Balencia Bakery & Cafe (已結業)

等男朋友收工食飯⋯個時都9點啦～我叫左日式牛肉飯，男朋友叫炸雞飯（其實幾個月前都食個一模一樣款式）特別鍾意佢個洋蔥湯⋯雖然加$12有點貴。不過咁耐食一次算啦～不過男朋友碟炸雞有de酥⋯佢叫我試下⋯嘩！酥到吐出來⋯（因為我對酥味好敏感⋯少少都唔得）但佢話都接受到既～咁我由佢啦⋯點知佢食到第3舊佢終於頂唔順愈食愈酥⋯佢已經食唔落，咁我叫個侍應姐姐來～同佢解釋返，問佢可唔可以轉第二款⋯轉牛肉飯⋯（因為廚房差唔多收爐⋯）咁佢就收左我碟雞走左入廚房⋯最終成功換左～態度雖然一般⋯但佢肯換⋯所以同男朋友都食得開心⋯

好耐無行過上水，雖然上水一向多人，但今次呢間餐廳竟然出奇地少人。所以，諗都無諗就入左去。同一間餐廳，唔同分店，上水呢間明顯地，服務態度好過沙田個間好多陪，價錢合理、坐得舒服、D姐姐好有禮貌，唔錯唔錯。

去過佢O既旺角、沙田，同埋上水分店，覺得係水平一般O既餐廳你睇佢O既名、裝修、價錢，諗唔到食O既野味道只係不過不失 (間中會食到唔好味O既咖哩飯)特別要為上水呢間分店留個評語：服務員O既靈敏度奇低事實上等位係唔洗等咁耐，眼見餐廳並唔係人頭湧湧，甚至見到吉位，點解仲未叫位？(係，佢地唔知幾時開始玩叫號碼.... 偏偏門口又唔係成日有人，攞飛都要等)就係因為員工O既動作非常慢！慢慢行，慢慢捧餐，慢慢收檯，慢慢答你.... 咩都慢... 呢間夜間人手唔多夠，兩三個人睇全場，手腳又唔係快，令我地、隔離左右都項唔住 (有時都會見到有人黑佢地面，佢地就會快手d..... 我無打算表演黑面黎換好d O既服務，於是一直等，等落order，等上菜，等佢地應我.....)對！埋單唔洗點等，等找錢啦

我可以補充有關當天食物資素的資料。那天我點的是一個套餐，帶子焗飯，配有羅馬生菜沙律和一個焗通粉。整個餐，除了一小盅的焗通粉尚算可口外，其餘的都實在難吃！那棵珍貴的、後補的、唯一的一粒的帶子，完全沒有調味，試想一棵雪藏過的帶子，祇是兩邊稍為煎過便上桌，如用牛油煎會有牛油的鹹香味，即使祇下一些鹽，也會有些鹽味，但這棵帶子，真的是甚麼味道也沒有，味如嚼蠟，該是最好的形容詞了！未吃過那麼難吃的帶子！到了主菜，焗飯，廚師大概也是忘了調味，淡出鳥來！這樣貴的一個餐，我跟自己說，好歹也要多吃點，但實在太難吃了，唯有將半份飯，送回餐廳！你可想到我那天的氣餒，否則也不會上open rice！一句話：收這樣的價錢，這樣的食物質素和服務，也太不公平了！

人手不足落單舉極手都冇人落完又漏單等左45mins都冇野食埋單計多錢上錯野又唔認，仲要話我地已經食左以後唔會幫襯!!!!!!!!!!!!!!!!!!!!!!!!!!!!!

今晚我們去咗上水廣場嘅「Balencia Bakery & Cafe」食晚飯！我們叫咗海鮮沙律、特色拼盤、吉列魚伴薯條配他他醬同厚切美國安格斯西冷牛扒！海鮮沙律嘅蝦肉質好爽甜彈牙，煙三文魚嘅肉質好嫩滑，沙律菜非常新鮮，賣相相當色彩繽紛同吸引！特色拼盤：蕃茄肉丸嘅肉質唔係好新鮮，有啲霉嘅感覺！芝士焗青口嘅芝士超級多，所以感覺非常膩，青口都幾彈牙！吉列魚伴薯條配他他醬炸得好金黃香脆，肉質相當嫩滑彈牙！厚切美國安格斯西冷牛扒嘅面層煎得比較燶，所以入面嘅肉質好乾身同好「嚡」！

上星期的天氣好得不得了，每日都陽光普照🌞，藍天白雲☁。難得假日太陽伯伯沒躲懶，男友提議到元朗下白泥欣賞日落🌅，拍輯“鹹蛋黃” 系列。相約上水會合，在附近先吃個午飯，再出發。自從水貨客大批入侵上水後，兔小妹也很久沒踏足這地方了。想不到短短幾年之間，變化如此大，幾乎面目全非😧。曾經熟悉的店舖，樸實的小社區，濃濃的人情味，換來是陌生的藥房金舖，滿街全是操普通話的“自由行” 和爭執不斷上演的“新常態”😣。兔小妹走進熟悉又陌生的上水廣場，轉上二樓，幸好記憶中的Balencia還在，只是又是一大堆人群擠滿餐廳門口……. 位於商場中庭的Balencia，裝潢清雅簡約，開放式的設計具空間感。餐廳門前豎起兩張巨型餐牌，方便食客了解菜式之餘，亦收廣告之效👍。等了二十多分鐘，兔小妹被安排坐到餐廳的小角落。侍應生遞來餐牌，並貼心的送上溫水❤。長長的餐牌上，有不同款式的意粉﹑焗飯﹑漢堡包套餐和全日早餐，每款都令人心動 。三心兩意的兔小妹想了很久，最後決定點了個焗海鮮飯 ($72)，還追加了一份自家製麵包一份 ($+8)。很快，一盤香噴噴的麵包和餐湯送上。長木板上放著三款推介麵包，分別迷你牛角酥﹑法式牛油軟包

約左朋友係上水食tea，行過見到menu都幾吸引，就決定食呢間。星期日下午4點，唔算太多人，不過都要等一陣先有位。入到去見到台台都有個三層塔，就決定叫黎試下。二人下午茶set最底層： 公司三文治-烘左但個包好稔，一d都唔脆，入面d料係普通火腿、蛋，頹三文魚沙律-正常，都算新鮮中層：Scone-樣幾似，食落無味，咩都無得茶，無味雪糕-vanilla味，都好味，但唔知點解一開始就已經溶左另外個蛋糕仔朋友食左，唔知咩味最上層：生果-士多啤梨、藍莓，新鮮細marcarone- 甜，無杏仁味，無口感蛋糕- 無食到，樣幾靚另外我地叫左個蕃茄肉丸多士黎食，個法包多士烘到好脆，個包好食，不過個肉丸d肉一pat樣甘，咬落無質感，完全唔知食緊咩但個法包係好食。呢間餐廳係個電梯位底，所以唔係獨立，出面人行街會見到你食野。不過有d位就比較隱蔽既，唔會比人見到，但有一排就係有人會係你身邊行過，因為佢個圍欄好矮，主要用黎隔開d人，唔比街外人入餐廳。

今日下午我們去咗上水廣場嘅「Balencia Bakery & Cafe」飲下午茶！我們叫咗公司三文治、海鮮沙律同全日早餐！公司三文治嘅包質烘得唔算太金黃香脆，但材料都幾豐富，蕃茄同生菜亦幾新鮮！海鮮沙律嘅帶子肉質非常鮮甜嫩滑，蝦肉相當爽口彈牙，生菜亦好新鮮爽脆，味道亦好清甜！全日早餐嘅黑松露炒蛋炒得好嫩滑，味道亦好濃郁，而煙三文魚嘅煙燻味道都幾太香濃！

尋日我同朋友叫左兩杯野，一杯藍色多瑙河，一杯櫻花梳打…兩杯野個樣睇得下，但藍色多瑙河有好色素同濃縮果汁…有些西柚汗。而櫻花梳打就真係飲到櫻花味。本人覺得兩杯唔係個個受得。總結:我本人推薦櫻花梳打多d

叫左個二人餐，$2xx，我地叫左份牛排，蝦多士，湯咖喱飯，餐牌寫明加$12可以有飲品，點知order果下waiter先話呢樣唔包果樣唔包，樣樣都要單點唔可以加錢叫，即係局人比貴d姐～甘都要照叫啦無計。甘二人餐share d野食既，又唔比碟，要叫先比仲要比隻勁細既碟，碟上仲要有污跡👎🏻👎🏻👎🏻極差。講上菜，先上湯，後上湯咖喱飯，由於我地張檯係二人檯，仲窄過大快活既二人檯，一份咖喱加兩個湯再加兩杯水同兩隻碟已經無位擺，仲要同時再上埋份牛排，你覺得仲會有位擺？擺到既，不過我地食唔到野囉～個waiter仲要就甘用份牛排「推開」我地檯上已有既野，然後擺低就走！差差差！！！到食物嘞，牛排凍既，難食，洋蔥湯，鹹到不得了，咖喱無咖喱味，欖油蒜片鮮蝦多士，多士唔脆，唯一ok既係杯雲呢拿咖啡。埋單$275。我地食到9點半左右，d人已經趕住收工甘，姐姐又係度拖地，同大快活無分別，問姐姐攞形簽，佢拖左好長個「好～～～」字，好似唔想攞甘。總括：呢間野唔值，一個字：差！

裸麥提子合桃包 $13half $24whole 👍👍(5分滿分)購由a1面包舖 的包包今日簡左個難係健康既包做早餐😂買左半條 雖然睇落好大個 但切左一半吾太大 做早餐都飽既😤好怕買到d食完好似食風既包 慘過無食咕😂👉入面有提子 合桃 都幾多料👉煙煙enen 幾好咬口👉當你想買個難健康既包 都可以試下既------------------------------購由a1面包舖的新出pancake😁滿心歡喜以為會好好食點知😣 好似一舊膠咁😂勁！似！一！舊！膠！勁似舊式既中式既蒸包舖入面好似一舊膠既馬拉糕😂😂不過好大舊好頂肚 🙆👉得個樣 吾推薦大家買👉如果你堅持要食 勸你不要堂食 堂食二舊$68 外賣二舊$36😂

今日放學同屋企人去左上水廣場宜間Balencia餐廳食晚飯。叫左香辣欖油蒜味帶子意粉, 燒汁香蔥雞肉蛋包飯。主菜未上先會有幾舊餐包打頭陣, 但係就冇餐湯嘅 。更失望嘅係佢d餐好硬, 感覺完全唔新鮮, 失敗。主菜來了, 兩道主菜賣相都唔錯。但係份量就小左d。味道方面, 帶子個個就非常辣, 食落好開胃。帶子大粒又會唔煮得太老。蛋包飯就燒汁好香, d蛋煎得岩岩好, 唔會太生。岩岩好。唯一我最唔滿意嘅係, 兩道菜都有d凍。等左好耐先到, 侍應唔夠成間鋪都好忙。服務嚴重不足,不過野食嘅味道的確還可以。

這間位於上水廣場的西餐廳，惠顧了不少遍，一直對它印象相當不錯。是日中午再到訪，變成一般的感覺。接待員安排門口位置，但想坐較舒適的位置，拒絶了，等了約5分鐘。點了午市套餐，海鮮意粉，要了湯，不選沙律，餐飲要咖啡。先來了軟軟的，熱騰騰的餐包，好吃，牛油放在碟上，不是獨立包裝的。可能自己期望是cream soup，來了洋蔥湯，味道又不好，有點小失望。主菜來了，心想份量很少，一隻炸蝦，一片煙三文魚，另有茄汁蜆肉意粉，有一小碟雜菜。食物是好吃的，新鮮炸起的炸蝦炸粉香脆，蝦不大隻，，蜆肥美肉大，鮮甜，意粉份量真的很少。說到咖啡，本人不太懂品評，沒加糖，不會苦，只知比一般茶餐廳的好吋喝。原本期望有一個寧靜的環境，但左邊一對情侣，右邊一對女性好朋友，枱子距離空間太近，說話聲浪也沒有刻意調低遷就別人，有點吵耳。但這也不是餐廳的問題吧。加一後，埋單$8X。一邊埋單，一邊想著多吃一餐X仔雲南米線，但米線餐又會很飽，就此作罷，當作keep fit的一餐。

To be honest, I didn't even know I would dine here, so my expectation on its foods was extremely low (as surrounded by so many many people in such a small mall and 90% of them were carrying luggages, you know what I am talking about if you are a local).We espcially like the Grilled Hokkaido Scallop with Pumpkin Stewed Rice --- it was tasty and give us a feeling of "fresh and healthy". I myself love the breads for lunch set --- they are warm and soft. It was classic as they were served with a sma