吉士醬，窩夫有分量，士多啤梨中和了甜度服務費 10%••••••••••••••••••••

平日夜晚黎到居然都差唔多要等一個鐘，好popular!!墨綠＋復古完全是我的菜，單係裝潢都要試一試佢價位都唔貴，特別以沙田黎講，整體質素都好唔錯，唔怪得咁多人等位係等得耐同坐得逼少少最近盡量少食甜品，所以冇叫pancake，不過我發現佢既pancake款式同之前去西貢wm hotel既西餐廳menu係幾乎完全一樣!!(果次食過個梳乎里係唔錯既)餐廳有多款西式菜品，burger、salad、steak、pasta咩都有不過我地比較鐘情食pasta～Sea Urchin & Scallop Linguine $178好好食! 麵條質地岩岩好呢個係必須，海膽醬汁濃而不腥（應該當佢海鮮汁比較岩）放係面既海膽正常，唔苦唔腥，帶子煎得好香同埋糖心不過成碟最重點同好味都係個PASTA同醬，Ｄ配料真係正常冇咩特別Pulled Pork Lasagna Roll $142呢個都幾特別，係千層麵既卷版，包住手撕豬肉、酸椰菜、海量既醬汁同芝士，呢個都幾漏下，但係幾特別Cajun Prawn Chips $64本身覺得好少，但食極都仲有，塔尖位其實可以放到好多薯條正常，係夠脆中間夠軟，但係偏油膩面既蝦同醬汁就

📌Butlery新城市廣場嘅人氣餐廳，裝修別緻有特色🫧餐牌有漢堡、意粉、薯條、甜品等選擇🍔其中最吸引我哋嘅係梳乎厘班㦸🥞賣相啱晒打卡又好味😚🔖烤三文魚·溫泉蛋·甘藍葉·玉子豆腐·本菇·味噌梅子汁三文魚烤得金黃香口，肉質厚身口感十足配料豐富✨以溫泉蛋拌勻意大利飯，蛋香之中食到味噌嘅獨有香味🤗🔖雞肉mozzarelle芝士墨西哥薄餅配番茄莎莎·酸忌廉＆牛油果醬墨西哥薄餅包住烤雞同半熔芝士🧀烤雞嘅香料味好突出頗有特色伴碟有酸忌廉、牛油果醬及蕃茄莎莎，令整體味道更清新☘️🔖酸忌廉牛油果醬薯條薯條有好多味道選擇，樣樣都吸引，粗薯條炸得香脆，配酸忌廉及牛油果醬各有特色🔖Earl Grey Pancake 伯爵茶醬·無花果·果仁脆餅·白朱古力脆米厚班韌質感鬆軟輕盈，口感軟綿🥰伯爵茶醬甘香濃郁但唔會蓋過蛋香🥚伴碟有無花果同脆焦糖，口感豐富🔖朱古力香蕉花生醬奶昔🔖Flat White