BB辣

营业中

休息中

酸菜魚食得多，烤魚就真係食得少，今次無意中發現荔枝角哩一間癮世食店😍裝修乾淨企理，出品一樣好高質。同朋友嚟食飯，真係好滿意❤.蔥爆牛肉，選咗微辣，好鍾意大蔥嘅香味，炒得非常之有鍋氣！🔥牛肉好大片而且好滑，送飯一流。.白飯是絲苗米，幼細之餘都好有口感。.因為同朋友鍾意食魚，所以揀咗原條重慶蒜香烤魚🥘魽魚大條新鮮，而且唔多骨好啱我。好鍾意佢豐富嘅配料，豆卜，金針菇，芽菜，索味之餘，更香口。自己滾住食🍜真係好味又過癮。.店員服務態度好好，而且好窩心🥰.見到lunch time一樣好平好抵食，會同朋友回頭嘅一間。

在長沙灣逛了兩三個鐘開始累了，剛好又是晚飯時間，相公眼利，看見一間不起眼的餐廳，在工廠大廈內的地庫，他說服我內進試試。坐下相公選了酸菜魚很大窩，內有大豆芽丶薯粉丶乾辣椒丶花椒等最後放了些生芫茜及菊花瓣，這窩魚看見紅紅黃黃綠綠很有色香味的感覺，亦很惹味。相公再選了清炒萵筍片和熗炒油麥菜，他告知我，熗炒菜不常吃，先用蔥丶蒜丶乾辣椒等等起鑊，然後取走這些配菜再把菜放在鑊裡炒熟，嚼下真的好味，吃得出有好香的辣椒味但吃落又不覺辣。用膳後我點了柑桔酸梅湯解渴又消滯而相公選了咸檸檬梳打。胃飽肚子後，去到巴士站剛來了我倆要搭的號碼，今天真的順風順水。

約左友人們出荔枝角食個late lunch。突然好想食四川野。research見到呢間餐廳啲酸菜魚好吸引。所以就同友人們去試一試。正值下午茶時間。仲可以叫lunch set。最想試嘅都有齊喺set入面。一於同友人們叫幾個share食。😌水煮肥牛中辣。一上枱見到成座牛肉山。唔係得幾片係真係有好多塊。🤩 肥牛唔韌冇雪味又唔會過肥。底下仲配左好多配菜　辣味適中唔會話辣到食唔到。味道香辣有驚喜。😋酸菜魚小辣。又係一上枱大大碗。魚肉片肉質嫩滑冇碎骨。👍 湯底濃得黎唔會口渴。酸菜唔會死咸。不過個湯酸多少少會更爽。底下仲有薯粉。又係一個足料之選。😎跟餐個飯可以加$12轉酸辣晶絲薯粉。一場黎到緊係試埋佢。薯粉煙韌入味。湯底酸辣味夠平衡。勁惹味。食完勁有滿足感。😋鹽焗手撕雞飯。份量都唔少仲配左椰菜。手撕雞皮爽肉滑好入味。仲有濃濃麻油香。😌 炸墨魚餅。即叫即炸熱辣辣。外脆內軟配埋甜辣醬。正。👍

同朋友好耐都冇食酸菜魚🐟於是我哋前幾日就去咗呢到食晚飯😃食完後覺得啲嘢食幾有驚喜😎特別係酸菜魚🤤✨酸菜魚-例(💰$188)可以揀要咩辣度(走辣至大辣) 我哋要咗小辣🌶️食落酸味就岀過辣味 但都幾惹味😋如果想食辣啲嘅就叫中辣或以上🌶️🔥至於啲魚片就好入味 而且嫩滑爽口🤤仲要無骨添👏🏼唔洗擔心會食到啲碎骨😌另外 仲有啲索哂汁嘅金菇 大豆芽 木薯粉 正😍成鍋酸菜魚好足料 份量俾3-4個人食都足夠🤓✨無骨口水雞-例(💰$68)口水雞啖啖肉 唔洗咁麻煩去𦧲骨🤪食落幾嫩滑 而且少少辣又幾惹味😆✨炸饅頭(💰$36)脆口嘅饅頭配上煉奶 呢個組合冇得輸!!😍✨低糖黑芝麻豆漿(💰$13)本身好鍾意飲豆漿 加埋黑芝麻 唔錯😙加上 食得太多辣椒 辣得滯嘅 用解辣都幾好🤣✨白飯(💰$10)用嚟配惹味嘅口水雞🐔同酸菜魚🐟😆.Menu：

同事之前成日推介呢間隱世酸菜魚，話又好味又抵食，今日收工就去試下🧐果然地點少少隱蔽😂 但真係出乎意料地高質😋誠意推介🥰🥘 二人火鍋套餐($368)🐠 必食酸菜魚(BB辣)一大盤又紅又黃顏色鮮艷，好靚🥰🥰好足料好多魚，食落酸酸辣辣，超超超好食🤣一啲都無誇張😛魚肉好新鮮好滑溜，食晒啲酸菜魚都已經飽飽地😚個底仲有啲水晶寛粉，吸收晒湯底嘅精華，好正🤤🥩 手切安格斯牛肉牛肉唔係平時火鍋店既薄切肥牛，係厚身少少既牛肉片，無乜肥膏，以肉為主😍 牛味好濃，男朋友大讚呢個牛肉好高質好出色，食肉獸一定好滿意🤤🤤火鍋套餐仲有包咗🧊 水晶寬粉 🥬蔬菜拼盤，食完酸菜魚可以打埋邊爐，因為實在太足料，所以最後都食唔晒😅😅

見到OpenRice咁多正評真係要試下，唔試猶自可，一試真係嚇死我兩個人叫左4樣野，招牌酸菜魚例牌，黃金芝士豆腐，干扁四季豆，辣子雞。第一樣黃金芝士豆腐冇影到，其實就係打邊爐凍肉舖嗰啲一嚿嚿嘅圓形豆腐魚拎去炸，再加埋嗰泰式辣醬。可能我誤會咗啦我真係以為類似椒鹽豆腐但係有芝士嗰啲，好啦唔緊要等吓一樣。個招牌酸菜魚份量足，但係呢又有紅蘿蔔又有西芹又有金菇，好廣東家庭式下，味道還好，啲魚就係一包包雪藏嗰啲，都滑，但係我覺得成道菜就係一包包方便裝倒出黎再加蘿蔔西芹金菇菜寬粉俾我，喺屋企煮仲好食過佢。叫小辣又唔咸又唔辣又唔酸，又無乜酸菜，同埋啲酸菜味真係好似一包包急凍酸菜魚果種。。出街食唔expect 係呢種質素。跟住個辣子雞咸到爆，好似每一粒都藏住咗一堆鹽咁，咸到苦。。四季豆啲黑色嘢好似獲燶咁，好咸，四季豆一浸燶味。真係食到無哂心機，如果以辣野四川菜黎計，呢幾樣野都唔合格。。地理位置都方便既，不過咁岩去開果頭又見到咁多正評先想試，但真係好失望，同埋上菜都慢，等埋一齊炒，其實地點方唔方便同上菜慢都唔緊要，比咁多正評昆左先嬲嬲。。全單$412，唔平囉，唔洗特登黎，我有d懷疑d like like

放工後好肚餓，去到一個隱世小工厦，環境都幾舒適幾光猛，呢間係食酸菜魚既「bb辣」我地嗌咗個318元的招牌二人餐，揀咗必食酸菜魚、回鍋肉、海帶絲小菜同黑糖糍粑甜品，加8元就可以配返枝樽裝嘢飲，降下火。吾多食得辣揀bb辣，都已經好惹味！其他辣度應該會幾辣🤣上菜速度快，吾使餓住等，值得一讚呀！👍🥰😚最值得一試係個無骨魚質超嫩滑的酸菜魚，咸味適中，又送埋索曬汁嘅寬粉，兩個人食到底都未夠喉添🤪其他食品都幾好味，回鍋肉有的鑊氣！二人埋單都係350有找，good!!

今日去咗荔枝角香港工業大廈食酸菜魚😆第一次見到原來酸菜魚都可以打邊爐！😂😂😂 而且所有食物嘅份量都好足夠！非常推薦大家去試吓☺️🔻#必食酸菜魚 $188我哋嗌左呢個係正常size嘅酸菜魚，因為以為佢分量唔係好大😂所以一次過嗌咗好多其他嘢食！點知佢一上枱嘅份量係勁多，我哋仲以為佢俾咗大size🤣🤣入面有酸菜,金菇,芽菜,寬粉 最緊要係真係好多魚片😱😱😱勁足料！啲魚食落都唔會有雪藏味！幾滑嫩😋 而且我哋啱啱叫咗小辣，辣味同酸味恰到好處🤩🤩啲煙韌寬粉吸收完湯底精華後幾開胃🤤🤤🔻#少爺炒飯 $65呢個炒飯勁特別，初頭睇以為咩都會似普通嘅楊州炒飯，但佢食落有少少辣同埋好有獲氣，有四川嘅味道，啲飯粒粒粒分明☺️有蝦、蛋、豆干等嘅配料，都幾好食！🔻#酸辣土豆絲 $65呢個菜就不過不失，個人覺得酸味太濃，搶走左啲辣味🙈🙈不過份量依然好足夠😂😂

好味指數😋😋😋回頭指數⭐️⭐️開心指數🤗🤗😡😡呢間係朋友揀嘅～ 上網睇過評價都唔錯，滿滿期待！隱身響工廈地庫，都算易搵！雖然身處工廈，餐廳都幾乾淨清潔～ 唯一嘅係佢附近嘅廁所都幾驚人... 最好唔好試🙈搵過第二度先去～上咗openrice 訂位，其實個優惠有誤導🙄早鳥時段寫明「主菜餐牌8折」，睇得明丫，即係套餐冇折；然而，6pm 後嘅優惠寫明「全單9折」，雖然有寫優惠不可與其他折扣及優惠同時使用，除非佢解讀「套餐係優惠」，如果係咁，不如細節內容寫埋「優惠並不包括套餐」，又或者同早鳥時段一樣寫「主菜餐牌9折」，我照字面解讀就係整張單9折啦～去到先知套餐係冇優惠嘅，呢個做法令人好唔開心！😡😡 所以我嘅開心指數要加兩個😡😡！當然我唔想做任何爭辯啦，因為「餐廳保留一切有關行使之最終決定」！Anyways 佢冇收加一服務費，我心理當咗9折吧😅招牌2人餐（$318）🍴必食酸菜魚（中辣）賣相好靚，有菊花、辣椒同芫茜放面，一鍋有勁多魚，佢係用生魚做嘅，肉質爽，夠厚肉夠大舊同滑，冇食到骨，中辣好正，夠辣，鍋內有芽菜、金菇、薯粉，吸晒湯汁味係幾正嘅～可惜... 佢唔夠酸度，酸菜比較似咸酸菜多D，唔係一片片，有

荔枝角香工地庫有隱世好嘢食就係我同拍檔不時都嚟幫襯嘅**BB辣**喇我哋都係愛辣之人 一致認為嚟尼間食辣嘢真心正啊 座位又坐得舒服今次我哋收工就去咗食 $368 二人火鍋套餐可以選擇雞煲/ 水煮魚/ 酸菜魚鍋揀咗酸菜魚試吓先🐟辣度就係中辣 都有啲料到🌶🌶採用生魚片 份量都頗多 魚肉鮮嫩 魚湯好喝差唔多食完魚片就開火打邊爐喇🤩套餐包埋手切安格斯肥牛🐂蔬菜拼盤🥬水晶寬粉❄️本身淨叫尼碟咁靚嘅肥牛係 $198，所以套餐價真係好抵食！唔夠喉仲可以另點其他配料㗎😋

香工一向都係平價購物天堂 不過最近先知道 原來佢哋地庫有餐廳食酸菜魚架😱 仲有各款川菜可供選擇👍🏻我地就揀左好耐無食過既必食酸菜魚同幾款小菜🤤 例牌既酸菜魚份量都好多丫 夠哂2個人食😍 辣度可以自由選擇 鍋入面有好多魚塊 酸菜 仲有寬粉 金菇 芽菜等食材😜 有興趣食完酸菜魚仲可以添加配菜打邊爐架😎除左酸菜魚 我地仲試左酸辣土豆絲 干煸肥腸同脆香雞軟骨🤤 全部我地都係揀左BB辣 還好唔會太辣🤣 酸辣土豆絲幾重口味 偏鹹少少 份量好多 都幾爽口👍🏻 干煸肥腸用上炒辣子雞方式 睇落好多辣椒好似好辣 食落其實ok😜 肥腸炸到好脆 好香口☺️ 脆香雞軟骨係大力推薦 大粒香脆 帶麻辣味好惹味丫 食完一粒會想接住食🌟

見到呢排有唔少人推介呢間餐廳，試試先😆🔖必食酸菜魚(例)💰188今次我哋嗌咗BB辣，成個菜嘅味道酸酸地又帶有少少辣，啱啱好啊🤓魚片份量都好多，全部都無骨😚肉質算係幾滑㗎😋配料有酸菜、芽菜、金菇菜同寬粉，滿足😍💫推薦指數: 8/10​​​🔖少爺炒飯💰65呢個飯有好多配料😍例如有蝦、豆腐乾同午餐肉等等~而且炒得非常有鑊氣😆呢個份量4-5個人share都無問題😂非常抵食！💫推薦指數: 9/10​​🔖清炒油麥菜💰65油麥菜望落去好翠綠，食落都感覺好新鮮啊🥬口感爽甜，唔會好油🙌🏼💫推薦指數: 8/10​​🔖熱枸杞菊花蜜💰18清甜又夠滋潤，可以減卻油膩感😇💫推薦指數: 8.5/10​​

🌶招牌二人套餐 $318👍🏻水煮牛肉 (大辣)嗌左大辣無失望，夠辣仲夠哂麻🔥🔥🔥！牛肉厚切大大塊啖啖肉🤤肉質好嫩滑，一啲都唔韌唔鞋口又無乜筋👍🏻👍🏻👍🏻最正係份量好多，食極都有好足料🤣配菜仲有寬粉、金菇、芽菜、青瓜片樣樣都超入味🔥夠哂辣，好滿足🤪！美中不足係寬粉煮耐左少少再浸係熱辣辣既水煮湯度就無左煙韌口感🥺味道：9/10性價比：9/10-👍🏻蔥爆牛肉 (大辣)好有驚喜！炒得好有鑊氣好香🤩！牛肉大大塊，肉質一樣咁嫩滑無筋唔會炒到乾爭爭😋惹味得黎又唔會無哂牛味，配飯一流👍🏻仲有大量蔥，好香口😛雖然都有辣度揀，但大辣都唔算好辣食唔到辣既朋友都可以放心食🤣食開譚仔中辣或以上既朋友可以直接大辣🌶😈味道：9/10性價比：--👍🏻紅油蒜蓉青瓜(大辣)青瓜粒爽口，浸住紅油但其實唔太辣係比較開胃既涼菜😌味道：7/10性價比：--👍🏻黑糖糍粑即叫即炸熱辣辣，外皮炸到黃金微脆😛包住煙煙韌韌既糯米糍糯米糍本身無甜味，沾埋黑糖糖漿甜度岩岩好😋做飯後甜品好飽肚呀🤰🏻味道：8/10性價比：--📍#BB辣荔枝角青山道489-491號香港工業中心C座地庫CB1A室#hkfoodie #foodiehk #hkfood

朋友同我都係嗜辣之人 尤其是係酸菜魚荔枝角香工有間酸菜魚幾多人讚 就試下餐牌款式都幾多 有套餐/火鍋/小菜/甜品價錢唔貴份量仲勁多食到好飽 相當抵玩-🐾必食酸菜魚🐾 $188好大一窩 賣相幾吸引有啲菊花瓣喺面頭叫咗BB辣唔係好辣唔食得辣嘅人都食到湯底唔錯唔會太重口味 可以飲倒嘅類型魚片極多撈極都仲有 魚無骨啖啖肉幾滑 配菜酸菜金菇芽菜寬粉索哂味 味道唔錯-🐾 火鍋料｜萵筍片 $28｜炸響鈴 $28 🐾食咗一半魚左右 就用酸菜湯加料打邊爐萵筍薄切菱形好靚仔 爽口美味都幾抵食響鈴大路貨色都可以嘅 份量多到食唔哂-🐾乾煸四季豆🐾 $68肉碎辣椒用油爆過 香口乾身惹味份量夠-🐾咸檸檬梳打 $13🐾同平時唔同 有少少似話梅味幾正夠哂爽

我哋就係嗌咗二人火鍋套餐（$368）咁其實就有三款主打菜可以揀（我哋就揀咗要必食酸菜魚）之後呢個套餐已經包左一碟手切安格斯肥牛、水晶寬粉同埋蔬菜拼盤首先講咗最重點嗰個酸菜魚先啦咁我哋係揀咗BB辣嘅（一嚟係配合返佢哋嘅舖頭名，二嚟係因為我都唔係一個好食得辣嘅人😅😅）但係我想講佢哋水煮魚嘅份量比我想像中多好多重點係真係完全冇骨💕💕啖啖肉嗰種感覺好正同埋佢哋嘅水煮魚食落去好新鮮、彈牙之後呢個辣度就辣得嚟係幾惹味嘅🥰🥰（飲落去味道都唔錯，可以配埋水晶寬粉一齊食）之後就講吓我都好期待嘅安格斯肥牛一嚟到嘅時候我真係幾驚訝因為我冇諗過係有咁多嘅安格斯肥牛😱😱（呢個價錢有咁多嘅話真係勁抵食‼️‼️）同埋佢好重牛肉味之餘又唔會太多肥膏😋😋做到油而不膩嗰種效果同埋我想講呢度好似所有嘢分量超多嗰個水晶寛粉我哋好似食極都仲有咁樣😂😂（食落去幾煙韌）之後又有勁多嘅生菜同埋娃娃菜所以如果大家都想食酸菜魚嘅話不妨嚟試吓呢間