반찬앤쿡 Banchan and Cook (時代廣場) (已結業)

係銅鑼灣行完街街要揾嘢食，就嚟到呢間banchan & cook😂之前已經食過太古分店，好掛住佢哋嘅蛋包飯！晚市真係唔少人等位，好在早咗嚟好快就入座~作為新派韓國餐廳，裝修以文青森林風裝修，坐得舒服~✨泡菜燉五花肉蛋包飯上檯時店員會比你先拍照📸，之後店員就會切開蛋包上層，就會見到非常嫩滑嘅蛋😆而厚厚嘅泡菜包住五花肉，五花肉肥而不膩，一啖滑蛋包飯再一啖五花肉真係好令人滿足~✨芝士炸雞呢間餐廳嘅炸雞都分有骨同冇骨，咁懶嘅我當然係揀冇骨啦~因為蛋包飯已經好飽肚，所以要咗半份芝士炸雞，炸雞香脆，單食都好可味，而芝士醬係另上，可因應自己需要添加✨部隊鍋韓國菜又點少得部隊鍋😆上面有半溶芝士、 午餐肉、茄汁豆、腸仔等，但唔食得辣嘅要考慮下，因為後勁幾強✨巴斯克芝士蛋糕呢個芝士蛋糕清清淡淡， 芝士味香濃，但完全唔甜😜反而旁邊裝飾嘅士多啤利就有啲酸😆

呢日收工約左同朋友食飯 就約左喺cwb等 因為夠集中又多野食嘛🙈之後就俾我上網搵到呢間韓國野 見賣相都幾好 就一於去試下😏好彩我哋早咗少少去 因為我哋入咗去冇幾耐就已經排晒隊🙈雖然好多人 但係餐廳嘅環境同埋座位擺設都幾舒服👍🏻我首先再叫咗個呢到signature嘅蛋包飯•泡菜五花腩蛋包飯🥚🍛•-個蛋包飯上枱店員先幫你切開 望住佢慢慢咁散開包住啲飯 感覺好療癒🥰而且蛋漿嘅比例的配搭啱啱好 好水潤！再配埋個泡菜五花腩 肉汁同蛋漿嘅配搭好夾！👍🏻韓國嘢又點少得炸雞啊！•甜辣炸雞🍗•-炸雞配埋酸酸甜甜嘅醬汁 可以中和返煎炸嘅油膩感！但外皮仲可以維持到脆卜卜嘅口感 咬落去外脆內軟 肉質仲好Juice ！•燒醬油黑毛豬白切肉配大醬生菜🐽•-呢個五花腩整得好入味 而且脂肪同埋肉嘅比例好平均 唔會太肥或者太瘦🙈直情可以撈埋個飯一齊食🤤我哋仲叫埋兩杯餐廳特別推介嘅飲品！•士多啤梨紅桑子梳打🍹•-Wow...呢個咁fancy嘅外觀專偷女人心啦！😏紅桑子嘅清新配埋梳打嘅清爽 加上唔太甜 飲完即刻gur曬！🙈•玫瑰紅桑子沙冰🥤•-一飲玫瑰嘅香味隨着飲管滿佈口腔 加埋牛奶嘅滑溜口感同沙冰嘅冰涼感覺 香得來仲好清

食慣傳統韓國菜⋯今次試下啲新潮菜式😋😋可能我地中午去，入面唔係好多人⋯無花果梳打一聽個名就知有無花果同梳打，原來都幾夾甜辣無骨雞（半份）香脆，又甜又辣，正😄又配有煙韌年糕，脆口薯條🍟鰻魚蛋包飯一上枱就覺得好香⋯但唔好嘅就係佢問都唔問我地，一上枱就幫我地戒開左個蛋🤦🏻‍♀️鰻魚配上蛋包飯真係super match😋重點嚟啦之前一見到呢個燒棉花糖就好想去食烤朱古力棉花糖 整成一朵花咁，鋪滿朱古力碎同醬，睇吓在鋪有威化餅碎，另外再分開上幾個⋯可能有人會覺得會好甜，但連埋啲餅碎一齊食又另一番風味😋遲啲會再去食🤪🤪

BanChan就好似一間fusion嘅韓國菜，佢最出名係有唔同嘅蛋包飯，不過今次嚟到，主要都係叫咗有骨炸雞，有骨炸雞比無骨炸雞炸得比較長時間，因為佢係比較大舊😋😋-雞肉十分Juicy，而且上面仲有炸左嘅年糕，好特別嘅配搭，可以增加你嘅飽肚感😋😋今次揀咗蜜糖味同埋甜辣嘅炸雞🍗，好鍾意佢嘅蜜糖味，因為10分清甜，而且沒有炸雞都包裹住啲蜜糖😍諗返起都好想再食啊🥺🥺下次再嚟一定要試埋其他味道嘅炸雞🤩

上次係東涌食過一次呢間蛋包飯就中意左 知道佢地都有分店 難得出開銅鑼灣又諗唔到食咩 又咁耐冇食 就去食下啦 餐廳係時代廣場 我地大約夜晚七點半去到餐廳門口 已經企滿晒人係度攞飛等位 估唔到平日都會咁多人 不過餐廳望落都幾大 等左三十分鐘就可以入座 望望餐牌 好似多左啲唔同既野食 唔係淨係得蛋包飯 仲有好多韓國必食既野 有炸雞 冷麵 年糕同煎餅 仲有好多好令既野飲 真係有好多選擇 我同朋友一人叫左一個蛋包飯再加兩杯野飲 我地揀左一個係烤牛肉蛋包飯 一個係烤牛肋骨蛋包飯 一上到枱 店員就會問要唔要切開個蛋 一切啲蛋汁漏晒出黎 佢地既飯仲要唔係就咁白飯 係蕃茄炒飯底黎 仲有啲配料係入面 絕對唔會馬虎 烤牛肉份量都好多下 食落好淋身好夠味 啲牛肉汁好濃味 另外烤牛肋骨條條都好大條 食落啖啖肉 好淋好好味 一人食一個蛋包飯岩岩好夠晒飽飲品揀左一杯荔枝梳打同埋提子梳打 賣相好令 味道正常 冇咁特別 幾好飲 唔太甜整體黎講 餐廳幾大 幾舒服 食物幾高質 再加埋咁令既飲品岩晒打卡 價錢合理 值得一試

素有聽聞佢哋嘅韓國嘢食好出名，今日見出開銅鑼灣，就同男朋友上嚟試一試。泡菜燉五花肉蛋包飯 $125五花肉有兩大舊，真係好大舊，誠意十足，泡菜唔會太鹹，蛋包飯一切開入面係流動性嘅蛋，望去已經好吸引，食落去都唔唔錯，雖然五花肉好多，但係我希望可以細舊啲，因為好難咬🤣🤣🤣韓式豬手沙律 $112有好多豬手呀，我係一個豬手狂熱者，見到呢一個真係忍唔住叫，豬手整得好好，充滿骨膠原！火山韓式炸雞（無骨半份）$128雖然話得半份，但係已經份量好震撼，絕對足夠兩人食！😛食落去炸雞外脆內軟，裏面肉質非常之滑，呢一個我都好推薦！！玫瑰紅桑子沙冰（少冰）（少甜）$42伯爵茶咖啡（少冰）（少甜）$48另外叫咗兩杯嘢飲都冇乜特別，不過可以打下卡😝巴斯克芝士蛋糕 $45呢一個巴斯克芝士蛋糕形狀會比出面嘅唔同，係長方形嘅😯📍 반찬앤쿡 Banchan and Cook (時代廣場) (銅鑼灣)銅鑼灣勿地臣街1號時代廣場9樓922-923號舖

Didn’t expect a 20 minutes wait during monday lunch time. I was told by the staff that there’ll a 20-25 minutes wait for all omurice order so I avoided the signature dish and ordered the korean beef sando which was not available. I ended up ordering the Korean army stew ramen and carbonara which I’ve waited for over 20 minutes… probably should have ordered the omurice in the first place.The Korean army stew ramen has a spicy and tangy flavor with loads of goodies (some people may treat them as

裝修風格簡潔休閒，走新派韓國菜路線，除咗大路嘅炸雞之外，仲有人氣蛋包飯 等上菜前，先吃醃青瓜蘿蔔，新鮮爽口好食慢煮雞胸蛋包飯($105)要趁熱用刀把蛋從中間切開，蛋才能保持半熟幼滑，蛋香味濃， 底下是帶微甜的牛肉飯，用蛋包著吃，一流！ 配角慢煮雞胸也不惹少， 肉質Q彈香軟， 絕對不能和一般嚡歰歰的雞胸相提並論， 水準之作！韓國美食代表，原味炸雞($108/半份)， 配芝士醬和蜂蜜牛油醬， 口感都算香脆燒醬油黑毛豬白切肉配大醬生菜 ($162)，黑毛豬唔算太肥 ，帶油香又唔會太油膩 ，用生菜包著吃，增加爽脆感，驚喜位是還配有桑葉，用桑葉包黑毛豬是另一個層次，增加一層更獨特的香味， 喜歡甜品烤朱古力棉花糖($78)，甜絲絲的感覺很療癒，焗的時間掌握得很好， 焗得外層香脆內裏是半溶的狀態，不過烤棉花糖一定跟甜分不開，嗜甜的朋友一定很喜歡 至於飲品，極力推介夏之白桃奶酪($48)和濟州綠茶鮮奶($42)，前者香桃味十足，唔太酸，唔太甜，味道剛好，後者重清新的綠茶味

️近期真係有口福，尋晚跟朋友去咗一間人氣爆燈嘅新派韓國菜餐廳度開飯，因工作關係遲咗少少嚟, 見到門口都有好多Walk-in嘅客人，好彩朋友有Book枱！🥰🥰🥰時間嘅關係, 朋友已經點咗燒醬油黑毛豬白切肉配大醬生菜、泡菜燉五花肉蛋包飯、韓式無骨炸雞半份、而甜品方面就有烤朱古力棉花糖，還有玫瑰紅桑子沙冰同伯爵茶鮮奶咖啡特飲！聽到都正呀！個生菜包黑毛豬望落好似有啲肥膩，不過加埋啲配料同醬料食落又一啲肥膩感都冇，食落辣辣地，仲幾惹味！而個泡菜燉五花肉蛋包飯個精粹就係個蛋，切開果下都幾澎湃，見到個蛋動L動L咁，感覺非常之滑！呢度嘅炸雞係我唯一覺得唔邪惡的，啲雞上面冇一層厚厚嘅炸粉或者雞皮，亦一啲都唔油膩的，食落啖啖肉又嫩口，除咗有炸薯條係底之外，面頭仲有幾舊氣炸年糕！煙煙韌韌超正呀！不過個棉花糖甜品就有少少漏的！呢度啲特飲無論賣相同味道都好正必點！留意番啲食物嘅份量都頗為大份的，唔好眼闊肚窄呀！食唔晒就打包走啦！千祈唔好做大嘥鬼呀！ 😝😝😝

🌟黎排韓風襲港，連m記都要出bts聯乘套餐，搞到我都想食韓式炸雞🧐所以放工搵左間附近既韓國鋪試一試🥰——————🐽 泡菜燉五花肉蛋包飯 $105泡菜包住五花肉黎燉，令泡菜既辣完全入曬味落五花肉裏面，蛋包飯亦相當有驚喜，一切開啲蛋汁流曬出黎🥰🐽 韓式豬手沙律 $92沙律菜十分新鮮，豬手啖啖肉，夾埋一齊食好新鮮😙🐽 韓式醬油炸雞（半份）$108炸雞外脆內軟，每件鋪上濃濃既醬油，配埋年糕一齊食已經夠出色，個底中有岩岩炸好既薯條，好滿足😆🐽 巴洛克芝士蛋糕 $78伴碟好多生果同忌廉，芝士蛋糕好濃濃既芝士味，作為結尾一流🥴

韓風餐廳，充滿戀戀感覺，以sweet到爆的粉紅X 甜甜士多啤梨色為主題，文青+少女心，但是環境和美食已經打卡一流，BANCHAN & COOK把韓式美食帶到眼前! 慢煮雞胸蛋包飯 $105BANCHAN & COOK以蛋包飯為主打，新出的慢煮雞胸蛋包飯，看到Q彈的滑蛋包著粒粒米飯，很想一口咬下，配上香草嫩雞肉，簡單滑溜。韓式豬手沙律 $92一片片的厚切豬手，豬皮彈牙，肥瘦勻稱，一點都不覺油膩。韓式炸雞(無骨半份) $108韓食一定少不了炸雞，外脆內香滑的雞肉，再配搭香口薯條和煙韌炸年糕，豐富惹味的口感。烤朱古力綿花糖 $78抗拒不了烤綿花糖的誘惑，薄脆的面層，軟綿綿拉絲的內心，淋上朱古力漿的綿花糖，甜到漏但停不了口，太邪惡了吧! 士多啤梨紅桑子梳打 $42士多啤梨鮮奶咖啡 $48Sweet到爆的士多啤梨限定特飲，士多啤梨紅桑子梳打，清甜消暑，最適合熱辣辣的夏天；士多啤梨鮮奶咖啡，香濃的咖啡滲透士多啤梨的香甜，臭覺與舌尖同步享受。

星期日有節目，友人約會銅鑼灣時代廣場BanChan & Cook 韓國餐廳品嚐午餐 餐廳走清新文青路線，木傢俬，座得舒適，除了韓式及西式的菜餚，仍有各式飯類、意粉、年糕、甜品、飲料 等等。 其中招牌菜蛋包飯最受歡迎。慢煮雞胸蛋包飯 店員表演時間，飯放到你面前，用刀瞄準中間位置 …. 切到尾.. 慢慢切開個奄列蛋，半生熟 嫩滑雞蛋流出嚟，撈飯一流，食慾大增😋，濃郁蛋香，配軟綿綿珍珠米，滋味松露野菌蛋包飯 菇片 、creamy 汁飯：跟健康清新蔬菜豬手沙律咸咸哋，厚切 非常入味，咬咬皮 原來好好味爽！生菜、車厘茄、灑上芝麻蜜糖炸雞嫩嫩多汁、啖啖肉，無骨，甜甜蜜蜜，脆皮，跟兩款醬，仲有薯條喎… 香脆甜品： 我愛吃 芝士蛋糕 ，軟滑 cream士多啤梨🍓+ 花瓣，賣相漂亮熱咖啡，拉花靚靚

兩年都冇得去旅行，真係好掛住韓國，唯有食下韓國嘅餐廳帶治療我哋嘅心靈啦！咁啱有朋友生日，有周圍問吓朋友，睇吓有冇邊間韓國餐廳極力推薦，咁啱有朋友介紹我哋去呢個餐廳食飯，話環境同食物質素都不錯，所以我就預約咗今日同兩個朋友一齊去食生日飯！我哋去到嘅時候，門口有條好長嘅人龍，好彩我哋book咗位咋！我哋一坐低當然唔少得嗌嘅就係炸雞啦、仲有辣年糕、芝士炸豬扒、牛肉蛋包飯，炸雞我哋揀咗蜜糖味同埋蒜頭味，味道都不錯嘅，但係蜜糖味炸雞如果唔太甜就會再好味啲，蛋包飯真係好好味，最後我哋都嗌左啲特飲，白桃乳酪個杯好好飲，雖然冇得少甜，但其實飲落去係唔會覺得好甜，嗌咗士多啤梨紅桑子梳打，酸酸地都好fresh

今日去咗時代廣場食韓國菜🍴🇰🇷燒醬油黑毛豬白切肉配大醬生菜$162醬油幾入味，襯埋泡菜、辣椒仔、大蒜包生菜一齊口感豐富😃 旁邊仲有甜辣醬～另一碟菜式有年糕 順便可以蘸呢個醬食😝原味炸雞$108香噴噴之餘外脆內軟👍🏻慢煮雞胸蛋包飯$105蛋包飯在中間切開，蛋漿會緩緩流下，治癒型蛋包飯～雞胸份量頗多，有忌廉汁食起黎就無咁鞋巴斯克芝士蛋糕$45亮點係上面d cream，入口輕滑細膩，超柔軟，連一向唔食cream的我都食哂❤️盛夏白桃梳打 & 夏之白桃奶酪 賣相好靚，有真白桃裝飾點畷，加了cream好滑溜～飲落無假味

因為中午同朋友食得太豐富，想食嘢但又吾係食得太多，見到呢間個menu 有啲小食揀下，所以我同朋友就揀左呢間餐廳。同朋友叫左2杯特飲-盛夏白桃梳打（$42）-荔枝梳打（$42）飲品都幾清新，好fresh, 但個盛夏白桃梳打就加左cream , 個人就吾係咁喜歡了。之後，叫左個主食-韓式卡邦尼意粉🍝（$108）。侍應好主動咁過嚟問我哋需唔需要加啲芝士，見到佢啲芝士係用手批出黎，吾係平時見個啲芝士粉。味道都不錯，都好creamy另外，我地都叫左小食-海鮮煎蔥餅（$109）。煎得好香口，配埋個韓式豉油，好能帶出個海鮮鮮味。整體人均$150左右。都算係合理價錢範圍。