b.o.t.h. by Texas Burger

营业中

休息中

今日突登揸車來試下呢間個pancake, 叫左核果奶蓋班㦸 & Caremel latte，成為$118 + $48Pancake texture 係實同硬，唔似shuffle, 好似整得過左火喉，但佢又無講明係shuffle🤭🤭。個奶蓋醬好結，不過味道配搭幾好，食到有cinnamon，焦糖合桃，杏仁片。Latte 會唔會茶餐廳左小小，收咁既錢唔該靚小小有heart小小啦。我唸呢度主要食burger ，唔好當pancake cafe去食都可免強接受。呢外環境都幾舒服，有大玻璃，有音樂聽，有街景，平日每張枱唔滿，都算relax…

我同朋友去咗呢度食，我叫咗杯mixed Berry，朋友就叫咗杯唔知咩東東，佢話唔好飲，但我覺得好好飲，莓類milkshake 一向都好穩陣！之後，我地叫咗個意大利飯、一份薯條、一些雞翼，大體上都好咪，意大利飯好多菇類，汁也使人飽腹，但飯粒可煮得更硬（因比較正宗），雞翼就一般，反而薯條好出眾呢，特別係個醬，很正很正呀🥰埋單約$400/2人，冷氣有點過大，環境夠闊，食物款式多，下次會再黎光襯呢！🥰

今日下午兩位大人同小朋友去食午餐，帶位侍應見到有小朋友沒有問是否需要B椅，我有禮貌地問佢攞B椅，之後佢就咁放張凳係枱旁（即走廊中心）就走開，我地諗住佢可能太忙所以唔同佢計較自己搬返，到我哋落單時，我睇唔到餐牌有分晚市時段order小吃，嗌一份小吃，佢指住嗰餐牌個晚市時段粒聲唔出（即係叫我自己望)！好似我地乞食咁款，我冷笑問佢乜你咁冇禮貌嘅？你話我知係晚市咪得囉，佢即刻唔敢應我，落完單之後佢完全唔敢再serve 我張枱。真心覺得要敬業樂業！我下次唔會再去！

☕️️ Cafe for chilling — B.O.T.H. by Texas Burger✨ 旺角Texas Burger嘅良心姊妹店💛#90cp黃店篇💛 #90cp荃灣篇 #90cp美式篇➖➖➖➖➖相信旺角朗豪坊嘅Texas Burger 大家就一定唔陌生😎 但其實喺荃灣廣場呢邊都有一間姊妹店 當然都係良心店啦💛🤫 梗係要嚟試一試🙌🏻 齋睇佢嘅門口已經覺得好有風格 型格得嚟又幾舒服同清新 入門口嗰下感覺已經唔錯😏美味指數 😋: ⭐️⭐️⭐️⭐️環境指數 🏖: ⭐️⭐️⭐️⭐️⭐️服務態度 👨🏼‍🍳: ⭐️⭐️⭐️⭐️翻兜指數 💫: ⭐️⭐️⭐️⭐️(五粒星為滿分💯)✨ Texas BBQ Beef Burger $138上網見個個都食呢個burger 唔執輸都嗌返個試吓先😆 一食落口有少少smoky 感覺到淡淡的煙熏味道🙌🏻 漢堡扒都非常口同埋juicy 包入邊仲有洋蔥圈添 食落都算有層次🤤 唯一要挑剔嘅係佢嘅生菜好似少咗啲得一塊🙈 如果可以多少少再中和下個油膩感 咁就perfect🤣 另外跟餐亦都有餐湯同埋薯條🍟 個人幾鍾意食呢一隻薯條 未去到薯角咁大舊 偏幼身但又充滿薯仔嘅

西餐是我的最愛❤️第一次帶我媽去食好西！她人生第一次食意大利飯😌點知佢話佢鐘意食中餐🤣🤣下次都係帶佢食點心啦😌😌大家又鐘意中餐定西餐呢？呢間環境不錯 打卡影相📸️好岩同朋友家人享受下假期個日因為我地好肚餓😳呢間上菜超快的！🥰🥰德州燒烤牛肉漢堡 $138呢個Beef Texas burger 係餐廳熱門推薦 真係不錯😚😚 呢薯條都好正❤️❤️煙肉牛肉同芝士係永遠最佳配搭👍精選意大利燴飯 $128是日risotto 係牛肝箘菠菜款式😌我都係第一次試菠菜汁的Risotto 平時墨魚汁忌廉汁就多啦今次試d fresh d 配搭講真 我真係好鐘意食所有意大利飯🤣🤣🤣日日食都吾會厭我見pancakes 都好多人食 下次試下先！😉Lunch 有埋餐湯同埋熱情果飲品 （我最愛🥰)加一服務費B.O.T.H. by Texas Burger荃灣大壩街4-30號荃灣廣場3樓337號舖

🌴 𝐁.𝐎.𝐓.𝐇. 𝐛𝐲 𝐓𝐞𝐱𝐚𝐬 𝐁𝐮𝐫𝐠𝐞𝐫今次係荃灣新開既café 之前已經食過旺角專食burger既分店 覺得都幾好食 所以今次黎試呢間! 平日夜晚8點左右黎都要排隊😢 餐廳裝修有後花園既感覺 用上落地玻璃窗 加埋好多植物🌳 感覺好開揚舒服 座位亦好寬躺 (有沙發位😛)🍔𝙏𝙚𝙭𝙖𝙨 𝘽𝘽𝙌 𝘽𝙚𝙚𝙛 𝘽𝙪𝙧𝙜𝙚𝙧 ($138) 德州燒烤牛肉漢堡 配薯條𝘧𝘳𝘪𝘦𝘥 𝘰𝘯𝘪𝘰𝘯 𝘳𝘪𝘯𝘨/𝘤𝘳𝘪𝘴𝘱 𝘣𝘢𝘤𝘰𝘯/𝘩𝘰𝘶𝘴𝘦 𝘣𝘢𝘳𝘣𝘦𝘤𝘶𝘦 𝘴𝘢𝘶𝘤𝘦/𝘧𝘳𝘪𝘦𝘴同旺角一樣 burger質素真係幾好 麵包好軟熟 輕輕烘過 麵包味好香🍞 牛肉厚度正常 肉夠juicy夠嫩😙 有牛味 更加重就更好🐂 加上剛剛炸起既洋蔥圈 炸得好脆身好香口 炸粉又唔會過厚 唔會乾爭爭🤩 煙肉唔會過多 唔會搶咗牛個味同時唔會太鞋😌 洋蔥圈同埋煙肉真係做到增加口感既作用 兩者唔會油膩🥳 醬汁係bbq 真係好惹味 坦白講我好唔喜歡BBQ醬 但呢個我都覺得幾好 最欣賞係份量唔會過多🤓 除此之外 配埋嘅粗薯條炸得岩岩好 外脆內軟🤓 而薯條表面有一層微辣嘅香料 同薯條本身非常夾 令味道多咗一個層次 亦都平衡翻油

愈來愈多餐廳進住荃灣, 今日lunch試下呢間係荃灣廣場嘅新餐廳. Carr Valley Beef Burger (HKD138)材料好新鮮, 牛肉好juicy, 再加上芝士同生菜, such classic, 十分match! 再加上薯條, 絕對夠飽.Daily Pasta (HKD128) 中矩中規, 好creamy~Stone Fruit Milk Foam Pancake (HKD118)友人對個pancake讚口不絶, pancake超鬆軟, 蛋味超濃郁, 配埋朱古力脆脆同生果, 一流. Taro latte (HKD42)Earl Grey Chocolate (HKD50)十分滿意的一餐lunch, definitely will come back again.

昨天一行八人，訂了5 點，入座前已再提我地用膳時間90分鐘，仲提我地如果叫pancake要落定,因為要等好耐。我明白星期六人較多，但入去果刻已經有俾人催既感覺。一坐低，緊係二這不說落單，由於人多，意見自然多，揀好左一輪，開始落單，點知waiter話，6 點前只有meun最前果頁同飲品有供應，咁你早講啦，又要揀過，因為我地share食，揀哂中間冇供應果頁。终於揀好落單，又話所有果茶都冇。我地係6：30交枱，因為d野食份量唔多，只係可以order sandwich, burger， salad呢d輕食，我地好快食完，最後6：10，連甜品都食完，waiter好快過黎清枱，跟手放低張單叫我地check, 我地未夠鐘，緊係繼續傾。6：23終於忍唔住，waiter過黎叫我地埋單。總结呢間野食物唔係差，但唔算好好食。衛生一般，碟同柸都係濕既。由入去至離開，感覺都唔良好。最後结論：去同場outback或 pizza express 好過。冇下次！

今天試新店，格格找的 ...這漢堡包“Texas BBQ Burger” 的賣相雖沒什麼特別，但漢堡包最緊要的還是那塊漢堡扒，肉汁還算豐富，其他配料得宜，味道尚可，合格。“Nachos Vegan”， 名副其實，沒有肉，很健康；通常Nachos的問題是吃到底時已沒有汁，但鋪面的芝士汁還足夠，很好！“Maryland Crabcake” ... 這蟹餅味道不錯，擺盤也精緻，但超級袖珍，有被騙的感覺！“Stone Fruits Milk Foam Pancake” 是當日驚喜，很鬆軟，端上桌時還擺下擺下，那些配料如菓仁配搭得宜，香脆夾著棉花一樣的鬆軟，口感不錯！

人氣漢堡包店係荃灣開左分店！餐廳裝修令人覺得去左大自然，有好多綠色植物，仲有落地玻璃，自然光曬入黎好舒服🥰/Texas BBQ Beef Burger $138/Burger 超厚，有好多料😂牛肉唔算太juicy，但係個人幾鍾意佢個汁，甜甜辣辣，有d 似食緊Buffalo wings！薯條係粗身，好食🍟 /Brioche French Toasts $118/French toast 味道唔錯，海量honey 非常邪惡🤣加埋雜莓同埋香蕉好好，食落冇咁膩！/Garfield $58/Earl grey 味smoothie 超有驚喜！作為earl grey 控嘅我表示非常鍾意😍唔會太甜，好飲👍🏻/Pink Panther $58/黎杯相對比較甜，飲落似棉花糖味，粉紅色好少女心❤️ 整體黎講，lunch set 唔錯，選擇都幾多，座位舒服，冇限時，上次同朋友去食左成兩個鐘都冇人趕我地走😆

服務奇差，黑口黑面，好似晤願服務你咁，食物講真好普通，服務就好似十問九唔應，明明個set有嘅嘢要催先有嘅，次序又亂晒，講真大集團做到咁真係失望，食物一般，服務9流

有次平日晚上經過餐廳門口，見到成條龍排隊等食，肚餓的我當然唔等找其他餐廳醫肚先。之後喺OpenRice見到這間餐廳可以book枱，就特登在假日試吓這間餐廳，weekend 晚上若7點到達餐廳，門口竟然冇人排隊；講返食物這間餐廳主打食漢堡包，身邊人都揀了漢堡包食，而我就揀Taco, 各人對食物都給好評😋，可惜由接待、點菜、收餐、加水、埋單等服務，所有服務員都欠缺笑容個個木口木面😵，加上價錢不算便宜，環境及服務不算特別好，大家考慮是否試吓吧！因太肚餓，忘了影漢堡包！

我唔知呢篇文章最後出唔出到～真係好想講吓呢間規矩多多但係唔特別好食嘅西餐廳～唔知點解得一篇負評咁少～首先留座遲咗5分鐘係我遲到，但係你唔可以喺OpenRice 話我缺席，消費咗當你冇出席，遲到唔等於冇到，我唔知係餐廳規矩定點啦，都唔想為難個帶位～我真係想講呢啲質素嘅餐廳香港拿起手幾百間，真係唔使食你囉～落甜品規定要喺第一次落單果陣落埋～呢啲又唔知係咩餐廳規矩～即係唔旨在賺錢～座位兩個人坐一張勁細嘅台～叫多樣食物都冇位擺～服務方面～想用兩隻碟分嚟食～侍應勁冇禮貌話轉頭先～人多等等轉頭先我明白～但係呢個價位茶餐廳既服務就唔使返轉頭囉～食物方面～真心咁嘅質素全香港周圍都係～唔一定要食佢～

OPENRICE搵下有咩好食, 見荃廣開左間新餐廳, 環境好似幾舒服幾靚, 又有pancake食, 就黎試下。叫左個burger一個PANCAKE同兩杯咖啡, 落單同個STAFF講咖啡後上都要講幾次先明你講咩。BURGER味道正常但以咁既價錢黎講份量偏少。跟住個PANCAKE由落單起等左一個鐘都未黎, , 叫個STAFF跟下, 佢轉頭覆話要等多15分鐘(沒有說唔好意思, 仲要講得勁求其),等既途中見隔黎台問個男侍應野, 那個男侍應態度也是很不禮貌(侍應是紮瓣的男人)然後隔多近半個鐘後(由落單起已等個半個鐘,見到比我地遲ORDER的客人的PANCAKE已到, 便再問另一個金髮女侍應(這個女侍應是全餐廳最好態度的), 他CHK完覆我地唔好意思漏了單, 說再等多15分鐘, 證明之前那個女侍應根本冇幫我地CHK單, 最後PANCAKE足足等了2個鐘才到, 然後等左2個鐘既PANCAKE居然係唔好食, 仲要唔平!同時間聽到隔黎台話, 食D咁既野都等咁耐(佢冇漏單都等左超過1個鐘) 真係食到一肚火。 埋單個女侍應埋黎一句野冇講, 多謝都冇句, 木無表情。呢間野除左金髮女侍應外全部都係勁無禮貌, 真

本身對呢間餐廳有好大期望所以先打算約朋友喺度慶祝生日🥳點知...🥺喺入座前我已經再三提醒侍應上甜品記得擺生日牌🎂（諗住比小驚喜朋友）🤫個waitress都拍哂心口話ok無問題🤠點知到最後上枱都係無擺🤮搞到我另一個fd要行出去再同waiter講個甜品擺低左又要再拎返走（真係10萬個7...😓)我生日嗰fd應該心諗....(jm9😦)除左呢件7事全餐飯都比人狂問：「幫你收碟好唔好🤗」連我個frd食緊仲點緊個碟d汁都比人問😟但個甜品我地叫上得又勁耐都唔上喎😨好快影左相食完個pancake之後waitress就直接拎單叫我哋埋🤡埋完單個waitress直情用d都幾唔好嘅語氣叫我哋真係要走喇出面好多人排緊隊啊...🌚想講我地知90分鐘用餐時間嘛但你個pancake都玩左咁多時間去啦😕✨核果奶蓋班戟✨🥞$118(+唔記得比嘅生日膠牌and 1枝蠟燭盛惠hkd30）班戟質感唔錯ge唔會太空氣但幾鬆軟有蛋香🥚個汁似奶黃飽嘅餡再加少少玉桂味🧐✨德州燒烤牛肉漢堡✨ $138🍔漢堡特別之處係用左脆炸洋蔥圈🧅而取代左🍅牛肉都整得唔錯👍🏻🥩夠厚度牛味重幾juicy但個燒烤醬太咸(bacon都係)🥓🧂個薯條d調味