Burgeroom (Fashion Walk)

营业中

休息中

放工約咗朋友去銅鑼灣行街，想搵間可以慢慢chill嘅餐廳，行到去fashion walk後面發現有條街超多餐廳，波波燈裝飾到好似外國咁！我哋2個都好鍾意食burger，所以揀咗burgeroom食～個menu好多選擇，除咗常見嘅牛、魚、雞、鴨、海鮮，仲有vegan同impossible meat，所以素食人士都幫襯到。我叫咗牛油果醬芝士牛肉漢堡，朋友點咗大啡菇芝士牛肉漢堡，再加咗個飛魚子芝士薯條share食。因為費事咁滯，叫咗杯餐廳自家製菠蘿冰茶解解膩。Burger係我食過數一數二大嚿，要㩒扁先勉強一啖咬到，食嗰陣有啲狼狽，因為都幾juicy，啲汁會係咁流落嚟。牛油果醬好smooth，包皮尚算鬆軟，不過不失。個人覺得大啡菇好食啲，難怪係大廚推薦。小食同飲品都比想像中好，餐廳一啲都唔孤寒，飛魚子鋪滿成個碟，芝士拉絲就係基本啦。餐廳無收加一服務費，埋單大概$150/人，喺銅鑼灣食晚餐嚟講算係便宜。如果帶寵物仲可以仲室外位，相信有另一番風味。

再嘗高質勁邪惡burger — burgeroom🍔▫️Burgeroom冇食咁耐，都依然咁好味😋之前係係食過普通一層漢堡扒，都覺得個漢堡扒得一層唔太夠喉，所以今次就叫雙層牛肉😍▫️Double雙層牛肉漢堡牛肉漢堡扒肉味濃郁、夠曬厚身，咬落都幾juciy，又夠厚身，肉質唔鞋唔韌、煎得岩岩好，調味都係適中，而千島醬沾滿蕃茄，感覺好開胃；麵包塗上牛油🧈食落好香～▫️成個漢堡包份量都好大，食晒成個都超飽，呢間漢堡包店係我頭三之選！值得推薦🌟▫️地址：Burgeroom 銅鑼灣百德新街50-56號Fashion Walk食街地下D舖。尖沙咀彌敦道132號美麗華廣場一期2 樓 207 號舖。▫️為食指數:8（10分為最多)抵食指數: 6.5▫️

今日放工同同事去咗食burger，我哋見Open rice有1.2k😋所以就揀咗呢間,喺百德新街裏面都幾好feel，我哋夜晚八點食，唔算太多人，可以揀坐裏面同出面，太熱啦，我哋都係揀裏面。見好多人食呢個鵝肝軟殼蟹，我哋就叫左呢個雙鵝肝軟殼蟹漢堡，小食就揀左香辣蜜糖雞翼，仲有蜜桃冰茶。個漢堡超級大份🤭勁巨型啊，根本唔可以一啖咬落去，我地係用🔪切開嚟食，鵝肝比想像中大舊😋熟嘅程度啱啱好👍🏻軟殼蟹好大隻，仲要係即炸嘅，熱辣辣🙌🏻雞翼好香蜜糖味，有少少辣不過係惹味嘅👍🏻蜜桃🍑冰茶係佢地自家製嘅，呢個幾特別，同平時飲開嘅蜜桃茶有啲唔同，呢個茶味比較濃郁，桃味比較清香，我地兩個人食到超飽，不過係滿足嘅，夠晒口癮。

大烤菇芝士牛肉漢堡$110漢堡份量好足好大件。大啡菇多汁唔乾，牛肉漢堡扒好厚肉。漢堡內既醬都好特別，好配菇同牛肉。最重要牛肉唔係煎到好老，依然咁嫩，每食一啖肉汁都流晒出黎。香脆雞塊配芝士醬$70一共有6件雞塊，芝士醬好多。雞塊唔厚粉，唔會炸到又硬又老。肉質仲係好滑好嫩身。因為芝士醬好多，我地都唔浪費，直薯條點呢款芝士醬，都好夾！直薯條$30蜜味辣雞翼$60本來想食旋風薯條但冇晒貨。🥲本著漢堡一定要配薯條的道理，唯有叫直薯條。雞翼唔細隻，辣味都重呢度炸野炸得唔錯，所有炸野火喉岩岩好，唔會炸得太老又太硬又太硬。所有炸野外表都好金黃色，唔乾，所有肉質都仲好嫩滑。

對上一次食burger room都已經係三年前，事隔三年再黎食餐廳一樣咁多人😂 呢間係少數唔收+1服務費嘅餐廳，但service都係咁好。黑松露芝士大烤菇煙肉牛肉漢堡 $130Truffle cheese portobello burger 上台嗰陣已經係切開左一半，都幾細心，大烤菇好多汁，煙肉好脆，好多溶咗嘅芝士，黑松露味比較淡，大大嚿beef patty, 勁大個burger都唔知點樣擺入口到😂最後都係要用刀叉食😋我另外加咗$12要jalapeño slice, 加埋落burger到，食落辣辣地幾過癮 馬蘇里拉芝士條 $58Mozzarella sticks 呢個可以玩拉絲！上枱熱辣辣，外面炸到脆卜卜，一咬落去竟然爆汁🤣Ginger beer $30

Cheese Burger 已經係邪惡，再加上一塊肥美鵝肝，邪惡度爆燈之餘，滿足感亦level UPPP! <Foie Gras Beef Burger> 係BurgeRoom 的其中一個signature。鵝肝和漢堡扒一樣 : 厚! 咬下去每啖都充滿牛肉香味和鵝肝的油脂味，Perfect 的配搭。<Portobello Hoki Fish Burger> 跟牛肉漢堡一樣: 巨大。厚厚的一塊外脆内軟的鱈魚柳，再配上一塊烤香的巨型大啡菇，兩樣餡料非常配搭。• Foie Gras Beef Burger $168 • Portobello Hoki Fish Burger $168 • Truffle Cheese Fries $68• Onion Rings $50• Iced Peach Fruit Tea $50

🧀burger以外，幾個人嚟食會嗌d小食試吓，今次揀mozzarella 芝士條，喜歡芝士條外脆內軟，咬下去拉出一條芝士絲，外層炸得脆口，濃濃的芝士香味滲滿口腔。🍟幾個人嚟，可以叫1-2客share就夠，因為份量好足，唔使一人一客。薯條厚度適中，入口脆而不膩，口感一流，薯仔味十足，佐洒一流。🍔主角係鵝肝牛肉漢堡，唔好講笑，漢堡分量十足：先是兩塊外脆內軟的鵝肝鋪面，鵝油精華滲厚厚的手打牛肉，分外滋味！配以新鮮嘅生菜，煙韌嘅芝士，吃起來分外滿足。仲有驚喜，別小覷那自製牛油麵包，即是單吃味道亦絕不遜色，絕對值得一試。☕️唔飲酒呢度都有好多選擇，最後揀了玫瑰咖啡，嗅覺上濃香的咖啡當中滲出淡淡的玫瑰花香，口感上呷一口，咖啡交織著清新玫瑰，味道特別，豐富又有層次，為這一餐劃上完美句號😬

Orion $60/pint夜晚嚟食漢堡，梗要配啤酒～銅鑼灣店有2款🍺六點後$60，我揀咗Orion，鍾意它夠清新爽口，唔覺帶有🍺嘅苦澀味。而且支裝唔夠飲，一pint啱啱好，邊食漢堡薯條邊飲啤，加上舒適輕鬆嘅環境，暢飲！田園沙律$60嚟呢度一定食漢堡之餘，沙律都要食丫！它大大碟，份量夠2-3人食；d沙律菜好新鮮清甜，加上酸酸甜甜嘅沙律醬汁，好夾，令到整個沙律更美味。大烤菇鱈魚柳漢堡 $110 加菠蘿$12呢度d包好誇張，餡料豐富，真係好大份！塊魚柳又厚、又大大件、又外脆內軟、又熱辣辣、又滑….菠蘿好好好甜，而且會再燒過，帶點烤香味得嚟仲好多汁，所以一定要加！👍🏻鱈魚手指配他他醬$55友人想食魚手指，叫咗一份～個自家製他他醬好食，同魚係絕配，可以幾條魚手指點哂一碟🤣🤣魚手指唔油膩，仲幾大條，啖啖魚肉，可以encore😊直薯條$30原來想食旋風薯條，點知無～食番直薯條🍟偏粗嘅薯條，叫完即整，唔使講咁多都feel到，夠新鮮，太好食。

約了友人去銅鑼灣Sogo shopping，未決戰前就已經很肚餓，故沿住百德新街一路行去海邊睇下有無好野食。雖然下住大雨，但系對於食有要求的朋友，睇完一間又一間，最後行到差不多到厚誠街，終於比佢睇到依間漢堡美食店！不但避了一個下午雨，美食飲品質素之高，讓我們閒談了一整天。一進店就看到Fashion Walk給予的一大個漢堡包公仔，應該是嘉許這間店的美食吧；餐牌上有林林種種的漢堡包選擇，真是實力的保證。其中有廚師推介的漢堡 分別是 特量芝士牛肉漢堡、大烤菇芝士牛肉漢堡同埋雙鵝肝牛肉漢堡。我選的是特量芝士牛肉漢堡 (Mega Chess Burger)，有住超超超多啲芝士是知識吧！因為我的口子比較細，一大口是絕對不能吃下整個漢堡，店員已很好的將漢堡一切分為二； 我建議斯文的女生也可以跟我一樣，先慢慢的抽起兩支插實的牙籤，再拿起刀子叉子再一件件漢堡扒、番茄、生菜、芝士等送進口中，以示在美食前也保有一點點矜持XD而我點的是荔枝冰茶 (Iced Lychee Fruit Tea)，甜甜的荔枝潤喉之餘還帶點清香，我與友人都是坐窗邊的位子，看著外面下著大雨，雖然打消了歐州風情的在露天茶座外面曬陽光的

今日心情大好，特登放工後去食burger🍔 好耐之前試過Burgeroom尖沙咀分店，今次銅鑼灣依間環境比較有情調，有唔少外國人，亦適合情侶約會談心👫🍔大烤菇芝士牛肉漢堡依個配搭係我既最愛😍 烤菇非常大件同juicy ，感覺上可以減低burget既油膩感，牛肉今次好似熟左少少🤔但都非常厚身，肉味濃郁🤪 🍔鵝肝雞柳漢堡心思思想試下鵝肝，雖然佢好細塊、價錢都相對貴啲，但依片鵝肝食一淡已經有入口即溶嘅感覺😌😌 🐟魚手指！！係小朋友最鍾意嘅小食🤓🤓 炸得好香脆，魚肉又好滑，當然仲有好好味既他他醬👻🍹蜜桃冰茶食burger點可以唔叫凍飲呢，無酒精嘅飲品適合聽日仲要返工嘅我哋😂亦係消暑之選😜

次次去親銅鑼灣 如果諗唔到食咩 隔離條友必定話食burgeroom 好鍾意食佢個芝士扭紋薯條 可惜今日賣晒😰惟有叫直薯條 薯條好熱辣辣好新鮮 個芝士醬好好味 又唔會太漏 如果有扭紋薯條就好喇😭不過個薯條成60蚊 有d貴...Burger就叫左2款大烤菇芝士牛肉漢堡呢個真係要讚 包軟熟 大烤菇好香 塊漢堡扒好厚 好juicy好有牛味 1d筋都無 加埋芝士同酸酸地既醬汁 好正 但佢個包太高唔可以用手揸住嚟食 感覺冇咁爽香脆鱈魚柳漢堡一個非常高級版嘅麥記魚柳包 (唔好鬧我侮辱佢呀 麥記魚柳包係我心目中唔低質架) 佢塊魚炸得好香脆 魚肉夠滑 (好怕d好鞋既魚肉) 仲有他他醬同芝士醬 係好味既自家製蜜桃茶每次見到自家製呢個字都毫無抵抗力 次次揀揀下最後都會揀呢杯 好香茶味 唔會過甜

今日，我同同事去銅鑼灣出差, 經過Fashion Walk時，見到有間食Burgeroom的餐廳。同事話想試下，咁就食呢間啦！餐廳有室外室內2部份， 大熱天時當然坐入面啦。店員非常有禮貌，帶我們入座。 餐牌除左有牛肉漢堡外，還有海鮮、魚、雞、鴨，連素肉都有， 真係想點叫都得。 今日叫左午市漢堡套餐：鵝肝牛肉漢堡、黑松露芝士大烤菇煙肉牛肉漢堡。店員攞碟漢堡埋黎，我望一望就知出事了。嘩！因為漢堡好大個，3個人叫2個餐都可以，仲有薯條，廚師好有心，知道咁大個漢堡可能需要切開食，一早已中間切開。裡面的材料，層層疊咁，睇到都係一種享受。 鵝肝煎得好香，入口即溶化。 牛肉最少有20mm 厚， 牛肉的香味加上肉汁，真係超好食。 黑松露芝士大烤菇煙肉牛肉漢堡，大菇味超香濃，有汁，隻菇好香，好好味。牛肉肉質有軟有硬，黑松露味香濃，又唔會搶左菇味，今日呢個Burger 午餐，真是好食。食完之後，我們都非常滿足。

【Burgeroom】#銅鑼灣 #漢堡今日嚟到銅鑼灣Fashion walk美食街入面嘅一間漢堡店食early dinner。眾所周知呢度設計頗有格調，未坐定先加99分，贏在氣派。當然，小食神揀得嘅都唔差，所以呢間嘅食物質素想當然有返咁上下斤兩。———————————————雙鵝肝牛肉漢堡（$248）鵝肝同牛肉都好大塊。鵝肝外層較實，內部略軟，滑捋捋嘅口感非常惹人垂涎。牛肉多汁而且厚實，嚼勁十足，味道上同鵝肝分庭抗禮。而兩塊肉之間靠黏黏糊糊，份量適中嘅芝士連結住，如果兩舊肉一齊放落口，牛肉比較搶眼，所以會建議分開品嚐，細味鵝肝嘅順滑觸感。朱古力（凍） （ $45 ）朱古力本身嘅味唔算濃郁，好似一副細描嘅風景畫一矢中的，口感上則頗為柔順、綿滑。上菜時面層仲有唔少嘅泡泡，輕盈嘅空氣感參與底下，飲完落肚可以literally咁lam lam脷，very delicious。———————————————#burgeroomBurgeroom (Fashion Walk) (銅鑼灣)銅鑼灣百德新街50-56號Fashion Walk食街地下D舖

係銅鑼灣海滂附近fashion walk發現左個好chill 既bar area 。 成條街掛滿閃爍既燈飾，擺滿盆栽， 充滿休閒舒適氣氛。 雖然落住滂沱大雨， 但店舖外面都有帆布帳幕擋雨， 於是同朋友坐左係外面。 餐廳既menu真係大開眼界， 第一次尼漢堡專門店， 先知道原來有咁多款選擇， 目測有40 款漢堡， 有素食， 素肉， 雞肉，牛肉，鵝肝， 廿甚至菠蘿，岩晒唔同人既口味。 我地間左個honey mustard Portebello Beacon beef burger($120) 同pineapple barbecue sauce chicken burger ($98),兩款都好好食。 Honey mustard Portebello Beacon beef burger蜜糖芥末醬大啡菇煙肉牛肉漢堡見到個大小就知呢個漢堡唔野小，第一次見好似個頭咁大， 咁厚既漢堡。 裡面有厚厚嫩滑肉汁超香既牛肉，大啡菇同煙肉大大片， 餡料十足。 pineapple barbeque sauce chicken burger菠蘿燒烤醬雞肉漢堡本身朋友簡呢款漢堡既時候我諗住有菠蘿實係伏。 點知出

Burgeroom一直都係我心目中最愛burger店嘅其中之一，之前都食過幾次，每次嘅水準都係好好佢burger嘅選擇好多，無論牛，雞，魚或者素肉都有，每次去到都諗一輪想揀好，最後都係要左個Portobello cheese burger，而朋友就叫左個Pineapple bacon burger，lunch時間仲可以加$30就有薯條同嘢飲Portobello cheese burger黎到已經好貼心咁切左一半，打開就見到有好幾層，牛肉食落去好juicy，牛味都重，而且上面有一層溶左嘅芝士，超級香，而大啡菇鮮甜多汁，可以中和牛肉同芝士嘅鹹味Pineapple bacon burger平時好少食到burger有菠蘿，朋友食完都大讚呢個配搭好清新，甜甜嘅菠蘿配埋鹹香嘅煙肉同牛肉，令到burger食落去唔會好膩Iced peach fruit tea呢杯冰茶飲落充滿蜜桃嘅香味，甜而不膩Coke食burger就一定要飲可樂啦呢個價錢食到咁高質嘅burger真係超清足