B-mix 燒肉餐酒館 (已結業)

又黎到元朗搵食la😙天氣凍左少少，想食返啲熱野就簡左燒肉同海鮮。又唔想成日排長龍同限時間，所以就黎左呢度。餐廳座位夠闊落，好岩朋友仔坐低傾計。嗌左個二人套餐，前菜有蟹籽沙律、刺身盤，不得不讚個蝦真係超新鮮鮮甜，帶子都好爽口。另外有個b-mix丼飯，哈哈紫菜蟹籽香玉子真係配咩都咁好食，燒肉配丼飯中和返個味好正。講埋海鮮，鮑魚同牛油焗蠔雖然唔算大隻，但勝在新鮮嘅，燒帶子大大粒。燒肉方面最鐘意係熊本黑豚豬腩肉，好香口豬味充足不臊。極上牛小排，油脂分布好靚。蔬菜方面，燒南瓜同紫薯無得輸😂飲品嗌左芒果沙冰，好濃郁同大杯，減返油膩感。呢個套餐整體都抵食，每樣都有得食，唔洗自己簡😋