Bove (已結業)

流心蜂蜜雞蛋仔係其中一個最受歡迎嘅選擇，雞蛋仔外脆內軟，整完出嚟會風乾一陣先比客人，入面嘅留心蜂蜜甜甜地，因為係熱辣辣嘅關係，所以好好味，仲有一啲爆珠去增加口感

收工夜夜找食即時醫肚，就搵件格仔餅咬。元朗雞蛋仔格仔餅店很多，多得好像市中心平均幾條街便有一間，曾經是元朗大熱搵食項目，處處見人龍，現在終於沉寂下來。總覺得，做生意，當熱潮過後仍有人幫襯，站得穩，才是實際。大熱至今依然在吃它，如今未必是最多人留意的店，但吃東西，根本就應該隨自己想吃呀~<玉桂蘋果格仔餅>，喜歡玉桂味的我便很喜歡，鼻子像追著聞，混搭新鮮蘋果粒，既甜且香，但又不過甜，夾在做得厚厚又脆身的格仔餅，吃起來既滿足，又有飽足感~ 食完這個，再認真處理自己晚餐~~#我愛傳統又愛創新_跟我個人一樣😌

朋友想試於是走入元朗，起初走到摩芽，兩間都是賣雞蛋仔的差點走錯。這店地點比摩芽偏，由摩芽走去大概8min，小巷子的小店不算起眼但比摩芽裝橫漂亮。小店來說選擇算多，價錢由廿十多元起，只算吃的不算太貴，但是吃＋飲的話，在元朗來說等於一個正餐，是次看看值不值這價錢了。流心蜂蜜雞蛋仔$23一進入店，很香的班蘭香撲臉而來，裝橫也算整潔。由於是新鮮製作，所以等了好一陣子才有。完成後，外觀很整齊，熱熱的時候算脆，撕開像是蛋糕。印象中比較像是台灣的雞蛋糕，反而不像香港的東西。特別蜂蜜是爆珠，更像台灣店了。味道方面，起初吃是脆口的，蛋糕氣孔太多不夠軟，流心方面⋯⋯一顆一粒，流心效果不夠，蜂蜜尚算香甜。且過一陣子後，淋了，＄23是能飽肚，但味道單一，說穿了沒什麼驚喜。土鳳梨酥雞蛋仔$28外觀內容跟 流心蜂蜜雞蛋仔 一樣，只是轉了內餡，變成了土鳳梨酥雞蛋仔（我開始懷疑店主是台灣人了⋯⋯）土鳳梨味道酸甜，偏蜜餞的口感帶有鳳梨的纖維，比蜂蜜耐吃不過最後還是走不出變淋的命運。紅西柚綠茶$18跟吃的一起買能減$4 ，即$14（凍），西柚香精味不假，茶也算香，甜度剛剛好。跟其他手搖杯店來比，味道好一點，不過價錢也貴，

中意食野嘅我 專誠入左元朗搵好西食尼排特別中意食疏乎厘Pancake本身都冇plan過去尼間不過咁啱行過就入去試下嗌左個抹茶味嘅疏乎厘($30)再加十蚊加左草莓朱古力錦花糖做餡佢地整作用時 要等15分鐘先有得食即叫即整一開頭睇賣相唔錯 個面層好似幾脆 個logo又印得靚但食落去 就......個疏乎厘同我係其他舖頭食過嘅溶得快好多個外層一啲都唔脆擺入口好似一pat野咁餡都唔係太多 同冇乜味整體黎講真係有啲失望

自從最一兩年，去親日本都會食soufflé pancake，原因真係太太太好食！日本ga pancake做到有香濃蛋味，內面軟綿綿，入口即溶的感覺，每次一個人食一份三個加埋雪糕都會唔夠喉，簡直係令人上癮的食物，喺日本我試過好多間店，其中推介幸せのパンケーキ，Eggs N’ Things，gram & bills都係表表姐！最近喺香港都掀起一大片soufflé pancake熱潮, 今日行過願望左呢一間有得食！忍唔住入咗去叫咗個原味soufflé pancake嚟試吓，$28有兩個，大熱天時等左15分鐘終於有得食！熱烈期待！原本睇到佢個賣相都唔錯都有7成似樣！首先就係食咗半個冇加朱古力醬喺面的，感覺還可以，不過蛋味唔重，跟住就係食另一個有朱古力醬淋起面嘅，點知一食就大件事，裡面全部濕pat pat出水晒💀☠️，仲明顯有麵粉未熟嘅味道，一睇就知有問題，唔係未熟就係製作期間出咗問題！日本嗰d 就入口即溶，但呢一pat野就未入口已經溶晒🤢，仲出埋水🤣🤣跟住即刻叫咗店員查問：唔好意思，想問下呢個梳乎厘蛋糕係咪有d 問題？好似未熟，同隔離嗰個好唔同...你睇睇。🤢🤢跟住店員姐攞咗入去比廚師睇，問廚師

不愛甜吃的老爸， 吃完飯竟然說要帶我吃甜品😄😄 原來是摩豆的雞蛋仔， 室外氣溫36度 , 難得老爸有興致就即管排下隊 等下啦 😅梳乎厘鬆餅 ~ 要等好耐~ 唔要。 奇怪味雞蛋仔~ 唔要。 就來一客最普通的原味吧 😃 等了大概十分鐘， 飢詩熱得有點溶化， 終於 ，熱騰騰的雞蛋仔到手了， 外脆內軟，有蛋香， 甜味亦恰到好處， 難怪連老爸都愛吃 😆😆😆 ps 紙袋外的雞蛋仔都是脆的， 在下層紙袋內的 因為 有濕氣 都變得不脆了~ 雖然係咁, 五分鐘之內我們都把它吃光了 😃😃😃飢point : 8/10#hungermarch #非飢詩 #飢詩

梳乎厘班戟嘅熱潮尚未減退，每次有新店，都能吸引吃貨們嘅心，天價食戟又得，平民價食戟亦得。最近除左奇蹟的班戟，相信另一新貴就係葵廣嘅bove，聽聞每日派籌，人氣不一般。咁激罕嘅野咪搞我，但打鐵襯熱，佢地已經喺元朗有分店，位置就喺又新街modos，對我而言較為方便週六下午時間去到，剛開門不久，基本上未需要排隊，不過大熱天時，店內位置唔多，要企喺門口等戟，你都咪話唔辛苦。喺鋪面可以見到店員製作過程，感覺班戟不難做 (笑)梳乎厘班戟有原味、朱古力、抹茶味，可另外加 $8/10配流心餡料，例如草莓朱古力、金莎朱古力、棉花糖等，並可選蜜糖、草莓醬、朱古力醬。本來係想點草綠色幾吸睛嘅抹茶味，但估唔到咁早都賣哂……最終揀左原味加蜜糖醬配金莎朱古力流心。原味梳乎厘班戟 配金莎朱古力流心 $36即叫即做，等左約十分鐘，店員喺面頭印上小店嘅名字，加上幾粒爆谷、忌廉。班戟厚身，食到有蛋味，口感並冇一陣風，中間嘅粉漿好似未焗好咁，食落較濕潤，唔係我喜歡嘅梳乎厘質感餡料選金莎朱古力，流心度不高，份量唔多，味道亦唔濃，同蛋味一樣有少少兩頭唔到岸。面頭嘅蜜糖醬最突出，有點甜。幾粒焦糖爆谷漏哂氣，又腍又冇味，不如唔好加

話說我去買左個梳乎厘班戟，佢話等10-15分鐘就okay,我咪同我老豆老母一齊等lo,大約5，6分鐘後，又有一pair情侶跟住落單，好似都係班戟，點知我等就等左17，8分鐘，果對情侶就早過我攞，我問店員佢就話：「仲有10分鐘。」WTH?!根住咪等lo,食係好食，但系就有D不爽lo

無聊行過又發現新野（可能開左好耐都唔頂😂）一行過就比個伯爵茶雞蛋仔吸引住😍有2隻味已經賣曬其他味道都好吸引啊！最後簡左流心蜂蜜味🐝🐝🐝好彩唔多人！等左5分鐘左右就到我地啦熱辣辣香噴噴既新鮮出爐雞蛋仔！好好其點樣流心法原來每粒雞蛋仔都有一粒好似係蜂蜜翠珠咁嘅物體雖然唔係一咬落去就流心不過都好得意！咬爆粒珠珠就有甜蜜蜜嘅蜂蜜流出黎下之要試埋伯爵茶😽😽💪🏼羅宋湯味同宇治金時都好吸引咁喎下次一於試埋

元朗食肆多, 任何類型也可找到, 相信是不容置疑的事兒, 但說到街頭小吃, 只會聯想到西菁街賣魚蛋豆腐那幾間, 而專門吃雞蛋仔的, 十隻手指也數得到, 稍為出名的如"利強記北角雞蛋仔"和"媽咪雞蛋仔"暫時還未進駐這殺戮戰場。於又新街人氣炸脾店對面, 就新開了間於旺角開設首店, 現已有5家分店專賣雞蛋仔的 - 摩豆 Modos, 每次經過都不乏排隊的人龍, 賣的不單是基本的原味, 還有新嘗試而研製的口味, 鹹味甜味甚至有餡料的雞蛋仔, 令元朗街坊們滿帶著好奇和疑惑的心情到來一嚐。 門面較為摩登簡約, 一如其他分店以黑白灰為主調, 開放式的廚房內就只有3個女生主持大局, 從外面看一覽無遺亦井井有條, 有別於一般大媽叔叔的傳統小食店, 相當年輕化也充滿活力。 店方設有雞蛋仔流行榜, 其中本週人氣推介有3款: 流心蜂蜜、宇治金時和積及橙朱古力, 相片的流心賣相吸引度確很大, 也成為第一次光顧的指標。其他味道有: 芝士、 鳳梨、 伯爵茶、 肉鬆蝦乾、 羅宋湯、 朱古力、 斑蘭, 餡料令人有點動心和衝動想多試一款呢! 價錢方面由$17到$28, 定價未算十分進取, 始終是街坊生意, 價位又很

喺Modos得一間舖果時已經係Fans，每次經過親都會排隊幫襯。依家開到入來元朗對於我地呢啲大西北人確係有福！點都要支持！食Modos已經變成每次去到元朗又新街嘅指定動作，而再唔係食X仔糖水、雞翼尖或者泛X。每次都係食雞蛋仔，但今次轉吓款食肉桂蘋果格仔餅一叫我飛仔，急不及待去接！餡料勁足，一啖咬落去，竟然有叮一聲嘅感覺，格仔餅係外脆內軟，暖暖哋。裡面肉桂蘋果餡不得了，顛覆咗我對呢個組合嘅觀感！原來呢個食法係正過美式做法嘅味道！餡料有啲凍，一暖一凍撞埋一齊，幾好feel蘋果仲係爽嘅，無煮得過熟，相比普通食開嘅蘋果批，味道同質感更勝一籌！而肉桂同蘋果味道係互相balance，拿捏得好準確！總結，我係一定會Encore！

太差忍完寫第一個 post！同個外國朋友行過諗住試下，揀左1份原味，1份朱古力味格仔餅俾完錢之後就企係到等。店內有2個女職員，其中一個後生d既～佢幫我落單就去左整喇見佢帶住同一隻手套收錢🙄同整野我都算喇⋯⋯但佢同另一個職員之後一路講野就同帶住手套既手係收銀櫃不停用手掃塵！睇到我同個外國朋友呆左😰之後佢行返去個格仔餅到睇下熟未佢竟然用岩岩收完錢！掃完塵既手！拍幾下同放落個格餅到睇下熟未🤢🤢🤢我個外國朋友即刻叫停佢地用英文同佢地講有咩可能掃完塵拍落食物度佢好嬲就叫佢地俾返錢我地走好在佢地都有俾錢我地但就sorry都無講過真心覺得太差！！

旺角modos吃過班蘭味雞蛋仔覺得好好味，最重要吾係空心既，好有質感既雞蛋仔。今日係元朗見到都有分店再去吃，都係班蘭味，聽到個職員講吾夠粉，唔知係咪怕客人等（無問過我等吾等）就咁整左個超空心既雞蛋仔，聽到個職員話好肉酸（係個客面前講）可能以為我聽吾到，連自己都覺得肉酸都可以卑客人真係好犀利，倒自己米...雖然好脆（我吾係想吃呢種），但係完全係輕飄飄，一面雞蛋仔重要係明顯吾夠粉，好失望下次吾來呢度吃

元朗最近吹起雞蛋仔旋風，繼森，北角雞蛋仔，摩芽後，摩豆亦進駐元朗，分一杯羹。素來喜歡吃雞蛋仔的我也要嚐嚐看，比較那間才是我心目中的雞蛋仔之王。看見餐牌說流心蜂蜜雞蛋仔是本周第一，即試試是不是冠軍之名。雞蛋仔製作時間表比摩芽快，不用十分鐘已可取。雞蛋仔外層亮亮脆脆的，內裡軟軟富彈性。至於所說的蜂蜜流心卻失望透了，根本沒有流心效果，有少許騙人呢~ 其實所謂流心效果只是雞蛋仔內藏爆珠，一咬即破，不是流心呢~ 只能說這雞蛋仔爆汁，不可說流心，蜜糖味一般，不及附近森的蜂蜜味甚厚。朋友點的玉桂蘋果格仔餅裡面口感鬆軟，亦帶少許脆口，玉桂蘋果果醬甜中帶酸，但玉桂味不太濃厚，幸有蘋果塊提味，不致單調。朋友說這不是鮮製果醬，那刻我笑了，28元一個雞蛋仔，怎會是鮮製的呢🙈雖然味道很一般，不過有機會的話還會試別的口味。

冇傳統雞旦仔味丶冇旦味又吾脆又咸到死，仲要賣成22元，都吾知點解仲會有人排隊而家周街周行都賣雞旦仔，但好多時都空心冇旦味，每次都比機會人比機會自己去試，可惜每次都係失望而回