BRICK LANE Gallery

营业中

休息中

美麗嘅人生，又點少得美食同藝術？餐廳既富藝術氣質，又提供美味食物，就合曬心意。今日同大女一齊感受下餐廳好闊落，先來一個大open bar，外圍鋪上花磗。再行入啲，掛滿曬畫，打埋燈，仲有一張長梳化同好多書籍，感覺好舒服一人叫咗一個set lunch， Green salad 夠fresh。 蕃茄香草湯配多士，個湯濃淡適中，塊多士唔止白麵包咁簡單，應該夾有其他穀物大女叫咗新西蘭肉眼扒, 配上burgundy source 叫咗七成熟剛剛好，阿女話好味，牛扒一啲都唔靭，仲有薯仔蓉同蔬菜，份量夠曬。我叫咗香煎海鯛魚，塊魚好大塊呀，厚肉得嚟又夠滑，配上campaign cream source，提升美味，仲有軟綿綿嘅蕃薯蓉同菠菜芝士撻，好豐富呀阿女好鍾意飲凍mocha，我襯返去飲返杯熱mocha，咖啡又香又滑 喺呢個環境下，大家心情放鬆，難得佢唔掛住玩手機，一齊食下野，傾下偈，飲下咖啡，抵返曬啦。

黎過幾次Brick Lane 試過brunch -all day breakfast 今次終於有機會嘗試下晚餐 餐廳環境幾好 員工服務好好 外面有幾張枱 如果天氣涼 坐外面都幾有情調我同好朋友各自叫左一碗湯 鍾意食龍蝦既 可以點 lobster soup! 好濃味!價錢$ 108 喜歡飲酒既我 當然少不了點white wine 7:30前happy hour時段, only $ 58 by glass 推介Pinot Grigio 到前菜沙律🥗海鮮份量好多 而且菜好新鮮 另一推介到主食啦叫左pork ribs , 有6塊ribs 配炸魷魚 肉好juicy 味道酸酸甜甜 幾特別我朋友就選了龍蝦意粉 龍蝦好正 肉好彈牙 好少吃過咁美味既lobster linguine 價錢相對貴了少少 $ 268餐廳環境 喜歡牆上既單車🚲

辛苦搵埋志在食！哩日放工全身已經體力透支，又黎到全日最期待既晚飯時間，今次同朋友黎哩間餐廳，以往已經食過，食過番尋味餐廳名有gallery 一字，餐廳入面有d wall painting,增添藝術感我地叫左一個set,再散叫左d野食。湯係番茄湯，因為加左cream,口感好rich,淡淡番茄香味。沙津菜新鮮，無乜特別我叫左杯rose latte,次次黎都會點哩杯，因為好好飲！玫瑰同咖啡平衡得好好，唔會搶左對方既香味，不過要趁熱飲，凍左會過甜黑松露醬薯條都係每次必點，份量好多，2個人食唔哂，個醬好正，黑松露味濃，薯條即炸，幼薯好脆口egg benedict並唔係早餐既專利！熟得岩岩好熟既蛋，加埋咸香ham同埋蛋黃醬，prefect match!反而set既軟殼蟹意粉有野要改善，可以多d汁，同埋軟殼蟹略腥豬肋骨拼魷魚鬚好特別，豬肋骨肉質軟滑，香甜美味，魷魚鬚反而調味不足，略淡甜品叫左草莓蛋白脆餅同埋特濃朱古力慕絲，個人較中意草莓甜品，酸酸甜甜，蛋白既脆、配上雪糕既冰凍口感，十分夾兩個人食左9百幾蚊，但其實我地真係叫左好多野，超飽！總結都尚算抵食都好食！

今日放工同好姐妹約係尖沙咀行街，之後經過呢間餐廳，環境好似唔錯，就入去試下。入到去，環境好舒服，好浪漫，每一檯之間嘅距離唔會好近，可以輕鬆地傾計。餐牌同餐具都有架單車，好可愛首先黎左個黑松露蘑菇湯，湯非常濃郁，好香黑松露嘅味，入面有蘑菇碎，有D咬口，正！之後黎左大蝦帶子沙律，無論係帶子定蝦都好新鮮，唔會過熟，沙律菜上面淋了橄欖油，而唔係沙律醬，好香好健康！跟著到最期待嘅主菜，龍蝦扁意粉啦！龍蝦已經幫你砍走左個頭，相對黎講更容易食。龍蝦肉好新鮮好嫩滑，意粉彈牙有口感，如果份量多D就好啦，唔夠喉哈哈哈最後黎嘅係ribs同埋炸魷魚，ribs肉質juicy,好入味，包裹住番茄醬同埋香草，非常惹味，而且一共有六大舊咁多，非常抵食👍🏻炸魷魚亦唔錯，唔會炸過龍，魷魚依然很嫩。不得不讚嘅係服務員嘅態度非常好，會好有禮貌地問你要吾要幫你收左檯面上餐碟或食物殘渣，仲會主動送上濕紙巾，下次一定會再黎！

星期五happy friday放工同朋友relax 下, 緊係要搵間正野坐低吹下水啦喺門口行過見到呢間brick lane , 門面裝修都唔錯架, 又咁啱有位就入去坐低啦環境幾優雅, 可以同朋友慢慢食下野飲下野吹下水有好抵食既dinner set叫左一份dinner set 再加其他散叫既, 先飲下個南瓜湯先, 佢本身冇味要自己調味架, 自由度極高跟住就食水牛芝士蕃茄沙律, 芝士個濃度唔會搶左沙律菜同蕃茄既鮮甜味水都係靚野, 不過要收錢啦龍蝦扁意粉, 龍蝦肉好爽好鮮甜意粉硬度剛剛好呢度既德國燒豬手做法有別於其他餐廳, 佢個皮唔係燒到好脆, 但咁樣反而令d 汁更加入味香蕉pancake, 作為甜品一流仲食多個招牌菜Benedict Egg, 個蛋流心架歎番杯Irish Coffee 先朋友飲呢個, 個咖哩勁香濃

近排對Eggs Benedict情有獨鍾，之前已聽聞呢間餐廳食物質素高，今次見食評大推呢度既 Egg Benedict，就同朋友黎試下先~~~呢度有好多款 Egg Benedict 選擇！！！叫左California Eggs Benedict同 Irish Eggs Benedict~California Eggs Benedict呢款Eggs Benedict配牛油果、番茄~Hollandaise係Eggs Benedict的精粹！Hollandaise濃滑，creamy！蛋黃流心粘稠度亦剛好！牛油果同番茄都好新鮮，牛油果本身口感較厚，但配埋番茄口感較輕，兩者balance返！好match！Irish Eggs Benedict呢款Eggs Benedict個餡係咸牛肉。蛋當然好味啦~咸牛肉都幾重味，偏咸，但配埋muffin同蛋就balance晒！好match！整體來說，的確係高質Egg Benedict，餡料配搭出色！！！

今日我哋去食西餐，有一間好出名既西餐廳係尖沙咀附近，咁就腳，環境又舒服，可以坐出面，又可以坐室內，所以我哋就去試下啦。松露蘑菇湯$88非常頸渴，但係又唔想飲凍，所以我就叫咗一個松露蘑菇湯。蘑菇打成蓉，粒粒豐富，飲落有囗感，松露香氣好濃嫁。酥脆雞翼$98朋友飲酒但係我唔飲，不過都要叫啲佐酒小食。一叫就叫咗六隻雞翼，雞翼好炸到好香脆，傳來好邪惡嘅味道，而且好多肉汁好juicy啊。Seasonal Berries $88吹完一輪水，當然係要食甜品啦。我最鍾意食班戟，依到既班戟都有好多選擇，季節限定嘅 鮮莓鐵鍋班戟，班戟邊位脹卜卜，蛋香好重，淋晒楓糖漿，一人一個正。

位於尖沙咀的BRICK LANE Gallery，是一間主打All Day Breakfas的西餐廳。香港曾經在某段時期超流行吃全日早餐，而BRICK LANE Gallery就是熱門餐廳之一。Full English $168其實我也很喜歡吃全日早餐，因為食物種類多，感覺豐盛，賣相吸引，更有我最愛的麵包，所以即使我晩上光顧，也要點選一份早餐。英式特大全日早餐，包括: 三隻雞蛋，英式豬血腸，焗豆，火腿，牛肉，煙肉，蘑菇，豬肉腸，煙三文魚，薯餅，面包，蕃茄沙律，約克都布丁。三隻雞蛋可自選煮法，很久沒吃太陽蛋，這裡的太陽餅煎得剛好，邊脆微焦，蛋液滑嫩。豬血腸較豬肉腸，更為特別和美味，味道不會過濃。火腿鹹香剛好，煙肉硬脆，煙三文魚味濃嫩軟，太好吃啦。麵包軟中微脆，薯餅炸得剛剛好呢。紅絲絨蛋糕$48紅噹噹的紅絲絨蛋糕，紅白相間，賣相可愛阿。白色是忌廉芝士，質感彈實，有點像啫喱，紅色是蛋糕，偏乾了點哦。

之前星期六日夜晚黎食過，個陣人山人海，要排隊咁濟！不過今日閒日（星期三）夜晚黎到，反而冇咩人餐廳有dinner set ，不過我都係決定左散嗌黎食。一入到去坐，啲待應反應好快，主動問你要咩水，又會好主動咁過黎幫手今次一如既往叫左fish and chips份量都係咁大份，薯條上到枱仲係熱辣辣炸魚size都算大塊，不過口感一般。今次仲試左佢個Everything All Day Breakfast其實淨係食個All day breakfast都好飽，我最後都食淨左半塊包整體黎講都幾好食，只係有少少油另外叫左海鮮意粉味道唔差，都有好多海鮮，唔會腥，上到枱都仲暖。唯一缺點就係份量比較細。除左野食，我地仲叫咗手工啤酒，另外有本menu介紹手工啤，我地個杯係有咖啡香，幾特別。總括黎講就係不過不失，食物味道冇話特別好。

餐廳門外有少許坐位，再加上矮矮的圍欄，充滿外國的感覺～不過還是選了店內的座位 安排在沙發位，又大又超舒服～點了兩個set dinner:每日湯之選 - 應該是粟米湯，把粟米粒打融，很濃，好好飲水牛芝士番茄沙律 - 芝士份量多，又不會博濃味，配上沙律菜和番茄，夠fresh及好味紅酒燴羊膝 - 份量比想像中多，而且完全沒有羊酥味，夠淋及入味德國燒豬手 - 超大隻，碟上會少許有蜜糖，沾來吃也不錯，豬手超厚肉，薯茸也不錯，不會很粉，會有薯仔肉熱檸茶 - 很喜歡碟邊的字句點了兩個肉的餐，超級飽和滿足

放工約咗朋友出尖沙咀食晚飯，揀咗一間係K11附近的酒吧式的西餐廳。餐廳門口仲有一個位係戶外座位，感覺好悠閒，入面的裝修都好有特式，富藝術感，環境舒服。Dinner set menu 有三款main course 可以揀。Soup of thd day,南瓜忌廉湯，清甜，有香濃南瓜味，加上軟熟的方包片點黎食。龍蝦扁意粉，$268, 龍蝦肉質好彈牙，龍蝦味濃郁，唔使加任何調味都已經好鮮味，切開咗邊殼兩邊，所以食果時都比較易。扁意粉份量適中，食落彈牙爽口，醬汁入味，香甜麥味。套餐的德國鹹豬手，$288, 皮係燒得淋身果隻，切落滑溜，燒得一啲都唔乾身，肉的份量好多，肉質鮮甜，呈嫩粉紅色，新鮮，唔會有騷味，鹹中帶甜，值得一讚。火腿班尼迪蛋，$98, 鬆餅軟熟，乎乎皀，有火腿同菠菜做底，上面的班尼迪蛋蛋黃流心，香甜，加上有芝士溶係面，美味之致。焦糖香蕉煙肉鐵鍋班戟，香蕉微燒過好香，入口即溶，加上香脆的煙肉，班戟薄薄的，味道香甜，用鐵錋上可以保住溫度慢慢食。甜品叫咗個雪糕咖啡，雲呢拿雪糕加上Double espresso 咖啡，自己淋上去食，味道超搭配，咖啡的香醇味加上雪糕的鮮甜味，兩者味道都更突出

今日去左尖沙咀接女朋友，夜晚去附近睇下有咩食，記得尖沙咀有間Bricklane，女朋友好鐘意，今晚再去食晚餐。女朋友最愛All Day Breakfast。佢食哂一個都唔飽再叫小食！All Day Breakfast份量好足賣相好靚，麵包香脆香口，帶輕輕咸香味，因為當中加入果乾！薯餅香脆唔油膩，配茄醬最好味！炒蛋香滑蛋味濃郁，配上香腸煙肉煙三文魚，溫度熱辣辣，味道好滋味，仲有蔬菜夠哂健康！青醬雞肉Pizza！青醬味濃香口加上芝士好豐富，松子仁咸香增加口感，批底薄薄，入口唔會好厚粉！

一個人食飯都可以好浪漫！今日男朋友唔得閒陪我，我就自己去左尖沙咀Bricklane食晚餐。我好鐘意食cafe，晚餐時間都可以食早餐坐低就叫左個龍蝦湯暖暖胃先！龍蝦湯味濃超驚喜蝦味極是重口味，超滋味，入口幼滑蝦味盡出，多士香脆香甜！煙三文魚Benedict！流心度極高的Benedict ！蛋黃流心度高而且無腥味，鬆餅底香軟吸哂蛋漿，荷蘭醬味濃香甜，三文魚都是咸香！叫左杯特濃咖啡配雪糕！咖啡味濃好香，配雪糕剛好！

✿╮❤╭✿ ✿雜感女生 好味日記✿ ˚*•✰。BRICK LANE Gallery． 高手水準。✰•*˚ ✿✿Dolce Vita @ 尖沙咀✿✿ ❤餓底飯聚．食勻全世界❤ ❤吾係POL - Peggy On Line．Proof Of Life❤ ❤ 朋友說有家單車店好好味 本小姐諗：邊有人去單車店食飯架 去到先知，朋友所言非虛 尖沙咀的搵食飯團，果然有料到！ 裝修有格調，單車掛在餐廳當眼處，果然名副其實「單車店」 重點出品是酒精與美食，提供寫意的空間，把酒談EAT 拜訪時間在常日的DINNER時光 餐廳有SET有單點，價格合理， 今晚暫不論酒精，先飲碗湯 SET內包括的是薯仔湯 夠香滑，薯仔融化其中，味道不錯 水牛芝士番茄沙律 有質素的水牛芝士，口感滑而帶奶香 醋汁與火箭菜夾入多汁番茄，I feel so fresh 水準真的很不錯 紅酒燴羊膝 這是一道經典的法國菜，沒有令人卻步的羊脂，卻有迷倒女生的嫩滑 羊膝形態保持得不錯，而且入口就知煮得很好 能封住肉汁，又令皮薄甘香 炸軟殼蟹扁意粉 軟殼蟹炸得香脆不帶油膩感，大蝦夠彈牙 蟹扁意粉最正，是吸汁的好幫手！味道很讚

琴晚放工去左尖沙咀搵朋友聚下舊，朋友帶左我去街角既西餐廳食晚飯，好吧！可以睇下味道如何。地方幾寬敞，而且仲有調飲品區添！服務方面不錯啊！龍蝦扁意粉：大大隻龍蝦放在扁意粉上，賣相已好吸引，龍蝦肉質十分鮮甜又彈牙，扁意粉用特製醬汁煮過，軟硬適中又惹味，份量剛好一人食用啊！焦糖香蕉脆煙肉鐵鍋班戟：可以說是一半的甜品，又可以話吾算甜品。香蕉香甜，煙肉脆口，加左焦糖班戟甜蜜蜜，好好味。特濃朱古力：睇顏色已知系十分濃郁，加左一球忌廉，令成杯濃味既朱古力飲品更加creamy，冰凍可口！特濃朱古力蛋糕：size為細的，外層有特濃的朱古力醬，入面是軟棉棉既朱古力味蛋糕，同樣地十分濃郁。超好味！