Balencia Bakery & Cafe (已結業)

食過兩次，今次星期日三點鐘去，坐滿人，我同家人嗌左兩個餐，質素保持到，本身我個沙律唔知點解冇左粒芝士，叫咗個侍應，佢都補返一粒芝士俾我，btw因為之前食過，嗰隻芝士唔salty，淡香嘅上水好難搵到呢類型餐廳，最鍾意佢個餐配沙律，再加個牛角包，成件事健康左😊用埋着數app仲有半價，性價比超高…查看更多

職員態度十分之有問題，冇禮貌之餘仲要黑面。夜晚啲食物係主餐牌要加錢先有野飲，加$12要左橙汁同凍檸茶。檸茶係正常滿一個玻璃杯嘅，但杯橙汁真係嚇死人，得半杯都唔知有冇，O左咀，唔講以為係人地飲淨!! 問佢點解得半杯，個侍應即刻黑面加反白眼咁拎走杯野，後尾另一個貌似高級啲嘅拎返黎話呢個係正常份量😯 下，真係冇expect過加成$12得半杯橙汁，拎出黎俾人都寒酸啦!!! 嬲到叫佢退話唔要，真係後悔冇影低比大家睇。一係你寫明份量係幾多，唔係你俾一滴都得架啦🙄…查看更多

諗住係A-1門下的一間餐廳 會有質素保證。點知中伏中到應一應！見到餐牌有寫可以+16蚊加杯梳打特飲，個侍應竟然話冇得咁加，加的話要比正價，聽到咁當然唔加算數啦，就簡簡單單叫杯橙汁黎算啦，點知原來佢地餐廳的標準係得半杯，話所有都係咁。咁一氣之下我都取消埋橙汁的order。食食下又聽到隔離枱落單，點知聽到佢地有得加16蚊order特飲，聽到當然立即反映，店長表示係新手侍應店員唔識，我就得啖笑，果斷將呢間餐廳黑名單。…查看更多

呢間Balencia Bakery & Cafe係上水廣場入面,係火車站行過黎5分鐘一定到,如果我果日唔係趕住入古洞,我一定寧願行入D 去熟食中心食我都唔會黎。睇呢間野門面光鮮, 又坐落係新鴻基D 商場入面, 諗住無死啦,先講個湯, 冬蔭公湯, 飲完真係無陰公,個湯上高果層油同脂肪浮下浮下, 熱又唔熱, 油淋淋。好, 印尼炒飯到一筆第一匙飯就知奶野, 個飯只係得個「暖」, 我知西式餐廳無可能食到有鑊氣的炒鈑,但我最憎D飯熱都唔熱,我真係好想知究竟個飯整定左幾耐呢?78蚊一個午市, 唔係平, 但當我落單果刻, 你攞入去微波爐到叮, 我其實需唔需要比78蚊去食D 唔係即刻煮既飯呢?Btw, 餐廳分店開係屯門開係上水, 當然唔會志在香港人的感受,呢餐我食完一肚火,希望此食評作為警示, 唔好比佢外在而吸引到。真正美食唔會係到搵到。…查看更多

好少黎上水，因為貪方便，就去左上水廣場呢間食晚餐，諗住望落去都正正常常，又唔洗等位，點知伏到極點！印尼炒飯$78連加一$85.8，無飲品無湯剩係碟飯！一上枱成碟野望落已經好迷你迷你唔緊要，好食咪得，最慘又難食又小家細碟兩隻蝦無咩味但食落都爽口串燒無咩肉好似「損」緊支簽咁沙律無醬咩味都無最好食係塊蝦片，夠脆又有蝦片味！最精彩就係個飯，真係食到想講粗口炒飯入面本身無餸，而個飯完全唔知嘜野味再望下張相，炒飯！竟然可以炒到濕笠笠、一撻撻唔好以為係我撈左汁影，呢匙係我係飯中間筆出黎！！佢個炒飯係由內到外都咁爛飯！！！廚房真係好有問題，唔該公司管理層正視下，搵人放蛇落去試食下，唔好再浪費食物！…查看更多

服務態度度好有問題明明工作人員足夠，但前台無人、入去問工作人員要枱、結果直行直過唔理你。自行找位置坐後、連餐牌都要自己囉。叫服務生落單都要成1x分鐘先理你。問服務生嘢、仲要燶哂塊臉。大佬新年流流見到你哋塊年初五臉、真係無哂心情。嘅然無服務、無態度、埋單果陣就唔好收人加➕一啦！！…查看更多

之前啱啱開個時，去過。野食都幾精緻。幾好食。琴日再同媽咪去，極度極度失望兼難食。 除咗周圍都係強國人，同排大隊之外，餐廳非常擠迫，而且無服務 。等咗差唔多半個鐘啲嘢食都未嚟。原來漏咗單，嚟到之後啲嘢食，極度失望，牛角包係硬嘅，意大利飯好似一pat飯咁，媽媽嘅蛋包飯入面係乜都冇嘅白飯，只係兩嚿雞喺出邊。 仲要七十幾蚊一個set ，沙律完全唔掂又唔新鮮 。叫咗埋單嗰陣時，等咗好耐。卒之畀咗五百蚊等找錢，等咗十分鐘都未到。 催完又催。完全一冇服務，好似欠左佢哋咁！ 食完之後，一毫子貼士都冇畀，仲激到我個銀包都跌咗落地唔知，好彩返去執番！…查看更多

星期日，同女朋友去完教會。因為過咗時間，好肚餓，所以隨便搵左一間餐廳。平時行過見到, 只係買麵包，從來沒有食過正餐。今日太肚餓，直接入咗去女友叫咗個泰式雞肉黃姜飯、配冬陰公湯、凍檸茶。我叫了吉列豬扒奄列飯、配羅宋湯、熱咖啡。首先先講一講我的吉列豬扒，非常薄，而且有些部份是油渣麵團，雞蛋非常香滑不錯，但是最恐怖的是炒飯。他的飯，有一種非常難聞、醜的味道，我相信是因為他炒的時候沒有炒好，飯一團一團，放入口中有非常嘔心的味道。非常失望，應該是全是沒有用心炒好，口有一種濃烈的食油味。我一向不喜歡，在餐廳更換食物，但是沒有辦法之下，我唯有向店員反映食物。在她的鼓勵，我換了玩一碟，日式澮牛肉飯。我吃了一口，依然是非常失望。白飯沒有煮好，依然是一團一團。牛肉，竟然是使用火鍋配料的肥牛肉....我女朋友的泰式飯，黃姜飯及雞肉是不錯。但是最恐怖的是他的冬陰公湯，裏面的蝦子非常不新鮮，都是臭的，令到整碗冬陰公湯都變得不能到喝。每一碟$72，另外＋1服務費 ,所以埋單價錢大約165。唯一比較能夠讚賞，咖啡是不錯的。總括來說，這次的經驗非常令人失望，有相當大的改善空間。希望餐廳能夠盡早正視問題:(…查看更多

Balencia Cafe 是一間多國菜餐廳。有亞洲菜有泰國菜及印尼菜，而西方菜則有意大利菜、英式早餐、美國肉扒等等....今日我嘗試泰式香辣雞扒🇹🇭🐔。雞扒的汁用左平時泰式生蝦既醬料，味道咸酸配合得好好，入口唔會有酸到牙軟的感覺。配菜方面餐廳采用了法式ratatouille。我覺得令整道菜的層次提升了不少。😋😋😋😋😋😋😋可惜的是隨午餐附送的冬蔭公湯完全不合格。簡直是這頓飯的敗筆！…查看更多

工作中午餐，見到呢間商場餐廳，在中庭一個空間，所以樓底好高，西餐廳格局！花地板仿皮梳化椅子！顏色幾醒神！門口好多圖文並茂嘅餐牌！無店員在門口，企咗一陣先有人帶入座，餐牌午餐選擇多！落單之後食物陸續到！午餐：牛柳粒拌香草醬意粉（$70）擺盤好靚！牛柳粒3塊，唔會老！香草味唔夠！有啲牛肉膻味（我本身好喜歡食牛肉，不過呢幾塊真係幾膻）都可以接受！意粉太淋，幸好香草醬濃，味道唔錯！餐湯羅宋湯：夠熱夠濃，酸酸微辣開胃！跟餐沙律：好靚仔，蔬菜種類好多，不過有啲幾老，加黑醋橄欖油，清爽開胃！有一角軟芝士！芝士味唔會太勁！但又好味！迷你牛角包唔夠鬆！一般！餐飲熱檸茶：夠熱但太淡同事食：蜜糖烤煙鴨胸蘑菇意大利飯（$65）日式炸雞蛋包飯（$72）跟餐橙汁凍檸茶店員唔多，所以有時都要等一陣！佢哋斯文有禮，唔多說話！…查看更多

I'm truly disappointed in their service. I come here every morning. I understand how busy it may be but it doesn't mean the waitress should ignore you when trying to get their attention to order…查看更多

同男朋友同佢媽行街 行完黎食野 第一次食依間野 個人對佢既面包冇咩興趣叫左三個餐 三個都係意粉 個餐有個細既沙律同一個細既牛角包 男朋友媽咪叫左個蕃茄意粉 我完全冇試過 唔知咩味 但無論係男友媽咪定男朋友食完都話個意粉好酸男朋友叫既我真係唔記得左係咩 比唔到評論我自己就叫左魚果個 辣既 有二舊魚 食落唔錯 意粉食落第一下辣之後已經感覺 我覺得個意粉好好食 睇落本身覺得好少食完覺得份量岩岩好 而且有好多菇係到 好食呀不過講一講個沙律 份面有一舊白色既野 我唔知咩黎架 舊野有少少口感既 但我唔中意食 個沙律仔我食左果粒蕃茄之後基本上已經唔食 我本身中意食沙律既不過佢喲菜有喲食落苦 有喲望落污糟 總之我就食唔落啦 簡單喲講係唔新鮮總括黎講 我食果辣意粉值得再食 其他未必會 以上係個人意見…查看更多

其實我在另一個訂位app 訂枱的，吃8點個時段有30%off 好正，味道很好，我點的三文魚意粉有三文魚籽添。另一份意粉的牛肉份量少但不會硬，春卷好，但蝦餅有d辣。另外我的玫瑰花茶好正，有玫瑰花茶包，好精美，又香。但因為吃得好飽所以不叫點品了，下次食甜品先！…查看更多

HK Munchies!Decided to go to Cafe Balencia in Landmark North mall (Sheung Shui) for afternoon tea today, I must say I was very disappointed at both the good and service.The cafe wasn't packed.and we were able to be immediately seated.Looking through the tea time menu there was a wide range of choices available, ranging from Japanese omelet rice to burgers and pastas.The staff kept asking us what we wanted to order and thus we decided to go for the safe bet and ordered a 'All day breakfast' plus a 'Fish n Chips'. Surely they can't screw that up, right?After waiting for 10 minutes our drinks still haven't arrived, it was just a ice lemon tea and a ice coffee. Trying to get the staffs attention was futile as they all seemed to be day dreaming or just in their own little world. After a further 5 minutes of trying to get their attention I got up from my seat and walked to them instead to chase up on the drinks.Finally the food and drinks arrived and the waitress just dropped it on the table with 1/3 of the plate hanging off the side of the table and walked off.... At first glance the food seemed acceptable but things changed when I took the first bite.Firstly theres the all day breakfast, the brand were cold and so was the croissant and the smoked salmon was dry as if it's been left out in the open for some time.As for the fish n chips, the fish was golden brown and the meat wasn't too dry. BUT it was bland and tasteless to the point where I wondered if they actually seasoned it at all. The fries were equally disappointing, no seasoning at all and they were cold and dry. I had my suspicions that the fries have been left out for a while because you'd get better fries in McDonald's.In regards to the pumpkin hash browns it wasn't anything exciting but wasn't a total failure either.Overall I was quite disappointed with both the food and service (they even charged a 10% service charge when there was no service from them).Not somewhere I'm likely to visit again.…查看更多

坐上水廣場嘅呢間Cafe，格局闊落，木系裝修尤如在鬧市中尋找到一點點寧靜。價錢不算特別便宜， 70以上一份午市套餐，包餐湯及熱飲或橙汁，再加8元可加餐包一個，再配酸忌廉及奶油，可謂正常價錢中再食豪華套餐一般的享受。青醬牛柳粒炒意粉，清醬的油不算很多，較市面上的清醬少了分油膩，多了一份清爽。意粉軟硬適中，牛柳很韌，我咬到牙較都軟了:(。 附送的沙律不過不失，但可謂營養均衡，就着那份心思也覺得沙律挺不錯的。特地加了8元換了炭燒榛子咖啡特飲，味道比較淡，咖啡該有的濃郁你也不足，權當在喝罐裝咖啡。友人點了一份海鮮沙律，減肥的人的恩物！海鮮新鮮爽口配料十足，帶子鮮蝦三文魚足料的鋪在沙律菜上面， ＄70來說也是性價比十足整體來說，在上水這個水貨橫行的區域，已經很難找到一間空間感比較足餐廳，所以下次來這區還會繼續選這間餐廳…查看更多