Bistro NTT by Attic

营业中

休息中

聽朋友講最近浸大有間餐廳好好食，咁岩今日要去九龍塘做嘢，放工可以同男友黎浸大尋找下讀書嘅回憶，雖然唔係浸大出身，不過行入大學都係滿滿回憶浮返出黎。本身行左入大學搵路有啲難搵，走果時發覺唔行入大學會易搵好多，夜晚好多同學仔都放左學無咩人，不過都有幾枱客係到，傾計好合適，環境播住90後一定聽過嘅英文歌，好有feel！睇到menu都係唔想煩，叫左個二人餐。63度溫泉蛋配松露忌廉汁炒雜菌超好食，蛋黃好靚，中意食蛋嘅一定要叫，個蛋篤穿撈均之後個汁勁滑，雜菌好香，份量以前菜黎講都足夠。風味薯條薯條勁大兜，黎到都嚇親，應該4個人都夠食。配左黑松露醬同茄汁，黑松露醬好開胃，一條接一條最後竟然食得晒。餐湯聽唔清侍應講，好似係西蘭花湯，好香好滑，上面係配左3粒蒜蓉包好香脆，吸左湯都唔會淋晒，好抵讚！巴馬火腿薄餅呢個pizza個皮我勁中意！係香脆嘅薄皮唔會食到好漏好飽，火腿好香唔會乾，配埋火箭菜口感好豐富，成件事會fresh左。鴨白湯手打意粉見menu呢個係推介，所以就點左，個湯好香蒜蓉味，鴨肉好淋唔會好硬，呢碟意粉最精華係個意粉！佢個手工意粉我無係第二到食過咁特別，唔會煮得好淋之餘重要有咬口，係有彈力果隻

讀BU嘅朋友帶咗我去佢哋大學裡面嘅西餐廳食高質二人餐～Set dinner for two（$388 + $98）二人餐其實原價$588，而家做緊65折所以$388，但係我哋想食牛扒多過pizza，所以就加咗$98升級🤭63°C 溫泉蛋配松露忌廉炒雜菌🍳一上枱就聞到好香松露味，溫泉蛋蛋味濃郁同帶松露香氣嘅炒雜菌一齊食好夾😋粗切薯條配松露蛋黃醬🍟薯條熱辣辣、外酥內軟，而且啖啖薯肉，點松露蛋黃醬食，更加滋味～南瓜湯🎃湯好creamy，香甜南瓜味滿分👍🏻美國頂級安格斯西冷🥩牛排生熟程度揀咗Medium Well，外層煎得金黃酥脆，而裡面仍然保留到嫩滑juicy嘅肉質，搭配上餐廳特製的調味醬汁或者點鹽食，令牛扒口感更豐富😍西西利里式肉醬手打意粉🍝手打意粉好彈牙，配上濃郁嘅西西利肉醬🍅🥫，好食到清晒碟🤭凍檸茶茶底夠香，而且有好多片檸檬🍋

聽同事講牛扒ok先試，點知大伏。叫七成熟，但一定熟過七成，牛扒好多肥位，仲要un 到完全咬唔開，呢個價錢呢種質素完全不能接受，仲難食過canteen🥲呢間野仲有其他menu 都伏，以下係同事叫既comment: 焗飯等左勁耐先到，完全唔夠人手。蟹籽白汁龍利柳焗飯，一粒蟹籽都無，洋蔥仲多到揾唔到啲魚….另外有同事叫過烤雞沙律，但啲雞同啲南瓜都係完全冇烤過…可能就開學人流多番，啲質素愈黎愈差…🥲🥲🥲🥲再比多次機會，之後再係咁永久blacklist 🫠

🐗喺浸大發現左呢間特別嘅餐廳—Bistro NTT by Attic，係人氣手工意大利粉餐廳—Attic開喺學校嘅姊妹店。有別於 Attic，呢度供應有好多唔同種類嘅菜式，例如英式威靈頓牛柳、印度天多利烤雞或法式馬賽魚湯等等。我地揀左兩款前菜同兩款主菜，包括開胃嘅三文魚他他，同埋63°C 溫泉蛋配松露忌廉汁炒雜菌。南瓜意大利飯加慢煮雞胸肉，味道濃郁，質感豐富。而其中亮點一定係法式馬賽魚湯，選用新鮮嘅時令海鮮同番紅花醬吐司，令味道更加豐富。所有貝類都用白酒煮過，帶有淡淡白酒花香同果香。而我最鍾意嘅係煎比目魚，皮煎得薄脆同一瓣瓣細嫩魚肉，鮮味爆發！呢道菜需要3日前預訂。整體而言，呢度不論食物定氣氛都非常出色，價格又合理，我地下次一定會試試威靈頓牛柳或其他菜式。連餐包牛角包都好酥脆好味！非常多謝貼心招待！

今次去到九龍塘一間好有假日感覺既西式菜餐廳，食下當舖入面最受歡迎既幾度菜先☺️！簡單講講環境十分舒適！充滿歐陸風功能！位置闊落同坐位都好舒適！首先第一道菜係意大利黑松露磨菇汁燴飯！黑松露味道十分出眾！磨菇香濃滑溜！食落燴飯啖啖都好入味，香草更加能夠提香！之後再叫左個意大利雲吞，雲吞皮滲滿番茄汁，加上洋蔥好滑！肉汁鮮滑好開胃！另外叫左三文他他醬配上青瓜食落感覺好清新！好香，口感超正！之後朋友叫左個巴馬火腿火箭菜薄餅！薄餅超香超脆！火箭菜食落香口感覺pizza唔會好膩!巴馬火腿新鮮同滑溜講多個好消息比大家🥰呢間餐廳係有包場服務ga🙏❤️搞生日或者小婚禮都可以考慮呢度既環境食物，都係好高質素ga❤️booking就記得要早啲預約la☺️！Bistro NTT by Attic(九龍塘)🏫地址:九龍塘聯福道32號32號吳多泰博士國際中心地下吳多泰博士國際中心G/F

估唔到係BU入面有間咁高質素嘅餐廳，係附近真係值得試試🥰🥐牛角包上枱之前加熱過而且十分鬆脆，酥皮層次豐富👍🏼🥚63°C 溫泉蛋配松露忌廉汁炒雜菌係全素嘅選擇之一，溫泉蛋以63°C熱水烹製，流心效果出眾✨最喜歡用香脆🍞麵包粒沾上蛋汁～另外雜菌都帶點松露香，加上蛋汁入口更加滑～🐟紅蝦蟹肉三文他他,醋漬青瓜🦐紅蝦爽蛋，🦀蟹肉鮮味，🐟三文魚肥美，配上酸味十足嘅醋漬🥒青瓜，十分開胃😽🍕蕃茄水牛芝士薄餅Pizza 底好薄好脆，有少少似餅乾口感，塗上🥫蕃茄醬和🧀水牛芝士，係經典嘅黃金組合～拉絲效果✅🍝卡邦尼手打意粉意粉口感煙靭，醬汁creamy而且均勻沾滿每一條麵條👍🏼加上🥓煙肉粒，令佢更加香口～凍/熱咖啡咖啡味濃，甘味較突出～奶同糖可以自己加環境：4/5大部分設有sofa 位，環境舒服寧靜，幾啱傾計服務：4/5會有🚰飲用水提供，上菜速度都快食物：4/5手工意粉價錢較外面平，推介BU學生可以試試，學生仲有優惠🤣Revisit: maybe

成日聽朋友講，話九龍塘浸會大學裏面有一間好正嘅西餐廳@Bistro NTT by Attic ，主打手工意粉‼️老公生日當日又同阿女去左九龍整蛋糕，就諗住近近地帶佢地出去試吓啦！當日好大雨，好在有揸車，仲諗緊邊度有得泊車嘅時候，原來係呢間餐廳食飯可以有泊車優惠㗎！入到去職員好有禮貌，見到好大雨都會問候幾句又幫手將個蛋糕雪住先😊首先餐廳就上咗麵包俾我哋，仲要係我哋最鍾意食嘅牛角包🥐㖭😋一層層好鬆軟，好香牛油味👍頭盤過嚟，就叫咗：🔸凱撒沙律配煙三文魚🥗所有食材都好新鮮🔸香煎法國鵝肝多士配菠蘿蕃茄莎莎🍍🍅鵝肝煎得好香，又吹口，最特別係配上菠蘿蕃茄莎莎，好特別好夾，菠蘿同蕃茄嘅酸酸地，仲有佢嘅特製醬汁，令到鵝肝多士一啲都唔覺得漏👍主菜就梗係要必食手打意粉啦🔸意大利蜆肉手打意粉🍝唔怪得知咁出名啦，呢度嘅意粉全部係廚師親手打嘅，唔係出邊街買到㗎，意粉煙煙韌韌好有咬口，但係要入到未喎👍🔸蕃茄水牛芝士薄餅🍕(9吋）薄餅好鬆化，好香脆，沙膽食咗半碟就知掂啦👍🔸雞胸南瓜忌廉意大利飯🍛南瓜，忌廉汁好夠味，意大利飯又煮得好好👍呢一餐真係好飽，不過都一定要試埋佢杯香濃嘅咖啡☕️先叫做圓滿結束🥰Bistro NTT

📍估唔到大學入面都有一間咁有氣氛嘅西餐廳～ 位置比較隱蔽 如果唔係朋友介紹就錯過呢間高質餐廳🙈餐廳環境闊落 高樓底營造出空間感 裝修簡約但坐落好舒適 餐廳將地中海菜融入於西餐之中 食物質素相當高質有驚喜❤️💙 🌀餐包 & 凱撒沙律牛角包酥脆微暖 Size唔算大飯做appetizer 剛剛好! 沙律菜分量頗多 口感爽脆 配上少許風乾煙肉片 酥脆麵包粒粒 同沙律醬 入口清新又唔會好單調🙆🏻‍♀️🌀軟芝士意大利雲吞 配意式蕃茄醬包滿Ricotta芝士嘅意大利雲吞 配上酸甜嘅蕃茄醬 香而不膩 雲吞皮柔韌有彈性 頗有口感 很al dente～ mozzarella cheese 奶味濃郁 配埋雲吞一齊食真係好夾🌀美國頂級安格斯西冷 (9安士)朋友選的安格斯牛扒 上枱時略為驚訝咗 西冷厚度接近2cm 厚😱 5成熟 火候控制得好 保持到牛扒肉汁之餘 肉質軟嫩 外皮酥脆 (特别係表層油脂) 特調乾葱紅酒汁酒味頗濃烈 略為減少牛扒嘅油膩感🌀黑松露大啡菇雜菌手打意粉意大利粉係餐廳嘅Signature 果然冇令人失望口感煙韌有彈性 質感較硬身 意粉頗有蛋香! 香菇嘅鮮味滲透係黑松露醬之中 大啡菇厚身多汁 成個意

呢間餐廳係人氣手工意粉Attic 嘅姐妹店，估唔到落戶浸大校園😯雖然少遠，但假期相對易搵位，亦提供free parking。睇相就知食物非常高質，值得一試！🥐餐包有迷你牛角酥，細細個牛角酥既香且酥，有稍微翻熱。🦐紅蝦蟹肉三文他他 醋漬青瓜作為夏季開胃前菜一流👏🏻青瓜爽脆清甜，紅蝦、三文魚同蟹肉粒連同沙律醬十分匹配。🧀軟芝士意大利雲吞，莫薩里拉芝士，意式蕃茄醬雲吞入面有Ricotta Ravioli，醬汁有茄蓉同埋Mozzarella ，雙重芝味，啱晒芝士控😍🍝辣肉腸蒜蓉意大利粉🍝一場嚟到，一定要試吓手工意粉！自家手工意粉較一般意粉爽口彈牙，蒜味香濃，以醃製嘅辣肉腸作配搭，非常適合。🐙法式馬賽魚湯鍋 時令海鮮🥘等候時間較長，魚湯以法國南部港口馬賽命名，係當地非常有名嘅菜式。時令海魚海鮮混合炖煮的濃湯，魚蝦的鮮味及調料的香味，令人饞涎欲滴🤤飲品點咗荔枝茉莉花茶同埋熱情果茉莉花茶，另外仲有各式飲品。🛎️必試指數：9/10🔆

今日出開九龍塘附近做嘢Search到浸會大學有間西餐廳Bistro ntt by Attic睇到啲評語都好好我同朋友又想搵間悠閑餐廳慢慢傾下計即管試試餐廳環境闊落 空間感十足職員有禮 仲主動介紹美食牛角酥 跟餐熱烘烘好香脆凱撒沙律配 $78配煙三文魚 $28沙律菜都夠新鮮 配上香脆麵包粒及芝士粉丸芝士意大利雲吞·莫扎里拉芝士·意式蕃茄醬 $108 意大利雲吞配上芝士+蕃茄醬 味道好夾 酸酸甜甜 好味巴馬火腿·火箭菜薄餅 $138Pizza芝士夠多 餅底夠脆 配上火腿及火箭菜 好美味黑松露大啡菇雜菌手打意粉 $168好香濃嘅黑松露手工意粉 意粉好有口感 有驚喜整體來說，環境闊落，食物質素唔錯，適合三五知己聚餐

紅蝦蟹肉三文他他醋漬青瓜（$118） 醋漬青瓜偏酸，好適合做appetizer軟芝士意大利雲吞，莫蕯里拉芝士，意式番茄醬($108) 個番茄醬調味啱啱好，唔會偏酸或者偏甜，鐘意食mozzarella既一定要試下👍🏻👍🏻黑松露大啡菇雜菌手打意粉 （$168)個手打意粉好煙靭，好有黑松露味，配埋個大啡菇同埋d雜菌好夾👍🏻👍🏻👍🏻巴馬火腿火箭菜薄餅（$138） 個pizza好足料，每一個slice既pizza都有一塊parma ham同大量火箭菜，個pizza餅底好煙x，唔會好乾或者好淋，啱啱好👍🏻👍🏻

好耐之前已經聽過BU裡面有間好好食既西餐廳，今日咁岩去開九龍塘，一於去試下！牛角包｜店員一擺低已經聞倒好香！超重牛油味同埋好酥脆🤤椰菜花忌廉湯｜椰菜花味濃郁，入口香滑濃稠，帶有小小椰菜花顆粒增添口感👍🏻意式海鮮意大利飯｜係用龍蝦汁煮成既risotto❤️飯粒略硬，有嚼勁👍🏻海鮮有青口，大蝦同魷魚，青口肥美仲有海水味🥰印度天多利烤雞配烤餅、牛油汁｜烤餅有兩款，一款係印度薄餅另一款係薄脆。烤雞好滑好juicy😋用上不同香料醃製，味道豐富，仲加上辣椒粉，非常惹味🤩果然係好高質，下次會黎試下佢既handmade pasta 🥰

大學裏的西餐廳 環境寬敞比相像中適合聚餐 一大群人也可以剛好與男朋友去試下 附近人流不多溫泉蛋松露忌廉汁炒雜菌黑松露味撲鼻的香 有少量忌廉汁蛋黃呈凝固狀 用餐具刺開 蛋黃濃郁流出來攪拌後 每種雜菌都沾有醬汁 簡單濃味前菜紅蝦蟹肉三文魚他他.醋漬青瓜蟹肉絲同蝦魚用切碎 混合製成的他他加上沙拉醬 酸甜開胃海鮮嚐出口感青瓜用醋漬過 偏脆口清爽蜆肉手打意大利粉每隻飽滿蜆肉 在煎煮過程中蜆味會流到醬汁鹹香番茄洋蔥汁 帶些微蜆香因為蕃茄蓉變得有少少黏稠扁幼的意大利粉 掛上蕃茄洋蔥汁另外灑上芝士粉 會多份芝士香香烤西班牙黑毛豬梅肉豬梅肉肥瘦均勻 表面烤到剛剛好有些似叉燒質感 焦香甜口肥肉油脂滲出 滋潤口腔整體充滿肉香 配搭剛好的甜酸果醋 薯蓉 烤過蔬菜 令到整個菜式變得清新

無意中發現BU都有高質餐廳～三文魚他他入面有三文魚粒、蟹肉、蝦肉、洋蔥，醋漬青瓜墊底，撈埋一齊食好refreshing Cold cutParma ham無奇怪味道，沙律菜加咗黑醋汁，好開胃鴨白湯手工意粉呢個係必食推介✨慢煮鴨胸肉肉質呈粉紅色，十分嫩😍意粉好彈牙，掛滿濃濃嘅湯汁，油香十足，食到停唔到口😋法式馬賽魚湯鍋呢個要預訂先有㗎～湯係超濃稠，質地似cream ~入口係鹹鮮味，好濃蝦膏味～仲有超多海鮮鋪滿湯碗～青口、蜆、蝦、石斑魚，仲有兩片薄脆多士，超豐富😍芒果花茶熱情果花茶2杯都好香茉莉花香氣，消暑良物💕Bistro NTT by Attic (九龍塘)九龍塘聯福道32號吳多泰博士國際中心地下

餐廳位於九龍塘浸會大學，環境舒服木系簡約設計，估唔到大學入邊都有一間咁有情調嘅餐廳，佢哋嘅手工意粉必食推介，高質好味。南瓜湯色澤金黃，入口濃郁，加上忌廉點綴，再搭配烤得酥脆既麵包粒，好味，想要多碗……63度溫泉蛋黑松露炒雜菌濃郁雜菌香氣十足，配合流心温泉蛋，令到雜菇昇華到另外一個層次，原來咁樣配搭係非常好味……慢煮鴨胸手打意粉手工意粉，口感煙韌口感豐富，慢煮鴨胸又香又滑…..香烤黑毛豬份量十足，表皮焦香，肉味濃郁肉汁豐富，加上黑醋砵酒燴梨，減輕油膩感，配菜薯蓉香滑……