Bella Shine (已結業)

收工去左呢間新既餐廳食晚飯 一行入去就俾呢兩個將軍嚇親，高過個人我地被安排到都幾入面去坐，發現有個包廂，好岩一大班人聚會，好有私人空間咁岩個晚有人向入面用餐就廢事影了menu好多款式，仲有set dinner、蠔、又有啲串燒咁 選擇好豐富！蒜蓉包好香！佢未黎到陣味已經傳到我地個位了。南瓜湯唔錯，不過我唔係好鐘意薑陣味所以麻麻。鐘意薑既朋友就好適合我地叫左啲串燒 - 雞翼 同 雞軟骨呢到既雞翼串燒無出面個啲咁咸同濃味，而且燒完肉質都好幼嫩，食多幾隻都唔覺熱氣雞軟骨就不嬲係我既至愛，佢都係無咁咸易入口 好味！海膽醬燒蠔好高質既一碟餸！好濃既海膽味而蠔都好新鮮，兩隻味好夾!食完成個口都海膽味跟住係軟殼蟹天婦羅咸蛋黃扁意粉軟殼蟹睇相都見到佢有幾脆 賣相精緻 炸得岩岩好 配搭埋豐富咸蛋黃既味道 成碟菜都好特別西班牙風乾火腿波蛋野菌闊條麵波蛋煮得好靚 風乾火腿既少少咸味點綴左野菌闊條麵 加上波蛋既蛋漿 味道好有層次

約咗觀塘地膽朋友食飯，她帶我試新餐廳。餐廳門口立着兩個鐵騎士非常有氣勢，而裝修簡潔得來有格調，挺舒服的。看看餐牌，該是一家日式西餐廳。以前對日式西餐廳沒有什麼好感，菜式總是「兩頭唔到岸」。地膽朋友卻非常有信心我會滿意今晚的菜式，我們點了兩個晚餐。清酒生蠔 西班牙風乾火腿伴煙燻溏心蛋前菜已經為我帶來驚喜，生蠔浸在清酒裏面別有一番滋味。溏心蛋味道恰到好處，不會淹得過鹹。甘筍薑藍青口濃湯超愛這碗濃湯，沒想過甘筍的清甜加上薑味會那麼有層次感，再配鮮甜藍青口，我想飲多一碗。鹽麴法國黃春雞 肉質極度鮮嫩，可能由於用鹽麴炮製，鹹度得宜，雞肉的鮮味不會被調味料過分掩蓋。再配上蜜糖芥末燒汁， 十分美味。就連伴菜也絕不馬虎，翠玉瓜、燒蒜頭和菠蘿都非常正。蒲燒鰻魚海膽忌廉汁扁意粉鰻魚飯平時食得多，這種日式配西式的煮法倒是第一次。蒲燒鰻魚味道相對較濃，忌廉汁扁意粉相對清淡，加上鮮甜海膽，一點違和也沒有。紅豆抺茶奶凍 和菓子伴雪糕奶凍香滑，甜品為晚餐畫上完美句號。世事真的沒有絕對，這餐飯竟然打破我多年來對日式西餐廳的偏見。地膽朋友太厲害了！

這天我跟朋友一齊返工之後黎到Bella Shine呢間日式和風系餐廳，本來都知道觀塘區臥虎藏龍，美食隱藏於不同工廈中，所以都已經對呢間餐廳抱有期望，沒想到一上黎已經俾呢度別緻既環境所深深吸引住！坐底即刻點左個薄燒鹿兒島A5和牛西冷配鰻魚炒飯同埋鹽焗法國黃春雞。套餐前菜包括清酒日本生蠔、西班牙火腿配溏心蛋、仲有青口濃湯配蒜蓉包。到我地期待既主菜啦！本來我仲諗緊好似同其他西餐差唔多咁，估唔到個黃春雞食落咁有驚喜，完全係中西合璧既傑作，有住日式照燒雞既感覺但又有西式既味道。至於A5和牛當然無令我地失望肉汁濃郁而不膩，配上鰻魚飯，又係一個別出心裁既日西料理！套餐個包甜品-紅豆抹茶奶凍、和菓子配雪榚。同朋友都好中意綠茶，所以覺得好正！食完果刻已經即刻同朋友商量下次幾時黎好。

閨蜜10月尾的生日，到現在才有空慶祝，真的有點兒那個，為了方便閨蜜，就約在觀塘的Bella Shine。現在Bella Shine的店鋪位置比以前的方便很多，在APM的後方過一條小馬路便到。栗子湯平時比較少機會飲到，忌廉湯幼滑，不會感到很膩，還吃到粒粒栗子🌰面頭有點打發了的忌廉泡，增添層次及口感。覺得這個湯做得挺出色。蒜蓉包香脆有牛油香，大小剛好，又不會太飽肚。生蠔這個其實是吃畢主菜才點的，店方做優惠，10元一隻，味道還不錯。蒲燒鰻魚海膽忌廉汁扁意粉蒲燒鰻魚是一整塊上的，足足有一隻手掌大，所兩個人吃也很足夠。海膽忌廉汁調味適中，不會搶去鰻魚的味道，又淡淡的散發著海膽的鮮味，每條扁意粉也均勻地沾上醬汁，吃著很滋味呢。法式香草寶雲酥 焗紐西蘭羊架 配紅酒燒汁成個主菜賣相都好漂亮，看得出擺碟有心思。羊架點了五成熟，有一點兒的羶味，很有肉汁。肉質很有口感，推介！配上燒汁及芥辣蓉，更加惹味！寶雲酥是蒜頭，食落不好重蒜蓉味,容易入口,質感有點像薯蓉，頗特別。甜品 （聖誕篇）賣相很吸引很應節。玻璃杯中的朱古力慕絲有幼滑香濃而不過甜，中間還有一塊白朱古力隔著橙味的汁，不錯。碟的另一面還有雪糕球和薑餅人

得知Bella Shine 重開，今晚便相約兩友摯友到這裡用餐，又互相傾訴一番!晚上有Set Dinner 提供，如沒有合意的食物也不要緊，餐牌上不乏選擇，加$88便可轉套餐，包頭盤，餐湯，甜品和飲品。因Set dinner 上的食物不太合友人口味，故最後選了一pasta 和Risotto，其中一個跟了餐，另點了一客沙律，相信已足夠滿足我們的胃。先來的有頭盤-清酒日本生蠔。西班牙風乾火腿伴煙燻溏心蛋。清酒生蠔賣相精緻，友人表示味道不錯，溏心蛋亦很滑溜。再來是甘笋薑藍青口濃湯，配上自家製的蒜蓉包。甘笋湯十分香甜，薑味突出，加入青口，整個湯的味道鮮甜濃郁，我個人頗為喜歡；再咬上香脆的蒜蓉包，配搭合宜!松葉蟹肉沙律配胡麻汁($88)是為我而點的。蟹肉份量比想像中多，味道鮮甜，沙律菜新鮮爽脆，淋上胡麻汁既健康又美味，十分清新美味!主菜之一是軟殼蟹天婦羅咸蛋黃意粉($118)。軟殼蟹炸得香酥脆口，蟹肉在其中。意粉加入鹹蛋黃，味道濃郁豐富，香氣四溢；意粉亦煮得剛好，充滿彈性，推介!另一款是輕煎日本帶子黑松露意大利飯($128)。帶子煎得香口，鮮甜肥美；黑松露香重，與忌廉的香滑豐盈沒有違和感，令飯的

今天在教會參加完崇拜，在附近吃午餐，想起很久沒有去的Bella Shine，原來它轉了新地址，新舖就在舊舖附近，裝修也差不多，簡潔舒服，只是轉了開放式廚房，讓客人可以看到廚房的衛生情況，最搶眼還是那兩個威武的鐡甲人。午餐包餐湯或沙律還有餐飲，價錢由$78至$128，任君選擇，午餐還會免收加一。南瓜湯南瓜味雖不算很濃郁，但仍不過不失，蒜蓉包則很香脆。沙律菜很新鮮和爽脆，還有我喜愛的水蜜桃，真的不錯。澳洲安格斯肉眼牛扒 雖然牛扒不算很厚，但廚師也能烹調到半熟，牛肝菌燒汁也很好味，以午餐的價錢來說也算經濟。汁燒牛舌溫泉蛋飯 方形的牛舌很腍不會靱，加上溫泉蛋，令平常不大吃飯的我竟然把整碗飯都吃掉了。餐飲加$12可升級飲Cappuccino或Latte, 我們各要了一杯，兩杯咖啡味也很濃郁，而且Latte還有拉花，真的不錯。抺茶奶凍配雪糕 午餐加$18可享用甜品一客。奶凍很滑但抹茶味不夠濃，幸好配上紅豆蓉和雲尼拿雪糕也不錯。

Bella Shine原來搬左去新舖，之前食過Lunch好食今次試試個晚餐，其實都係開番係觀塘區，平日晚餐都幾多人，新開張仲有優惠10蚊生蠔。一入門口就見到兩個招牌武士，位都坐得幾舒服，仲有個偽草牆係後面，再行入少少又有房夠私隱，牆上面都掛左呢個超可愛既畫。今次既湯係《甘笋薑藍青口濃湯》，湯料好足，飲到絲絲既甘笋蓉，仲有半隻青口係入面，另外跟湯既係蒜蓉包，烤過又脆又香。叫左兩個主菜，第一個係《西京燒銀鱈魚》($168)賣相超精緻，紅菜頭汁再加新鮮蔬果放上面，成個感覺好清新，而且銀鱈魚真係超厚。鱈魚好厚不過真係勁滑同鮮味十足，燒汁都好惹味，配菜薯仔塊放底，魚上面仲有個橙乾可以配埋食。另一個係《法式香草寶雲酥焗紐西蘭羊架》($188)，用上左紅酒燒汁，七成熟入面仲有嫩紅色，羊架羶味夠香濃，配菜薯蓉都好香滑，仲有蒜頭整到勁淋又勁入味。食完緊係食甜品《岩鹽焦糖厚焗鬆餅》($58)，鬆餅又熱又厚，配上左雪糕球同芝士一齊食，不過如果多少少岩鹽更好味。店名：Bella Shine地址：觀塘巧明街114號迅達工業大廈2樓B室餐牌:

今次嚟到觀塘嘅工廠區附近揾食😆原來呢間餐廳之前都係係附近，近排先搬過嚟咋😚門口有2個士兵棟咗係到💂‍♀好有氣勢啊🤣🤣.#澳洲黑安格斯肉眼扒 配牛肝菌燒汁 ($128)😋好味指數：(7.5/10)呢個係Set lunch，包一個湯或者沙律😚仲有飲品一杯添😌沙律有啲煙肉同麵包，仲有小小芝士碎，正呀😍牛扒今次叫咗6成熟，入面仲係粉紅色咖😍仲邊就煎到脆脆地😚雖然牛扒唔算厚，不過食落去肉味幾香，而且幾淋😝牛肝菌汁食落去帶小小苦味，配埋牛扒又幾夾😚薯波方方地形，炸得幾脆，唔會太油膩😚入面仲見到碎碎地嘅薯仔蓉😚#香煎美國厚豬扒配蜜糖芥末籽汁 ($92)😋好味指數：(7.5/10)另外都揀咗紫薯湯同蒜蓉包😍好小會出現紫薯湯呀😆紫薯湯都幾稠，飲落去紫薯味幾重😚超喜歡食蒜蓉包😋呢度嘅蒜蓉包都整得唔錯😍蒜味好重，而且焗得啱啱好，脆得嚟又唔會硬掘掘咁🥖第一眼望落去係咪好似好細碟咁呢🤔大食嘅朋友仔唔洗驚🤓男小編本身以為唔夠食，點知食食下都有啲飽😂食落去方面，2塊豬排都幾厚😆咬落去十分juicy，肉質都好淋，唔會煮到韌哂😋點少少蜜糖芥未籽汁，食落仲更加正😍薯蓉份量都幾多下😳而且加左啲黑松露落去，差唔多啖啖都有黑松

早上和媽媽一起見客，見完就走回公司附近午餐。*水牛芝士沙律跟午餐的沙律有水牛芝士；沙律新鮮，黑醋份量適中。*咖哩雜菜湯媽媽點的*蒜蓉包蒜蓉包好脆，如果蒜蓉醬可以濃一點蒜味就好了！*德國黑麥啤慢煮豬手 ($96)今日點了少會點的豬手；豬手的皮不會太油，很有骨膠原的質感，但始終都比較膩；豬手很大隻，一個女生不會吃得完；豬手的肉煮得很淋很入味，好像煲完湯的豬肉般。*日式炸芝麻雞翼配新加坡喇沙 ($82)媽媽點的大讚炸芝麻雞翼好食*甜品Vanilla 雪糕配上朱古力mousse：凍凍地，溝埋食不會太甜；朱古力味濃。

Bella Shine位於工廈二樓，門口有兩個金剛放咗係度，醒目搶眼。餐廳以loft設計裝修， 暗暗地很有外國feel。由A至F set lunch選擇, 總有一款啱。前菜可以揀湯或者沙律， 仲有蒜蓉包送。沙律竟然有紅菜頭，配料已見一班， 已經加了醋汁， 味道水準高於一般。日式豬軟骨醬油烏冬， 烏冬很彈牙， 湯底很濃，有特色。香草保雲穌龍脷柳配香草忌廉汁下面有薯蓉， 忌廉汁軟滑，龍利柳大件。雖然位於觀塘工廈， 食物水準與一般西餐廳更優。 有工事約partner嚟，絕不失望。

聖誕節就快到，上星期同朋友係觀塘附近行街，睇下有咩聖誕禮物心水，好在都買到心頭好，行左成個下午到晚飯時間一齊醫肚仔商場內實在太多人, 差唔多間間餐廳都要等位, 所以我地放棄左, 搵到附近呢間西餐廳, 價錢可以接受, 加上睇食物相賣相幾吸引，就決定同朋友食呢間餐廳位置非常方便, 係大型商場另一邊出口，一出就到巧明街, 對面大廈就已經係餐廳位置上到去環境氣氛唔錯, 座位幾闊落。我地叫左2個main course share食首先上左餐湯同蒜蓉包，個湯係有小小薑粒同半隻藍青口係入面, 薑又夠哂暖胃, 宜家天氣咁凍飲岩哂西京燒銀鱈魚 配 紅菜頭乳酪汁賣相非常靚 但並唔係得個樣 個魚都好滑好好食 食落有少少甜甜地 魚下面有幾片薯仔片 煮到已經軟軟地 食落唔係爽口果D 但好入味 好好食 伴碟既重有D乾左既蔥 好香 我同朋友最鍾意就係西京燒銀鱈魚啦 完全冇令我地失望 正！脆焗德國咸豬手 配 蜜糖黑椒燒汁隻豬手都幾大隻 我同朋友都嘩左一聲 豬手旁邊有炸左既蕃薯條 唔係一般既薯條 甜甜地 脆脆地 中和左豬手個咸味 幾好味 豬手個皮好脆 但D肉都唔會焗到好硬 唔錯 食完main course就上甜品,

約開朋友係觀塘食飯，佢話未食過呢間，所以就黎左🤓我同朋友嗌左兩個main course 轉套餐，包甜品，湯，飲品。一個嗌左西京燒銀鱈魚配紅菜頭乳酪汁，一個就嗌左脆焗德國豬手配蜜糖黑椒汁。首先上左個甘笋薑藍青口濃湯，我好中意佢個湯都有拉花，好靚。入面粒青口好大粒，薑甘笋味幾濃，同個湯好濃稠，正！講下我個main course，我好中意個銀鱈魚，佢好滑，擺盤又好靚，睇得岀製作好用心，個魚同紅菜頭乳酪汁好搭配，非常正！好like!💓下次會再食呢個！我個frd嗌呢個豬手份量勁大，佢都食唔哂，我幫手左幾舊😂豬手配個蜜糖黑椒汁好正，不過如果個皮無甘硬的話會開心d。佢d薯仔好好味，外脆內軟熱辣辣！不過個d燒蒜頭我同我frd就麻麻，始終太重味xd飲品我嗌左杯朱古力，好驚喜，因為都幾重奶味，而且唔會太甜，正中我口味！😍我朋友嗌左杯好得意的朱古力，個薑餅人真係好得意🤤🤤🤤最後仲有個甜品，我好中意抹茶，呢個紅豆抹茶奶凍真好正，好想食多幾個😂我個frd唔食抹茶，我就清埋佢個個😂 個雲喱拿雪糕同個蜜瓜味和菓子意外地搭配。本身以為個和菓子係橙味，點知係蜜瓜，好開心👍食完真係好飽😂😂xd

We all know that Kwun Tong has a lot of cafes and restaurants at commerical buildings, but we also know that a lot of them are actually very overrated.  So last week, I decided to give this restaurant a go at lunch time around 12pm on a weekday.  As I went there pretty early, there was only one table before me but around 12:30pm, the place was slowly packed with office ladies and men. As soon as you enter you were being greeted by two men in shining armour (YUM); what I am trying to say is that

筆者上綱揾間多元化餐廳去滿足開吃西餐的老公及開吃串燒的小公主。揾到間在官塘工業大厦內又西又日式的"Bella Shine"上到去門面似曾相識，熟悉的門口佈置，熟悉的黑板及鐵鋼廚房。入到去更加肯定曾經到訪過。上Openrice 又話新餐廳……真係摸不著頭。坐低問下店員，果然舊店搬到新舖，最厲害是店方把舊店的裝潢完全地搬到新舖就像倒模一樣！任何菜式加$88 可以轉套餐有齊前菜、湯、甜品及餐湯，非常吸引。下單後店方呈上熱烘烘的法包上塗上蒜蓉牛油，非常惹味。前菜都有兩款，兩款前菜的賣相做型同樣吸引。生蠔、西班牙火腿都是上佳的食材，加上創意組合，比起不少工厦內的餐廳優勝，有如高級餐廳質素。【清酒日本生蠔】生蠔肉厚味道鮮甜，用清酒浸泡味道更加香醇，食完生蠔又可以把清酒喝光。【西班牙風乾火腿伴煙燻溏心蛋】 先食溏心蛋。蛋白呈固體，差不多完全熟透，但卻仍然有少少透明。食落口出奇地有一點滑溜口感，並非全熟雞蛋的又熟又嚡蛋白，加上淡淡煙燻香氣，好食。流心蛋黃濃稠，生熟程度控制得宜，只可惜稍為欠缺一點蛋香。墊底有一小塊西班牙火腿，雖然燈光暗淡，但從火腿肉色以及油潤光澤程度，應該只是普通的白毛豬，並非高級黑毛

話咁快就12月, 係時候都要開始諗食乜, 傳統地覺得聖誕係應該要食西餐先應節雖然未必間間餐廳會咁早出聖誕餐, 不過我諗平時D餐都OK, 聖誕餐都有保證D!!______________________________佢呢度有set dinner, 本身已經跟左頭盤, 湯, 甜品你亦可以叫餐牌上既main dish再加$88 upgrade做set我今次就叫左唔係set既羊架再upgrade.🔹頭盤 - 清酒日本生蠔 。西班牙風乾火腿伴煙燻溏心蛋生蠔好鮮甜, 食落又唔係好重酒味, 隻蠔都幾厚肉, 配上爽口既日本海藻, 感覺好refreshing, 作為頭盤真係好開胃!.風乾火腿咸咸香香, 連埋超級溏心既蛋一齊食, 好好食, 超推介!.🔹餐包 - 香草牛油蒜蓉包大大塊法包上塗滿左香草牛油, 好香又焗得好脆身, 平時D餐一係細細件, 一係得一件, 呢度一個餐有兩大件, 岩哂我!!.🔹餐湯 - 甘笋薑藍青口濃湯飲落有少少似南瓜湯, 飲落仲有D 好幼既甘筍顆粒, 飲得出好真才實料, 好濃味同creamy! 仲食到一隻大大隻青口, 薑我又唔係好飲得出, 不過起碼唔唔會唔夾.🔹主餐 - 法式香草寶雲