Bove (已結業)

已經食過好幾次, 都係雙重芝士最好食 佢一塊係白芝士一塊係可以拉絲既黃芝士😋😍好香好濃 加上個cream一齊食真係不得了大愛!!!等候時間:15-20分鐘 由於係即叫即做 所以要俾小小耐心等下💓 建議掃街人士可以去買左先 再食其他嘢 之後先返去攞^^

之前與絲打們在尖沙咀的PAN de PAIN嚐過梳乎厘斑戟，一試難忘；是日因事再到葵廣，小人喜見一梳乎厘斑戟檔，即買了一個來吃。因為即叫即製的關係，製作需時，落單後小人須在附近逛多兩圈始回到起點拿取斑戟。一捧上手，先享受一下斑戟那份溫柔的香氣，鬆餅飄揚著幽幽淡淡的蛋香，未吃已令人陶醉於當中。質感鬆泡，只要稍微弄開一下，就會發現裏面的朱古力流心漿，跟輕飄飄似是吃著陣風的梳乎厘幾近完美，再配上Oreo忌廉是錦上添花的美事。以後要吃梳乎厘斑戟，掃街都掃到鳥~~

大大話話都食左幾次, 廿幾蚊的確係幾抵食, 但唔好揀入面有餡既, 好似朱古力果D, 有時會太濕, 一PAT野咁係最平$28果隻(咩都唔加)質素最穩定, 蛋香都唔錯~

葵廣除左出名買衫之外，各種小食都好出名，呢間pancake 小店都俾好多人介紹過。成日成過都超多人，再唔係就俾葵廣沿路小食填飽左，終於都試到啦抹茶控當然要支持一下抹茶味，涵就要左金莎朱古力，加Oreo cream ，即叫即製有熱辣辣既甜品係幸福既，略嫌中間甜左少少，同企係度食有D "論盡" ，不過整體係唔錯，對得住個價錢👍🏻👍🏻

之前見到面書上面有好多篇介紹，前排終於經過葵芳就諗住試下食呢間嘅梳乎厘班戟葵廣好似迷宮咁行左兩個圈搵左勁耐終於搵到，諗住終於有得食啦點知要排隊等夠鐘拎籌，諗住都搞左咁耐啦排埋佢點知等左十幾廿分鐘先落到單拎到籌，跟住再等多十幾廿分鐘先整好等到二零四六嘅金沙朱古力流心梳乎厘班戟餡料的確流心但係太甜而且側漏左啲出黎，梳乎厘班戟唔夠挺身塌左落去，有蛋香但係太濕唔夠鬆軟；價錢對比其他甜品店係抵食嘅但係同時口感亦都差啲

呢間店嘅梳乎厘班戟真心平靚正😍💕芝麻味好重😍入口又鬆軟😋好似食緊棉花糖版嘅芝麻糊咁😆雖然因爲即叫即整所以佢長期都好長龍但芝麻控同班戟控 真係必定要試❤️

作為港女嘢非常合格，個樣夠靚 .價錢亦好平，$28有兩件.不過製作等左大約20分鐘，耐左啲.而班戟口感好濕，蛋香一般。我無食過其他牌子，所以唔清楚高身班戟係咪理應如此 😂.整體而言可以，但試過就算

今日試左bove既souffle pancake 首先唔講好唔好食住 我買完之後 等左差唔多半個鐘先有得食即叫即做既悲哀 所以建議大家問下店員要等幾耐先 之後周圍行下/食住其他野先 差唔多時間先翻去拎我叫左雙重芝士口味嘅 然後加曲奇cream(唔知點解係藍色同無曲奇) 佢呢隻雙重芝士係一隻咸芝士一隻淡芝士 我係即時食既 果然好鬆軟好香蛋味 外面有少少少少脆 好正重點就系芝士味好香 咸個隻仲多到可拉絲 淡個隻就多到流漿 個人認為淡個隻做pancake更夾

我本身冇試過其他疏乎厘pancake，今次係第一次食, 所以比較唔到! 今次揀咗原味因為朱古力味已售罄。然後揀咗金莎朱古力流心，忌廉就揀咗Oreo! 大概等左15分鐘左右，本人覺得可以接受！ 因為聽講希慎嗰間要等成幾個鐘真係有啲誇張！雖然佢可以坐喺度舒舒服服咁食，但呢度嘅價錢又差緊一大截，講緊一個疏乎厘只要＄28加埋流心都係30多元！ 賣相OK，係個忌廉細咗少少但都冇影響佢本身嘅味道！同個忌廉有少少粉紅色令人有少少卻步！ 但一吉開個疏乎厘，啲朱古力醬就好澎湃咁流出來！好正啊！講真我唔知道本身空氣感係咪應該要再強烈啲！ 但作為一個甜品佢已經好好味！男朋友都話正！葵廣真係一個美食天堂！一定會再來！ 下次會想試Bailey忌廉，朱古力疏乎厘，流心就想試白朱古力果仁！

今晚黎拜會久仰嘅葵涌廣場美食區專程黎試咗個earl grey hotcake小店位於巷仔。只供外賣，由於即叫即整，所以要喺巷仔等咗一段時間，巷仔有d 焗同油煙味，同埋放工時間都多人，企喺度等嘅時間有d 難受不過，都算值得嘅小店用嘅係twilight earl grey茶包，茶味超香加上hotcake 嘅鬆軟度啱啱好！不枉我橦咗喺度15 分鐘等佢佢有幾款cream 揀，但我認為唔加已經好好味！如果可以坐喺度慢慢食。嘆埋杯啡就perfect 池嘞！

一直都想試呢間soufflé pancake, 想做個比拼，今次去到葵廣又冇乜人排隊，加上有期間限定味，一於試試！🤤呢隻蜜桃茶味係用上Twingings茶包，但真係估唔到原來直接落茶葉整！😮所以成品聞落好香桃味，🍑♥️ 但食落真係有啲失望！桃味依然有嘅，但唔夠聞嗰陣味濃！🤔 最大問題係完全0 soufflé...完全係食緊件普通煎pancake咁，簡單啲黎講，咪似食緊一件桃茶味蛋糕囉！⋯🙁試過ILU dessert,am.pm,同呢間Bove...呢間Bove嘅soufflé pancake雖然有得加流心餡，幾特別！但pancake texture真係有待改善喇！😟

終於試到~ 梳乎厘班戟了!!! 葵涌廣場真係個美食天堂。本來想試抹茶，但個日賣曬...所以我就叫左佢地既新囗味 ~伯爵茶梳乎厘班戟配Bailey's Cream~ 等左大概20分鐘到就有得食。個班戟做得好鬆軟，唔係只係空氣，好實在。伯爵茶味好出，配埋Bailey's Cream 好正! 我個人覺得甜味岩岩好，分量又好足，完全可以當正餐食！冬冬既天氣食住佢，真係好溫暖丫!!! 如果可以放多少少cream更完美。下次一定要試埋其他口味，同埋佢地既oreo cream

特登去葵廣食呢個疏乎厘PANCAKE, 唔睇住地址都揾唔到, 都幾難揾架, ORDER 後要等15分鐘, 咁葵廣都大把野行, 轉幾圈先返囉.食得啦, 講真28蚊真係好抵, 我覺得甜左啲, 茶味唔係好夠, 但係見到新鮮熱辣又香又軟綿綿既PANCAKE, 我覺得超值~~

今午嚟葵涌廣場嗱嘢，咁啱經過Bove梳乎厘班戟，見到咁多人排隊，咁就買咗一份！咁我睇完個Menu見到好多唔同嘅口味，最後決定叫一份原味梳乎厘班戟，小小朱古力醬同埋Bailey’s Cream. 叫完比埋錢之後，店員話要等10分鐘先整好。店名招牌原味梳乎厘班戟（$28），一份有2⃣️件，另外會附送朱古力醬及Bailey’s Cream （醬同埋Cream有幾款選擇）兩個梳乎厘班戟個texture都唔同，前面果件比後面果件硬（兩件都係軟身），後面果件最中心嗰果部好似有啲啲未完全熟透咁，梳乎厘班戟本身味道ok，Bailey’s Cream有驚喜，個人覺得好好味，下次有機會再黎幫襯，價錢完全唔貴，食物質素同埋味道都幾～

去左兩次葵廣都食唔到Bove😤😤😤今次吸取哂經驗 終於食到啦😈 等候時間都要成十五分鐘🤔不過我行住街等就過得快啲 順便睇下衫😂 今日第一次食就試basic款原味梳夫厘pancake 要左chocolate sauce！ pancake味道幾香幾 有蛋味 不過就淡口啲 要配chocolate sauce先甜啲 下次醒目會叫店員加多少少sauce俾我🙈食到最後唔係好夠😂 不過個質感係正既 真係做到梳夫厘bubble果個感覺！唔會話實心🤷‍♀️🤦‍♀️平時我唔食梳夫厘既都接受到呢個pancake！