Burgerman (欽州街) (已結業)

最近奧運 放工都捕住部電視今日早收 決定去食漢堡飽女朋友就搵左呢間平民漢堡飽試下我地6點零到 都唔算多人 鋪仔細細得8個位我地都好彩有位坐柯打左和牛漢堡同埋至尊漢堡至尊漢堡 一見 嘩 好大個 有2塊漢堡扒 2芝士 煙肉同蛋 一塊生菜 岩哂食肉獸呀不過相對於和牛漢堡味道就有點失色 因為無咩醬汁和牛漢堡 非常juicy 漢堡中既豆苗配合和牛扒 可以中和到個油膩感另外 薯格亦都好香脆 走果陣見到門口已經排緊隊亦都見到佢地做到無停手價錢亦都好平 服務態度都好好下次再試埋個個都推薦既鵝肝漢堡

小妹一向支持平民化小店 對於可以係深水埗區尋覓平靚正好野食 小妹樂此不疲經過burgerman多次 成日都見好多人等位同等外賣 今晚決定坐低試一試 睇下龍與鳳小店座位唔多 呈半開放式 起初都擔心咁熱既天氣會愈食愈熱 但原來一d都唔會 冷氣夠晒涼 仲有風閘 好涼爽burger款式有好多 除左基本既牛肉 鵝肝 仲有雞腿 軟殼蟹等選擇 而一向貪心既吃貨小妹當然要揀最多配料最巨型既至尊漢堡啦 其實都幾過份 個至尊burger有雙層芝士漢堡牛肉 炒洋蔥 蘑菇 蕃茄 生菜 仲有煎蛋同一大塊煙肉 見到果下真係超興奮怕太多肉就加左combo跟個田園沙律balance下飲品方面 竟然有我好喜愛既蜜桃茶 呢枝貴野黎架 超市都賣十幾蚊枝!!!嘩 拎上手先更加覺得好誇張 70幾蚊有咁多料咁大個包 真係去邊搵 (開始懷疑自己食唔食得晒咁大個burger)包身烤得好香脆 芝士漢煲味道非常濃郁 另外煎蛋同煙肉夾埋一齊都好夾 雖然好多肉咁 但唔會覺得好漏 蘑菇同炒洋蔥亦增加整體既層次感 我覺得好好味 不過由於太大個 進食時都有小小狼狽 但小店好貼心有手套提供 就唔怕啦另外田園沙律都唔輸蝕 有青瓜 生菜 紫椰菜同粟米

平時食burger除左豬牛雞之外選擇真係唔多但係burgerman 仲有海鮮漢堡、蔬菜漢堡，連鵝肝也有選擇係堅。多今次叫左個叫做黃金海堡的burger店舖雖小，但環境也有點小裝潢~黃金海堡是其中一款海鮮漢堡是使用了新鮮的墨魚肉包著大蝦去炸非常香口，外層香脆~而且充滿彈性~墨魚排彈牙新鮮~仲要好厚好大塊tim~配搭的是田園沙拉沙拉也是很大份~超多蔬菜還有青瓜、小蕃茄和栗米感覺好light好健康食burger都冇咁有罪惡感menu仲有好多款burger下次再試其他款 

位於深水埗的Burgerman，是一間以漢堡岀名的的小餐廳聽不少人說過，burgerman的漢堡好好吃，今天相約我位愛吃漢堡的好朋友一齊吃深水埗欽州街65-71號地下大角咀埃華街95-97號地下Burgerman的地方不大，要堂食的話，需早一點來。和牛漢堡$72+$8蛋+$8菠蘿+$18套餐個人不太愛好鵝肝，因此還是點另一推介岀品，和牛漢堡。即叫即整的漢堡包，貌相吸引，聽著服務員姐姐的制作聲音，令我胃口大開了。面包先烤至微脆，切下的清脆聲令我和朋友都有驚喜。以草飼120日的和牛製成的和牛排，肉質嫩滑，牛香撲鼻，油脂滿佈每一口都極為濕潤軟嫩，我們均喜歡配上大量我喜歡的日式芝麻醬和荳芽菜，令整個漢堡太好吃了今天想健康點，點選沙律。沙律配以的蜜糖芥末醬，甜度適中加上粟米口感豐富，小店的漢堡和沙律有令人驚喜的感覺哦。

今日午餐一個人，來吃個漢堡包。價錢尚算便宜，漢堡選擇頗多。氣溫非常高，坐低叫左2枝飲品。綠茶蜜糖清甜清香，炎炎夏日幾解渴。白茶味道較淡，喜歡它的玻璃樽。⋯點上一個和牛漢堡，一來就吃掉了未有拍照。和牛漢堡非常鬆軟多汁，肉質彈牙味道濃郁豐富，喜歡滿滿的芝麻醬和小豆苗，麵包烘得鬆脆香口，帶有滿滿芝麻香。

朋友推薦呢間burgerman 一於試下距 喊佐個藍芝士漢堡 漢堡包新鮮即場整 所以等佐一段時間 價錢不算貴 但味道只是普通 包好咽韌又有d芝麻係上面幾好味，不過漢堡扒,煙肉都干得滯,所以整體只能說是不錯而已

上次食過依間既攻頂至尊牛肉漢堡，覺得好好食，今次特登再來試下其他野。丹麥藍芝士牛肉漢堡 - 依度啲漢堡包小弟真係覺得好好食，今次依個亦有驚喜。佢地用依隻藍芝士味道好濃烈，有別於一般果無味道既卡夫芝士，啱晒鐘意食芝士既我。加上佢既用料上加左萬惡既煙肉，配合起來效果真係唔錯(其實萬惡既煙肉配咩都咁好食)，而當然不可不提亦都係小弟最欣賞既係，炒過既紫洋葱，同埋焗過既面層同底層既麵包，甜甜地又脆脆地增加口感才是真正既漢堡。推推推！

今日同大少再出動去深水埗行電腦商場，突然好想食漢堡，深水埗……絕對係Burgerman莫屬喇~~黃金海堡 - 今次我決定食個最熱氣嘅，呢個堡最爆係，佢係用墨魚滑包住隻蝦嚟炸，上面再加塊車打芝士，勁好味~~個墨魚滑好爽口彈牙，又大大舊，$82蚊真係抵到無朋友，而大少就食藍芝士漢堡……

食漢堡唔一定食快餐店個間，今日行深水埗就發現了一間超正嘅漢堡包店，就係在黃金斜對面向長沙灣方個邊，鋪面唔算太大，有枱有椅，去櫃面買包後方便堂食！嘩有超多選擇，不過最後㨂了至尊漢堡$75，因為係人氣之選！加多$18 可以有薯格同汽水，當然加埋啦！先取飲品座下，票尾等叫去包，一會兒，新鮮滾熱辣嘅至尊漢堡就出現在眼前！兩塊厚厚雙層嘅漢堡扒疊在一起，最上重有塊煙肉，個口太細少嘅關係，想一啖入口失敗咗！個包十分香脆，最外層脆到好似薄脆一樣，一按即脆開！而漢堡扒就充滿肉汁，啖啖都肉嫩多汁，真係要吃過先知！而薯格亦非常香脆可口，加埋茄汁吃就更加好味！用這個價錢可以吃到呢個水準嘅漢堡包，大家有機會真係要試試！

男人又要去鴨記買零件砌機械人我就負責搵 SSP 開飯熱點近期興食 burger有人話 burgerman 好得就決定一試店仔細細走 American Styleworry 唔夠飽我要加多個自家製炸手指魚條魚肉厚厚的夠哂香草味入口啖啖肉炸得外脆內軟我重口味 d order 了 No.1 推介鵝肝漢堡 即叫即做我哋真係要耐心等候啦大約 15分鐘到啦甘香鵝肝用特別嘅煎法咬落面層脆卜卜的再配以 thick 無花果黑醋汁清新酸甜的滋味可以中和到鵝肝本身的油膩感覺果然係非試不可足料鵝肝加上厚厚的手工漢堡扒一口真係咬唔哂肉汁 勁 juicy+$18 轉套餐我就揀咗薯格仲有嘢飲加添今日好想飲提子汁提子汁跟 burger 好 match

一早聽聞過Burgerman呢間手工漢堡店，係近年眾多既漢堡店中動輒過百既要價，Burgerman七八十蚊就有交易，仲要係套餐有埋配菜，難怪係openrice既得獎熱店。呢間餐廳採用美式自助風格，點餐完畢後可自行簡位坐。餐廳亦擺左三種唔同既醬料：沙律醬、茄汁、辣醬，方便食客自己調配。鵝肝漢堡餐廳每個細節都好用心，漢堡所用既包係老板突登出去搵面包鋪新鮮製造，上菜前經烤焗，質感輕盈香脆，令人印象好深刻❤️鵝肝完整一塊，又厚又鮮美，不肥不膩，呢個價位真係超值和牛漢堡一路食既時候不斷聽到人點呢一款，應該係餐廳頭幾位既受歡迎款式。採用和牛，餐廳絞碎後再自行調配比例，真係由頭到尾都係手工漢堡👍🏻👍🏻👍🏻配菜方面可以簡薯條/沙律，薯條厚切香口，沙律新鮮👍🏻👍🏻唔錯唔錯

美味的burger 大概每到夏日最喜歡食嘅都可以話係漢堡包，滿足而且簡單，所以追求嘅漢堡包越嚟越要求高！幸運地下呢一個夏日我食嘅漢堡包全部都有水準以上。每一個都值得我去寫一篇文係介紹！今天我去咗深水埗食一間好多人推薦嘅漢堡人朋友係附近嘅地膽推薦我一定要食佢哋嘅王牌鵝肝漢堡！呢度嘅漢堡包全部即叫即整，需時大概十分鐘，繁忙事端都需要等15至二十分鐘架！不過呢一度嘅侍應生見你坐喺度悶悶地會主動同你傾計架！我今次點了鵝肝漢堡配沙律，十分之美麗的芝麻麵包，有黑芝麻同白芝麻感覺更加色彩繽紛！呢邊係一個大概1.5cm厚嘅厚切鵝肝，我剛變得結實，美味，外層不鬆散內軟滑得很，淨係睇呢件咁足料嘅鵝肝都知物有所值！配上兩篇美味嘅車打芝士，同100%安格斯牛肉做嘅漢堡扒! 漢堡扒同鵝肝一樣咁厚！肉汁滿寫十分美味！再配上鬆軟可口嘅麵包！好多時漢堡就係敗筆在麵包度架！食漢堡包唔好淨係睇佢嘅餡料仲要睇埋係嘅麵包外皮係咪鬆軟而唔係乾爭爭！呢一度嘅漢堡有麵包到到裏面嘅餡料全部都水準之上！尤其係漢堡扒質素勁好，好有牛味！有好多時食漢堡會配薯條，但係呢因為天氣太熱嘅關係講轉做沙律都唔錯架！就咁睇呢個漢堡肉百幾蚊未必個個捨得

鵝肝漢堡 $123鵝肝用特別煎法，煎得外金黃香脆很有驚喜👍🏻，咬下去入口即溶，滲透住鵝肝的油脂，香濃細膩，夾著牛肉和芝士同吃，是大滿足的肉食感覺！不過略厭牛肉較乾，未驚見肉汁驚喜吃出微酸甜的醬汁，原來是無花果黑醋汁，加上蕃茄和蔬菜，中和了漢堡油膩感，不錯呀！加$18配套餐，包括飲品和薯條/薯格/田園沙律粗薯條即叫即炸，份量絕不少，無得頂啦😋配多樽蜜桃味果茶，尼個lunch無得輸啦！.整體說，以這個價錢去吃鵝肝漢堡，也算是抵食，食物比預期的有質素，當然亦有繼續進步的空間，是值得支持的小店

其實已經食過好多次，但咁多次都冇影相！因為次次一拎到上手就忍唔住即刻食左！店內有手套比你帶住食，所以幾時都話漢堡包要用手拎住先好食！嗌左至尊漢堡，每次都冇跟餐，因為淨係食包次次都好飽！至尊漢堡，個包皮係脆的，仲要暖暖地！食我出佢好用心去整！而成個包太高，一啖咬唔哂，要分幾啖。牛肉多汁到一路食一路滴，但真係覺得好浪費！生菜又新鮮，啖啖都好脆口，中和食牛的肥膩感！

之前有光顧過大角咀總店，覺得味道不錯，今天有機會在深水埗搵食一於就嚟試下分店的水準叫了一份鵝肝漢堡+$18 轉了combo，今天選了薯格，配了罐可樂。先吃薯格，即叫即炸，火候控制剛好，配上店內的茄汁，好味！鵝肝漢堡 麵包外皮烘至脆，有驚喜。但鵝肝有點overcook，失去了細嫩的口感，還好特有的香味仍在。芝士若然能多煮數秒與牛肉混合在一起則更好。漢堡使用的生菜和蕃茄食得出是新鮮食材，另外還配上小量燒烤汁，令漢堡的色彩味道層次增加了不少。總括來說，以這個價錢吃到的份量和質素算是十分抵食，地區小店是值得支持的，希望下次光臨會更好。