Burger Joys (君悅居)

营业中

休息中

經過過咦間Burger店好幾次！一直都想試，但係一直冇入去。因為女神怕fat fat唔陪我食。今次Happy friday約左個巴打食supper，兩個都唔怕高脂肪高膽固醇，所以一齊去左試佢！入面唔算好大，唔會好迫，但唔算多位，加上Friday night，大家鍾意啤下吹下水，所以可能要等等啦！不過我地都係等左3個字就有位！可以接受。上餐時間都快，唔洗等好耐。不過如果想齋講冇做，想有d野濕下口既可以叫兩杯野飲住先，吹住水等！Happy Friday喎，當然要啤啤佢啦！其實可以叫craft beer既，見到佢櫃到有好多唔同既牌子。但係因為前排飲得太多啦，想飲返啤酒，所以一人叫左一杯draft beer。因為兩個大男人大食，所以一人叫左一個Burger，另外仲叫左個buffalo wings同Southern Fried Chicken Nuggets。Signature Double Cheese Burger $138 ————————————————整體得分：7分 (10分滿分)————————————————食評：口感 7.5/10牛肉非常嫩口，唔會食到痴晒牙！而且每一啖都滲出牛肉

I went to Book Fair with my son on this Friday. After that, we went to the Bar Street at Wan chai to take a break. Children always love burger, I brought him to a bar style burger shopIt's not big but with 3 big TV. Nice place to watch football match⚽. While we were thinking which kind of burger, the waiter was so nice to suggest help us to cut the burger into two, so we can try 2 different kind of burger.Cheese BurgerThe beef are hand cut daily from freshly ground 100% USDA black Angus bee

上星期約左朋友陪我食靚lunch，行經灣仔揾食時忽然落大雨😥我地急步揾地方避雨既時候見到呢間裝修型格走外國風既burger店就決定入試下。入去既時候餐廳都有8成滿，鋪面唔係好大，主要係高櫈pub型格局，仲有兩個大電視。坐底後，睇下餐牌，除左主打既漢堡外仲有沙律薯條雞翼，又有啤酒奶醋都好多元化。朋友唔係好餓，所以我地點了一個雜箘磨菇漢堡，蒜蓉雞翼試下。店內有辣雞翼競食大賽勇士可以挑戰下😈等左一陣店員送上漢堡，店員好細心甘幫忙預先切成2份。餡料都算豐富，磨菇同傳既一片片夾落漢堡度唔同，呢度係打成扒再煎香，所以咬落有粒粒磨菇，咸咸地。但麵包望上去唔係好吸引，口感太軟，同埋有啲感覺餡料既汁令到麵包更淋。蒜香雞翼上枱時有啲驚喜，賣相有啲似泰式雞翼，蒜蓉配酸酸甜甜既泰式醬，唔覺唔覺食多幾隻。雞翼經炸過但內裏都保持到嫩滑，不錯野食份量都大份，餐廳價錢合理，可以一試。

放假出港島做下悠閒一族，行過見到呢間似酒吧既餐廳朋友仔見佢裝修幾特別，好有假日氣氛就話入去試下。餐點主要係牛肉芝士burger或雞肉，，小食都有好多選擇，我地想試多幾樣所以揀左個特別既磨姑burger 。黑松露薯條同蒜香雞翼。 值得一提呢度野飲好多選擇上致酒類下之奶醋都有，非常適合happy hour或gathering 。我既左野莓汁有酸酸地幾開胃。因為星期六所以鋪頭都幾乎滿座，大部分都係外國人同年輕男女，牆身掛住兩個大電視原來夜晚會有足球賽事睇，難怪甘受歡迎。野食好快上齊，薯條超香，勁多黑松露，心心眼。個包塊磨姑打成扒再炸脆，食到粒粒磨姑加埋芝士幾香口，同埋好厚身，包皮鬆軟唔會硬，足料。食食下到雞翼上枱即刻好忙🤣，因為我地2個都好中意食雞翼，好想快啲試下。可能有蒜香炸過下，個皮脆脆地，再加埋酸甜汁，有啲似泰式雞翼，令人可以一次過食幾隻，正。飲飽食醉滿足後埋單都係300蚊有找，係港島區開餐仲要係食西餐加環境呢個價錢性價比高呀。

有一同朋友去咗灣仔飲嘢。之後肚餓就去咗附近食咗呢一間漢堡店。裏面老闆係個外國人，店內直播緊足球聯賽，好似一間酒吧咁。我同朋友叫咗一個芝士漢堡 $108 ,凱撒沙律＄68 ,辣粉薯條＄48 ,美式炸雞＄58 ,同埋奶左一杯朱古力奶昔＄58。芝士漢堡嘅牛肉好新鮮煮到五成熟到，好香牛肉味，二哥麵包同平時食開嘅漢堡包好唔同，嗰張亦都唔會好流。凱撒沙律就好正常，嗰張唔會怪，係正常好味嘅凱撒沙律來。辣粉薯條就應該係加左啲紅花粉喺裏面同埋有少少辣粉懶懶地幾有美式風格。美式炸雞就好香脆，好惹味。朱古力奶昔就用咗好龍嘅朱古力唔係去整，又唔會太甜，但夠香濃。店內嘅氣氛都唔錯如果睇波，或者約埋啲朋友來呢度飲啤酒，食小食，都係一個唔錯嘅地方。

中午嘆左杯大咖啡,又無咁快餓,周圍行下,買完野無帶遮又唔想買遮,細雨d既時候就去搵餐廳食Brunch,系灣仔地鐵站附近既駱克道有唔少餐廳都系享受緊啤酒既人,行到十字路口有間便利店隔離坐滿人,個個食緊Burger,薯條,雞翼。睇見就好想食,等左幾分鐘就有位,2pm不段有人等位,上菜快客人食得快,到我地食完仲有人等位,好生意呀!Black Truffle Fries$58,熱辣辣薯條配上黑松露醬香氣撲鼻,齒頰留香,薯條口感酥脆唔會乾柴。我地兩個都叫左Mushroom Cheese Burger$88,真系超貼心,女仕們既Burger會切一半先上檯,自從箍左牙好多野都由想食變唔敢食/食唔到,切左一半真系好安心😂漢堡包有烘過,外層鬆脆內軟熟,切碎菇菇做成炸至酥脆既有驚喜無肉蘑菇漢堡,唔乾柴仲幾juicy,夾埋生菜,洋蔥,酸瓜,蕃茄,芝士,沙律醬,我地真系唔覺呢個系素漢堡,口感似加左牛肉蘑菇既漢堡呀,非常出色!Dr Pepper$22,Cranberry Juice$39

我同老公都鐘意漢堡平時好少出港島區今日難得出去又見到呢間咁多好評當然要試下啦！平時控制飲食，就係為左食好西果餐可以放縱任食同老公一人一個芝士牛肉漢堡牛肉鬆軟，芝士半溶有塊厚切蕃茄令到成個感覺無咁油膩麵包好重牛油香又鬆化同一般漢堡既包有唔同，好好味漢堡唔算大個，不過我地叫左其他野食，所以真係好飽😂😂今日好好彩地唔知咩活動，雞翼做緊3蚊隻咋！平時每款要$58蚊6隻我地叫晒3款，每款3隻，9隻雞翼都係$27！3款味道都唔錯，比較細隻，不過酸酸辣辣咁都好開胃，3蚊隻算合格，如果58蚊6隻就略嫌唔夠多肉啦漢堡加30蚊有杯汽水/啤酒再加原味薯條，但如果要轉特別味薯條就加20蚊我同老公就轉左芝士薯條同黑松露薯條芝士薯條睇落無咁油，不過芝士醬既芝士味唔濃黑松露薯條真係好油，黑松露味都幾濃，但真係太油太油啦薯條係幼身，個人比較鐘意粗身薯條，味道唔算突出，加20蚊就有d唔值爆卡不過都要試既Oreo cream milkshake 呢杯特飲要加30蚊不過好大杯好多cream又唔太甜，好好味喎一次半次真係唔好理肥定唔肥今餐好滿意個漢堡同milkshake 不過又未至於會好想再快d黎食多次😂😂溫馨提示:匯豐卡有

朋友剛從日本旅行回來，說有手信送給我。因為我們都在港島工作，想起喜歡吃漢堡，之前經過這間bar感覺很熱鬧，便試一下它吧！在洛克道，7仔旁邊，霓虹燈十分sharp。吧台上有menu，好吸引等了一會，終於入座，想不到星期三晚都頗滿座。叫了cranberry juice，忘了叫少冰，幸好都不算太多冰，而且不算太甜，在這炎炎夏日飲好舒服啊！想不到磨菇漢堡有驚喜！磨菇打碎了，吃下去有點像薯餅，配合芝士和菜吃是絕配呢！一大驚喜位是它的包烤得剛好，充滿牛油香，十分鬆軟，好好味朋友點的牛肉，試吃了一口，牛味香濃，鎖住肉汗，和半溶的芝士一起吃十分回味！可惜他只讓我吃一口哈哈。這是十分出色！醬汗酸酸的帶微辣，連我吃不到辣都吃得下，好惹味，每人三隻都不夠喉呢。黑松露薯條十分香口，薯條比較碎，數條一起吃會比較爽。埋單每人兩百不到，價錢不錯。環境很chill很放鬆，收到朋友的手信，渡過了開心的一夜呢。

約左朋友去灣仔買完電腦都已經五點幾，大家行左咁耐都有點疲累，決定後面酒吧街 happy hour。經過Burger Joys，裏面傳來陣陣香味，令人食指大動，饞蟲上身，大家一致決定入去食少少野。舖內裝修跟酒吧有點相似，前台自助點餐付款。可能比較接近晚餐時間，客人不多。MenuSignature Double Cheese Burger + BaconBurger約五寸高，超巨型，麵包有點脆，兩大塊牛肉，洋蔥，生菜，蕃茄，煙肉及芝士，牛肉juicy不鬆散，煙肉不會炸到過硬，食完已經好飽。Cheese Burger跟Double Cheese Burger差不多，只少了一塊牛肉及煙肉，朋友說牛肉肉味比較淡，但加上大量蔬菜配料，整體好fresh，唔會太heavy。Black Truffle Fries開始吃的時候黑松露好香好濃郁，但食完面的薯條後，下面的就只有很少黑松露，薯條是幼身的，感覺上無粗薯條好咬，但炸得夠香脆。Southern Fried Chicken Nuggets炸雞粉醬不厚，面頭有少許紅辣椒粉，但不算太辣，加上芝士醬一起吃，特別好味，另雞粒炸得夠香脆，吃到最後都不會腍。始終是

是晚有地膽說要帶我來這裡食好西，雖然間中會行經駱克道，但卻沒留意這是餐廳，一直以為是酒吧而已！🙈我倆點了芝士牛肉漢堡、雞堡、黑松露薯條及蒜香雞翼，飲品則點了Cookies & Cream Milkshake & Peachy Mocktails，擺到成檯野食，好壯觀！個黑松露薯條一放上檯，已經聞到濃濃既黑松露香，相機食先之際，口水多過浪花咁款😂快拍完就一條接一條，停唔到口喇！但底個d薯條就冇乜黑松露喇，如果換成黑松露醬代替茄汁會更好！另一小食蒜香雞翼，外脆內嫩，蒜香加上甜酸醬，非常惹味，雞翼控友人表示叫得6隻，每人分得3隻唔夠喉，早知就叫12隻啦！但兩個女仔邊食得哂咁多，淨係食完兜薯條同雞翼都飽飽地，因為呢度野食既份量都唔細架！再講Burger，芝士牛肉漢堡，漢堡包邊烘熱後脆脆的，牛肉好juicy，加上半溶既芝士、蕃茄、洋蔥，一口咬落去，多種口味，非常滿足！雞堡內塊雞扒幾厚切，惟邊位煎得乾咗少少，咬落有d硬，反而雞扒中間就ok，同埋好在醬汁味道幾好，加返分，可以加埋芝士就更好喇！最後講埋杯飲品，Cookies n Cream Milkshake 味道不錯，口感creamy，但比較甜同頂

"Junk food is a pejorative term for cheap  containing high levels of  from  or  with little fiber, protein, vitamins or minerals. Junk food can also refer to high protein food like meat prepared with  saturated fat - which some believe may be unhealthy" copy from Wikipedia. 簡單來說即是三高食物，高鹽高糖高脂，但這些所謂的垃圾食物，偏偏開到成街成市，不乏人潮。越不健康越受歡迎，我與大眾一樣，每個星期都必會去食一次Burger，至愛就是粗薯條，炸得香脆有口感，吃它夠垃圾今次同媽媽食到灣仔區，提早吃晚餐。這裏鄰近酒吧街，室內環境有點似酒吧格局，高身的吧枱加圓椅，坐得不太舒服，另外有配置電視播足球，晚上應該吸引不少足球迷。Burger款式不算多，都是傳統的款式，小吃都是雞翼沙律等，反而薯條有多款味道可供選擇。Cheese

約左好朋友食飯相聚，揀在佢公司附近，希望偷多點時間暢談近況。見呢間漢堡店咁多好評又想試新野，果然無讓我失望，食物、環境、服務都超出預期，帶俾我同好友一個歡樂的晚上甫入小店，侍應友善有禮，感覺良好，坐低發現小店有其特色，酒吧格局，還播著我喜愛的英文歌；一首一首徐徐播出，瞬間將這個忙碌了一整天嘅我放鬆下來講返食物，我試左呢度的signature double cheese burger, 友人要了chicken burger. 我的cheese burger相當美味，配搭見心思。店主巧妙地選擇了比平時更鬆軟香甜的包，配上雙重芝士，嘩，原來唔只雙重芝士，連漢堡扒都打媽上，肉汁緊緊的鎖在肉扒內，一口咬下肉汁完全釋放，亦因為個包較鬆軟，所層次更見分明，唔，個種吸引力好難形容。配上新鮮的蕃茄、酸瓜中和，好正。朋友話佢點的雞肉漢堡都好好味，夠熱，雞肉嫩滑有口感，雖然我都幾堅持食burger一定要配牛，不過雞肉都係俾戎牛人士的另類選擇。另外要了黑松露薯條，本人對黑松露無乜好感，不過友人想食就陪下佢，食落郤意外地覺得好配！店主一點都不吝嗇，灑上了大量黑松露，食到最底毎條都仲有黑松露，抵讚我地仲叫左我最愛

Burger joys （灣仔）上👉🏻mushroom burger 下👉🏻double cheese burger 🐂beef 超juicy，芝士味好濃，略嫌太多醬，再加上肉汁係咁滲落個包度，最後變成濕麵包🍞，影響左個味道，不過都係好食嘅，可能我期望太高。。😂🍄Mushroom burger 有驚喜，冇咁多醬反而食到蘑菇味道好重，炸得好香口，我覺得幾好食，值得一試。😍Chicken burger 朋友叫嘅雞堡都幾好食，冇咁多醬特出雞嘅味道呢間野未至於好好食，我覺得只是中上，有點overprice左雞肉很嫩滑，也有很多肉汁只可惜我真的不喜歡濕水麵包，希望改善這個問題。整體而言真的普通，有點失望了，但味道還好。

都好耐冇嚟過食burger，今日帶朋友仔嚟試吓Melted cheese fries ($48)即炸薯條好新鮮熱辣辣，有薯仔皮所以口感幾好，不過係就係鹹咗啲，但芝士醬份量非常慷慨，唔洗驚食到最尾嗰條冇晒醬，因為係好似食極都仲有咁㗎！Cheese burger ($108)中間有番茄，生菜、酸瓜及千島醬，仲有半溶嘅芝士及一大塊肉質鮮嫩嘅牛肉，非常juicy而且牛味香濃，配合千島醬嘅酸甜味感覺上冇咁膩；麵包一如以往都係咁香牛油味，外層有啲脆但入面就鬆軟無比Mushroom cheese burger ($88)預期係一大塊蘑菇夾喺中間，點知上菜時我真係差啲將佢同牛肉漢堡撈亂，睇真啲，原來塊菇扒係用蘑菇及其他雜菌打碎而成㗎，真係非常有心思，口感一粒粒脆脆哋，比一大塊蘑菇嗰種更加有口感Crispy garlic wings ($58)啱啱烤好嘅雞翼夠晒新鮮而且大大隻，由於落咗泰式辣醬嘅關係，所以即使啲雞翼炸得香脆，食落都唔會好脆口，但好在雞肉夠嫩滑！上次食覺得蒜味唔夠，但今次可能炸蒜落得重手咗，蒜味勁濃郁，酸酸甜甜咁非常開胃，好想一個人食晒6隻！Coconut water ($28)係罐裝椰子

這天在灣仔辦事，下午經過這裡看見他們的漢堡挺吸引，而某人也很喜歡吃Buffalo wing 所以我們就在這裡用餐。店鋪不大，大概可以容納20人吧，我們不用等位可馬上入座。這裡還有hot wings contest , 有人竟然在三分鐘內吃了20幾隻hot wings menu上有6款薯條，我們點了Cajun fries. 味道像shake shake 薯條，但卻比他們的好吃，夠熱和夠脆。辣粉也不太辣剛剛好。漢堡方面我們點了芝士牛肉漢堡和雜菌蘑菇芝士漢堡。牛芝堡有大大塊牛肉，被整片芝士覆蓋著，麵包也是稍微煎過，牛肉很有肉汁，不錯。雜菌蘑菇芝士漢堡原來是蘑菇扒再炸得很鬆脆，這個有點驚喜，咬開蘑菇扒裡面有好多蘑菇粒，在外邊看來以為會很乾但其實很juicy。麵包還有很香的牛油味。另外我們還點了house salad，很大盤呢，蔬菜也很新鮮很爽脆，配上他們的vinegar dressing很開胃，剛好中和了漢堡扒的肥膩感。最後當然是不得不點的Buffalo wing，這個味道很久沒有吃到了，酸酸辣辣的，雞翼也沒有炸得過份乾，咬開還有很多汁，有紅蘿蔔，西芹和blue cheese。這個值得推薦