B-mix 燒肉餐酒館 (已結業)

今晚慶祝生日晚餐點叫2人和牛盛宴一入到餐廳坐位非常寬躺舒服，店長值得推介日本和牛盛宴套餐有主打日本和牛A4西冷，肩胛肥牛，牛腹脅肉，呢個部位比較特別，另外有和牛肉粒和牛小排日本和牛盛之中最愛吃牛小排，和牛肉質濃郁口感鬆軟，油脂分部平勻，有一種入口即溶口感味道意想不到有新鮮鮑魚同牛油蒜生蠔，餐廳店長極力推薦燒烤生蠔食法，鍚紙裡面原來有料到，燒完蠔再用預製好的牛油蒜蓉燒埋d蔬菜類真係一流燒烤爐溫火適中，易於控制，最後還有日本刺身，刺身帶子和甜蝦非常新鮮新開張期間套餐88折，值得約埋成班朋友再聚

又黎到元朗搵食la😙天氣凍左少少，想食返啲熱野就簡左燒肉同海鮮。又唔想成日排長龍同限時間，所以就黎左呢度。餐廳座位夠闊落，好岩朋友仔坐低傾計。嗌左個二人套餐，前菜有蟹籽沙律、刺身盤，不得不讚個蝦真係超新鮮鮮甜，帶子都好爽口。另外有個b-mix丼飯，哈哈紫菜蟹籽香玉子真係配咩都咁好食，燒肉配丼飯中和返個味好正。講埋海鮮，鮑魚同牛油焗蠔雖然唔算大隻，但勝在新鮮嘅，燒帶子大大粒。燒肉方面最鐘意係熊本黑豚豬腩肉，好香口豬味充足不臊。極上牛小排，油脂分布好靚。蔬菜方面，燒南瓜同紫薯無得輸😂飲品嗌左芒果沙冰，好濃郁同大杯，減返油膩感。呢個套餐整體都抵食，每樣都有得食，唔洗自己簡😋

見到大家最近既社交平台，已經唔再係去邊度既Staycation係已經去左機場打卡啦，好羨慕又好妒忌我真係足足三年咁濟冇飛過不過而家既我地不論係經濟上同小朋友要番學關係點都要係啲長假期先飛得(小學雞媽會懂的)唯有去食下燒肉，止下隱先啦我地曾經係大阪好鐘意食一間，吃到飽既燒肉店每次食親都真係食到好飽個日同朋友講起，元朗雞地都有間燒肉店幾抵食雖然唔係任食，但二人餐都好夠飽講到咁吸引我就走去試吓而家佢地仲做緊新開張優惠，套餐75折，單點85折咁就叫左個二人餐先，再睇下叫唔叫單點啦套餐其實都包唔少野食，打頭陣既當然有呢個燒肉拼盤啦，咁可以選擇係牛肉定豬肉既咁我地就揀左牛系列，你以為真係食牛咁少野？除左牛系既極上牛小排同安格斯牛粒、仲會有埋熊本黑豚豬腩肉、日本薩摩赤雞腿肉、日本薩摩赤雞腎真係豬牛雞都齊曬呀我最欣賞就係牛小排，煎一煎兩邊就可以食得，比小朋友就可以再煎耐多啲啲當然唔會似和牛咁一食即溶，但依然好有牛味安格斯牛粒就小朋友最愛，我就將一粒分四小件;佢都食左兩大粒呀豬腩肉就薄砌燒香加少少鹽做調味好香又惹味最重要唔會感覺好肥..當然點少得薩摩赤雞肉呀，個雞心超吸引其實我係好鐘意食呢啲內藏，呢隻雞

屋企人在元朗上班，之前講過會坐屯緊線找她一齊吃晚飯，這晚終於都成事了。因為她很愛吃燒肉，所以就一於找間燒肉餐廳。因為我們兩人都懶得想食什麼的關係，就直接點了個二人的燒肉套餐。我們點了兩杯飲品，分別是葡萄梳打和魔幻百香果茶。葡萄梳打就是我喜歡的巨峰提子味道，甜度剛剛好。百香果茶也很清新，十分解渴。B-Mix 沙律個人很喜歡食沙律菜，新鮮爽脆的羅馬生菜和蟹籽，配上柚子黑醋，十分醒胃B-Mix 丼飯個人最喜歡紫菜拌飯，這個丼飯還加了半熟蛋和甜豉油，很好味！刺身三點盛刺身包括了帶子，蝦和八爪魚，非常新鮮，帶子和蝦都十分鮮甜嫩滑。先付二品這個二品就是漬物，是醃黃瓜和牛蒡的開胃小食。時令海鮮三盛盤三款的海鮮包括了鮑魚、蒜蓉生蠔和帶子。鮑魚燒至離殼就可以了，鮑魚非常新鮮，肉質彈牙。帶子個人就喜歡燒至微焦，裡面就剛剛好熟，這樣就是最嫩滑的口感了。蒜蓉生蠔要放在爐中間比較容易熟，煮至少許縮水記可以了，生蠔鮮甜而不腥，每人兩隻覺得不夠食呢。到主角燒肉拼盤，拼盤有五款肉類，包括了薩摩赤雞肉、薩摩赤雞腎、安格斯牛小排、安格斯牛粒、黑豚豬腩肉。個人最喜歡的當然是牛小排，肥瘦紋理清晰，入口是香濃的牛味。野菜盤蔬菜

早排約朋友食晚餐，去左元朗雞地既一間叫B-Mix既日式燒肉餐廳。 餐廳係樓上鋪，但環境好大，坐得舒服，而且仲好有氣氛。 佢哋晚餐有燒肉二人餐提供，套餐真係好抵食，豐富得來可以食到又飽又滿足，質素仲幾唔錯添。 B-Mix日燒二人套餐分左2人前或4人前。我地叫左二人前。 包括蟹籽沙律。 三文魚籽紫菜溫泉蛋丼飯。 刺身三點盛。當晚既時令刺身係八爪魚、帶子同埋甜蝦。 日本大根漬、野生牛蒡漬。 海鮮三盛合、牛豬雞肉類，仲有個野菌瓜菜盛盤。  種類款式都多！ 肉類有齊晒牛、豬、雞三款！  牛肉包括安格斯牛粒、極上牛小排。 肉味濃厚又軟嫩juicy！牛味突出！ 熊本黑豚豬腩肉雖然偏多肥肉，但佢肉質爽口。 日本薩摩赤雞腿肉同埋日本薩摩赤雞腎更係我當晚最喜歡！ 雞肉好有彈性又嫩滑，而且雞腎非常爽口。 海鮮亦有三款，包括鮑魚、帶子同埋牛油焗生蠔。三款海鮮都新鮮，唔會有腥味，特別係帶子大粒厚肉勁鮮甜。 食完個套餐真係好飽好滿足！

早排約朋友食晚餐，去左元朗雞地既一間叫B-Mix既日式燒肉餐廳。餐廳係樓上鋪，但環境好大，坐得舒服，而且仲好有氣氛。佢哋晚餐有燒肉二人餐提供，套餐真係好抵食，豐富得來可以食到又飽又滿足，質素仲幾唔錯添。B-Mix日燒二人套餐分左2人前或4人前。我地叫左二人前。包括蟹籽沙律。三文魚籽紫菜溫泉蛋丼飯。刺身三點盛。當晚既時令刺身係八爪魚、帶子同埋甜蝦。日本大根漬、野生牛蒡漬。海鮮三盛合、牛豬雞肉類，仲有個野菌瓜菜盛盤。種類款式都多！肉類有齊晒牛、豬、雞三款！牛肉包括安格斯牛粒、極上牛小排。肉味濃厚又軟嫩juicy！牛味突出！熊本黑豚豬腩肉雖然偏多肥肉，但佢肉質爽口。日本薩摩赤雞腿肉同埋日本薩摩赤雞腎更係我當晚最喜歡！雞肉好有彈性又嫩滑，而且雞腎非常爽口。海鮮亦有三款，包括鮑魚、帶子同埋牛油焗生蠔。三款海鮮都新鮮，唔會有腥味，特別係帶子大粒厚肉勁鮮甜。食完個套餐真係好飽好滿足！

放假入元朗搵朋友仔食飯朋友仔帶左我去B-MIX食燒肉環境幾舒服，座位寬敞，裝修得幾有氣氛望上天花板，印有大大隻B mix 彩燈座位之間都擺放左唔少裝飾物雖然係卡位，私隱度都算高，可能因為背椅都幾高，企係度都唔會見到前後位既人。食飯傾計一流。 坐底睇餐牌有2/4人餐，做緊7折我地揀左個一個2人餐，另外再散點幾樣食物有85折就咁睇，set既食物都豐富：沙律、牛蒡漬、大根漬：份量唔錯，開胃菜，岩哂我胃口。跟餐肉既有：牛小排、雞腿肉黑豚豬腩肉、 雞腎 、安格斯牛粒刺身三點、 海鮮盤（生蠔、帶子好鮮、鮑魚拎出來仲識郁，係勁新鮮）、蔬菜盤（粟米南瓜都夠甜，好食！菇菌類結果我地放喺錫紙兜汁煮，唔乾又好食！）牛小排燒完之後好鮮嫩多汁係入口即溶個種感覺。我地另外點左：牛舌心（好嫩）、 雞中翼（燒到d皮都卜卜脆）、 豬肩前排（夠juicy）、 雞子(幾特別) 、黑豚豬面肉（好肥美）、菠蘿（唔算甜但解解膩）。 傾下燒下，都食足2個幾鐘，食埋個燒菠蘿就係完美嘅一餐啦2人餐份量足款式多，食燒肉最緊要肉夠新鮮，咁我覺得餐廳提供既肉，質素都非常好，所以燒完基本上都保有肉質既香嫩口感，加小小鹽都已經好好食。 如果鐘意

今日放工跟朋友上咗一間燒烤餐廳，佢一邊係打邊爐一邊係食燒肉嘅行到上去佢有幾間卡拉ok房可以食住燒烤咁唱k又真係幾ok喎😆😆有機會開party真係要上嚟燒一次，有得玩又有得食好方便👍🏻😆2人餐做緊promotion有七折好抵食，商量之後我哋四個人決定揀個二人餐再散打，另外單點的都有85折。沙律小食都係二人餐裏面嘅前菜煮食可以揀豚肉同埋牛肉，我哋就揀咗牛肉，不能講笑真係入口即化，新鮮又好口感另外再有一份刺身海鮮嘅有帶子同鮑魚，話說個鮑魚放上枱嗰陣時仲識郁㗎由於我哋個餐係點咗牛所以另外我哋點咗個份黑毛豬同牛舌心，呢個牛舌心誠意推介👍🏻見到餐牌上面有雞子，心諗雞子都識得好特別喎😆咪決定試一次囉原來放上個爐到真係會爆開㗎，為咗唔好嘥d汁，我哋放咗落個錫紙兜到煮來吃😂😂呢個錫紙兜係二人餐裏面嘅蒜蓉牛油焗蠔剩下的，物盡其用😂😂四個人埋單食咗咁多嘢除返一人先二百幾，仲飲咗六杯做特價嘅新力啤酒，超級抵！👍🏻唔知佢幾時做完推廣，趁仲有平要再快啲約朋友上嚟食多次先🤤好味道

今次去左元朗新開燒肉店，環境很好，有大螢幕播MV。點了一個588二人餐首先來的是刺身，帶子很不錯喔一份蔬菜盆，請無視雞蛋😂廚房出錯肉盤每人兩件呢個極上牛粒超好食，平時出面食牛肉粒會有筋，呢個無！有鮑魚仔，帶子同蠔呢個蠔雖然用左好多味去調味但都食到好重蠔味，超好食，想食多粒都無呢杯係芒果沙冰都幾耐喝，算大杯，可以慢慢飲體外話：因為上餐廳要行樓梯，如果帶小朋友去就麻煩左少少，要摺車行上去，無升降機的

同幾個FD黎開元朗大家都FEEL到有啲秋意想BBQ然後見到依家裝修幾靚應該係新開既餐廳就去試試佢估唔到佢咁大間而且仲有VIP房可以唱K開PARTY添同時都唔會好大油煙味值得一讚LIKE 社交平台有7折佢有2人,4人餐我地4人啱啱好原本要$1088依家7折 $761.6就食到 好抵呀!!每張枱都有好多調味料 燒汁最好食主角牛肉好好食 而且啲紋好靚開頭有D擔心唔夠飽後尾發現係食唔晒嫁仲有鮑魚 蠔可以燒黎食蠔好鮮甜有2盒蠔 一共8粒有2碗沙津做前菜一開始已經有刺身食 唔怕肚餓仲有大碗飯 好味 撈埋啲肉黎食仲正呀涼伴海哲夠晒辣燒粟米甜薯同南瓜都好好食必叫 波蘿非常甜墨魚咀 香口一共食左$1136平均每人$284員工態度好 坐得又舒服 下次再黎過!

💖 B-mix 燒肉餐酒館 (元朗)✨元朗鳳攸南街9號好順利大廈2座商場1樓2-3號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢間燒肉餐廳格局真係超級大，成間店嘅裝修都用咗灰同埋黑色，偏工業風嘅設計。佢啲梳化好好彩，每一張枱都好大張可以放到好多嘢食！一入去就俾其他人嗌嘅餐點吸引咗😍我見到人哋有一個彩色摩天輪😚係刺身😱勁靚，如果下次我同朋友嚟都要再食😳-B-Mix日燒套餐二人前🔥 $588B-Mix 沙律🥗:呢個Sara比平時食開個沙律多咗好多醬汁，仲有好多蟹籽，好快就食晒🤩B-Mix 丼飯🍚:係紫菜溫泉蛋三文魚子拌飯，份量都幾多，兩個人啱啱好😚刺身三點盛🍣:有大蝦刺身、帶子刺身同八爪魚刺身，鮮味十足🫶🏻日本大根漬🥕:酸酸甜甜好開胃嘅小食日本野生牛蒡漬🪵:幾有咬口㗎，做小食一流🙌🏻海鮮三盛合🐚:有錫紙兜裝住嘅蒜蓉牛油生蠔、帶子同埋鮑魚😍有埋個錫紙兜放落去燒，唔使再加以調味幾好😍極上牛小排🐮、安格斯牛粒🐃、熊本黑豚豬腩肉🐖、日本薩摩赤雞腿肉🐣、日本薩摩赤雞腎🐤:全部已經係二人份量，我覺得啱啱好夠食，平時叫放題成日都會嗌得多得制嘥野，但係呢度幾好，可以試多幾款，每樣安排好份量👍🏻我自己覺得牛

最近去咗食燒肉，朋友住元朗就推介左呢間餐廳，入到去好舒服，座位闊落，仲有好大個mon，氣氛一流。而家食肆開始放寬，佢哋仲有幾間Room，可以12人一齊盡興都冇問題啦！我哋就揀咗二人餐 ，讚好仲有七折，為返數都係$500之內，就可以食到好豐富嘅二人燒肉套餐。B-Mix 沙律酸酸地好開胃，分量十足！B-Mix 丼飯上面都好豐富，包括三文魚子、紫菜、溫泉蛋，完全唔會dry，多重口感。刺身三點盛入面有蝦、帶子同埋三文魚，都比想像中新鮮肥美，估唔到燒肉店都咁OK！日本大根漬+日本野生牛蒡漬呢啲即係前菜小食，如果鍾意食日本前菜就啱晒。海鮮三盛合裏面有蠔、帶子同鮑魚，佢個鮑魚勁新鮮，擺到落去仲有少少識郁，誇張！爽口彈牙極度美味。 帶子方面大大隻都好鮮甜，仲有加上芝士嘅蠔，都好Creamy。肉我認為都係重點之一熊本黑豚豬腩肉肥美之餘，其實都唔會剩係得個肥字，係超香嘅豬腩肉香；日本薩摩赤雞腿肉甘香滑，加上自己燒個外皮都燒得幾香，好正；而日本薩摩赤雞腎係特別爽口鹹香，好好食。二選一1. 安格斯牛或安格斯牛粒2. 伊比利黑毛豬梅肉 或伊比利亞黑毛豬面肉我就揀咗安格斯牛粒，花紋分布極靚，質感都好正，比較軟熟。

今晚老公放假 當然要出下雞地食下好野搵到間樓上燒肉店 原來係由酒吧改裝～好多座位好寬敞～仲有好大個投影幕呢度嘅2人餐好豐富仲要有7折優惠有刺身有漬物有丼飯有海鮮有豬牛雞有菇菜先來個刺身 有大蝦 帆立貝 八爪魚🐙 好鮮甜肉類都係日本直送 有熊本縣嘅貨 以解思鄉之情又薄切易燒 5駛調味都好juicy呢隻爐好好 下面吸油煙 5會成身味菇🍄同栗米燒完好香 小朋友食得好開心海鮮有蠔仔🦪 有帶子 有鮑魚值回票價 蠔仔燒熟左都無縮水燒雞 皮脆肉嫩最後配埋個溫泉蛋紫菜飯素丼飯 飽飽 味道一流加埋場內音樂我同先生叫左啤酒 有優惠服務周到 下次再訪

政府剛出新一期消費券，朋友推介元朗食燒烤，佢話吹水一流，緊係冇問題！餐廳設於二樓，但樓下有工作人員打點入座，座位寬敞舒適，服務員熱情招待，現二人餐做緊七折，咁jetso我哋緊係食二人餐！套餐包括雜菜沙律，日本蘿蔔同牛蒡，雜菜只需加入醋，已提升口感，這款前菜有開胃感覺。跟住上剌生三点物，有大蝦，帶子及八爪魚，全部都鮮味十足，爽口彈牙。再上丼飯，有温泉蛋加大量紫菜做飯素，非常惹味，飯質粒粒分明又香口，我哋好快就食晒。跟住就開始食燒烤，一盤烤肉，有豬同牛揀，我哋揀咗牛肉，盤裡有日本薩摩赤雞腿肉同雞腎，熊本黑豚豬腩肉，牛仔粒及牛小排，牛仔粒牛味香濃，牛小排入口即溶，食落齒夾留香，仲有牛油蒜蓉蠔用錫紙兜上，增加蠔的鮮味，新鮮鮑魚同帶子爽口彈牙，還有一盤雜菜，有鮮菇，雞批菇，南瓜，蕃薯和超甜粟米。我哋order咗二杯飲品，一支白蜜桃梳打，原支日本入口，好香桃味梳打氣又十足。另一杯芒果沙冰，新鮮芒果打成，果香味濃。這間餐廳裝修得美倫美奐，仲有電視大銀幕睇，令人感覺好舒服。可以約多些人一齊聚會的好地方！