影片
港铁上水站 A4/ B2/ D1 出口
继续阅读
开饭介绍
Balencia 是一所高级面包店及咖啡室, 每天新鲜出炉自家制面包及精致西饼，款式特别。咖啡室呈开放式设计，空间感十足，餐单设计多元化，主食除了有意粉、意大利饭、日式咖喱及扒类外，还特设多款和风料理。还有多款自家制雪糕芭菲，幼滑、香浓
继续阅读
营业时间
*饮食部:星期一至日:11:00-22:00
星期一至日
08:00 - 21:30
以上资料只供参考，请与餐厅确认详情
招牌菜
食过两次，今次星期日三点钟去，坐满人，我同家人嗌左两个餐，质素保持到，本身我个沙律唔知点解冇左粒芝士，叫咗个侍应，佢都补返一粒芝士俾我，btw因为之前食过，𠮶只芝士唔salty，淡香嘅上水好难揾到呢类型餐厅，最钟意佢个餐配沙律，再加个牛角包，成件事健康左😊用埋着数app仲有半价，性价比超高
继续阅读
职员态度十分之有问题，冇礼貌之余仲要黑面。夜晚啲食物系主餐牌要加钱先有野饮，加$12要左橙汁同冻柠茶。柠茶系正常满一个玻璃杯嘅，但杯橙汁真系吓死人，得半杯都唔知有冇，O左咀，唔讲以为系人地饮净!! 问佢点解得半杯，个侍应即刻黑面加反白眼咁拎走杯野，后尾另一个貌似高级啲嘅拎返黎话呢个系正常份量😯 下，真系冇expect过加成$12得半杯橙汁，拎出黎俾人都寒酸啦!!! 嬲到叫佢退话唔要，真系后悔冇影低比大家睇。一系你写明份量系几多，唔系你俾一滴都得架啦🙄
继续阅读
谂住系A-1门下的一间餐厅 会有质素保证。点知中伏中到应一应！见到餐牌有写可以+16蚊加杯梳打特饮，个侍应竟然话冇得咁加，加的话要比正价，听到咁当然唔加算数啦，就简简单单叫杯橙汁黎算啦，点知原来佢地餐厅的标准系得半杯，话所有都系咁。咁一气之下我都取消埋橙汁的order。食食下又听到隔离枱落单，点知听到佢地有得加16蚊order特饮，听到当然立即反映，店长表示系新手侍应店员唔识，我就得啖笑，果断将呢间餐厅黑名单。
继续阅读
呢间Balencia Bakery & Cafe系上水广场入面,系火车站行过黎5分钟一定到,如果我果日唔系赶住入古洞,我一定宁愿行入D 去熟食中心食我都唔会黎。睇呢间野门面光鲜, 又坐落系新鸿基D 商场入面, 谂住无死啦,先讲个汤, 冬荫公汤, 饮完真系无阴公,个汤上高果层油同脂肪浮下浮下, 热又唔热, 油淋淋。好, 印尼炒饭到一笔第一匙饭就知奶野, 个饭只系得个「暖」, 我知西式餐厅无可能食到有镬气的炒钣,但我最憎D饭热都唔热,我真系好想知究竟个饭整定左几耐呢?78蚊一个午市, 唔系平, 但当我落单果刻, 你攞入去微波炉到叮, 我其实需唔需要比78蚊去食D 唔系即刻煮既饭呢?Btw, 餐厅分店开系屯门开系上水, 当然唔会志在香港人的感受,呢餐我食完一肚火,希望此食评作为警示, 唔好比佢外在而吸引到。真正美食唔会系到揾到。
继续阅读
好少黎上水，因为贪方便，就去左上水广场呢间食晚餐，谂住望落去都正正常常，又唔洗等位，点知伏到极点！印尼炒饭$78连加一$85.8，无饮品无汤剩系碟饭！一上枱成碟野望落已经好迷你迷你唔紧要，好食咪得，最惨又难食又小家细碟两只虾无咩味但食落都爽口串烧无咩肉好似「损」紧支签咁沙律无酱咩味都无最好食系块虾片，够脆又有虾片味！最精彩就系个饭，真系食到想讲粗口炒饭入面本身无𩠌，而个饭完全唔知唛野味再望下张相，炒饭！竟然可以炒到湿笠笠、一挞挞唔好以为系我捞左汁影，呢匙系我系饭中间笔出黎！！佢个炒饭系由内到外都咁烂饭！！！厨房真系好有问题，唔该公司管理层正视下，揾人放蛇落去试食下，唔好再浪费食物！
继续阅读