影片
更多
2021-12-01
122 浏览
可以去旅行嘅日子遙遙無期，小編決定繼續為大家探索隱世特色餐廳😎！白鷺湖互動中心夏天設有水上樂園而依家開放俾人踏船。呢間Billow則位於白鷺湖互動中心嘅一座白色建築裡面，餐廳面積頗大 裝潢走歐式典雅風，環境認真唔錯。保險起見，大家最好預早係openrice或者官網book位。至於交通，建議預先搵好交通路線事關位置實在偏僻，可以大埔墟站再轉的士。🌟 布拉塔水牛芝士沙律•燒水密桃巴馬火腿 ($158)沙律菜新鮮，水牛芝士加上鹹香嘅巴馬火腿，口感豐富 味道正常，燒水蜜桃上面有層焦糖添。🌟 傳統生牛肉他他•鵪鶉蛋黃 ($148)生牛肉嫩滑順口 牛肉味濃 裡面有啲酸瓜粒，非常開胃👍🏻🌟 海膽燴意大利飯•北海道帶子•黑魚子 ($268)呢個配搭幾新奇，上枱係見唔到海膽係面嘅而係變成海膽醬汁，面頭有兩塊帶子同黑魚子，味道唔伏但個人覺得可以更濃，🌟 安格斯牛柳(180g)•封煎鵝肝•薯蓉•燒蘆筍 ($308)火候可以控制得更好，原本叫咗5成熟但最後出到黎似7成熟🤔但牛柳本身係好味嘅，表面煎至焦香 裡面富有肉汁而且無咩筋，side dish都ok。🌟 Billow’s Tiramisu ($118)有碗
可以去旅行嘅日子遙遙無期，小編決定繼續為大家探索隱世特色餐廳😎！白鷺湖互動中心夏天設有水上樂園而依家開放俾人踏船。呢間Billow則位於白鷺湖互動中心嘅一座白色建築裡面，餐廳面積頗大 裝潢走歐式典雅風，環境認真唔錯。
保險起見，大家最好預早係openrice或者官網book位。至於交通，建議預先搵好交通路線事關位置實在偏僻，可以大埔墟站再轉的士。
🌟 布拉塔水牛芝士沙律•燒水密桃巴馬火腿 ($158)
沙律菜新鮮，水牛芝士加上鹹香嘅巴馬火腿，口感豐富 味道正常，燒水蜜桃上面有層焦糖添。
🌟 傳統生牛肉他他•鵪鶉蛋黃 ($148)
生牛肉嫩滑順口 牛肉味濃 裡面有啲酸瓜粒，非常開胃👍🏻
🌟 海膽燴意大利飯•北海道帶子•黑魚子 ($268)
呢個配搭幾新奇，上枱係見唔到海膽係面嘅而係變成海膽醬汁，面頭有兩塊帶子同黑魚子，味道唔伏但個人覺得可以更濃，
🌟 安格斯牛柳(180g)•封煎鵝肝•薯蓉•燒蘆筍 ($308)
火候可以控制得更好，原本叫咗5成熟但最後出到黎似7成熟🤔但牛柳本身係好味嘅，表面煎至焦香 裡面富有肉汁而且無咩筋，side dish都ok。
🌟 Billow’s Tiramisu ($118)
有碗話碗啊 呢道甜品...唔推薦😥個Tiramisu令人失望嘅位係佢本體就只係由一層普通蛋糕cream同一層咖啡味嘅cream組成，毫無靈魂啊😫
🌟 Antipodes Material Water ($55)
如果有人問你要Sparkling water定Still water, 你覺得答Still water就實冇死嘅話就要留意啦😂 因為呢支still water要$55🤭 小編表示答完still water之後聽到個waiter話幫我開一支 都知道中咗伏😵💫
张贴
