BB辣

营业中

休息中

最近愛上咗食辣😍 今日黎到荔枝角香工內嘅川菜館-「BB辣」餐廳地方幾大，光猛企理。食物選擇多，一般嘅川菜小食都有😍 食完主菜仲可以加湯加配料打邊爐😍 麻辣火鍋正丫！🍲 除咗酸菜魚揀咗小辣，其他都揀BB辣😃手撕雞涼麵 $58呢份涼麵麻香醬濃，辣辣地醬汁足夠撈涼麵，要每一條涼麵都佔上醬汁，食落先係最正😁手撕雞份量適中，雞肉滑，好味😋 麻辣蒜蓉青瓜 $32青瓜爽脆，麻辣醬汁酸辣開胃，辣度一般，可以再辣啲🤣 蒜蓉切得較大片，好香口惹味😆麻辣肚絲 $58豬肚切到一絲絲，彈牙口感十足，麻辣醬汁好特別😃 好味到食唔停口😆酸菜魚 $188魚肉超級多，滿滿嘅一盤。每一塊魚肉都大大片，食落嫩滑入味。揀咗小辣，都唔算太辣，我諗食得辣嘅朋友可以揀大辣都冇問題😆 鍋裏面除咗香料豐富，配料都唔馬虎😄 有寛粉，金針菇，芽菜，莞x，份量多到兩個人真係食唔晒🤣

#酸菜魚 ⭐️⭐️⭐️⭐️#蔥爆牛肉 ⭐️⭐️⭐️⭐️#麻辣肚絲 ⭐️⭐️⭐️⭐️一講荔枝角香工大家都會知道批發，原來除左衫，裡面地庫仲有間川菜館，鍾意食川菜嘅朋友仔注意喇❗️⭕️酸菜魚足料，而且魚肉夠滑⭕️自選辣度，配合唔同人嘅需要，怕辣都唔洗驚，即使小辣都夠味架⭕️蔥爆牛肉好有鑊氣好香好惹味，送飯一流⭕️雪山西多炸得好脆好香口⭕️套餐仲有唔同嘅小食可以加，唔怕唔夠餸⭕️價錢平民，好抵食⭕️除左川菜仲有茶餐廳嘅下午茶餐總括來講，值得去❗️

好久沒吃川菜所以放工和朋友去荔枝角吃酸菜魚餐廳位於香港工業中心的C座地庫位置頗隱蔽的不過進到餐廳內又是另一種感覺餐廳座位舒適，光線明亮橙燈和白燈交織出明亮醒目的感覺💮酸菜魚 💰＄188 (例)除了主角酸菜魚還加入了辣椒、芫荽、芽菜、水晶粉、菊花瓣等伴料加了菊花瓣的酸菜魚樣子變得豐富了至於魚肉方面口感嫰滑而且份量也不少這道酸菜魚我們點了少辣下次來的話我會想試試中辣感覺再辣一點味道會再出一點水晶粉吸收酸咪咪和微辣的酸菜湯底十分搭我和朋友都很賞他們的水晶粉💮脆香雞軟骨 💰＄55這道雞軟骨必需點一個讚！我和朋友都好喜歡他們的雞軟骨雞軟骨炸得香脆可口調味恰到好處而且咬下去吃出一種很香的雞油味道外層香脆，內裡juicy多吃也不會覺膩💮夫妻肺片 💰＄58夫妻肺片是由多種牛隻部位配搭出來的川式料理一碟可以嚐到多種不同口感這款夫妻肺片的川汁相當惹味而且表面撒上了芫荽、芝麻和蔥花讓夫妻肺片味道更香更惹味了💮凍蜂蜜柚子茶 💰＄24吃川式料理當然要配上一杯凍飲才夠爽我點了他們的凍蜂蜜柚子茶這杯飲料柚子味道突出甜甜的，不過甜而不膩十分適合配搭辣味料理

話說我喺荔枝角學畫畫發現嗰頭工廈超多抵食餐廳兩條友打邊爐癮起又想食啲重口味嘅嘢就搵到呢間勁抵食火鍋套餐2人火鍋套餐 $368呢度嘅酸菜魚好似雞煲咁食食下可以加料打邊爐吸收哂湯底嘅日月精華，超正超重口味！鍋底有3款選擇，我哋揀咗酸菜魚嘅小辣魚嘅份量超多！兩個人夠哂架喇魚片係切得啱啱好，一口size仲啖啖肉添，好嫩滑食哂成餐都係得2,3條骨我算係好滿意呢個餐仲包咗勁大碟手切安格斯肥牛牛肉雪花分布好平均，肉質淋身除咗煲入面本身有寬粉之外餐都包咗一大兜不過真係食極都唔夠喉因為啲寬粉吸哂個湯，好惹味仲有個蔬菜拼盤添，真係好抵食雖然餐廳位置喺工廈地庫但其實真係好近地鐵站，好方便架而且呢個價錢抵玩，性價比高值得過嚟try try

間中就會想食下辣野過過口癮 今次黎左食川菜🌶呢間餐廳比較隱閉 估唔到荔枝角香工入面除左衫都仲有餐廳😯我地叫左個二人餐加炸饅頭, 但係份量多到可以3個人食!勁飽🤰🏼🥢炸小饅頭 ($36)男朋友本身好中意食炸饅頭 就叫左份試試😋一份有6個 炸到金黃色 好脆口!! 沾煉奶食好正🤩不過饅頭本身冇乜包既香味 扣左小小分招牌二人餐 ($318)🥢必食酸菜魚 💮推薦酸菜魚好大鍋 入面有酸菜,金菇,芽菜,寬粉 最緊要係好多魚片 勁足料😍我地叫左小辣🌶 其實唔太辣 不過就越食越麻👅 酸味唔會過重 魚片又冇骨好嫩滑 好抵食😙🥢蔥爆牛肉 💮推薦超級惹味!必試 牛肉用京蔥絲炒過 真係好香口 有鑊氣!!☺️ 送飯一流 應該可以自己清一碟😛😛🥢酸辣海帶絲海帶絲軟身 辣油睇落幾多但其實唔太辣😛🍚白飯 2碗🥢黑糖糍粑叫上既時侯先即炸 上枱熱辣辣🥰 外層炸到好脆 入面軟糯煙靭 好qq😍 面層潵上黃豆粉 自己加埋黑糖醬 成個都唔會太甜 讚👍🏻🥤黑芝麻豆漿 (+$8)🥤竹蔗茅根水 (+$8)

估唔到喺荔枝角香工大廈，簡稱女人買衫嘅天堂👼🏻男人嘅地獄😆，地底下有間食四川菜嘅餐廳，主打雞煲/烤魚/酸菜魚/水煮魚！除咗四川小菜外，晚市分別有兩款套餐都幾抵食！⤑2人火鍋套餐 $ 368套餐可以選擇要酸菜魚🐟/麻辣水煮魚🌶/重慶麻辣雞煲🐔一款，再配上一份手切安格斯牛肉🐮、蔬菜拼盤🥬、水晶寬粉！⤑都係第一次食酸菜魚 x 打邊爐🍲，辣度可以自由選擇，中辣對我食開三小辣🌶🌶🌶來講啱啱好，食得辣嘅朋友仔不妨可以叫大辣😬！酸菜同魚份量都好足料，魚片新鮮好嫩滑而且冇骨😍，湯底酸中帶麻🥶，越食會越想食好鬼爽～雖然配料已經會有一份水晶粉，但湯底下都有少量粉所以食完個酸菜魚基本上都已經好飽😆！⤑飲品要另外加錢$7-$8，最估唔到碟安格斯牛肉都勁大碟，油脂分布平均色澤都唔錯，入口牛味都好濃郁！跟餐食係最抵，因為單叫一份都要$200咁滯😏！去開行街買衫嘅話都可以一戰👏🏻，依家Openrice訂位仲有九折添！

上星期六同朋友去荔枝角食野。唔好以為呢頭得工廠🏭大廈好悶，其實依家工廈入面有商場，又有美食街！今次就介紹一間川菜小店比大家認識下！呢間「BB辣」店舖座位舒適、闊大，好光猛，俾人一種好舒服乾淨😌既感覺！由店名得知，佢係專食辣野啦🌶！酸菜魚魚片好滑，湯底都夠酸。因為我地怕辣，所以叫左BB辣，都食到微微既香辣，岩哂好怕辣既朋友👍🏻！食得辣嘅朋友不妨試下加辣🔥🔥！除左配白飯外，更可以配紅薯粉，食落滑嘟嘟！除左夠香辣外，份量亦好大碗😯，做午餐🥣一定夠飽！我地配左一份皇牌口水雞，真心好好味😋！作為一道冷盤，雞皮爽，雞肉滑，而餐廳都採用左較多肉既部分🙂！醬汁方面，似乎都落足辣椒、花椒、油，令口水汁具備「香、辣、麻」，食完令人食慾大增，趕走悶熱嘅感覺，啱晒依家嘅天氣！餐廳🍴幾款菜式中，香味比辣味更突出，真不概為「BB👶🏻辣」！因為我個人鐘意食酸野，如果魚片更酸會更惹味！餐廳總體表現都唔錯👍🏻，係附近返工同經過既朋友不妨去試試！

以前一北上 就會即刻想食翻餐酸菜魚！但近年疫情肆虐 冇得周圍去 喺香港想搵一間性價比高嘅川菜真係唔容易啊🙌🏻今次介紹嘅哩間川菜位於荔枝角工廈嘅地庫 距離荔枝角地鐵站約4分鐘 位置方便 店舖座位都幾寬敞頗舒適 上菜速度都好快 最值得一讚就係性價比極高 睇埋落去你就明👇🏻·招牌二人餐 $318 *必食酸菜魚超足料 望落似3人份多啲 食落亦充滿驚喜 魚片嫩黃爽滑 酸辣可口 但又唔會過分油膩 魚片唔會一夾就散 酸菜夠爽脆 湯底酸辣度剛剛好 非常開胃👍🏻辣度方便我地今次揀左BB辣 唔食辣嘅人一定接受到～鍾意辣嘅人可以挑戰中辣/大辣🔥*回鍋肉哩嘅菜式煮得好食真係唔容易 食落肥瘦比例分明 仲用左大量韭菜吸收油香👍🏻豬肉切成薄薄一片 方便送飯之餘仲做到外脆內嫩嘅效果🙌🏻*紅油蒜蓉青瓜最近天口熱好適合食🙌🏻青瓜鮮甜爽脆 加上特調嘅酸辣醬汁同大量蒜粒 青瓜仲好細心切成一口份量 一啖一粒好正👍🏻*黑糖糍粑第一次食哩個四川著名特色家常菜！表面有少少黃豆粉 食落口感非常Q彈軟糯🙌🏻表面煎至金黃色 口感香脆可口 強烈建議大家要加埋黑糖漿一齊食 超正呀！*可樂 +$7*杞子六花茶 +$8如果覺得口喝仲可以加錢嗌吓嘢

自從上次食完酸菜魚之後就念念不忙，一直都好想再食🤤🤤今次就同朋友黎到荔枝角既「BB辣」，試下佢地既人氣酸菜魚❤️❤️🥘必食酸菜魚(小辣) $188✨份量好足料，除左有魚肉，仲有芽菜、酸菜、金針菇、紅蘿蔔等，好豐富～～底層有寬粉，吸哂湯汁後更加惹味👍🏻👍🏻d魚肉好多同好新鮮，冇乜魚骨，仲好滑身😋😋雖然叫左小辣，但對我黎講都比較辣，唔食得辣既朋友可以叫bb辣試試🤣🤣🍢黑糖糍粑 (大) $42✨估唔到呢度有得食黑糖糍粑😍😍糍粑外層好脆，內面口感煙韌，點黑糖食之後更加滋味❣️❣️🍘炸墨魚餅 $55✨外表炸得金黃色好吸引🤤🤤口感彈牙，味道甜甜地，仲有泰式辣醬可以點～～小朋友會鍾意食❤️❤️🌸紅糖桂花冰粉 $23✨最後要叫埋個甜品先滿足😋😋冰粉賣相好靚，食落好香桂花味～～口感似啫喱，面頭仲有d山楂粒，酸酸甜甜😚😚🍋咸檸檬梳打 $13✨味道咸咸地，好有氣泡感，唔錯❣️❣️🍹柑橘酸梅湯 $13✨唔會太甜，酸酸地好解膩，推介👍🏻👍🏻

阿爸阿媽都好鍾意食川菜，我上網搵到呢間川菜餐廳評價唔錯，又順路，一於黎試吓午市套餐。我地所有餸都係嗌BB辣🌶️😂🐟 必食酸菜魚 $68（小炒飯餐）大大碗份量多🥰 一上台已經聞到好開胃嘅酸菜味😋 鐘意食魚嘅阿爸大讚魚肉鮮甜，肉質嫩口。我試咗寬粉，真係好好食🤩 另外仲有芽菜同金菇，幾新鮮👍🏻 的確係必食之選～🐖 農家小炒肉 $68（小炒飯餐）入口微辣，我鐘意佢夠麻，好爽😆 我鐘意食蔥，平日食粉麵都叫多青，呢個蔥整得好味，夠入味💯 小炒肉嘅肉味濃郁，肥瘦參半，送飯好正❗️🐓 皇牌口水雞 $26（加配涼菜）食落肉質堅嫩滑，辣中帶香、香中帶麻，皇牌呢個名無叫錯👍🏻🐂 夫妻肺片 $26（加配涼菜）口感彈牙爽口，一啲腥味都無，配埋辣青瓜絲～🐓 香酥雞軟骨 $26（加配涼菜）食落好香口，炸粉幾好，雞軟骨脆卜卜，一口一粒好快清曬，估唔到咁好食😎🍞 炸小饅頭（6個） $36（外賣$30.6）最後食到意猶未盡，決定追加個甜品返屋企慢慢嘆☺️ 外層炸得酥脆金黃，內裡口感煙韌、有咬口，點埋煉奶一齊食甜甜地，我一個人食左3個🤣🤰🏻🍚 飯 $0飯粒飽滿鬆軟～🫖 熱奶茶 $0味道香濃，口感細滑，出品唔錯👍🏻☕️ 熱咖啡 $0

最近成日都食酸菜魚 咁啱又喺屋企附近搵到間😎佢呢到提供一人份 唔洗一鍋上 自己一個食啱啱好😌呢到仲有好多小食同炒菜添架😍.📌必食酸菜魚 (lunch set) $68呢個係一人午市套餐 包白飯一碗🍚估唔到一人份量都咁多🤩魚肉好嫩滑 不過就唔算好口肉同埋唔太鮮甜🙈除咗魚肉 仲有酸菜,金菇,芽菜,水晶闊麵🤤自己一個食夠晒滿足🥰嗌咗bb辣 湯底啱啱好 微辣又夠酸 唔會太濃味😚.📌夫妻肺片 +$26嗌午市套餐 可以無限追加小食💕雖然係小食 但係分量一啲都唔細👍🏻夫妻肺片有牛脷,金錢肚同牛展😌最鍾意食牛脷👅都係嗌咗bb辣 再加埋涼拌青瓜絲同花生 幾開胃 做前菜一流😝.📌涼拌土豆絲 +$26媽咪好鍾意食薯仔🥔所以嗌咗個嚟試😆呢款相對唔太辣都唔太鹹 味道唔會好濃啱啱好😎薯仔口感唔會太腍夠爽口 唔錯💯.📌大碗花菜 $68呢個即係椰菜花炒豬腩肉片🐷好夠鑊氣 炒得好香😍豬腩肉份量都幾多 好似錯咗重點🤣不過椰菜花好食 熟度啱啱好 都係好爽口😋嗌走唔辣 所以食落清新啲✨.📌干煸四季豆 $68四季豆都炒得好夠鑊氣😌四季豆有走過油 好香口😝呢個都係嗌咗BB辣 雖然有好多辣椒🌶️不過食落冇乜辣味🧐四季豆仲加咗好多肉碎

一早去到(約6點半左右)，冇乜人唔駛等位即入座。揀左2人火鍋套餐，選了麻辣水煮魚（中辣）。魚份量都多，都滑嘅，不過係鯇魚（我本人鐘意桂花多Ｄ），所以有細骨要好小心。感覺個鍋係麻多過辣，越食越辛苦，所以最後要"不"起d 花椒先冇咁辛苦。手切安格斯肥牛，食到最後幾片係8成肥肉。套餐包嘅水晶寬粉同蔬菜拌盤。寬粉都多，但係唔夠彈牙。亦因為個鍋太麻，所以放ｄ蔬菜落去吸晒ｄ麻辣，感覺一般。個套餐仲要唔包飲品，加錢嘅飲品又細枝（竹蔗茅根水+$8)，另外叫個什麼花蜜又好似要加十幾蚊，真係唔太抵。依個餐性價比一般。最後去廁所要行一段路，經停車場先去啦，感覺有點恐怖。

香工多衫買就係人都知~但原來都有間高質川菜餐廳-BB辣最啱行街行到餓個陣食😆剛好下午時段去，下午茶同中午套餐都非常抵食$55-$68就有交易，仲可以$26 配招牌涼菜/$9小食，仲可以無限添加，真係非常抵食😜🌶️必食酸菜魚食得川菜又點小得酸菜魚！今次試小辣，辣度啱啲唔太食得辣但又鐘意食川菜嘅朋友~酸菜味微酸配合花椒嘅香氣，湯底麻中帶酸，個人就好鐘意啦😜而主角魚就非常香滑而入味，果然係餐廳招牌菜😆套餐配白飯，加$12 可轉米線、薯粉等，今次轉咗薯粉，可選辣度食落煙煙靭靭夠彈牙，極度推薦！🌶️泡椒牛肉份量非常多而且足料，牛肉夠嫩而且夠牛味，食落泡椒味濃，但唔太夠辣😜配飯一流，而且份量非常多，絕對抵食之選套餐可配涼菜 $26 款， 有不少招牌川菜，例如口水雞夫妻肺片等選擇，都只係$26 而且份量都唔🌶️麻辣肥腸&麻辣肚絲肥腸一向都係我至愛，麻辣汁真係唔錯，食落麻香帶辣而不嗆，肥腸肥而不腻，口感軟Q😆非常入味肚絲口感爽脆，切成絲加青瓜絲食落麻中帶清爽，食完咀嘴裡仲有一絲絲辣味套餐跟$9 就可以加配幾款小食，而且仲要無限加試咗3款，整體非常抵食而且味道都唔錯！🌶️炸墨魚餅一碟3 件，真係非常抵食！香脆炸

呢間餐廳係公司附近，外賣就經常幫襯，反而堂食就第一次來吖~下午茶時間來到，仲可以食到午餐，當然就要最愛既酸菜魚啦😍酸菜魚套餐：魚片幾多，魚肉好滑無骨，正吖~個底除左酸菜之外，仲有好多配料，金茹，寬粉，萵苣，豆芽。少辣既辣度，唔係好辣，想食辣既朋友，要叫中辣以上啦!酸辣粉：太想食酸辣粉，就加左12蚊轉左，味道太正吖，夠酸，但都係唔夠辣，但薯粉係粗薯粉，食落好滿足😍泡椒牛肉：牛肉好多，好似食極都仲有甘~牛肉炒得好惹味，萵苣好爽口，配飯食真係一流，勁快食晒碗飯啦!叫套餐仲可以加配小食同小菜~真係好抵吖~麻辣肚絲：一拎來見到有一座小山甘高，份量好足吖，肚絲食落去先麻後辣，好過癮哦~麻辣肥腸：甘邪惡既食物唔可以唔叫吖，肥腸處理得好乾淨，麻辣汁好惹味，勁想叫多個白飯來撈汁吖炸餃子，炸墨魚餅，炸龍蝦丸：炸野好難會唔好食啦，但一定要叫食炸餃子，外皮炸到脆一脆，入面熱辣辣，配埋甜辣醬，3個唔夠食哦~今日全部菜都好正，惟有一點就唔係好夠辣，如果食的辣既要叫中辣以上啦

呢閒位於荔枝角工廠區嘅餐廳，專做川菜美食，適合曬一班中意食辣嘅朋友仔🤪午市套餐有：招牌酸菜魚🤤❤️上臺好大一碗酸菜魚😯大家可以選擇自己中意同埋可接受嘅辣度，容易match每個人需要。整體份量好多而且魚肉好滑，酸度適中，好好食！而且底下有適量水晶粉，煙煙韌韌，吸收左湯水嘅精華酸酸地甘好開胃🥳而且會辣過面頭嘅🐟葱爆牛肉好有鍋氣炒得好入味道🤭牛肉好嫩口，整體係一道好有風味嘅一碟小菜。除此之外，仲可以加其他小食或小菜例如我地叫個夫妻肺片，好有風味好夠味，送飯一流👍甜品方面要左個黑糖糍粑，面層撒上小小黃豆粉，外層輕炸過小小，裏面係煙煙韌韌，好有咬口😋可以另外蘸黑糖汁，岩曬我呢d中意螞蟻人😇