Bellevue Bar and Grill (已結業)

今晚去左個好浪漫嘅餐廳，一入到去落地大玻璃已經好正，仲有好多靚嘅燈飾，增加浪漫氣氛。主菜我選擇左烤香草帶子伴蟹肉甜粟意大利飯一上臺已經好吸睛，馬上手機食先，成個拌碟好靚，好精緻，日本帶子好大粒，兩面煎香。外脆內多汁，好嫩滑，淡淡嘅香草味道，好正，好香，蟹肉撕碎拌甜粟一齊拌意大利飯，增加左質感，好有嚼頭。每啖都系甜甜嘅味道，好正。黑松露野菌湯成個大邊碟上，黑松露野菌湯好濃郁，好香滑，完全無渣，濃濃嘅香菇味，加忌廉更加香滑。黑松露在野菌的配搭下，濃濃嘅味出曬黎，超正😊人生有幾多個浪漫時刻，每次都好應該值得好好珍惜

人處身於鬧市，路人一直行，車輛一直駛，在一個地方來來往往在掙分奪秒，好不熱鬧哩。 但另一邊廂，相信大家不會相信的，在高空上，原來有個跟以上熱鬧的情況剛好的成對比……雖然是在商業大廈內，但是一出lift，就被店面的牆壁畫吸引著店內也有另一牆壁畫🍾Aqua Panna ：Steam water，香港的水其實真的不好飲。 飲過外國的水，會明白小編的說法。☕小編認為menu好表現一間食店，有時太多菜式，會令人👀🌺🌺，所以 Menu的介紹真的很重要。近窗台有一排排泡泡燈，及❤️❤️燈，好浪漫，好有情調😎🍞Amuse-Bouche🍹Sea Scallops Risotto : 大大隻帶子，嫩綠的甘露筍，配上意大利飯，飯粒煙韌，醬汁剛好，又真係幾好食。🥗Salmon Salad ：小編好喜歡食草，有機蔬菜，食得健康🍷Lamb Loin ：一向好怕🐑so味，但是這羊肉卷，一點都唔so，羊肉都好嫩滑🍸Black Truffle French Fries ： 剛好炸起就上菜，新鮮熱辣辣食，喜歡手指粗的薯條，薯仔比例重，薯仔味重，好食反而黑松露就唔係好夠……🥧Chocolate Lave Cake ： 朱古力

悠長工作後仍是工作，星期日係要搵個地方沉澱下、食下好野。認識呢間餐廳係因為睇到網上介紹，俾個靚景吸引左所以黎。估唔到旺角竟然有個地方可以望到對面海、旺角街景同獅子山，一坐低覺得好舒適怡人。侍應話一入座就每位$98起計，有需要可以再加主菜。我地唔肯定自己食到幾多，所以先由semi buffet開始。前菜有三款，cold cuts、薯仔沙律、長通粉沙律，salad bar有幾款菜、番茄、甘筍絲、栗米、麵包粒同三款salad dressings。沙律菜非常新鮮，紫椰菜鮮甜冇苦味，每盤唔多，但refill速度極快，感覺新鮮同乾淨d，dressing值得一讚，三款都好好味，應該係自家製。另一邊係西式早餐，我剩係試左香腸同炒蛋，味道對辦，最重要係夠熱。食到一半決定兩個人試一個主菜，叫左烤芥末胡椒豬柳伴蘋果香醋燒汁。擺碟有少少出人意表，雖然價錢只係加$68，但有酒店嘅感覺，豬柳好滑，調味幾特別，係我未食過嘅味道，薯蓉非常creamy，伴碟一d都唔馬虎，有三色椒同洋蔥。甜品有牛油同朱古力蛋糕，牛油蛋糕好香濃，連平時鐘意朱古力嘅我都變心，食左三件。麵包布甸口感唔錯，夠濕潤。水果我食左西瓜同菠蘿，好甜呀，

油麻地地鐵站附近嘅新寫字樓，頂樓開咗呢間餐廳，氣氛環境一流，好彩仲book到落地玻璃彌敦道景。食物方面，由於人多，分別嗌咗牛肝菌飯、天使麵、豬肋骨一份、薯條、凱撒沙律等整體嚟講嘢食質素係幾好，尤其係黑松露薯條，熱辣辣又香，值得一讚。唯獨份量比預期少，凱撒沙律嘅份量可能得6-7條菜，而份肋骨話係全份，但只有5條骨，問過waitress佢一再confirm我哋係一份，我哋亦冇再研究落去，但返到屋企睇食評，發現其他食家嘅半份同我哋嘅一份係一樣嘅，呢樣都幾令人失望！整體嚟講要食氣氛呢度絕對滿意，想食一餐滿足嘅dinner可能要餐廳方面再加改善。

平時去旺角、油麻地～我會跟朋友食雞煲、放題或者台式火鍋 🍲之但係今日✨俾我發掘到一間有半自助午餐食嘅西餐廳💓 半自助午餐只需要每人$78✨有cold cut, 吞拿魚長通粉, 薯仔沙律新鮮沙律菜,南瓜忌廉湯仲有水果、甜品🥰加主菜都係另加$38-$58一款.率先就試下佢啲自助餐食物😆沙律菜主要3款旁邊亦有唔同嘅salad dressing揀💓我就最鐘意食Lollo Rossa同車厘茄🍅而長通粉都幾有驚喜🥰個質感控制得好好食落係Al dente 唔會太軟或唔熟✨同埋落夠油令長通粉唔會痴埋曬👍🏻南瓜忌廉湯都唔錯不過我就鍾意再多啲cream😋最欣賞佢旁邊有脆香草包粒落沙律菜🥗定放湯食都得✨.主菜方面，服務員非常細心❤️同我講等我食左一兩轉salad先幫我起餐🤗咁就唔怕成枱都係食物/主菜凍曬主菜我揀左：「蜜餞雞扒伴黑椒汁+Risotto」煮Risotto真係好需要廚師嘅心機💓煮嘅過程要不斷攪拌，落高湯嘅份量又要控制得好（點解我會知？🙈因爲我讀過+做過西廚👩🏻‍🍳）講番呢個Risotto先😋食落少少煙韌😍唔會太濕太爛❌中間亦唔會有米心而塊雞扒都係即煎，塊皮都係煎到脆卜卜一食就知唔好一早整定再翻熱因為

呢間新開既餐廳位於油麻地，如果坐窗邊位仲可以望到外面景色，幾有情調，好適合情侶黎食燭光晚餐👫•餐包夠哂熱，查埋香草味既牛油好好食～•🦞龍蝦濃湯 伴🥟煙肉海鮮雲吞（$138）🔸7.5/10幫我地分左兩碗🥣龍蝦湯好濃郁好杰，幾好飲😋個雲吞都切開左兩件，好脆卜卜呀～•🐟烤海爐魚扒（$188/ 200g）🔸8/10個皮烤得勁香脆，食落有魚味都幾鮮，一d雪味都冇，魚質嫩滑，點埋個幾creamy 既醬汁好正👅配菜露荀、車厘茄，紅黃椒、青瓜都烤得好香😳下面配埋超級香滑，完全冇渣既牛油薯蓉，超好食💛•🥩澳洲M5熟成和牛肉眼扒（$550/ 10oz)🔸7.5/10呢隻乾式熟成牛肉係自家熟成平均30日，叫左3成熟，可能因為熟成既關係，其實都唔會太生，食落牛肉味好濃，咬落唔un，連埋少少肥膏位食更香更好食，10oz已經成塊面咁大，夠哂兩個人食有餘

由於被餐廳能看浪漫夕陽所吸引而訂座了，希望能與男共渡浪漫生日。由於我預先在OpenRice訂座remarks了男友生日，當我打電話去查詢有沒有切餅費時，經理細心地問我男朋友的名字，如果點甜品時，他們亦可以寫上他的名字。餐廳環境昏暗，加上英文慢歌和蠟蠟，非常浪漫。Waiter waitress都非常細心和有禮，留意著你的飲食進度，實在難得。食物也好用心，好好味！雖然在這推區的西餐來説價錢有點偏貴，但還是很值得！

油麻地一帶食店大多都係小食店，放題類既餐廳但今日與別不同試左間有熟成牛扒既西餐廳。餐廳內一個吧枱櫃櫃上滿鋪唔同既調酒wine list內有各款cocktail由調酒師調配，口味都幾多下次必定要試試。點菜後會送上加熱好既餐包有所不同既係平時餐廳會送上普通牛油而今次送上既係香草牛油口感好香係青醬既味道，放落暖烘烘既麵包牛油慢慢溶化香味四溢。竟然熟成牛係餐廳既主打當然要試一試，三款熟成牛入面揀左油脂較少既西冷扒。水份相對較少但因水份少更突出牛香味，肉味更濃，5成熟無血水出但中間粉嫩厚身帶少少厚香滿足感，整體比較乾身。牛肝菌龍蝦汁意粉用扁意粉吸盡牛肝菌鮮香同龍蝦汁味又唔會過咸味道岩岩好意粉唔會太淋硬度適中，配上龍蝦尾肉質滑又爽，十分驚喜。食完主菜同意粉有少少意猶未盡就追加一款甜品，朱古力心太軟同柚子配搭原來幾不錯柚子凍糕唔太甜口感似雪糕少少柚香味配心太軟又唔會搶走朱古力味之餘又帶淡淡柚子香。

今晚和男友想找間有氣氛的西餐廳好好吃個晚飯，於是找到這間餐廳，看相片時，環境是很優雅的呢！到了餐廳，果然不錯！甚為高格調，最喜歡是型格牆畫。點菜後，餐廳送上餐包，包是熱乎乎的，點上香草牛油，味道清新！凱薩沙拉配煙三文魚，沙律菜很新鮮！而且份量很合適。點了烤春雞，肉汁非常濃郁！而且配上薯菜，很滋味！點了香草帶子甜粟蟹肉意大利飯，很特別，配上粒粒粟米，多層次的享受，加上香草配合，使意大利飯更香。還有烤虎蝦香草醬天使麵，虎蝦大大隻，而且香草醬配搭清新，實屬不錯！環境、食物均高質，下次會再來：）

諗住可以食番餐好嘅, 見佢中位價錢又就腳就試下, 但係點知嗰度啲牛扒完全唔得😥叫咗澳洲M5熟成 $550 10oz 但佢既taste完全對唔起佢既材料同價錢😢 叫咗四成上但上到至少六成 真心唔好食...龍蝦汁意粉算正常 不過不失 得一舊龍蝦肉 但幾彈幾鮮 甜品係幾好食 心太軟配柚子有驚喜 質素唔錯😊除咗甜品以外整體嚟講絕對唔值呢個價😢星期日6點幾食到8點幾 個場坐約滿一半 算幾清幽 如果要食環境都可以一試 佢成間都玻璃窗但如果唔係都唔會再幫襯了

本身喜歡試不同西餐,咁岩係電子媒體見到哩間餐廳諗住試下。本來想同朋友傾下計慢慢食,打去訂枱時職員有禮咁講果晚多人訂枱需要還枱,都有兩個鐘,咁合理。唔知係咪我都好客氣問,幫我盡量安排位置好d既位,被安排左去靠旁邊既位。我見中間d枱窄到好誇張,如果我坐左一定bad feeling。如常侍應問要咩水,咁朋友唔舒服問佢可否一杯滾水同一支有汽水,有d餐廳聽到滾水就面黑晒,哩度無喎抵讚其實上來前我都大約知有咩想食,廢事諗太耐又要還枱無晒時間。吞拿魚沙律,無咩驚喜。叫soup時侍應問需唔需要幫我地分2份,幾細心主菜熟成牛扒想叫16安士美國肉眼得10安士和牛,週末應該預多d貨?最後選擇了10安士西冷。向侍應反映,個男侍應又好有耐性講番原來佢地自家去整d熟成牛扒所以日子未夠唔會為做生意而影響質素,聽完我覺得合理,有d堅持同底線係要。主菜來了叫4成但變了7成 可能太忙吧 見每個侍應都忙緊 都唔好意思反影味道仲偏咸。同埋叫左個天使面 又是沒驚喜。想講哩度食物價錢在哩區不便宜 如果食物質素可以改善就好。不過最暖心係 侍應見我地自拍時 主動問需唔需要幫我地影相,哩下好驚喜我地見佢地咁忙都留意到我地d客做緊咩希望

油麻地一帶出名多餐廳左穿右插每條街都有各式各樣既餐廳今次向高處發展去大廈既高層食飯.揀左比較晏既時間食為免同人迫,餐廳位於大廈23樓最高層望出去都無太多遮掩.打開餐牌有dinner set或散叫,每一條course既選擇都幾多睇睇下見到餐廳竟然有熟成牛扒食即刻點左一份再另加一款意粉同甜品.熟成牛有3款同有3種安士揀按每安士定價,今次揀左10安士美國特級安格斯熟成西冷扒.牛扒肉質好厚實medium中間帶鮮嫩粉紅感覺十分晶瑩,外層用上鐵板烤熟帶出深深既紋路,肉味比平時牛扒香濃質感更鬆軟唔洗額外調味平身肉味夠香.龍蝦尾牛肝菌龍蝦汁扁意粉龍蝦肉爽彈,估唔到濃蝦味都幾濃龍蝦汁夠濃意粉吸晒龍蝦汁既香同鮮味口感又煙煙靭靭好好滿足.甜品點左朱古力心太軟拼柚子凍,心太軟中間切開朱古力漿流出朱古力漿甜加上配送既莓類水果岩岩好中和莓既酸味,柚子凍口感奶味香似雪糕唔太甜.

今次搵左間肉眼無得彈既餐廳❤️環境都吾錯💓#牛油果煙三文魚沙律伴蜜糖籽醋顏色豐富且食材好健康嘅頭盤蜜糖籽醋令人胃口大開🍽是日餐湯-南瓜湯賣相平淡無奇，但飲落好濃郁嘅南瓜🎃少少奶更加帶出南瓜嘅鮮甜味#芝士野菌烤美國特級肉眼伴香草燴雜菜黎到最期待嘅main course 肉眼系十級讚🥰Order jor 三成熟既肉眼，五安士剛好係一個人既份量，旁邊嘅配菜薯蓉好細滑，肉質唔會有咬唔斷嘅感覺，青胡椒燒汁再同牛牛既少肥部位，令到牛牛更添惹味💓💓肉眼食吾停口😎#法式蜜雪梨撻伴開心果仁擺設好細緻，睇得出係用心之作🍐雪梨上面有少少開心果碎中間吉士好creame 好滑但偏甜岩岩好同少少苦苦地既朱古力味嘅曲奇餅底balance番回頭率超高的餐廳⭐️⭐️⭐️⭐️⭐️

餐廳裝修及環境給人一種舒服和浪漫的感覺，我最欣賞餐廳的小圓型玻璃燈飾(很別緻)配合枱面上嘅蠟燭，兩者都大大加強浪漫氣氛。喜歡的是餐前的餐包，餐包是暖暖和軟綿綿的，這裡的牛油是混入香草在內，香草味令牛油的香味更加提升，塗在暖暖的餐包上面，是絕配。我們點了烤雞(全隻)，烤雞肉質十分鮮嫩，不會烤得過熟。雞皮十分之香脆，喜歡吃雞皮的朋友，一定要點這個菜。雞肉再加上醬汁，真是錦上添花。大蝦天使麵，原隻大蝦上碟，蝦肉彈牙爽口，十分新鮮，另外天使麵烹調時間得宜令麵質煙韌有咬口再配以(香草汁)，令整個麵好清新。帶子意大利飯，兩粒大大粒帶子食落相當清甜彈牙，栗米粒同醬汁令意大利飯的味道更加香濃和甜美，好食到停不了口。最後，我好滿意的是餐廳會在我們吃好一道菜之後才會拿出另一道菜上枱，不會一次過把我們點的菜上枱，令每道菜都在最佳狀態給我們品嘗。另外，餐廳職員會在我們吃好每一道菜後替我們更換新的餐具，我喜歡這細心安排，因為這樣不會給之前一道菜的醬汁影響後一道菜的味道。感恩今晚我倆享受了一頓豐富及有水準的晚餐。

係油麻地譽發廣場23樓既高級好味西餐，有窗口位，有景睇。好，睇吓有咩好食先。實在太肚餓啦，食住餐包等。蕃茄水牛芝士沙律，大大嘅甜蕃茄，配埋唔漏嘅水牛芝士，食完呢個前菜，即時胃口大開。美國特級安格斯熟成牛扒，10安士都好大塊，夠我哋兩個人share食，五成熟啱啱好，表面煎得好香，裏面腍身嘅質地，柔軟有肉汁。烤香草帶子伴蟹肉甜粟意大利飯，面頭有大大粒既香烤帶子，香甜鮮味，蟹肉意大利飯夠多汁，包住每一粒飯粒，飯粒夠煙韌挺身，好味味！