Bella Shine (已結業)

▫️香脆德國鹹豬手 (HKD 198)極推介之選💛 豬手香脆得黎唔會硬 配蜜糖黑椒燒汁好惹味🤤 仲有最愛既粗薯條熱辣辣多薯蓉好jeng😚 伴菜有salad/蒜頭/菠蘿🍍解膩之餘賣相又加分✨份量多足夠2-3人食▫️輕煎日本帶子黑松露意大利飯 (HKD 128)黑松露配creamy既意大利飯真係好match☺️重點佢加左好多菇🍄岩哂鍾意食菇既我😋▫️另外仲有真心推介既新甜品🍨 流心綠茶多士配雪糕🍨 (HKD 88)一切開 啲綠茶漿即刻湧哂出黎☺️竹炭多士好脆🖤 配埋冰凍既綠茶雪糕食好幸福🍦😆

和同事中午出外吃飯，同事推薦到這間bella shine。一走近門口，已經見到兩名鐵甲武士歡迎我們。午市有午餐供應，包括餐湯，主菜及飲品。蕃茄湯茄香味濃，更有拉花，可見餐廳別具心思。蒜蓉包焗得香脆，蒜香味突出。比目魚西京燒魚肉香滑，入口即溶。日式照燒雞扒醬油湯烏冬雞扒煎得香脆，帶照燒味道，烏冬不是普通貨式，口感彈牙。Tiramisu甜品是tiramisu，香滑之餘又有酒香的味道，與旁邊的雲尼拿雪糕一併品嚐完全無違和感。Latte嘆完這杯咖啡，下午有精神繼續開工。

今日收工同同事去新地方食嘢，因為之前經過呢度見到呢間餐廳幾靚，而且餐牌上嘅食物又幾吸引。最主要嘅原因就係呢度做緊生蠔推廣＄10/ 1隻，而且係無限數。一坐低左即刻叫半打試試味先，咁優惠真係會驚唔新鮮，等左一陣就黎到啦，一試就知龍與鳳，真係新鮮生蠔，正！話咁快就比我掃晒，又叫多半打，勁正！小食叫左燒牛舌，食到我地䑛䑛舌，必食！主菜就春雞，好香好滑，但就細隻左少少。之後再叫個蟹粥，係有一隻蟹仔，都好入味，好鮮甜。短時間會再嚟多次，食$10蠔。哈哈

踏入為人父母的階段，很多時候時間都用了來照顧孩子，幾位姊妹想相約出來也要互就時間，難得這次終於約得成出來食飯，大家就揀了一間環境舒適，適合傾計的餐廳。點了一客芝麻雞翼，雞翼燒得外皮香脆，配上粒粒白芝麻，味道更香可口，而肉汁又保留在雞肉裏面，夠juicy。北海道帶子意大利飯，帶子肉質厚肉鮮甜，而意大利飯口感剛好，不太軟又不太硬，帶有甘香的忌廉，入口軟滑味美。蒜香焗茄子，原條焗卻沒有帶走茄子的水分，配合木魚乾吃，口感更佳。還有一客德國鹹豬手，外皮焗得香脆，切下去是發出咯咯聲音，肉質卻焗得軟腍，絲絲咸香，而且份量大，三至四個人吃也行。最後是果子甜品，配雲呢拿雪糕，為我們的晚餐畫上一個完滿的號句。

行開呢頭買野, 就上網見新開餐廳一於試下.一入門口有對高過人既鐵甲人棟係到…..想點呢….唔覺靚所以無影相~坐好後就睇見餐牌有10蚊隻愛爾蘭生蠔, 又忍唔住叫咗. 蠔雖然唔係特別肥, 但都夠味同新鮮. 可以暫時滿足一下食生蠔既慾望.之後就上蒜蓉包同湯, 包夠熱又脆, 蒜蓉味剛好. 湯就係甘筍薑藍青口濃湯, 飲落去薑味好重但又唔覺得奇怪, 同甘筍好夾, 有創意又好味. 全晚最鍾意就係個湯, 不過青口就只有半隻.主菜就係軟殼蟹天婦羅咸蛋黃扁意粉, 一碟好fushion既新菜式. 日本的軟殼蟹天婦羅, 中國的咸蛋黃, 意大利的意粉. 首先軟殼蟹炸得唔錯, 好脆又唔會太厚粉, 而軟殼蟹都大隻的. 咸蛋黃意粉就覺得一般, 一凍左就會越食越腬.另一個主菜係慢煮法式鴨腿配紅酒燒汁. 鴨腿皮煎得唔夠香脆, 肉有點乾身. 個紅酒燒汁味道好奇怪, 仲有點苦. 反而伴菜的焗蒜頭甜甜地幾好食.

浪漫晚餐不一定要燭光海景，但一定要有美食，生日當然要食美味既食物，往年都係生日正日食西餐廳，今年當然唔少得！男朋友就帶我來Bella Shine～餐廳係工廠大廈內，但內部裝潢都好靚，門口很特別地有兩位武士迎接你，餐廳光線很有情調，坐位都幾舒服另外，人多亦提供Party Room~食物方面：MainCourse ,Pasta,Risotto,Appetizer,Salad,Soup都有，特別在～居然有燒物同炸物！當然要試下～任何一個Main 都可以加$88 轉set,套餐包括：主菜：德國咸豬手配蜜糖燒汁$198，皮超級脆，而且很Juicy,啖啖肉，配埋蜜糖燒汁個味都幾夾，薯條熱辣辣好新鮮，仲係脆卜卜～👍🏻鹿兒島一口豚肉$68，粒粒都好Juicy,好有豬味！好味抵食～甜品：鐵板朱古力布朗尼配特濃咖啡$68，很特別的甜品，熱辣辣鐵板上放上朱古力布朗尼，上面有雲呢拿雪糕，可選是否把咖啡淋上去，香味十足，自家製甜品好味有水準👍🏻配埋杯凍朱古力奶～❤️都好有水準！完美浪漫晚餐，非常滿足既一餐❤️絕對可以再Encore❤️

在晚上既觀塘依然很熱鬧，而家連工廠大廈都唔例外，Bella Shine 係觀塘迅達工業大廈2樓，都幾近地鐵站，又易搵，都坐得幾滿下，好采有Book 位～Main Course 只要加$88 轉套餐，咁就有曬頭盤、湯、甜品和飲品，餐湯甘筍忌廉湯，仲用忌廉拉花，賣相加分，附上蒜蓉多士配湯，幾貼心！頭盤係生蠔、溏心蛋，生蠔夠新鮮，很鮮味！頂級美國肉眼扒12oz 配牛肝菌汁，5成熟，肉質嫩滑，勁有肉味，絕對食得出係靚牛肉。咬落去勁Juicy。配菜亦好用心，蒜頭對半切開燒過，粒粒香口，仲有燒菠蘿，唔乾身好香甜。燒物選擇都好多，海膽醬燒蠔，燒得香噴噴，海膽汁香甜，加上三文魚子粒，味道更新甜。燒蠔比較乾身，不過都好鮮味！是日甜品綠茶紅豆奶凍，芒果大福、香草雪糕。總捨黎講環境唔錯，食物優質，抵食之選！

工廈的用途越黎越多樣化 其中當然係餐廳觀塘最近重開的#BellaShine 都相當有水準帶點文青風的工廈西餐廳 以木為主的裝潢特別推介呢個軟殻蟹天婦羅鹹蛋黃扁意粉($118)另外加左$88轉Dinner Set配前菜 湯 甜品 同飲品前菜一啲都唔Hea！仲好精緻！係清酒日本生蠔 #ParmaHam 伴煙燻溏心蛋溏心蛋煮得剛剛好 相當入味！湯就係甘笋薑藍青口濃湯 薑味特出十分鮮味至於呢個主菜 用量一啲都唔孤寒睇下啲軟殻蟹多到🤤外脆內Juicy每條麵都沾上鹹蛋黃 仲有粒粒蛋黃 鹹香味突出最後甜品都絕不馬夫 竟然有我最愛的#PannaCotta 😍係紅豆抹茶奶凍 配和菓子伴雪糕呢個Dinner配呢個甜品真係Perfect Ending🤤但甜品胃邊有咁易滿足！一心去食晚餐 點知額外叫的甜品仲有驚喜流心抹茶多士配雪糕($88) 聽個名都未知咩名堂原來十分講究 厚多士用上竹炭麵包用刀一切開 熱辣辣的抹茶漿洶湧而出！抹茶漿偏甘帶茶澀味 微甜每一口多士沾上抹茶漿及冰凍抹茶雪糕係口入面冰熱交溶的感覺😍

又一工廠區既餐廳，位置都幾近地鐵同巴士站，方便！餐廳係行木系同工業風，好似好大差別咁，不過非常之match!講返食物先南瓜薑湯一上枱已經好香薑味，唔會搶左南瓜既甜味，南瓜湯非常濃厚，飲完全身暖曬！蒜蓉包，蒜蓉牛油分量幾好！麵包脆身，係稍為唔夠熱，扣左少少分西京燒銀鱈魚魚皮燒得香口脆身，魚肉細嫩滋味，唔錯唔錯！同時配菜係好畫龍點睛！翠肉瓜菠蘿粟米仔粒等，一d都唔馬虎，係好食既！鰻魚海膽忌廉汁扁意粉海膽味唔太出，鰻魚好食既，好大塊！意粉偏硬身，個人鐘意！個汁亦調得唔錯風乾火腿雞肉沙律配藍芝士汁藍芝士汁比較少見，見有一於試一試藍芝士汁幾濃味，特別！ham正正常常，油脂唔多。雞肉就做返個balance,讚！甜品抹茶奶凍，和菓子，雪糕雪糕唔差喎！幾creamy,奶凍好細滑，重抹茶味，和菓子就稍甜，overall係good既！

假期之後, 一直忙於工作, 並沒有時間回家探兩老…..上星期老爸出開港島, 順便帶我去了一間不錯的粥麵店共進晚餐。咁老媽呢? 今星期就輪到她了。正好老媽今日去我工作地區辦事, 來得觀塘區, 當然帶她潛入工業大廈, 皆因觀塘的工業大廈隱藏了很多既有特色又有實力的餐店呀!餐廳的門牌Logo是由不同餐具設計而成, 一睇就知是一間食店, 具代表性。但一走進內裏竟見到兩個巨大的鐵盔甲武士, 很特別亦很有氣勢, 難道是想守護着每位客人? 牆身舖上綠油油的假草披, 配上木枱櫈, 裝潢簡約平實, 感覺很舒適寫意。內裏地方都幾闊落, 靠牆設有兩排長沙發座配四至六人枱, 中間亦有多張二至四人枱, 轉過小彎還有數張四人枱和一間小房, 可容納不少客人。廚房和水吧位也是半開放式, 客人坐在用餐區可看到大廚們忙過不停, 投入地製作。細閱各份餐牌, 有一份四道菜Dinner Set配飲品, 價錢由$258-$308; 亦有a la carta, 分有頭盤、燒物、炸物/吉列、Family Course、Main Course、Pasta/ Risotto、飲品和甜品, 如想吃得豐富一點, 還可+$88轉為套餐, 包頭

製作fusion菜的難度在於一般人已經接受某類菜式的慣常做法，硬要以另一國家菜式製法加在原來菜式上，好容易會有格格不入的結果，所以能夠融合兩個國家做菜方法而效果不俗的特別值得加分。Bella Shine的名字很久以前已經聽過，不過沒有特別想試的意欲。與好友飯聚，好友提議此餐廳，既然未曾嚐過，一試又何妨。好友與我由apm出發，原來經商場後面扶手電梯直落地面已到巧明街，餐廳就喺對面的工廈內。餐廳裝修感覺好舒服，木色的枱櫈配上牆身的綠色草皮。最特別同搶眼就係門口的一對鐵甲武士，好威武好神氣。牛油蒜蓉包牛油蒜蓉份量適中，法包微暖脆口。甘荀薑藍青口濃湯初飲以為係南瓜湯，但沒有南瓜的甜味，才知原來係甘荀湯。湯中薑味好濃，甚少西湯有如此重薑味，幸好重薑味與甘荀湯好夾，很新奇的配搭。藍青口只有半隻，味鮮但屬點綴居多。西京燒銀鱈魚配紅菜色乳酪汁西京乃白味噌醃銀鱈魚後再燒，屬日式製法，但整碟擺設好有法國菜感覺。中間對角線用上多種蔬菜食材裝飾，有radish、紫椰菜、粟米芯、青瓜等，銀鱈魚下放上薯片及炸京蔥絲，對角則有粉紅胡椒粒及開心果，擺設得就好似一件藝術品，美得不捨食落肚。銀鱈魚肉厚嫩滑，非常美味。鹽麴

今晚本來約朋友吃晚飯，我先到達餐廳，餐廳的位置在觀塘區來說已算便利，走過Apm再穿過港貿中心，對面街的商業大廈就是了。餐廳位於改良的工業大廈，電梯一出走幾步就到達，門口佇立兩個「戴頭盔」的銅鐵士兵，哈哈哈哈！給客人留下深刻的印象呢！餐廳的牆壁都貼上仿草皮，令人耳目一新。本來打算等待朋友才一起點餐，怎知道朋友一再延遲，等了一小時後，朋友仍未出現，這樣乾等下去也不是辦法，於是建議再約。所以今晚是一個人的晚餐，感覺不是味味兒。 我自己點了一份意粉，附送一片麵包。烤過的法國麵包上面還塗了一層牛油，口感酥脆。⭐️蒲燒鰻魚海膽忌廉汁扁意粉$108意粉小小一份，較玲瓏，很適合女士。鰻魚是大大片，鰻魚味道不俗。麵條吸附了忌廉汁，海膽汁和忌廉汁混在一起，整體creamy。▪️這家餐廳的適合二人或以上用餐，可以多點些菜式。

朋友啱啱轉工去觀塘返工，又咁近我，就去食飯慶祝下。工厦餐廳越開越多，真係食極都食唔完，越食越越有驚喜。今次呢間係朋友揀的，本身冇特別expectation，上到去又覺得幾四正，裝修甚有風格，枱和椅子design都唔係hea。適合情侶、女仔聚會，cp值高，放工近近地唔錯。Dinner可改套餐，+$88有湯、甜品、飲品。甘筍薑藍青口濃湯，湯熱度和濃度啱啱好，夠creamy，味道濃郁，有半隻藍青口，配脆卜卜的蒜蓉法包。雞泡魚乾 ($56)魚燒得幾香，有嚼頭，味道夠有油份，唔會太鹹太乾身。鹽燒雞中翼 ($28)好香，肉質嫩滑，仲有沙律菜伴碟，很健康。西京燒銀鱈魚 配 紅菜頭乳酪汁($168)賣相超靚，師傅在用色和食材品種配搭上交足功課。燒銀鱈魚肉滑lu lu，厚身食落有口感，配料很特別，有調味過京葱、菠蘿、粟米仔、翠肉瓜、紫色椰菜花、黑芝麻，這些爽口的配菜為魚帶來清新口感。蒲燒鰻魚海膽忌廉汁扁意粉($108)鰻魚有份量，配料有菇、青紅椒，扁意粉很彈牙，忌廉汁稀濃度適中，足料，整體口感不錯。紅豆抹茶奶凍。和菓子伴雪糕由甜品至雞翼，擺盤好講究。Surprise me，甜品有多種combinatio

Bella Shine一直是我Lunch 的其中一個option。近來聽說餐廳搬了，當然要來試試食物的水準。lunch set由$78-128不等，可選湯/ salad及有一杯飲品。我選了黑松露黎麥燒春雞配紅菜頭乳酪汁，朋友就點了個澳洲和牛漢堡配洋蔥圈。黑松露黎麥燒春雞配紅菜頭乳酪汁$96 (Kim子推介指數8/10)賣相不錯，熱辣辣上枱時已聞到很香黑松露味。黑松露作醬汁非常香，春雞有雞胸及雞比，肉質香滑，還有薯蓉。澳洲和牛漢堡配洋蔥圈 $108 (Kim子推介指數8/10)牛肉有肉汁，十分juicy。麵包很脆，而且軟熟， 芝士半溶，蕃茄同菜都好新鮮， 整體好好味。即炸洋蔥圈，夠熱、香趣，一開始食就食到停唔倒手。另外有少量沙律，可以中和一點油膩。整體都中上質素，雖然都要$108，都唔平，但值得一試！

店鋪位於觀塘巧明街迅達工廠大廈，鄰近apm商場附近，位置十分便利。平時在觀塘覓食也感到煩惱，更難找到一些日式西餐的餐廳。Bellashine也算是特別的一間。內裏裝潢簡單，餐檯及凳都主要以木系為主，四人為一檯。適合三五知已進餐。因廚房為透明櫥窗，部分位置在進食時也能看見廚房內的運作。當日餐湯為南瓜湯，其賣相十分吸引，因為在湯表面上附有拉花圖案，突出日式西餐的精緻，攪拌入口時有濃濃的南瓜味道，而青口也較為大顆，兩者配搭得剛剛好。相比起普通西餐廳的湯更有新意和風味。紫芋甘栗薯餅配上西梅醬 醬汁有點酸(挺開胃的 但不喜歡酸的人未必接受)薯餅口感豐富，不會感到太乾，而當中紫薯味道也很香，值得一讚是內裏配上栗子，令味道更加昇華，食後也不會感到太膩，份量比想像中大和多。很久也沒有嘗過日本的粥，所以叫上了一道主菜「日本圓趾蟹味噌粥」，其以珍珠米為主，口感相比起普通日常食的粥欠缺滑口，原隻蟹放在內，份量是合適的，但整體粥的蟹味不夠濃郁和鮮甜，較預期中有落差。另外也叫上了另一道主菜『燒春雞』。燒雞的面層上鋪滿了木魚，旁邊有綠豆，蒜以及配上日式燒汁。雞的表面燒得剛剛好  金黃色稍為微焦，賣相十分吸引。口感