BABY K Bora Seafood (已結業)

除左位置較入外，環境同裝修都可以，氣氛都幾好。食物方面，我地叫左一個2人龍蝦餐。只有龍蝦唔錯外，其他主菜，意粉及燒羊架均偏咸。餐飲只有紅酒、白酒同雜果賓治。最大問題是出餐極慢，客人已經唔多，5枱人加vip room。侍應有3-4人，廚房我眼見有3人。甜品我地叫左3次先黎，黎到只係二件簡單的蛋糕。用電腦出單都可以慢同亂，感覺上成間餐廳運作極亂。我應該唔會再去⋯食物幾好食都無用，侍應係有禮貌，但運作起黎極無系統，最簡單野都做唔好，真係好趕客⋯⋯

開左唔算耐位於K11 3三樓隱藏彎角地方很大，三個唔同area，坐得舒服，方便傾計，仲有得掟飛標尖嘴西餐晚餐真係算抵，午餐，下午茶更是瘋狂食過幾次，已成粉絲牛扒128好多意粉只係幾十蚊仲要有湯或飲品都唔只仲要係味道唔錯嘅，樣樣都唔hea, 有水準即叫即整，茶餐嘅價錢，西餐廳的味道同環境直頭係尖咀這個高級地段的綠洲呀

行到尖沙咀， 周圍食嘢真方便。附近商場林立，好容易便搵到一間合適餐廳， 今晚逛完街便找到K11這間餐廳- Baby K Bora Seafood， 食完一定要介紹下，這裏氣氛真是冇得頂。這間餐廳很大，分成幾區， 有室內亦有室外，很有情調。 加上有幾台飛鏢機供食客玩， 大家食食下嘢可大展身手， 餐廳這樣的構思相信特別受食客歡迎。講番食物,都很有水準,先嚟頭盤-鵝肝沙律。 鵝肝煎得好香脆， 入口即化， 食一小口滋味無窮，而沙律菜用料新鮮清甜，先來清清地頭盤食法確係健康。餐湯有兩款分別是龍蝦湯和周打魚湯，以龍蝦湯最好味，因有龍蝦肉在湯中， 雖然細細嚿，但食落肉質鮮甜，加上湯底已充滿着龍蝦精華， 非常鮮味。再來勁量十足主菜，芝士焗波士頓龍蝦， 色香味俱全， 原隻龍蝦食落啖啖肉，加上肉質彈牙，配上味道濃郁芝士，好惹味。接着芝士海鮮意大利飯，香濃味重，配上不同海鮮，蝦、鮮鱿、青口，而意大利飯粒粒滲透海鮮鮮味，每一啖也鮮甜味香。最後香煎岩鹽五色胡椒西班牙黑毛豬梅頭扒配焗薯，最欣賞用岩鹽，能吊出黑毛豬梅頭扒那種濃烈肉味，加上肉質軟滑，食後滋味無窮。品嚐所有菜色， 還有朱古力cake、芝士cake 作飯

Godbro XO and I were in K11 earlier this week since he had to get a new Pikachu for his nephew.  I decided to tag along to make sure XO wouldn't get lost in TST again, and I wanted to check out the new Pokemon store for my cousins who don't live in HK.  After getting our shopping done, we decided to have dinner at Baby K Bora Seafood which is located on the 3rd floor of K11. After we were seated, I found the restaurant to look very familiar, and I remembered that a couple TV series were filmed a

為咗要為小姪兒購買比卡超，週一專登約同尖咀通契妹陪伴遠赴K11濕平。買完野後，小肥契哥當然係好識做地請食晚飯啦，地點就好隨意咁揀咗喺商場三樓o既「BABY K Bora Seafood」。西餐廳樓底高，面積寬廣，左方為酒吧區域，右邊則為用餐大堂。兩口子被安排入座二至四人o既厚墊梳化卡位，高高在上，而且闊落舒適。可能見門外o既彩圖餐牌及餐墊上都印有搶眼o既龍蝦，有選擇困難症o既契妹居然諗都唔洗諗，即決定點食「波士頓龍蝦二人套餐」（$638）。哥哥仔話跟餐每人其實可點餐酒一杯，但適逢西曆元宵一月十五日，佢就提議叫調酒師免費升級炮製兩杯情人雞尾酒我地嘆。草莓玫瑰園：雞尾酒混入咗Daiquiri、玫瑰露、冰沙、鮮奶、士多啤梨等，其鮮紅色o既外表可謂熱情如火，飲落卻又清涼甜美，就像是愛在冷與熱情之間，當真夠哂劇情。盤邊再以超甜o既士多啤梨玫瑰花點綴，美艷得黎極富詩意！黑松露野菌忌廉湯：以野菌打成蓉o既忌廉湯芳香輕盈。鵝肝凱撒沙律：沙律清新爽脆，配上外脆內軟嫩o既鵝肝可謂成功升呢，掂呀！芝士海鮮意大利飯：熱辣辣o既意大利飯濕潤帶甜，不過可能細佬因近期工作煩瑣引致胃部有啲不適，食落就覺得有少少溜滯。

今日同男友去慶祝食飯。 😊上網搜集左資料，搵到呢間餐廳。好似幾好，又浪漫！一於就揀呢間！😄令人期待放工既一刻！餐廳好方便，就係k11 既3樓！坐升降機一開門就已經係。餐廳分左兩部份，一邊係酒吧區，環境昏暗，岩哂暢飲談心！仲見到有飛標玩 🎯!另一邊就係食晚飯的。環境更浪漫。一入面已看到成幅牆以海洋為主。播著英文歌曲，而每張抬都有個燈仔，令到成間餐廳更加有氣氛！更安排坐卡位，好舒服又闊落 😁！大大張餐桌纸搞我地點樣食龍蝦 😋睇完當然要試下佢個 “波士頓龍蝦二人餐”價錢都可以接受，唔會話好貴，有咁多野食！😍期待呀！揀左 龍蝦湯 ☕大大碗，更配有 多士。龍蝦湯 唔似出面個啲好流，得個名。佢真係有好重既龍蝦既味道！👍鹅肝凱撒沙律. 加左d醋落去，酸酸甜甜，開胃前菜 !鹅肝煎過黎，好香口。咬落去啲油脂流出！😍期待以久既龍蝦來了！😋食龍蝦更係要揀 芝士焗龍蝦 架啦！😍😍好大隻！！餐廳仲好好，提供埋啲手套，濕纸巾同工具俾我地！🍴唔洗就黎就去，可以好安心拆殼 😉👍龍蝦大大隻，所以咬落去都啖啖肉。龍蝦肉都爽口，食得出幾新鮮。仲連埋d芝士一齊食。真係太match了！建議大家要襯熱食。😋😋松露黑毛豬頸肉

平時行街好鍾意行尖沙咀， 因為尖沙咀這裡各大商場集中，今晚就同老婆來K11感受下 聖誕節前的氣氛，順便看看這裏有什麼好食的東西。行到3樓，居然畀我哋發現有一間非常特別的餐廳，叫Baby K Bora Seafood, 這裏地方很大，裝修非常特別, 一半座位在室內, 另一半座位在室外 ，環境很有氣氛， 簡直可以用浪漫來形容。坐低一陣， 就被粉藍色的水晶燈球吸引住， 加上柔暗的燈光襯托下， 情調一流，十分適合我們兩公婆撐枱腳晚餐，未食已感到異常興奮。而且，這裏的侍應招呼也很週到， 坐低已先拿來兩杯水給我們，又很樂意介紹今天主打晚餐--二人晚餐， 在咁有氣氛的環境下， 品嚐這二人晚餐當然最貼切不過啦，$598連加一， 有湯有沙律有前菜有主菜又有飲品及甜品，其實咁嘅價錢，一點都不算貴。這裏環境一流 ，還有飛鏢遊戲可供 一展身手而食物質數，食完後又真係物超所值，回味萬分。而且每一樣食物，廚師都是待你食完之前那一碟食物才接着來，不是全部一次過放在檯面。這樣，可慢慢咀嚼品嚐，每一款食物都熱辣辣，我是最滿意的。先來法國生蠔大拼盤，原隻生蠔切開兩邊放在托盤上， 感覺好像有一打咁多， 加上用一個鐵盆放滿曬

供應嚴重不足,盤盤都空,連沙律菜都要等,餐廳食物預算不足,幾平都冇用,一定冇下次食物種類極少,十隻手指數得晒,質素: 唯一牛扒和扇貝ok好味,另外朋友話羊膝好吃,但我等不到有第二輪,其他...唉...意粉超咸,雞肉雞翼無味,另上的2隻生蠔算新鮮但超細隻, 甜品種類亦很少,不提也罷😥

買咗$328優惠卷食聖誕自助餐，好失望。本身見餐單好多選擇，但黎到係兩回事。D盤長期都無乜野食，得返d骨，見到都唔開胃。carbonara好碎一pat野，賣相超差；龍蝦湯好淡，溝咗好多水；田螺好多沙；魚生唔凍所以唔敢食..... 牛扒ok算幾好食，最好食係生果，有紅肉火龍果。氣氛有d奇怪，一邊場播聖誕歌，另外個邊播K歌.... set up好懷舊feel。仲有佢地好似唔夠碟用？攞野食隔離我見到一兩隻濕濕地既碟，我仔細望咗幾眼fing下d水先敢攞黎用。講真，我情願食k buffet。

大家想食伏既buffet 請去呢間冇野食 款大約5-6樣熟食 重要唔好食特價328黎食 食得下人得隻龍蝦同生蠔比300蚊訂金 個場坐得3-4成人Fill野 超！級！慢！成日都係見到一排吉盤一個字 伏 完。

聖誕正日，睇過openrice入面一眾食評，全部讚好，男友決定試下食呢間新新地嘅餐廳。我地食嘅係任食生蠔聖誕自助餐，結果係極度失望，可能食評入面嘅人係食set dinner, 同自助餐真係分別好大，忍唔住寫人生第一次食評！1）環境睇其他食評，餐廳室內暗黑，有bar有房，有桌面燈光好有情調 vs 我地入到去，餐廳燈光同普通餐廳無異，全光零氣氛，完全唔係chill/有情調嘅餐廳2）服務有禮，可惜缺乏培訓，帶位嘅waiter唔知點解好緊張帶位混亂，另一個waiter又轉個頭忘記我地叫佢拎野..有手忙腳亂嘅感覺。3）食物海鮮餐有龍蝦，蝦，青口，三文魚等，味道一般，但上枱時冇提供海鮮沾嘅汁（其後見其他枱原來係會俾嘅），而每枱用黎盛載海鮮嘅碟都唔同，唔知係咪餐廳冇預算好要用嘅碟？有人用大玻璃碟上，有人用木板上，有人用普通白碟上，感覺好求其......所謂buffet更加簡直慘不忍睹！ 食物選擇極少，一開始時buffet桌上嘅食物少到我以為係上一輪餐廳開過party食剩嘅食物... 無量係款式定數量都慘過叫「到會」，食物有沙律菜、蛋糕（一開始時蛋糕盤上沒蛋糕，盤上只有蛋糕碎...）、薯餅、薯條、滷水

透過團購購買聖誕新年自助餐、時段是2:30-5:00，價錢$168位，另加現場收$16.80。原本在網站上寫明包任食生蠔和奉送白汁香草焗龍蝦，但在確認訂位後餐廳卻表示因團購網站出錯，這時段任食生蠔和龍蝦都是不提供。心諗價錢$168一位，無理由咁抵，就算沒有生蠔龍蝦都接受，於是無取消訂位。平安夜12月24日2:30準時到達，全間餐廳約有80-100位客人。自助餐開始，但精采的經歷出現了。首先自助餐取食物的地方狹窄，十個八個人去取食物就已經擠滿人。其次自助餐盛放食物的盤子細小，只需四、五個人去取就已清空盤內食物。結果首輪雖有約十盤熱盤食物，卻不用5分鐘就給客人取清，但餐廳卻無食物補充，只是每隔幾分鐘先出一款熱食，卻很快又給客人取清，結果不斷出現盤內空空如也的情況。此外自助沙律盤和甜品亦如是，經常都無食物，甚至連蕃茄仔，生菜都給拿清。最好笑是餐廳連碗碟都不足夠，聽到員工話任何可以盛載的器皿都要拿出來，結果出現有食物無碟，有碟就無食物的諷刺場面。鄰坐客人吃完食物連碟都不讓員工取走，因為怕無碟可用。唯一可取是員工真係很勤力執碟，可能因為需要用碟，洗完要急急再拿出來。至於團購中提及的食物，如法式鵝

聖誕節book到buffer又唔係太貴...仲要係在黃金位置...其實要求就一定唔可以咁高...不過...話曬都400幾蚊一位既...每人有一盤急涷海鮮...算啦…都算有誠意... 恐怖既係所謂自助餐...入到去熱盤10個位得4盤有野食... 有雞翅...飯...薯條...無雞咖哩...有豬手...有湯不過涷既...過左一陣, 咩都無...跟住有排骨呀...牛肉... 白切雞等...有蠔任食既... 係真任食... 不過無咩人食. 隨時攞到...原因好簡單所謂法國蠔, 瘦到連肉都無...無甜味香味...我蠔王食左兩隻都廢事再攞...大部分係似難民營爭食咁... 味道真係好一般, 有小學聯歡會既感覺...飲品只有汽水...甜品只有3款... 味道一般生果4款.. 有所謂聖誕飲品...算把...冰都無粒, 味道不好, 連杯都hea過人,仲催兩次先有...超級失望! 講真...咁既質素, 再平都不能接受... 除非佢只想做一年生意... 寫得出有既食物, 無10足都起碼7成丫...唔好一句 "以當日餐單為準" 就大曬...係商品說明告你唔入既, 不過你最多騙人入局一次... 再咁差, 唔駛望

第一次用openrice訂座, 看到這餐廳過去的評語+照片上的食物也看著好像不錯. 所以就決定帶爸媽看完燈飾後前來食海鮮慶祝聖誕. 心想：這餐廳在K11這相對有品位的商場，品牌應有保証.服務員帶座後沒有任何交待就走了. 當時桌上只有三張餐巾, 任何餐具也沒有... 已經覺得好鬼異...（後來發現餐具有自己拿... 感覺在食堂...）呆等了一會兒, 看到其他人到走出去拿食物回來, 他們桌上有大龍蝦, 就先八卦去自助餐區看, 卻看來看去也找不到大龍蝦. 大部份食物都看似很普通的食物到會...（鹵水雞翼!? 完全涼掉乾掉的卡邦尼粉? 有些甚至來不及Refill... 好幾個空著的盆子... 大部份沒有蓋上... 碗碟也不夠... 不是全部盆子都有餐具給你夾食物...心裡十萬個疑問, 便去問服務員是否有Menu可以點來吃大龍蝦,.服務員才說今天只有自助餐, 而且海鮮凍盤只是每人有一碟, 待回會送上... 前提是: Openrice上隻字沒有提過聖誕節的情況與平日差別那麼遠.... 是完全變了自由餐了... 同時心想... 帶位的服務員不是應該主動告訴我們嗎...???但既然來了, 免得爸媽勞累

Buffet 已中伏，海鮮價！以為食緊到會！食物種類非常小， 寫出來食物種類非常豐富，但同現實不符，食物有雞翼，薯條、薯餅，意粉，冬菇，豬手，味道非常一般，價錢一點也不值，飲品只得雪碧，忌廉可樂！食物refill 得非常慢，6點開始入場，但很多食物都未準備好，三文魚全程每人得3塊，我咁大個女都未試過食過一餐buffet 質素是這麼差，收咁既價錢，我絕對可以去酒店食餐好的，當時見佢寫buffet 的餐單食物種類很多又豐富，但最後伏已中，食到一肚氣！沒有下次