BriKetenia (已結業)

接男朋友收工，諗住順便喺觀塘附近食埋個飯， 商場食飯有太多人，如果去工廈cafe， 有啲又未必有開晚市。 一番搜索之下，終於鎖定呢間食西餐嘅Briketenia。入到去環境唔錯，都幾舒服同安靜，最適合拍拖談心，或者同朋友傾計。半open kitchen嘅設計， 食客可以隔住玻璃，睇到廚師喺入面點樣烹調。我哋各自叫咗一個set dinner， 包括一份前菜，一份主菜，同一杯野飲。首先嚟到既主菜，我就叫咗干邑龍蝦湯， 侍應先送上配料，再將那湯加落配料上面，客人可以欣賞到擺放得靚靚嘅配料，然後先加湯。配料主要都係露筍、龍蝦肉、甘筍等等，湯底入口非常濃郁，滿滿都是龍蝦既鮮味， 龍蝦香味加上適量嘅干邑，味道帶有酒香之外，口感亦都相當creamy。侍應易送上自家製嘅法包，好適合配埋湯一齊食，但亦都可以點埋佢哋附有嘅醬料，法包外脆內軟，中間感覺略為濕潤，而酥皮條就好有牛油香，忍唔住食曬。男朋友就點咗白酒煮青口作為前菜，呢個係menu上冇，但係侍應話係今日嘅special， 入口充滿牛油同百里香嘅味道，青口比較小巧，但係吸收咗香草嘅味道之後，除咗本身獨有嘅鮮甜， 亦帶出咗海鮮嘅獨有香味。主菜方面我哋就

太太2日前生日，今晚補食生日飯，之前已經嚟食過，記得d食物質素好好，所以今晚再嚟。頭盤叫咗鵝肝焦糖燉蛋, 係冷盤，配多士，可能已經好肚餓，所以覺得好好味。另一頭盤係白酒煮青口，青口唔係好大粒，但份量以頭盤嚟講都唔算少，青口好新鮮，食落肉質鮮嫩，白酒汁好入味。我地覺得頭盤已經好大享受。主菜叫咗慢煮牛肋條日式燒汁，刀切落去已經知肉質好嫩，除咗食材質素好，個汁亦煮得好，襯托出牛味更濃郁，我同太太都話冇得彈。另一個主菜係煎鯛魚配帶子，兩件魚柳本身雖然唔算好正，但廚師烹調功夫到家，將魚皮煎得好脆，調味又好好，完全將件魚柳提升咗，食落都好正。跟住食埋個甜品，法式蘋果批配雪芭。我覺得呢間係觀塘區質素較高嘅西餐廳。下次將會再去嘆下佢地嘅靚牛扒。

🍽黎自法國既米芝蓮一星✨聽完係咪心諗一定貴到痴線其實set dinner只係$218-468😍係outback價錢加少少就食到米芝蓮高質素fine dining黎講絕對係算平價而且環境好闊落 好有privacy👍🏻-✨Starter：🥖法包 芝士條🦐干邑龍蝦湯🥑呑拿魚片配牛油果醬法包就一般 個芝士條就好香脆🤤係好飽既情況下都refill左一次可以無限refill架個湯好濃味 但略嫌龍蝦肉不多呑拿魚片新鮮 重點係下面個牛油果醬🥑🥑好fresh好開胃😌-✨Main course：🍗油封法國鴨腿伴薯蓉($288)個皮好香脆 肉有鴨既油香連個薯蓉都有心思加左黑松露不過份量細左d🥩西班牙熟成牛($468)係最貴既set dinner但值得食🤤🤤好juicy叫左五成熟岩岩好做到鎖住肉汁既效果

朋友喺觀塘附近返工，之前食過呢間餐廳覺得幾好食，所以帶我去試吓。我哋訂咗位，但係由於係平日，成間餐廳得3枱客。我哋叫咗set dinner, starter 我揀咗溫泉蛋配野菌及法國火腿，呢個配搭真係好好食，值得推介。Main course我揀咗香煎帶子野菌芝士黑松露醬意大利飯，帶子好香，意大利飯煮得啱啱好，唔會太淋。整體食物質素唔錯，會再嚟食。

今晚約左閨蜜想好好談心有同事推介呢間餐廳於是去試下啦book左七點得我地一枱客果然好適合談心我地食到9點，都係坐得唔滿好！講反食物質素首先serve左一籃麵包（唔記得影相）點包個醬真係超級好味，有啲似蒜蓉味沙律醬之後叫左個炸薯條，都好好味，熱辣辣我地兩個叫左set dinner頭盤係凍肉拼盤配酸瓜，好味main course係黑毛豬配年糕，都好好味，不過黑毛豬太肥扣左小小分總括而言：價錢有啲貴，因為一個main course都要三百幾，不過味道尚算不錯，環境都唔錯，好適合傾計

星期六午餐時間，只得三兩枱客😳，説是米芝蓮食肆，但工廠地區，也是很難招客。法包配的是蟹子醬吧，似乎有點腥，不懂欣賞，還是牛油較適合我。餐內包自助沙律吧🥗，款式不多，但基本的都有。橄欖是超級咸的，不用多取。湯🍵亦在沙律吧自斟，今天是南瓜湯，好好味，夠濃又甜味選了燒春雞，很好味，有雞香，無雞腥雪味，肉嫩滑，汁有帶動食材的味道卻又不會奪走食材味✨。配菜也很認真，除所見的🥦🥕🥒還有小露荀🌵，幼嫩非常。印度米質是鬆散乾身的，有米香，好味道。雞胸固然較鞋，但也很水潤呢。💦燒牛肉三文治🥙，薯條熱辣辣有薯香🥔🍟。牛肉份量非常充足，包內略欠汁醬，整體較乾，可惜。下午茶8折實在超抵食店內有下午茶餐及2pm後有折。又不太晏，變得非常抵食。食物質素很好，價錢經濟，環境舒適又易到，很好的選擇。

在公司附近，發現這間不起眼的法國西餐廳，看到門口旁邊玻璃貼滿不少明星光顧過的相片，反正要找餐廳跟朋友慶生，就預訂這間試試吧！餐廳環境配上柔和燈光，感覺氣氛特別好，加上安排坐較入而隔開一邊的房間，顯得非常寧静及舒適！是日餐牌選擇前菜選了自助沙律吧附送是日餐湯喔！今日是南瓜湯，湯是暖暖的，餐包配上醬汁，味道就非常夾。自助沙律吧，任君選擇🤗主菜選了時令鮮魚配西蘭花及薯蓉，魚皮煎得香脆，肉質嫩口，令人回味。法國鴨胸配甘筍蓉及新鮮時蔬，鴨胸入口鬆軟，真的是頂瓜瓜。令人放鬆就是可以享受一頓美食！

餐廳環境同茶餐廳冇分別，人手嚴重不足，舉手好耐先有人理，侍應態度有禮貌嘅！我地叫咗半打生蠔$240/6隻，好痩冇乜肉，一個帶子意大利飯，一個龍蝦意粉，兩個龍蝦湯，兩個蕉糖燉蛋，味道正常，食物好一般，不值咁嘅價錢，埋單$1200

本身諗住佢係一星餐廳啲fd，所以希望佢會好食嘅心態去，但原來比想像中好食幾倍。由個包開始，唔係比件牛油你咁簡單，但比個醬你沾，啲包又好食，外脆內軟。到頭盤，牛他他無得頂，再加上個鵝肝燉蛋，夠香同時燉蛋令佢非常滑，外面又食唔到，勁正！牛扒好好食，但要食咗豬扒先好食牛扒，否則啲牛肉味會令豬扒失色！飯都唔錯，唔算好重忌廉，所以香得黎唔膩。甜品點咗三個，無端端收到主廚送咗兩個黎，話比我哋試⋯先講自己點嗰啲，本身都有啲擔心係普通貨色，但原來唔係，值得叫，$68/個係食心思心太軟個朱古力可以轉第二隻牌子，我覺得呢隻朱古力食落去唔夠醇個酥皮千層蛋糕勁好食，一切落去已經知出事，好食到停唔到中間嗰個蘋果批，同食開嘅蘋果批完全唔同，足料，好香！再講佢送嘅咖啡慕絲加芒果雪芭慕絲夠滑，雪芭好香，真材實料！自家製曲奇同街邊嘅曲奇唔同，好香餅味，勁好食！

Happy Friday搵左間喺公司附近既法國餐廳同媽媽慶生，星期五晚費事出尖沙咀旺角同人迫。地點都幾易搵，賽馬會過馬路轉左，行多兩分鐘去到電訊大廈，上扶手電梯就見到。餐廳以淡藍、灰、木色為主調，配以金色hardware同雲石紋檯，幾適合影相。我地一家三口被安排坐cubicle梳化位，私穩度唔錯。大約7點黎到，全晚餐廳只係坐滿一半，理應唔太嘈。不過有房比人book左開dinner party，可能侍應為左方便上菜就冇關門，不停有喧嘩尖叫聲傳出，非常滋擾☹️晚餐有tasting menu, set dinner & a la carte。我晏晝食完客飯仲未飽完，媽媽又係雀仔胃，所以只order兩個set dinner再加lobster bisque to share。未講食物質素之前，要先特別一提茶餐廳級既服務☹️ 首先，侍應行路風咁快，衝黎衝去，同優雅既環境好唔夾；冇制服，連一致小小既dress code都冇，有人著denim shirt，有人著casual t-shirt，我一開頭以為係食客既人走過黎serve我地入座。服務亦好粗糙唔細心：先前提到既冇為party房關門隔音，噪音影響大廳

剛做完運動都頗肚餓，就去咗間法國餐廳醫肚。午市時間，在同一層的米缐店、茶餐廳都大排長龍，唯獨在corner位的此餐廳就無需等位直入。心想主因可能是午餐最平都要$88三文治至$248龍蝦意粉。餐廳內裝修普通，廚房是可透過玻璃窗看著廚師烹調菜式的。先上法飽和經調配的蛋黃醬，法飽無焗熱，咬起來軟軟靱靱，加埋淡淡味的黃醬同吃，頗特別。前菜四選一，選了是日餐湯+自助沙律吧粟米忌廉湯，值得一讚，看似簡單但卻考功夫，粟米味濃郁且已經隔渣，加埋忌廉和奶，湯很香滑。沙律吧唔算很多選擇，但勝在質素唔錯。英式芥末薯仔，味道配得剛好，吃到芥末味外亦不失薯仔的香味。水果沙律和沙律菜，都很新鮮，全無氧化情況出現。仲有冷盤肉腸片、粟米、青瓜、烤焗過的車厘茄等。醬汁有法式沙律醬、沙律醋汁，特別在有自製蜜糖芥末醬。蕃茄忌廉汁燴海鮮意粉配蘆筍，海鮮有蝦、青口、煙三文魚，又好細心將蘆筍外青色皮全削去，然後切粒，仲加入一些本菇一起煑成。意 粉本身軟度適中，但醬汁和部分海鮮就唔係我得啦！首先蝦仁爽脆，但青口唔多新鮮，肉有些酶。且可能煙三文魚本身有一定鹹度，所以與意粉同煑反而令到味道變得偏鹹，吃不到蕃茄的酸甜味。

公司以前正正就低呢個位，重遊舊地，大家都非常興奮。7pm入座，只有兩三枱人，好靜。夜晚有套餐同埋好少選擇的menu。結果我地全部點晒dinner set（頭盤，主菜，餐茶）由二百幾到四百幾不等，觀塘區價錢算中上。環境：安靜，空間感大。有些靠牆位，適合情侶。食物：麵包籃麵包好食。頭盤我叫左生牛柳，牛肉無咩味，但d汁幾好味。朋友們叫左洋蔥湯、巴馬salad、蝦salad。大家個樣都幾滿意。主菜：煎羊架，煮得剛剛好，味道唔羶。朋友點左黑毛豬、煎魚帶子。佢地話個魚好食。甜品：無食到。服務：因為人不多，服務非常週到，而且非常快。其實只是七成飽。男仔未必夠飽。

去食晚飯，係生日飯，坐得幾舒服！前菜做得好唔錯，再點鵝肝醬cream brûlée. 點包最正！主菜我比較中意帶子risotto, 份量岩岩好！甜品拿破崙加士多啤梨雪糕好有驚喜！下次lunch去先得！

一點都不法國 的法國餐廳非常失望價錢不便宜餐廳空間大 但人客不多 已心知不妙 本來以為因為價錢比較貴 所以客人不多一心諗住同女朋友一齊食法國餐貴一點也沒所謂點知食物質素和服務質素 都同 網上評分差很遠絕對不會再幫襯

鬆軟嘅麵包係每間做法國菜必備嘅頭盤🤔🤔至於麵包新唔新鮮，真係一食就食得出👍🏻👍🏻除咗軟淋淋嘅白麵包之外，仲有香脆嘅芝士條😏抵食既生蚝gillardeau， 咁岩做緊優惠😏😏Buy 2 get 1 free 冇得我唔點😂😂鎮店菜式， 鵝肝焦糖燉蛋中意食鵝肝既人一定要點，因為鵝肝味好重，但重得黎唔會完全掩蓋哂糖燉蛋既味😁齒甲留香😋😋吞拿魚片配蘆筍片及番茄沙沙酸酸甜甜，好適合做頭盤， 好開胃😀😀波士頓龍蝦意粉伴龍蝦汁店子把龍蝦殼拆掉，食得很方便，醬汁配合好特出龍蝦鮮味👍🏻👍🏻法國鯛魚伴普羅旺斯大雜燴煎香左既鯛魚，皮脆肉嫩😁😁好值得食😋😋仲有店員推介左我地點既朱古力梳乎厘💕因應自己對甜味嘅喜好，自己落朱古力醬...朱古力味濃得來，又唔係好甜，我幾滿意👍🏻👍🏻精緻嘅甜餅方面...玫瑰花味嘅蛋白糖霜餅口感好得意😋朱古力曲奇，味道還好😁😁至於另外一款青色嘅曲奇，真係見仁見智啦