Barg (已結業)

今日約咗一個好耐無見嘅朋友，午飯時間係時代廣場附近閒逛，經過百樂中心接到呢間餐廳嘅傳單，於是就上去試下。Set Lunch由$78-$158，有餐飲餐湯，甜品前菜可加錢配搭。價錢雖不吸引，就當有個地方可以坐下傾下😊是日餐湯係薯仔大蒜湯，薯仔碎成蓉，滲著蒜嘅味道，唔濃唔淡。我叫咗帶子意大利飯配藏紅花忌廉汁（$118）飯底有微黃色，加入咗半溶芝士，味道更為咸香。意大利飯沒有硬硬的口感，反而腍得嚟又唔會煮到糊狀～帶子切粒，食落爽口，吸晒忌廉汁嘅味👍🏻朋友叫咗牛肝菌蘑菇意大利粉（$88）牛肝菌同蘑菇堆滿係意大利粉上面睇落好入味咁～香草同黑椒唔多，唔會蓋過本身嘅味道。我試咗一啖覺得牛肝菌嘅味道唔新鮮，意粉亦一般😌整體而言，沒有太大驚喜，價錢亦都算貴。環境適合傾計，不過午市都傾唔長。

是晚與英國大學同學一聚並慶祝生日，特地預留了一個自成一角的位置，很chill。Poached Pork Knuckle 炆德國咸豬手 $188選擇了炆的煮法，咸豬手肉質軟稔，份量夠，只是動手切的時候有點不方便～配菜是紅蘿蔔﹑薯仔及西芹。味道像極媽媽煲的青紅蘿蔔豬手湯呢！Mussels with Spicy Chorizo Sauce 香辣肉腸煮青口 $168青口大大粒，沒有胜味，與肉腸的辣味卻是配搭得宜。LobsterPizza 龍蝦薄餅 $148新穎的組合 - 龍蝦 x 薄餅其實是每件薄餅上放有一大舊龍蝦肉，數粒小蕃茄之外，沒有其他配菜調味，如果加上熔化芝士的話應該會更吸引。Tiramisu ＆ 朱古力心太軟甜品合格，份量不算太大。服務員一開始已問好在碟上要寫上「生日快樂」特別字句，既細心又有禮貌。Crab Meat Angel Hair with Lobster Sauce 龍蝦汁蟹肉天使麵 $148

午餐有大蒜薯仔湯，仲有一少塊蒜蓉包。 帶子意大利飯配藏紅花忌廉汁 $118比想像中嘅saffron risotto 淺色，心目中應該係黃色嘅。忌廉汁味道剛好，如果再收乾少少汁再濃稠點會更好。啖啖都有細細粒滑嫩帶子。今日嘅Daily Special 係蒜片白酒汁蜆肉扁意粉。蜆肉都幾多，隻隻殼都有肉，蜆肉脹卜卜都新鮮。扁意粉吸收左白酒蜆肉汁好鮮味。落左蒜片令味道好豐富。炒什菌 $18有幾款Side dish 只須十幾蚊好抵呀，份量都唔少架。餐飲要了凍檸茶，糖槳自己加。甜品係Tiramisu 只須加$15 好可惜太飽食唔落啦~見到隔離枱食晒應該幾好食。埋單時有surprise，lunch 不用加一呀！

參與朋友飯局來到ＢＡＲＧ。入門後看到餐廳的長方形格局，門口位置區間出左右兩翼。格局佈置充滿空間感，餐枱擺放沿牆，枱與枱之間有足夠距離，配合柔和燈光，感覺舒服。羽衣甘藍牛油果沙律 $98不是一般的用羅馬生菜，紫生菜，火箭菜，珊瑚菜等做沙律，而是用上羽衣甘藍這種香港不常見的沙律菜種類。羽衣甘藍這個名字十分優雅，而且聽聞營養高又防癌。羽衣甘藍甘甜爽口，牛油果入口軟綿軟滑，新鮮健康配搭。帕爾馬火腿薄餅 $138上枱已經被薄餅香味及賣相吸引了。餅底鬆脆，餅邊微微燻脆，芝士份量多幼滑帶有焦香，帕爾瑪火腿大塊而且很多，切開每件都有一大塊，肉質油潤柔韌且充滿鹹香肉香，加上舖面的香草菜，味道口感都十分豐富，富有層次感。法式蟹肉虎蝦多士 $138單看賣相己已經十分吸引，誇張點可說是霸氣外露。蝦開邊後舖滿了蟹肉，經火槍輕燒後，更加香口。蝦肉彈牙結實，蟹肉軟淋鮮甜，多士香脆鬆軟，出色的組合！燒春雞 $218吃西餐往往不喜歡吃雞肉，因為怕雞肉煮得太乾太鞋，但朋友想吃燒春雞，就順他意吧！想不到有驚喜，燒春雞做到皮脆油香，肉質ＪＵＩＣＹ嫩滑。雖則某些部位無可避免有少許乾，但皮下雞油帶出油潤作用，令肉不鞋口。

難得假期約埋男朋友仔過咗嚟銅鑼灣耀華街撐枱腳， 由於時間仲早上到嚟餐廳都仲未算多人， 呢度係一間意大利餐廳環境優美座位舒適， 拍拖傾偈都幾好坐你呀天氣咁熱梗係點番杯啤酒飲下啦hoegaarden新出呢一個柚子味啤酒都不錯時間關係 已經預備定熱辣辣嘅麵包同埋焗蒜頭係畀你搽喺麵包度食㗎，再加埋香草牛油 ，的確惹味。餐廳推介嘅海鮮湯， 青口 ，大蜆，魷魚， 每樣有啲 好足料喔。呢個牛油果沙律都幾 豐富， 牛油果士多啤梨雜菜 仲有啲果仁同洋蔥， 好特別嘅一款沙律， 加咗酸醋 味道有點帶酸，好開胃慢煮燒春雞， 由於時間關係都等咗幾個字， 燒春雞啲肉 好腍好juicy肉汁完全鎖曬喺裏面， 呢啲就係慢煮 同就咁焗嘅燒春雞既分別… 連雞胸口感都唔會覺得鞋， 隻雞好入味，推介!

同同事出去銅鑼灣行街 行到有啲攰 過咗耀華街呢間 b a r g 意大利西餐廳 食個晚飯第一次上嚟環境很不錯 又grand 又浪漫，可惜今日係同同事下次應該同男朋友仔上嚟。坐低未決定食乜嘢嘅時候， 已經為你準備定餐包同埋焗蒜頭， 個焗蒜頭焗都曬搽落個包度腍，再加埋 香草牛油， 成個包 蒜香味 極重，好好味呀， 加上行到有啲肚餓 ，忍唔住食咗兩個。佢哋呢一隻澳洲嘅house red， 比較rich 同埋juicy 幾適合女仔飲食住餐包飲住紅酒， 都係一個很不錯嘅配搭首先就係 海鮮 湯， 有大蜆青口同埋魷魚， 個湯都幾濃， 加埋海鮮配料成個湯，提鮮不少。鮮牛肉他他睇見佢血淋淋個樣 就覺得鮮味十足喇😂😂將蛋同埋鮮牛肉 再有其他上面嘅配料撈埋一齊， 加兩塊火箭菜放喺法包上面食， 又鮮又fresh， 作為一個冷盤前菜 ，真係啱曬依家嘅天氣， 食完個人好舒服。我自己就點咗一個大蜆香草意大利粉， 呢個大蜆真係好大隻呀， 有成個手板咁大隻， 仲有成六隻咁多， 口感夠曬滿足

因著需要轉換工作環境, 近月都較想選擇西餐作為飯局的聚腳點, 這次選擇的這家西餐是朋友介紹的一家樓上西餐廳. 門外貼著的分別是Lunch, Dinner set menu, 價格算是合理, 但晚餐我們則不打算點set dinner. 環境及服務實在要給個讚. 佈置燈光及格局舒適, 於通道上的椅子與椅子背牆的位置同樣舒適. 枱面整潔乾淨. 店員的服務與許多的fine dinner西餐不遑多讓, 主動性高而有禮貌. 吃過送上的香草蒜蓉包後, 送上的頭盤牛肉他他, 這不是我喜愛的菜色, 但朋友想點也只好點一份大家分享. 我不喜愛牛肉他他的原因是很多地方的他他醬做出來腥味重而鮮味不足. 這裡的牛肉他他則鮮味充足, 胡椒, 洋蔥粒, 醬汁有效做到去腥提鮮的功效. 薄餅是我最喜愛的薄脆批底而非港式的厚批加芝士或香腸. 材料其實不需複雜, 只是簡單的芝士, 蕃茄醬, 火腿以及火箭菜. 雖然材料簡單但每樣材料的配合度高, 吃起來既不膩口又好味. 法國春雞的呎吋較小, 烤的火候著實不錯, 雖然只分到雞胸肉的部份, 但肉質亦嫩, 有點意想不到. 美中不足是調味略淡了一些. 烤乳豬相比烤雞要出色許多. 豬肉

每到六月就是我既生日月, 當然要搵D又靚又好食既餐廳食生日飯啦~~~呢度既環境, 裝修同格局都好符合我要求, 每張凳背上都有不同既圖案, 感覺好特別又靚!! 燈光帶昏暗, 感覺幾浪漫又有調情!! 好喜歡呢度呀!! Charlotte Street Chardonnay (Gls)            HK$65生日緊係要飲返少少酒去慶祝啦~~ 呢隻白酒係黎自澳洲的, 味道清新, 入口甜甜地, 絕對好啱女仔飲~~Beef Tartar 牛肉他他配鵪鶉蛋           HK$108他他牛因為是用生牛造成的, 所以食材一定要用上等既牛肉, 再用人手將牛肉不斷不斷甘剁切後, 令到牛肉既纖維完完全全甘切斷, 再加隻鵪鶉蛋同食, 食落真係超級嫩滑同有濃郁既牛肉味~~Mussels 香辣肉腸煮青口                  HK$168青口好大隻, 食落都好鮮甜, 而辣肉腸不會太辣, 食落幾惹味, 不錯不錯~~Prawn Toasts 法式蟹肉虎蝦多士           HK$138呢隻法式蟹肉虎蝦多士真係必食之選, 蝦上面舖滿了蟹肉, 再用火槍微微燒一燒, 令整件蝦多士食落更加香

My colleague and I went to an Italian restaurant called ''Barg'' located in 1/F, Bartlock Centre, 3 Yiu Wa Street, Causeway Bay to have lunchoen(銅鑼灣耀華街3號百樂中心1樓).The decor of this restaurant is like a typical steak house. Yellow and chestnut tufted leather sofas are pairing with juniper green wooden blinds.There is also a bar which provides liquors and spirits.Lunch sets range from HKD$88 to HKD$158.Iberico and porcini risotto (西班牙黑毛豬牛肝菌意大利飯) HKD$128Even though I had tried iberico and iberico bel

5月份的最後一日,在銅鑼灣工作的好友約局來一頓精緻西餐晚宴,當作一個完美的收結;在其安排之下,約了另一好友,三人飯局就成行了;而這次晚宴的地點是在時代廣場附近的耀華街中間的百樂中心;大家都約定七時半左右在銅鑼灣地鐵站A出口出現,皆準時到達後就一起步至餐廳所在的大廈;樓下入口處有很多廣告版,而Barg這餐廳所佔的版位頗多且醒目,的確容易佔據食客的眼球位置;搭電梯出一樓後,木色牆面上用射燈照射著的銀色金屬做成的店名,給人的感覺是簡約中又有點雅緻!進內坐下後,整個環境給人的感覺也是相當舒服;樓底夠高,燈光柔和,餐桌椅的鋪排也很闊落;加上現場播著輕柔的音樂,令人倍添安逸!餐廳附送的香草牛油多士焗得很脆口,三人一邊細嚐著一邊研究餐牌;餐牌上有著中度份量的選擇,咨詢了侍應生與經理的意見後,各人都選好了自己的心頭好食物就跟著落單;餐廳經理更特意推介最好配上House wine,照其意思大家都點了紅酒;大家在閒聊了一會後,紅酒與第一道牛肉他他率先登場;牛肉他他口感相當軟滑,有香草及胡椒的祛腥提味,吃起來那肉臊味都給消去了,回味有著甜味與辣味,相當可口;配菜的香味令人聯想到西域風味,襯托著牛肉他他,兩者

搭叮叮由中環去到較熟悉的銅鑼灣，為免要等位，想在打工仔還未放飯的時候先吃lunch。找上了百樂中心的一間西餐廳。*紅湯有大量的雜菜粒，酸酸的很開胃。*是日精選-海膽意大利飯($118)今日的廚師精選是海膽意大利飯。雖然見不到海膽的身影，但海膽味很濃；意大利飯粒粒都很煙un；除了海膽，還加入了蘑菇作配料。*美國安格斯穀飼肉眼扒($158)五成熟的肉眼，沒有太多血水流出；肉味濃，肉質亦淋。*Tiramisu ($15)想不到$15有大大件的tiramisu，點了一件大家開心share；Tiramisu 很幼滑，味道不太甜，中間的手指餅亦吸了很多咖啡酒的味道！

放工後輕鬆一下，相約朋友一起晚餐。我們來到餐廳時，店員有禮地帶領我們到座位，及後殷勤地送上清水和餐包。餐包以小籃子盛載，有4款不同的麵包，有芝麻包，麥包，蒜蓉包等等。麵包較為硬身，抹上特別的香草牛油，軟滑中帶著鹹香，別有一番風味。另外有如蓮花芯形狀的焗蒜頭，但因為本人不愛蒜頭的味道，所以沒有吃。朋友則樂於嘗試，覺得蒜頭甜味增加了，挺爽口的。看見羽衣甘藍這特別的名字，就點了這個羽衣甘藍牛油果沙律。深綠色的羽衣甘藍，皺褶的外形像一把把小扇。上網搜尋，羽衣甘藍是很健康的蔬菜，纖維素高和營養價值高，含有豐富的維生素A、B、C，鉀質等，有助美顏排毒。菜的口感較硬身，味道甘甜。沙律醋的味道，就像是橙加西柚的清新味道，不會過酸，與菜配搭很好。沙律中還有草莓，洋蔥，牛油果，粟米粒等，都是新鮮味美。餐湯叫了意大利海鮮湯。    海鮮份量多，有青口，魷魚圈，蜆和蝦。另外，蕃茄湯中有一片片小巧的車厘茄。喝一口湯，海鮮味突出，特別喜歡魷魚圈的彈牙，青口的嫩滑。本人喜歡吃蕃茄，覺得如果加入多些蕃茄蓉，令湯變得濃稠就更好了。主菜是烤乳豬配蘋果醬   218乳豬表皮灑上香草，烤出深啡色。用刀一切，發出卟卟聲，感覺像

這晚在銅鑼灣遲了收工，同朋友去左百樂中心試新野。 Barg店內環 境優美，很有氣氛，是一個約會好地方。 先來一籃麵包，麵包一籃有4個，有不同口味的，還配上牛油。麵包熱辣辣，又夠鬆軟。 🍃羽衣甘藍牛油果沙律🍀（$98） 之後再來一碟羽衣甘藍牛油果沙律，其實聽羽衣甘藍這個名字已經很害怕，因為之前在另一餐廳喝過果汁，充滿青草味一且苦澀。但今次吃的顯然沒有了，青草嫩綠，清香爽脆，配上牛油果和士多啤梨味道很清新！ 🍝肉醬焗薯皮（$88） 朋友超喜歡吃薯仔，薯皮香脆可口，伴上肉醬在上面非常match! 🦀法式蟹肉虎蝦🍤多士🍞（$78） 大大隻的虎蝦肉質新鮮，蝦肉爽口彈牙，加上鮮味和已拆肉的蟹肉伴在多士上，香脆又美味。 🍲意大利海鮮湯😋（$88） 海鮮湯內有多種海鮮，蝦、青口、魷魚、蜆等等，湯頭清甜美味。 🍄野菌蘑菇湯（$68） 蘑菇湯充滿野菌香味，濃稠美味，真材實料！ 🍲龍蝦湯海鮮意大利飯🍚（$178） 意大利飯用了龍蝦湯煮成，入口較為creamy, 香濃美味。配合多種海鮮如蝦、青口、魷魚、蜆非常滿足。 🍰🍫Tiramisu☕️ ($68) 🍮Tof

聽朋友介紹依間餐廳好有氣氛, 環境唔錯, 所以今晚就同男朋友黎食dinner首先飲個野菌蘑菇湯（$68）好香蘑菇味, 飲完好飽肚, 哈哈意大利海鮮湯（$88）好足料,其實唔係湯,係迷你海鮮拼盤羽衣甘藍牛油果沙律（$98）好少餐廳會用羽衣甘藍做沙律, 通常普通生菜就算, 咁樣配搭其實唔錯, 唔會好青澀又夠特別法式蟹肉虎蝦多士（$78）我無expect成隻蝦上, 賣相嬴哂,多士索哂上面蝦蟹味, 又脆卜卜, 真係想食多幾件肉醬焗薯皮（$88）我好鍾意食焗薯皮, 薯皮焗到脆,撈埋薯肉同肉醬食真係食唔停口,好快食哂成碟龍蝦湯海鮮意大利飯（$178）意大利飯質感岩岩好 煙煙韌韌, 再加埋海鮮既鮮味, 我地不停勺黎食食完正餐一定要食返個甜品, Tofu Panna Cootta ($58) 味道淡淡的, 適合作成餐既總結; Tiramisu ($68)唔洗多講 睇到個樣都知好食!題外話, 依間餐廳除左食物very good之外, 裝修都好比心機, 估唔到連廁所都會裝喇叭同冷氣機, 我覺得好有誠意,滿分!!

友人極力推介Barg，大讚它的麵包配焗蒜頭，聽得口水直流，刻不容緩拜會一下。璄境不錯。設有吧枱。每張椅背後都有不同圖案，添點玩味。不過，原來午市供應午餐，沒有焗蒜頭⋯⋯是日餐湯意大利菜湯配蒜蓉包。第一口嚇了一嚇，幾辣。湯很稀，清清的，內有不少蔬菜粒，鹹度剛好。頭幾口覺得幾辣，刺激慢慢退去。多士暖但不脆，蒜味香，牛油味更重。香煎鱸魚配蕃茄沙沙份量不大，但質素不錯。鱸魚煎至皮微脆，乾乾的，稍帶調味，肉則濕潤，魚味清又鮮，沒有雪藏味。蕃茄粒入口即溶，化成清新的蕃茄汁，跟魚很夾。蘆荀爽，帶草青香，但稍油。薯仔焗得乾身，薄薄的薯皮輕咬即破，中間不太乾，薯仔味出。炒露荀＄30的side dish，跟上一道伴碟的露荀不同，加了蒜蓉去炒，更加香口，但同樣偏油。西班牙黑毛豬牛肝菌意大利飯甫上枱便聞到香噴噴，芝士香濃無比。原來黑毛豬是風乾火腿，切成薄薄的幼條，吃起來似金華火腿，散發誘人的鹹香。用上新鮮牛肝菌，滑溜溜的，菌香清新，而且不會令意大利飯的顏色太深。厚稠、濃滑之中，有牛肝菌的清新和黑毛豬的鹹鮮，驚喜十足。可惜，飯煮得太腍，口感欠奉。豆腐奶凍這是午市唯一供應的a la carte。豆腐很香，帶適量的