Burgerman (欽州街) (已結業)

今日行山後，同男朋友來呢度食個下午茶，小小的鋪有十個以內座位，只得一名店員one man band, 厲害!我地叫了芝士漢堡+$18套餐有薯條&汽水，因為即製關係，我地等左十五分鐘終於有得吃喇先講薯條，最鍾意食大條連皮既薯條，即炸香脆，唔會炸到硬曬，好正!!主角漢堡勁多肉汁，一咬落去肉汁流曬出黎，幸好貼心既店家準備了一盒膠手套和紙巾任取，但我地覺得味道唔太夠&即製來說唔夠熱，漢堡溫度只是暖暖的，肉中間呈粉紅色，八成熟??而漢堡包皮外脆內軟，幾好!

其實Burgerman已經幫襯左3次，見到佢吸引咁多人光顧仲開埋分店，真心覺得係開心，因為有咁多人支持港式店鋪。今日和友人去到點了兩個漢堡。至尊牛肉漢堡配薯格，薯格卜卜脆剛剛炸好，好香口呀~至至尊漢堡有煙肉、蛋同兩塊厚厚的牛肉，份量好勁呀!要1口食到係有難度的，我只好分層嚟食，趁熱食味道會更好，煙肉的香脆，蛋香，同埋牛肉是新鮮手打的，煎有8成熟，還食到淡淡的肉香和juicy，不愧為至尊!另一個係燒菠蘿雞腿漢堡配沙律,菠蘿清甜加上炸得香脆的雞肉，頓時變得清新，如果雞肉再厚些的話口感更好，不然像食緊脆片而食不出味。我們兩個大胃王還點了水牛城雞翼，有5隻咁多，炸得金黃，賣相滿分，但食落去唔太入味，記得以前食是微辣的，但今次1點辣都沒有，有點失望呢。食到肚都撐飽了，雖然味道差了少少，但依然有質素同用心製造的，用十多分鐘等待1個即叫即整的漢堡很值得。希望它的鋪面可以再大1些，因為啲枱比較細，坐得不太舒服。

The tiny burger restaurant on a busy Sham Shui Po street does not look special at first sight, but it is. The menu consists of burgers only, and some side dishes like salad or fries. There is just a few seats and a narrow plank and the space is open to busy street, which makes it a dusty and noisy place.I have ordered the blue cheese burger. It was one of the best burgers in the given category I have had in Hong Kong (fast food, below 100 HK$). The burger patty was juicy and excellent, comparabl

網上面見到有人介紹 就誤打誤撞同男朋友去試我不嬲都幾中意鵝肝 所以就諗住share食本身以為成個burger只係鵝肝同其他配料點知原來都有塊漢堡排 重要好juice😽味唔會太濃重同鵝肝個味好match而鵝肝就入口既溶 好和味😻🙌🏻下次會再去!

之前試過大角咀分店覺得唔錯, 所以約左成班朋友去食呢間位於深水埗嘅分店。搵到之後第一個反應是, 哇咁細嘅! 入面夾埋只有八個位, 感恩我地去嘅時間尚早, 所以仲有位。軟殼蟹漢堡配香脆有皮薯條 ($90+$18)呢個軟殼蟹漢堡冇得輸! 個包已經大, 佢隻蟹仲大過個包, 直頭大過我手掌, 好誇張。 而且炸到好脆, 但入面蟹肉又軟腍, 好正! 再配上半溶芝士, 搞到而家打篇文都想即刻去食多次 另外跟餐有脆薯條, 即叫即炸, 確保新鮮, 而且是厚切薯條黎, 好有咬口! 唔似得啲快餐店嘅薯條咁, 食落去又冇咬口又好似食橡膠咁脆炸黃金芝士條 ($28)另外仲叫左個小食。 呢個芝士條好特別, 面頭有少少香料, 好香。 一咬落去, 有啲半溶嘅芝士流出黎, 好正!

平時很少經過深水涉，今日約了朋友買東西，便在附近搵食。burgerman 的地圖顯示好像同實際位置有少許偏差，我們找了一會才找到，原來就在大街旁。店面其實很細，撞正下午的時候，特別多人，等了大概十五分鐘才有位。所有位都是吧枱的高度。客人都要自行到水吧落order ，再等拿餐的。我order 了一個和牛漢堡，加了$18配薯格和飲品，再加了$10轉玻璃瓶綠茶。因為即叫即製，所以大概要等十多分鐘吃漢堡最好就是用手，餐廳好體貼的，已經將一盒膠手套放在枱上，可自行拿來用。和牛漢堡很juicy ，一邊食肉汁一邊流出來，難怪要提供手套；漢堡包烘得剛好，有外脆內軟的效果；薯格亦是新鮮炸，每一塊都又熱又脆。有機會一定會再黎支持一下小店的！

聽朋友講成日黎呢間burgerman，推介我試和牛漢同鵝肝漢堡。今次去到我同老公點左和牛漢堡同經典芝士漢堡，2個都跟左set。首先，最讚既系即叫即整，所有食物都新鮮出爐，和牛漢堡真系非常好味，牛肉味好重，肉汁很多，最重要系個「日式芝麻醬」配上和牛真系好夾！另外跟餐既薯條系原隻薯仔切條，新鮮即炸，好香好脆！我地全部食物都是外賣，採用既外賣盒好貼心，紙盒裡有層膠，以防食物既油過底，而且確保食物熱度！

- 同女朋友行完西九龍商場, 係附近逛既時候, 發現左間好吸引既漢堡店, 同時間肚仔亦十分餓, 所以就被吸引左去食餐飽   - 雖然店面比較細, 但係佢既麻雀雖小, 但卻五臟俱存~有咩食有咩餐一望就一目了然,  不過比較建議外賣, 如果唔係有機會要等位先有係堂食~   - 和牛漢堡 ; 塊牛超級大塊, 可謂爽口~而且肉汁非常, 啖啖都係享受haha~個麵包皮十分之鬆軟, 仲有小小脆皮,配埋芝士1啖咬落去, 真係不得了!!good !   - 卡邦尼海鮮意粉;除左有一般卡邦尼既香濃芝士味之外 , 仲十分粘, 意思即係咬落去更感香濃~隻大蝦輕鬆剝殼, 鮮味十足~賣相亦不俗, 優秀 ..............................整體而言, BURGERMAN既性價比極高 ,  唔貴既價錢都擁有到優質既食品,可以黎一食究竟

見行開深水埗，就順便試下朋友推介的漢堡包， 等左15分鐘就有位坐 店鋪坐位不多，只可容納10個人左右！點左個至尊漢堡 同和牛漢堡， 等多10分鐘 就有得食！ 值得一讚係佢有手套&紙巾提供，相當貼心！和牛漢堡 比我想像中差小小， 牛肉偏乾，而且 偏油， 2層面包皮都吸晒油，成個包都好油 至尊漢堡其實都一樣， 都係好油， 令本身脆身的麵包淋晒~ 仲不過好在佢d 有d芝士， 蕃茄同旦， 令個味道提升返小小~ 本人覺得薯格 好食過薯條， 比較香 和有口感 仲要係即炸,超脆

同fd行高登，然後係openrice深水埗有咩食，就搵到呢間，間舖都唔難搵，係大馬路旁邊。間舖都幾細，大約得幾個坐位，估計做外賣較多，無咩service可言。講返野食，我地兩個人叫左至尊漢堡同和牛漢堡，配薯條薯格。等左大約15分鐘。至尊漢堡：好好好大份，材料大概有有兩塊牛肉，煙肉，煎蛋，番茄生茶，芝士，磨菇等等。我自認口大都要分開一半食。食完主要感覺係塊牛唔錯，有味得黎幾juicy，芝士幾香，材料配搭上都係傳統漢堡配搭，無咩新奇，但係食材係新鮮既。如果塊包可以烘脆d就仲正啦 lol和牛漢堡：no cm,因為係我個fd食薯條薯格：薯格好大塊，薯條係粗薯條！份量多，新鮮炸，nice! 總的來說，唔錯，對得住個價錢。

剛巧到附近買野,發現呢間舖頭細細,但客人絡繹不絕,加上未食午餐於是入內醫肚呢度舖子雖小,但五臟俱全,有即棄手套,方便食客進食時不易整污糟手先點食物及飲品好豐富呢度的飲品全部是樽裝罐裝,方便外賣我點了ARIZONA:green tea HKD25一款有人蔘味的綠茶,味道正常我點的係漢堡套餐,可選配有皮薯條,薯格或田園沙律+HKD18我選了薯格,炸得果然夠香脆,味道得宜,比起某連鎖店來得好吃賣相都不錯最後食我今日午餐的主角鵝肝漢堡HKD123漢堡飽上下都炸得香脆而鵝肝甘香,廚師使用特別煎法,配以無花果黑醋汁清新酸甜,令鵝肝的油膩感中和當中仲夾著一片和牛,入口即溶配上各款配料,蕃茄,生菜,芝士,整個漢堡香濃多汁,多重口感,軟,滑多汁味道出奇地有油脂但不膩平時我一個漢堡飽都吃不完,但呢個豐富漢堡,成個吃掉,相信再來一個亦可以!吃一口,你將會按奈不住想再一口,簡直欲罷不能.....回味呢不禁嘆一句,點解咁好味架!

漢堡癮又發作, 今次去Burgerman, 係黃金廣場斜對面, 好易搵!有個大餐牌方便一睇就睇到想要d咩, 好多唔同既漢堡都有, 有鵝肝, 和牛, 雞, 海鮮咁。仲有得配餐, 有埋野飲同薯條/沙律。仲有個小黑板for特別既漢堡添。今次試一試個軟殼蟹漢堡, 轉餐有埋沙律同野飲只係18蚊! 咪以為咁樣沙律就得好少, 細細份咁呀! 有幾款唔同既沙律菜架, 仲要有好多, 淨係食晒個軟殼蟹有天然既海水咸味, 又炸得好鬆脆。再配埋個牛油果醬同蜜糖芥末, 夾到不得了!!餐廳仲好細心咁提供埋膠手套, 唔怕污糟。野飲有得加錢揀呢個果汁, 酷愛果汁既我, 又加分啦!!!

漢堡包由細到大都食唔少！近年香港都推出左好多唔同既漢堡包！價錢由50到100不等！好似顛覆左細個既印象！漢堡包係平價，快餐！但依家既漢堡已經層出不窮啦，咁多不能試哂，就揀一間小店又有特式漢堡包店黎試下啦！呢個地方唔算難搵！ 店鋪細小！坐位都只有6-7個！ 有成12款選擇，真係總有一個岩你！仲有小食及意粉類！ 最後揀左和牛漢堡！黎到已經覺得好香！個麵包仲脆身！黑白芝麻令到個麵包更香！配薯條，一啲都唔小！好香好脆既粗薯條，熱辣辣攞到黎，食落都覺得幸福！漢堡包雖然咁大個，但一口食感覺好正！一咬落去！啲肉汁噴出黎！個肉汁同麵包配合得好好！佢個和牛煎得好香，但唔會太熟變硬！時間掌握到岩岩好！真係有和牛既感覺！咁大個漢堡包再配埋咁多薯條，好夠飽！呢個價錢合理！最後，點可以無可樂啦！飲埋佢真係大滿足呀！

平時去開深水埗,呢間burger店一向都係我必食之選今日又黎到呢度食野啦!至尊漢堡來一個近鏡睇清楚入面幾多料!超級豐富,入面有兩塊好厚身又好juicy既牛扒食完超滿足,而且仲有蕃茄,洋蔥,煙肉等等既材料係入面足料到不得了!!仲有一隻蛋係入面,不過蛋略嫌老左少少,但可以接受味道整體好好味!對得住個價錢有如!!另外佢旁邊既薯格係即炸,所以超脆身好多塊又足料!

最近黃金電腦廣場附近吃了一個巨型漢堡，現在猶記得那個軟殼蟹漢堡，真是使我回味無窮。六點多接近的晚飯時間，全店已經塞滿人，其中一個原因是店的面積只能用一目了然去形容，坐盡兩邊應該只可容納八至十個人吧。在我與朋友商討漢堡配料後，不消十分鐘便有座位！我們立即坐上高凳，滿心期待我們剛才下單的食物。軟殼蟹漢堡 $90由側面看，最底層夾住生菜和蕃茄，中間有件巨型軟殼蟹，頂層夾住塊燒菠蘿(加+$8)，賣相實在是吸引 。第一啖未有心理準備，一咬個漢堡，熔芝士已經急不及待在包的中間溢出；燒菠蘿又超juicy，迫左好多汁出來，好好味！吃落麵包鬆軟，不能不提的當然是那件炸軟殼蟹，真是特大，口感又超香脆可口，成隻都好厚肉，配上牛油果醬和蜜糖芥辣，好滋味！升級加$18有套餐，可選薯條／薯格／沙律。薯條的份量也有不少。卡邦尼大蝦意粉 $68喜歡卡邦尼的原因是口感超Creamy！已經去殼的大蝦鮮甜大隻，配料又有白菌和煙肉，內有洋蔥粒，食落都幾滋味。但略微有點鹹，要點杯果汁解渴。店方提供四大類別的飲料​，當然選了最鐘意的​SNAPPLE果汁 ​奇異果士多啤梨味果汁 $25/1支