Billow

营业中

休息中

小白鷺係個好好的打卡勝地，一直都想去，今次預早book 左西餐廳Billow ,同朋友食dinner , 響大埔墟火車站轉搭的士去，落車都已經嘩一聲，環境以歐陸式外牆裝修，全白牆，晚上還有燈串裝飾，充滿浪漫氣氛。店員先送上麵包，我較喜愛食軟身的餐包。洋蔥湯有一大片芝士多士，微脆索曬湯的甜味，頭盤叫了白汁藍青口，個白汁可用來點麵包，一流。主菜叫了紐西蘭羊架$288，份量多有4件，五成熟，肉質軟腍，味道羊味出但唔會羶。另一主菜係豬腩肉盤蘋果蓉和焦糖洋蔥汁，賣相已非常靚，食落香脆，半肥瘦腩肉又香又腍，相當高質。

係香港難得一見充滿歐陸色彩既餐廳😍好多地方都係打卡位！———————————————🔻烤法國春雞 $238雞肉尚算嫩滑中間位置有少少乾身薯蓉打得幼滑 連埋燒汁一齊食唔錯😆***🔻 燒大虎蝦 龍蝦汁扁意粉$238個龍蝦汁都幾惹味蝦肉都幾彈牙係最好食既一道餸菜😂***🔻生牛肉他他 $148睇見個色水都心知不妙😅未見過色澤咁暗淡嘅生牛肉他他睇落就真係唔太開胃既食落都好麻麻 冇牛肉既嫩滑同埋太多pickles 好似食緊漢堡咁🤷🏻‍♀️***🔻磨菇湯 $78唔想太多評論 一般囉😅***🔻Cappuccino ; Iced latte 咖啡都正正常常啦 唔係話好特別🤷🏻‍♀️***總括而言就真係為左個景黎食既最後埋單2人lunch就$900食物貴得黎又唔太好食囉🤷🏻‍♀️By M

趁天朗氣清，閒日一定有位所以去咗小白鷺午餐。午餐order 1)忌廉蘑菇湯，沒有忌廉的香滑，還要加上蔥花不倫不類。2）要求牛扒五成熟卻是變成剛剛好全熟。3）芥末魚柳又腥又嚡，醬汁完全沒芥末味道。全部醬汁都有蔥花，奇怪西餐不是應該加香草🌿嗎？不要期望一邊欣賞風景一邊享受美食。如果為咗到此一遊，建議簡單order 輕食就可以了。

到了餐廳已經有一種去旅行的感覺 ⋯秋天的時候，有溫暖的陽光和綠色的環境，在湖邊歎午餐和下午茶特別好。除了環境外，我們食西餐，除了Set lunch再額外點了甜品，其實食物質素也不錯 😘 ！當天我們訂了半露天的位置， 十分舒服，其實他們的中式餐廳、酒吧設計也別具特色，下次放假要去happy hour 之後，試試中菜🍾雖然交通有點不便，要轉乘的士或Uber到火車站，但能夠避開繁囂，去城市的綠洲享受一下，也是值得

近排太忙，可以同老婆出嚟拍拖食下飯就諗住搵間有情調d嘅餐廳，好多年前黎過一次，佢裝修之後先第一次黎，先唔講食，環境真係好靚好浪漫，夜晚又有燈飾，都好多打卡位。因為都知自己唔會成日嚟，今次就前菜，小食，主餐，飯都叫左d，諗住咩都試吓。沙律有燒水蜜桃，第一次咁樣食，燒完之後，無晒水蜜桃嘅毛毛，食落去嘅口感都幾意外，唔係好識形容，連埋果肉下一齊食係幾好食嘅。份牛排都係令我印象深刻，平時去其他地方叫五成熟，有時出到嚟感覺有成七成熟，今次真係似返五成，同埋d牛味都好出。整體黎講，食物唔止係食得出，就咁睇都睇得出係好有誠意，加埋呢d環境真係香港少有，個人推薦鐘意打卡嘅情侶一試。

再次來到這個地方，聖誕有新的佈置，感覺好浪漫，忍唔住同老公係周圍影完相先再入去食飯，二人世界下。到左即刻成個人都放鬆起來。坐下後，和老公點了食物，就靜靜地欣賞下景色同傾下計。原來在這吃晚餐，會送上麵包及油醋，適合我這個「餓鬼」。南瓜湯，好香及濃郁，蔬菜有口感，再配上他們的麵包，好好的開胃菜。老公點了他最愛的沙拉-布拉塔水牛芝士沙律、燒水蜜桃巴馬火腿。燒水蜜桃好香甜，因為燒過皮也可以吃，甜甜的配上咸咸的火腿，特別之外，味道也很夾。黑松露薯條，不是傳統西餐的粗薯條，反而是挑戰難度，幼長身薯條，每條也做到十分脆身。黑松露醬好濃味同CREAMY，食完半盆忍唔住已點晒個醬。海膽燴意大利飯(北海道帶子、黑魚子)未試過呢個海膽燴飯，開頭好擔心會好腥，後來發現原來都好好食，啖啖都好鮮味。帶子好新鮮，黑魚子慢慢爆係口中的感覺，好香甜。安格斯牛柳、鴨肝、薯蓉牛柳5成熟，肉汁JUICY ，唔會鞋口。鴨肝相對鵝肝無咁油，不過都要SHARE 食一個食會有D膩。整體來說，這個地方好CHILL ，又可以感覺在城市逃離一樣。

前幾日去咗同朋友去睇日落，風景真係好靚。嗰度有間小白鷺餐廳，裝修非常優雅，嗰日咁啱仲有人喺隔離結婚，非常浪漫。望住海景食晚飯，個人心情都特別靚。🦆香煎法國鴨肝·香梨蓉 $138鴨肝煎到好香，一拎上枱面嘅時候已經香噴噴，忍唔住食，放入口即刻溶晒喺個口入面，鴨肝嘅香味充滿晒我個口腔入邊。配埋清新嘅香梨蓉好好食。配埋香脆嘅多士就更加夾啦。🐥慢煮雞胸·馬斯卡芝士黃薑意大利飯 $208雞胸肉嘅份量都幾多，唔會好鞋，意大利飯個汁好特別，有好重嘅香料味，有啲fusion嘅感覺。好有芝士味同薑黃味。意大利飯嘅口感都唔錯。🍋檸檬撻·羅勒草醬·蛋白酥·雜莓 $98最後嘅甜品係檸檬撻，檸檬撻唔會好甜，但檸檬味好重，配埋香脆幼滑嘅蛋白酥同雜莓一齊食，又幾好味。

呢間餐廳都幾出名，主要係因為佢嘅裝修真係好靚，好適合打卡，所以今次同一位朋友專程過黎食Dinner。布拉塔水牛芝士沙律·燒水蜜桃巴馬火腿 $158鍾意食巴馬火腿嘅我，梗係要叫一個作為前菜啦。配埋水牛芝士，整個配搭非常完美，火腿嘅鹹香同埋濃郁嘅芝士，仲有清甜嘅水蜜桃，好開胃。安格斯牛柳（180g）·封煎鴨肝·薯蓉燒·蘆筍 $308牛柳好大塊，建議如果唔想食太熟就揀個比較低嘅熟度，今次我地就叫咗五成熟。牛柳嘅牛肉味好重，配埋薯蓉一齊食真係一流，薯蓉好幼滑好濃郁。蘆筍亦都燒得好香，有好濃郁嘅牛油味。最重要嘅係呢個除左牛柳之外仲有成塊鵝肝食，即刻覺得好抵食。

之前一直都好想去大埔嘅Billow,前排終於去到了😍餐廳走純白小木屋歐陸風🤍而且坐擁無敵白鷺湖景🏞淨係門口已經靚到好似去咗外國咁😍可以幻想自己去咗旅行一樣😛布拉塔水牛芝士沙律.巴馬火腿🧀餐廳會先提供麵包比客人🍞而前菜方面叫咗布拉塔水牛芝士沙律,呢個沙律同平時一般沙律唔同,以芝士同巴馬火腿為主,另外重有無花果🤩布拉塔水牛芝士質地柔軟,食落去好creamy☁️配埋巴馬火腿一齊食相當夾😛安格斯牛柳.封煎鵝肝🐮180g安格斯牛柳,叫咗7成熟,入口即溶😛封煎鵝肝煎得外脆內軟😍另外重會跟埋薯蓉同燒蘆筍添🤩我就加多個黑松露薯條🍟夠晒開心🥳燒大虎蝦.龍蝦汁扁意粉🍝大虎蝦啖啖都係肉😍除咗大虎蝦重有埋蝦添🦐另外重有蕃茄仔🍅酸酸地夠開胃,扁意粉亦非常彈牙😛66%朱古力慕絲.焦糖榛子粒🍫甜品選擇有好多,好似有窩夫、芒果布甸、檸檬撻等等😍樣樣都想食😛最後揀咗朱古力慕絲🍫朱古力味濃,唔會好甜👍🏻脆脆嘅焦糖榛子粒連埋慕絲一齊食好好味🥰

呢間餐廳員工態度非常之差，問問題唔理人。餐廳野食都好一般。餐廳位置加服務態度唔值得去。價錢仲要唔平。 The restaurant service is very bad and the food isn’t worth it for its price.

繼上一個post係日頭去食，無論係價位同景觀，都真係日頭去開心啲😗原來少人嘅時候，服務態度係好到咁，同埋聽講岩岩轉新餐牌～🍖紐西蘭羊架．方旦薯 $288前一日食完Casa Cucina & Bar嘅羊架太出色，所以即使佢都唔錯但冇好驚艷嘅感覺，而且覺得有啲太鹹，不過整體黎講都係多肉同有質素的~🍛手撕牛肋肉紅酒燴意大利飯 $228欣賞佢每啖飯都可以食倒滿滿同濃稠嘅紅酒汁，雖說紅酒味唔算太出，牛肋肉以手撕形式燴都幾特別。

🐟是日海鮮．烤焗蔬菜 $188啲魚肉煮得好鬆軟，但略嫌唔係好夠味。🍔牛肉漢堡．車打芝士．煙肉．薯角 $188好厚嘅漢堡，熟得黎一啲都唔dry。🧇酥脆窩夫．黑松露蜜糖．焦糖香蕉．雲呢拿雪糕用酥皮整成嘅waffle，所以叫croffle，再加埋新鮮黑松露片，好新奇，有少少似食緊pizza咁但又因為啲焦糖香蕉同雲呢拿雪糕令佢又似番個甜品，夾埋又唔可以話好夾，但係未食過嘅感覺，只係咁2片就要$148😂☕️𝙸𝚌𝚎𝚍 𝙲𝚊𝚙𝚙𝚞𝚌𝚌𝚒𝚗𝚘．𝙸𝚌𝚎𝚍 𝙻𝚊𝚝𝚝𝚎+$30好貴但我覺得都值嘅。PS book 12但11半就到，食岩岩開門嗰浸，因為限時75 mins，啲野食上得好有效率話咁快就要走，食tea會冇咁趕急。

可以去旅行嘅日子遙遙無期，小編決定繼續為大家探索隱世特色餐廳😎！白鷺湖互動中心夏天設有水上樂園而依家開放俾人踏船。呢間Billow則位於白鷺湖互動中心嘅一座白色建築裡面，餐廳面積頗大 裝潢走歐式典雅風，環境認真唔錯。保險起見，大家最好預早係openrice或者官網book位。至於交通，建議預先搵好交通路線事關位置實在偏僻，可以大埔墟站再轉的士。🌟 布拉塔水牛芝士沙律•燒水密桃巴馬火腿 ($158)沙律菜新鮮，水牛芝士加上鹹香嘅巴馬火腿，口感豐富 味道正常，燒水蜜桃上面有層焦糖添。🌟 傳統生牛肉他他•鵪鶉蛋黃 ($148)生牛肉嫩滑順口 牛肉味濃 裡面有啲酸瓜粒，非常開胃👍🏻🌟 海膽燴意大利飯•北海道帶子•黑魚子 ($268)呢個配搭幾新奇，上枱係見唔到海膽係面嘅而係變成海膽醬汁，面頭有兩塊帶子同黑魚子，味道唔伏但個人覺得可以更濃，🌟 安格斯牛柳(180g)•封煎鵝肝•薯蓉•燒蘆筍 ($308)火候可以控制得更好，原本叫咗5成熟但最後出到黎似7成熟🤔但牛柳本身係好味嘅，表面煎至焦香 裡面富有肉汁而且無咩筋，side dish都ok。🌟 Billow’s Tiramisu ($118)有碗

同朋友係附近glampling,揸車黎到billow, 今日天氣非常好,同毛孩黎露天茶座嘆個lunch就fit 哂。餐廳平日都好full ,但空間都好夠 唔會迫,最開心係有露天位比寵物進入 可以同其他狗狗一齊lunch。本來以為打卡餐廳野食一般,但點知每一樣野都好足料 特別係個carbonara 對得起個價錢!另外餐廳戶外環境都好舒服,好多影相位,值得再來!

宜家無得去旅行, 唯有係香港周圍去 今次黎到Billow, 唔講仲以為去左歐洲!! 歐式白屋設計, 旁邊仲有個小湖, 打卡都可以打半日食物方面都有水準 白酒煮大蜆 , 大蜆大大隻, 難得完全無沙,  白酒味同牛油味都好香, 值得推介!安格斯牛柳(180g) 封煎鴨肝 薯蓉 燒蘆筍, 安格斯牛柳生熟程度岩岩好, 薯蓉又香又滑海膽燴意大利飯 北海道帶子 黑魚子,  每啖意大利飯都充滿海膽香味 海膽醬帶d清酒,  將海鮮味進一步提升~ billow’s 提拉米蘇 ,  呢間餐廳既提拉米蘇比較奶味重, 忌廉好滑, 擺盤有心思!烤脆窩夫餅，蜜糖黑松露忌廉，雲呢拿雪糕, 呢個窩夫餅叫Croffle, 食落似Croissant Waffle, 脆口得黎好鬆化, 清甜蜜糖, 黑松露香融入成個甜品, 高度評價!!