Bove (已結業)

近年吹起一陣班戟熱，美式的、日式的，有平有貴，要數最火熱定是剛開幕來自日本的過江龍，光是想起那長長的人龍都怕，還是等熱潮淡卻才前往。今天先支持本地選手，之前來過幾次都撲空，周日的下午終可一試。 伯爵茶梳乎厘班戟 $35下單時店員講明要等十五至二十分鐘，最後近三十分鐘才到手，邊逛邊等也可接受。一客兩件的班戟約4cm厚，輕輕搖晃時騰騰震，十分過癮。蛋味香濃，質感濕潤，伯爵茶味突出，惟茶葉碎量多加添了一些粗嚡的口感，不然更完美。 以這價錢來說確有驚喜，還有幾款口味欲嚐，下次再來。

梳乎厘都興左一排，今次黎到葵廣就試下。其實佢既口感有啲似蛋糕，但係比蛋糕軟熟。今次叫左鹹蛋黃吉士。梳乎厘裡面有一粒粒既蛋黃粒，鹹鹹地，但個感覺同口感都好得意。而面個啲就係吉士醬，但吾算好甜，所以吾會話又甜又鹹好奇怪，都夾既。價錢吾算貴，不過味道就未算好特出，未必會食第二次。

梳乎里鬆餅開到成行成市，但係呢一間一定要支持因為佢係Made in Hong Kong!而且買嘅價錢相當之街坊$28！當日我點左伯爵茶味嘅疏乎厘，大約等左十五分鐘，就有得食！一份有兩件，兩件外型都一致，口感鬆軟，食之前緊係要搖下佢啦，真係震騰騰架。一口食落去，軟淋淋，有空氣感，但相比日本某某知名品牌，佢係空氣感爭少少。而伯爵茶味都夠濃，唔算好甜。但以性價比: $28可以享用呢個質素， bove 無得輸。原來小店有時都會出期間限定搞完一輪街，點都要黎呢度食番個甜品黎畫個句號啊。

我好耐。。。。好耐無寫食評，但今次實在太嬲，唔寫唔得，希望大家要小心！ 其實我之前都食過一次，好正常，覺得可以再食於是口痕既我決定再食，但結果👎🏻👎🏻👎🏻👎🏻👎🏻我並沒有加什麼流心餡，要正常朱古力味！個pancake唔係半生熟，係完全唔熟！係濕！係似一個溶左既雪糕！大家睇下右邊個果👉🏻好明顯係熟d，但其實內裏都有一pat pat，如果你話我聽，係會有少少半生熟，右邊尚可接受，但左邊👈🏻完全不知所謂！連基本pancake 底、邊都焗唔到出黎！係唔熟！問店員仲要話係咁😡真心嬲！我只係想你知道冇可能係咁，做錯就認！嬲！真心好唔開心！😭😡

一直都好想試一試，但之前去親都話無得買，今次再經過，終於可以買啦，但款式同配料就只淨某啲款啦⋯⋯我照買，買左伯爵茶味配baileys cream，買完叫我45分鐘再返黎囉⋯⋯當我45分鐘返到去，原來已經過左好多張飛，眼見佢哋枱頭已經有好幾碟整好嘅製成品放晒係度，好明顯已經整完好耐，立時諗下莫非係自己聽錯45分鐘？莫非係15分鐘？唉.算啦，照食，但質地同味道真係不似預期，一啲都會有「再想食多次」嘅諗法。

見新假期咁誠意推介呢間梳乎厘，就抱住一試的心態黎食下！閒日仲要過埋lunch hour, 預左無咩人，不過都有小貓三、四隻。點了一個期間限定的雙重芝士梳乎厘，$45係我暫時食過最平的梳乎厘。等了十分鐘便做好了！快！賣相 真心一般，可能食過其他貴的梳乎厘，完全睇唔到有軟滑的感覺，切開後有芝士絲拉出，梳乎厘質感似蛋糕，放入口就感覺食緊芝士蛋糕，完全無空氣感。蛋味不香，亦不軟滑，未食完一舊已經想扔。另一個梳乎厘是第二款芝士的，未開始食芝士已經流哂出黎，開頭仲以為流奶哈哈....食左幾啖已經忍不住扔左了。一分錢一分貨，下次都係唔好貪平。完。

最近突然口痕又想食梳乎厘班戟，但又不想排隊排到腳軟，所以就去了葵芳掃街和特意去試「Bove」的梳乎厘班戟了。還記得好一段時間前，「Bove」的班戟需要排上半個小時以上才能享用，今日的熱潮雖然已經過去，但等候的客人數量還是不少，不過大多數也是在等候班戟的製作，而付款位置則未見有人龍出現。「Bove」的口味選擇算比較多，除了原味，還有朱古力、抹茶、伯爵茶和蜜桃茶口味，另外客人可以選流心餡和不同的忌廉配搭。這次嘗試的是伯爵茶口味配Oreo 忌廉，「Bove」的梳乎厘有一定厚度，而且沒有快速下榻，不過晃動時就未見有「動L」效果出現。伯爵茶味道濃郁，可能因此而蓋過了雞蛋的香味。但是口感方面卻扣了不少分數，首先梳乎厘班戟內部呈半生熟狀態，而且整個班戟偏濕，感覺是梳乎厘差一點才熟透。根據「某假期」網站形容，即使不加餡料，「Bove」的梳乎厘班戟也會有少量流心效果。如果半生熟也能稱為流心效果，那「Bove」的班戟也能稱的上達到合格線了。另外有一點也不太明白，為何忌廉會呈現淡紫色？實在讓人摸不著頭腦。與同價位的梳乎厘班戟店比較的話，對「Bove」的出品有點失望

之前想黎試 每次排隊排到好恐怖 今日難得中午黎到 無咩人咁早食甜點 一見到無人排都即刻叫 估唔到都幾多選擇，有原味芝士味外，仲可以選咩醬料，再選用咩忌廉 ，真係估唔到廿幾蚊 有咁多選擇。 仲要即叫即製 ，食品一上果陣，熱氣係咁向上升。 真係估唔到廿幾蚊有兩件 ，呢個係好令人驚喜既。 一咬起勁空氣個感覺，佢加蜂蜜感覺好夾 好甜 好正 再加埋oreo有小小不同既口感 真係好正。 本身就咁原味已好鬆軟 再加忌廉有多重口感。 廿幾蚊可試到咁多感覺真係唔錯。

唔係馬，原來近在咫尺既葵涌廣場就有pancake souffle， 我今日真係為咗唔迫人，請咗半日假專誠拜訪葵涌廣場同埋去食呢一個梳乎厘班戟。第一次食我一定會揀原味! 由於價錢亦唔係貴，相信會有第二、第三、第四、第五次……嘩! 真係好鬆軟呀，做得非常之好梳乎厘同班戟又林, 又有蛋糕質感，又有吉士質感，又好香蛋味，配上小小蜜糖，令到佢味道更好，不過我相信如果落焦糖就必更美味!已愛上了😙下面會係我嘅第二、第三、第四、五次去試既目標，我會試到一個最完美嘅為止。(P.S. 我唔係話原味唔好，只係貪吃罷了!)

唔好講笑，呢間野我真係encore左幾次！之前成日見啲雜誌Facebook 成日介紹葵芳廣場多嘢食，都跟住嚟試咗唔少間，但發覺有啲真係真心伏！不過呢間我覺得真係值得一食再食，第一次嚟嘅時候排隊排到喊，之後再去都要排但就排得冇咁誇，不過無論味道同份量都真係無得輸！我每次都會揀個榛子朱古力做餡，堅流心，其實佢成個班戟都好好食，鬆軟得嚟又唔膩，入口即溶咁！我最鍾意食原味加蜂蜜，真心不得了，仲要價錢又唔貴，真心讚！

葵廣不嬲多野食係呢到大既小弟幾乎樣樣都食勻近年梳乎里班戟大行其道呢到竟然都開左間嗜甜既小弟當然要會一會佢食新野,個人都係會選擇返原味因為咁先可以最食到佢既水準因為係即叫即整,所以都等左差唔多3-4個字但可以食到熱辣辣既梳乎里班戟就乜都值呢到既梳乎里班戟口感雖然未到最好最鬆軟但其實都算好食搖佢果陣都會好似布丁咁搖搖下佢最好既係蛋味香濃而且都唔會太甜更更更重要係抵食夾大件28蚊已經有兩大件比起其他梳乎里班戟係平好多雖然味道上的確同貴果d冇得比但係呢個價錢,呢個味道,我覺得物超所值今次叫呢個真係原汁原味既梳乎里班戟入面冇配任何其他野睇黎下次再翻兜果陣可以試下我最鍾意既朱古力了

前陣子，呢個梳乎厘pan cake好熱門，一唔係好多人排隊，就係預備製作中，要on居居等成15分鐘，雖然男友好想食，但都放棄左，依家熱潮過咗終於可以試吓。外面我哋揀咗原味，其他仲有抹茶同朱古力，其實我哋只係想食整個原味，不過裏面就有得揀餡料味道，於是就揀咗士多啤梨棉花糖，聽落伏伏地。等左陣，原來成個Pan cake有成兩舊，份量都俾預期多，上面印咗招牌，上碟同裝飾都幾靚好適合影相呃like。不過味道先係最重要，個面有淋到啲蜜糖，個pancake質感唔似梳乎厘，蛋糕質感好重，兩個人食完好飽下，亦有小小過甜，cream就不錯，但都係失望，未必有下次。

葵涌廣場出咗名多小食，但甜品類嘅其實唔算多，開咗呢間日式 Pancake店完全係令我心心眼，非試不可～選擇唔算多，不及其他來自日本嘅Pancake店，呢日有嘅味道包括Twinings伯爵茶，Twinings蜜桃茶，竹炭黑芝麻，雙重芝士梳乎厘。鐘意食芝士嘅我當然揀咗雙重芝士味，一咬落去就知道係真材實料有心思，真係好鬆軟之餘仲啖啖芝士味，再配埋少許忌廉，中和一下芝士味。亦都因為佢好夠鬆軟，就算好夠芝士味但都唔會好滯，食完真係想食多一客！

呢期興起嘅梳乎厘pancake完全挑起咗我食甜品嘅慾望！每次去開葵芳，都想食一食bove不過前排戒糖，我去咗兩次葵廣都與佢無緣！而家解禁就梗係要食返次啦！佢有原味、朱古力、伯爵茶、士多啤梨等幾隻味嘅pancake揀，之後再揀夾心同醬。我就揀咗原味，再夾個金莎朱古力夾心，諗住夾埋就唔會好甜我嘅建議係，如果你前個排同我一樣戒糖，或者你唔嗜甜，可以問唔揀夾心得唔得因為我食個pancake點咗側邊嘅cream同朱古醬就係啱啱好，味道係相當美妙！但係一解封咗夾心，就甜得滯，即刻灰咗唯有嗱嗱聲撥走佢啦！

梳乎厘pancake嘅熱潮好似永遠都唔會退咁，試過銅鑼灣嘅Flipper's同米芝蓮街頭甜品I love you dessert，今次就黎左葵芳廣場食下新開嘅Bove。黎遠已經見到有好多人排隊啦，餐牌大大幅掛左岀黎，一共有三個選擇，原味，朱古力同抹茶，我呢d穩陣派，梗係揀原味啦！佢亦都可以俾你揀其他配料嘅，最平嘅＄8有金莎/士多啤梨朱古力或者棉花糖。(要留意朱古力同抹茶每日有限，賣哂就無架啦！)原味梳乎厘pancake配蜜糖($28)，係鬆軟嘅，但係無咩蛋味，亦唔夠香，不過勝在性價比高。自己就未試過朱古力同抹茶，希望其他兩個味會有surprise la。