Blooms Coffee (K11 Musea) (已搬遷) 新店位置

平安夜公司早放, 晏啲約咗人過嚟睇戲 😌 時間尚早過嚟尖沙咀新商場行吓先~ K11 Musea 其實我都最近嚟過幾次㗎喇, 每次都係試唔同嘅食店 😋, 聽過人哋講話藝人陳豪開嘅Cafe 喺呢度😍 明星效應就過嚟試下啦! 行到上二樓, 陳豪就見唔到喇, 門口有幾個客等緊佢哋嘅飲品, 都幾有人氣~ 價錢都係正常Cafe價錢, 決定叫杯 latte 試一試佢~ 等左10分鐘就沖好喇~ 我杯latte個心心拉花, 望住佢嚟飲特別開心 我唔係咖啡專家, 飲後感係: 杯咖啡都幾滑, 味道偏酸, 奶味幾香, 個拉花幾靚, 一試無妨~

今日同朋友嚟到K11 Musea潮聖一下，作為咖啡迷既我當然要去陳豪開既Blooms Coffee。Bloom Coffee以白金為主調，環境相當開揚，裝潢簡潔時髦。所有數量既座位應有盡有，包括一人位、二人位同四人位。沖煮咖啡既用具亦非常專業，客人可以近距離觀賞沖咖啡既過程。- Hot Latte (16oz)其他咖啡店通常凍飲嘅份量比熱飲更多，熱飲比較細杯☕️，但Blooms Coffee 既Hot Latte size同我朋友叫既凍飲差唔多🥤。上面有個心型拉花，入口幾香滑。除左苦澀味外更多左果酸味，果酸味柔和而不太過份，令咖啡層次更豐富。- Iced Mocha (16oz)朱古力味比較淡，入口同樣充滿溫和既果酸味，不過冰塊略嫌太大粒。

發現自己好耐冇真正坐係coffee shop靜靜地，今日行開新開左一排的商場k11 musea, 行到攰就發現依間新開，望落好高級的coffee shop blooms coffee. 不過好好彩佢既price 都acceptable ge. 同某大牌子差不多，貴少少，加上係依個商場，都算係咁。一開始睇餐牌，以為得咁少選擇，原來cashier仲有其他menu, 仲有好多fruit juice tim. 我揀左 hot marshmallow coffee and iced mocha. Marshmallow coffee都係佢signature coffee,所以都有d興奮同期待。等左唔洗10分鐘，就有得拎咖啡。marshmallow 好厚，平時我都中意燒野食燒焦d棉花糖食，所以好期待溝埋咖啡點。果然冇令我失望，棉花糖的甜同咖啡的苦澀融為一體，仲中和到對方，好值得一再試！至於杯iced mocha都好有誠意。平時飲凍咖啡會愈飲愈淡，但佢唔會，佢飲到最後都好濃。而咖啡味不會太酸，甜度適中，稠度剛好，香味四溢。所以大家得閒想chill 下，要來依間試下。

作為咖啡迷當然要去朝聖下咖啡達人陳豪開嘅咖啡店☕️店面及主要以白、灰及黃銅為主，與市面大部分cafe 嘅風格截然不同。坐位有一字排開嘅單人座位，而自成一角嘅二人座位就啱曬情侶或者閨蜜慢慢hea👭👫.我叫咗杯Latte，喺半開放式佈局可以近距離睇住咖啡師打奶泡及拉花，regular 份量都算幾大杯，至於味道就還好，咖啡豆味道唔算突出，奶打得順滑細膩喺非繁忙時段兩位店員都目無表情，沖好就咁放低，真係好耐無試過。不論係連鎖店定係小店，其實簡單嘅動作，微笑或者點下頭已經ok，將細節做好，才能把生意做大。暫時一次就夠，短期內未必會再去喇，況且仲有好多精品咖啡店未試🤤

位於尖沙咀海旁的K11Musea 已在營運中。這座樓高十層大型商場為顧客帶來多個國際知名品牌及食肆，中庭佈置華麗如置身於外國庭園。新年期間無所事事便揀選了位於K11 Art MUSEA 內的戲院看場賀歲電影。知悉藝人陳豪主理的 Blooms Coffee 也設於商場內，睇完電影便拜訪期待已久的咖啡店。來到店前已有十數位外賣顧客在等待。開放式的前台站著幾位年輕店員忙於沖咖啡，店內設計簡潔，以白金色為主。長梳化椅上用上小形圓桌間格著，咖啡放在小圓桌上一邊跟友人聊天慢慢享用。Moses’s craft 這個以陳豪為名的咖啡很有吸引力，來一杯品嚐。這杯帶有淡淡果酸，入口順滑，很順喉。不加奶和糖，回甘良久不散，那種苦中帶甘的味道很怡人。朋友點選了熱朱古力，冬天來一杯熟朱古力就是幸福的感覺。這杯熱朱古力有別於我們一般享用的。可可味濃香醇厚，令朱古力充滿香氣，甜度適中。而且質感亦較厚。我不是咖啡常客，約同三五知己，咖啡在手，在這舒適雅緻的環境中，放鬆一下，快樂就是咁簡單。😊😋+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊

新年來了，今天不用拜年，就特意去陳豪的咖啡店看看，這裝修不錯，是有品味的簡約，色調也很温暖，感覺也蠻高級的。店Logo也很有生命力。Marshmallow latte ($60)Signature 的可以試一下，是在熱latte上放了一層層的棉花糖，再用火熗把棉花糖面燒焦。先嚐一口mashmallow，再呷一口latte，咖啡味道中帶點焦糖香和半溶的棉花糖，很豐富的口感。座位設計配上小卓子，感覺休閒，可以慢慢品嚐咖啡師的手藝。Hot chocolate ($48/12oz)在這麼冷的天氣，要喝一杯朱古力，chocolate味非常濃郁，甜度適中，好喝。Iced latte ($46/12oz) 咖啡香醇，牛奶比例也不錯。

陳豪，你聽過未？陳豪咖啡你又飲過未呢？🙆‍♀️陳豪開嘅咖啡店終於坐落係尖沙咀嘅新Shopping Mall K11 Musea 啦！即刻帶大家睇睇先🙈.以金，白色作為主調配合簡約嘅裝修，顯得零捨優雅高貴～中間位置係開放式廚房放滿左各式各樣嘅咖啡機，用具等咖啡嘅製作過程，一覽無遺🥰一張張嘅白色圓枱圍繞住廚房有四人座，二人座，亦有單人座.主打四款咖啡House Blend, Cyclops CoffeePour Over同Signature Coffee其中Moses's Craft 係陳豪嚴選嘅期間限定咖啡吾知陳豪會吾會親自出馬呢？🤣.🔸Latte $50拉花黎講，線條真係好靚好細緻👍雖然只係心形拉花，但吾係個個都拉得咁優美重點係飲到最尾，心形都吾會散開☺️入口非常順滑，咖啡香同奶香互相輝影果酸味比苦澀味更突出而呢種果酸令成杯咖啡發揮出獨特嘅風味呢😍.🔸Mocha $56同樣都係心形拉花，但更灑上朱古力粉由於加入左Guanaja 70% Dark Chocolate 所以朱古力更顯著呢🥳濃郁嘅朱古力帶點咖啡香，配合得恰到好處💕.P.s. 所有用具都好齊呢😍

.呢間藝人-陳豪開既咖啡店相信好多人都識前日年初二去尖沙咀K11 musea行街見到好多人排😍屋企人俾咖啡香氣吸引左過去每位咖啡師沖咖啡既過程都清晰可見老豆即刻叫返杯cappuccino 熱既因為我唔飲咖啡 所以就點左熱焙茶咖啡有靚靚拉花 呢度好貼心 熱飲都唔會裝到滿一滿就算拎返埋位/拎走都唔會咁易倒瀉我杯焙茶係即加茶葉即煲即沖好香 炭焙味香濃 茶味濃 入口甘香.Cappuccino 好香滑 入口不俗 幾香唔加糖岩岩好 苦澀味不算好重老豆仲話下一次要試下latte!

每次經過陳豪咖啡店都聞到好香的咖啡味；今日年初三去拍拖終於得閒去試了！原來除了咖啡，還有其他的選擇，有茶和朱古力。因為不想飲太多咖啡，今次就幫大家試下其他飲品的味。*Espresso ($30)因為飲不到這麼濃的咖啡，所以就交給男友試味。男友說咖啡豆味製香濃，酸味不會太重。*靜岡綠茶($56)綠茶是沒有加糖的，是健康的選擇；綠茶很清新，沒有苦澀味。*香濃朱古力($56)天氣凍一定是飲朱古力！朱古力味很濃，不會太甜，和奶的比例剛剛好。

這間飲品店開幕不久已經去試過了，當時很多人慕名而來，等候時間都要好耐！現在都過了一段時間，人流都很多，但不用等太久便有飲品！飲品店有座位供客人使用，除了有咖啡，還有茶和朱古力可以揀選！除了飲品，還有可以買走的咖啡粉等！Mocha，朱古力咖啡，咖啡味較朱古力味重，咖啡味香醇，不會有酸的感覺，口感順滑！香濃朱古力，朱古力味香濃，有可可的苦澀味，甜味不會太多，最後店員還在朱古力上拉花，非常漂亮！桂花烏龍茶，茶味清純，有淡淡的烏龍茶澀味，亦有淡淡的桂花香味！

上到K11 Musea四樓咖啡香氣好誘人。見到呢間Blooms即刻記得係陳豪有份既，又未飲過，就同同事飲番杯提神。呢度既豆可以係counter旁邊聞下了解下先，就有以下幾種。特色咖啡都係主要以fruity為主，睇黎陳豪係個鍾意偏fruity咖啡既人。呢度咖啡杯全部都係全黑，好型架。<Moses’ Craft> ($70)呢杯價錢唔平，貴在用Cyclops呢部罕有既咖啡機出。呢部機係用真空浸泡方法，將水分反地深吸力倒抽，分三段將咖啡甜度、個性、苦度萃取，再混埋一齊。呢個Moses’ Craft本身定左用果香味既豆。<Americano> ($38)可以揀Fruity或Nutty，今次就揀左fruity。聞落果香四溢。第一次試fruity既齋啡，原來唔落奶真係比較酸，唔係好飲得慣哈哈。<Cappuccino> ($42)揀左Nutty既blend，加上牛奶後更有堅果味，比較貼近平時飲開既咖啡。上面有簡單心心型拉花。 呢度座位都唔少，可以係度坐下傾下計。注意呢度未有食物供應，只有咖啡或茶。

原以為是陳豪開的咖啡店，那麼喜歡咖啡的同好所做的咖啡出品應不會差，嘗了味道真是確是有些失望。(可能不是我所喜歡的咖啡味道吧）店舖職員不是太友善, 想按我喜歡我口味麻煩店員安排加點熱奶，面口都不太好，還要等上幾分鐘才給我一丁點奶，我就是飲不慣酸味咖啡嘛，豆的味道屬性又沒有標明，客戶需要調整一下味道又不情不願的，飲杯咖啡都要受氣......（在這個價位的咖啡店，服務品質我期待應是要更好吧）店開了不多久，椅子已是壞了，人流多店內十分狹窄而嘈吵。我不會考慮再次光顧。

Blooms Coffee - 又名陳豪咖啡。大家知道呢間coffee shop嘅存在幾乎都係因為陳豪。因為佢，Coffee shop基本每日都出現人龍，不過等候時間唔長，大約15-20分鐘左右。倖存者叫咗2杯Latte店內裝潢呈簡約風格，以柔和溫馨燈光為主。倖幸者鍾意特意將工作台放置門面嘅決定，好似係顧客面前即場獻技，一舉手一投足只為調出一杯完美咖啡。咖啡味道驚喜不大，聞落滿滿咖啡香，但飲落烘焙味不出，入口香軟，味道偏Fruity。倖存者認為咖啡一般，裝潢設計好，但若不是因爲陳豪，咖啡店人龍可能減少

環境簡單ok, 但係重點係飲咖啡唔係飲個場。要咗杯Pour Over, ...估唔到用紙杯serve, 第一啖入口已經唔夠熱，熱咖啡唔夠熱！第二即刻有陣紙味衝入鼻，no way! 第三，口感未有咖啡味就已經有酸味！實在係失望！絶對冇可能係咁嘅level! 我杯茶Pour Over 唔算貴$68, 但係杯咖啡quality 同我expect 嘅實在好大差距！我願意再多付一點，希望你交出一杯有誠意嘅咖啡！menu 上其他咖啡選擇都唔太多價錢亦不算貴。整體裝修同咖啡同價錢全不相符，不要諗住用名氣可以做得住！做咖啡就要做出一杯真咖啡☕️！

藝人陳豪出晒名鍾意飲咖啡，對於咖啡一絲不苟。😎 結合佢咖啡烘焙同沖煮多年的經驗，終於喺尖沙嘴K11開咗第一間實體店。⁣⁣⁣🕋⁣⁣⁣⁣⁣Latte(Hot 16oz) ($50) ⁣⁣⁣⁣⁣⁣⁣⁣⁣⁣⁣⁣⁣⁣⁣首先見到咖啡上面有個簡單嘅拉花，都幾細心。💓 而第一啖就係細滑嘅奶泡。🥛 咖啡室設計開揚，可以近距離見到每位咖啡師沖煮咖啡嘅過程。🧐 而今次嘅咖啡，苦味好似比酸味更加出。⁣⁣⁣😛⁣⁣⁣⁣⁣Mocha(Iced 16oz) ($60) ⁣⁣⁣⁣⁣⁣⁣⁣⁣⁣⁣⁣⁣⁣⁣今次呢個mocha加入嘅朱古力唔係平時嘅朱古力。🍫 反而係加入咗Guanaja 70% dark chocolate。🤤 所以佢比起平時嘅mocha，朱古力既味道更加顯著。😯 而且，除咗咖啡本身嘅苦味外，黑朱古力嘅苦味亦都好顯著。☺ 配搭起嚟係杯好高質嘅mocha。⁣⁣👍🏻⁣