Awfully Chocolate (已結業)

在友人介紹下一試Awfully Chocolate 本不是特意去的, 但等元x等得太久就去一試single$28所以叫了$38 double spoon雪糕朱古力味很濃,chocoholic一定鍾意這價錢換到的質素可說是真的不錯喔吃完一段時間朱古力味還在口中遊蕩期間很多人order cakes,有機會都想一試

說的是「黑」朱古力雪糕。這家位於朗豪坊的分店, 店面看來比任何一家 Awfully Chocolate 的店都要狹小, 直頭可以用攤位來形容 - 那當然, 是精心的設計過的。今次的風格是中國式大宅門, 別看賣東西的地方很小, 轉個彎竟然有兩張酸枝椅, 大家可以好像大爺般坐下來吃。小茶几上還有一瓶水, 該是供人飲用的, 雖然不知放了多久但起碼是細心位。雪糕球仍是 $28 一球, 在物價飛漲的今天, 沒有加價已經很難得了。雪糕球的大小似乎沒什麼改變, 但向來它最吸引我的, 都是那個模仿美國 takeaway 中國菜的盒子。雪糕入口冰涼, 質感綿密得像幾乎有彈性; 朱古力味當然是濃得化不開, 好在是偏於甘味多於甜味, 吃完也沒有太涸喉之感。相信在好一段時間之內, Awfully Chocolate 的雪糕都會是我心目中 No. 1 的朱古力雪糕!

話說早前在朗豪坊經過Food Court 時, 已經看到在角落的位置有一間看上去完全不知賣甚麼的店鋪, 只知是關於Chocolate的, 卻使我有點好奇, 回家上網看到Openrice有很多人都大讚這間店, 才知道是賣蛋糕和雪榚的, 而且款色不多, 蛋糕也只有三款, 對於現在連甜品都有放題的香港地, 這間店確實令我有點吸引, 就在星期六下午與女友決定到朗豪坊買一個 6" All Chocolate Cake ($198) 回家慢慢品嘗!!其實, 本人因為重感冒的關係, 已經鼻塞多天還未痊癒, 無論吃酸辣米線, 日式冷麵也好, 更酸更辣更鹹都嘗不到當中味道, 所以這幾天是令我非常失落的日子, 但, 我為食是不會因病而改變的, 所以仍想試試新美食!!!回到家中後, 快快打看蛋糕, 看上去, 沒有甚麼華麗的設計, 感覺平實, 這反而令我很期待內裡是賣甚麼葫蘆...快快與女友每人切下一件品嘗, 一試之下, 對於沒味覺的我, 第一時間的感覺, 依然是沒感覺...女友卻說很有朱古力的甘甜味道, 而且很 Creamily, 隔了一會, 我慢慢感覺到, 味覺回來了! 令我很意想不到的, 竟然一個朱古力

記得Awfully Chocolate都有雪糕賣而男朋友又勁鐘意食朱古力所以帶左佢黎呢度試28蚊單球 38蚊雙球 價錢又唔係太貴而且個姐姐又幾靚女 一開始買左一杯雙球 之後坐埋一邊食我唔鐘意食朱古力都覺得好好味 唔係太甜又好滑 好似食mousse咁 !之後男朋友要encore要多左杯雙球自己食哂!哈哈 佢買完返黎仲話個姐姐好好人畢左好大個球比佢 第二杯果兩球大杯過第一杯好多 仲有佢隻spoon同個雪糕盒都好靚 !

抱住好高寄望，因為聽唔少人話好食，又好多雜誌介紹過，朋友仔仲特登收工去旺角買嚟慶祝生日。唔知係咪因為離開個雪櫃太耐，攞到返屋企雪咗幾個鐘再攞出嚟食，表面的朱古力依然好溶，切落去個質感已經麻麻哋，食落口感更加差。朱古力味係幾濃，但唔會覺得好香好味，而且有 d 偏甜，我最後只食咗半件。真係有 d 失望，不過我今天歸咎晚餐食得太飽，所以有機我會再試一次，希望會有不同嘅感受。

話說買完六合彩後，好友話行朗豪坊，行左一陣，見到呢間Awfully Chocolate之前想試好耐，但我公司同佢中環分店有段距離，所以一直冇機會try我叫左杯chocolate ice-cream$28蚊，算平，食落好濃朱古力味，但係好甜同賣都好易熔，不過佢個杯幾得意，手挽的，so far so good la不過試完佢杯雪糕之後，令我日後冇意欲試佢個cake，因為唔係幾岩我口味太甜la.....

想食好耐喇~ 今次SHOPPING時見到, 又感到口癢癢, 就放縱自己買來吃吧~店側有個很特色的佈置, 突然令我想起"住好D"~如果能放多幾張這類椅, 同朋友靜靜坐下, 應該幾舒服~ 雪糕真係超滑, 平時吃就算幾貴的雪糕, 都會有少許水份/細細冰粒的感覺, 但這個雪糕係超CREAMY~ 而且, 係超級濃味的朱古力, 不是太甜, 少少苦味, ,我最愛~ 其實服務員小姐俾盒雪糕我時, 都已經覺得個盒怪怪地, 最終吃完雪糕, 便試將原是打開了的盒摺成一個有小手挽的小盒子, 很有趣~ 又有得食, 又有得玩~ 超讚~

一直經過朗豪坊都無試過依間的雪糕今日終於嘗試左了，真係一讚再讚雖然只有朱古力味可以選擇，但同其他牌子的朱古力味雪糕唔同一入口真係有少少苦味，之後先有甘甘甜甜濃味的朱古力雪糕平時都算食唔少，但咁好食都係第一次雖然對面就係H字頭的雪糕店，但我還是比較欣賞這一間一試難忘有朋友推薦試下cake~ 下次要試下先得!

今日放假同朋友去旺角食lunch, 食lunch前上嚟open rice search下旺角有咩新野食, 結果發現開左間Awfully chocoloate, 之前去開銅鑼灣時都有d想試, 於是就同朋友食完lunch (土司工坊)後,就買左個原味chocolate cake上師父師母到食,順道為師母預祝生日快樂...買蛋糕時, 因為第一次買嚟食, 唔係好清楚d 款式味道, 但個三位售貨妹妹有欠主動, 唔係好願介紹有d咩賣, 我諗可能佢地間舖d蛋糕唔憂賣, 所以無點訓練d妹妹仔賣餅...咁講番個蛋糕, 原先睇個樣以為果蛋糕會好甜, 但食落去d朱古力甜度剛剛好, 而且個蛋糕很柔軟, 結果我地四個人把整個蛋糕一口氣吃掉了, 下次如果有機會, 我都會試埋另外兩個款

第一次接觸這個品牌是吃它的蛋糕，由於此品牌只集中供應兩款產品，不是蛋糕，就是雪糕，既然上次吃過店家的蛋糕，今次發口痕就來吃一吃杯雪糕吧。廿八元一個球，比起HD的不徨多讓，但不得不承認的是，這個雪糕巧克力味強不在話，最強的就是非常之黏滑，有如巧克力漿一樣，相信是含氣量低之故，加上巧克力味真的幾夠濃，但比起HD的比利時巧克力的就少了一份甘醇，但就沒人家的那麼甜，不過稍嫌的是雪糕中竟有一點點冰，這個真的是失手了吧。知道店家用的是七十個巴仙的黑巧克力，其餘的脂肪都是用了可可脂，是相對健康的一種脂肪，這點本人認為值得支持，也說得上是一個賣點；另外有關於甘醇度的問題，這一點就牽連甚廣了，皆因要改善的話，就要對巧克力的可可Blending入手，可知道不是所有人都如我般，愛吃甘醇一點的巧克力，不知店家會否開闢新Line呢？知道此品牌現在分店已經遍佈東南亞，甚至是日本及印尼，飛到不同的地方，很久前在飯局中經茶兄的介紹見過此店的店主，在此都向她說聲恭喜，更希望此店要繼續保留好的東西，甚或是研發出不同Blending的巧克力來作突破，那就是巧克力迷之福了。

由第一次見飲食男女介紹呢間非常有性格，冇display products, 只得三種味道選擇，仲要不可以散買，原個蛋榚買的店的時侯我已經很想try。今次終於有機會，買左個原味朱古力蛋榚。果然非同帆响！朱古力味濃但不甜, 蛋糕鬆化同濕潤, 朱古力醬配合得天衣無逢。名不虛傳，must try!

一向喜歡食Awfully chocolate的蛋糕,特別係香蕉朱古力那款.雪糕反而未食過,有日係朗豪坊行街,友人忽然想食雪糕,決定試一試.上手已經聞到朱古力香,食落十分滑和濃郁; 不過溶得快,而且略嫌偏甜.差不多四十蚊兩球其實唔平,個人還是喜歡食蛋糕多一點.

年初二晚上去朗豪坊睇戲, 睇之前同友人"心有靈犀"都想食awfully chocolate的雪糕, 好彩年初二佢地有開。$28 單球、$38 雙球當然係食雙球啦..哈哈...好好味...好重朱古力味...好rich..正呀..我已經食過幾次, 友人就第一次食, 都係讚口不絕!!yeah...好開心 &　滿足。

新年,祝大家開開心心..事事順意.只要心想食乜...幾貴都食得起......哈哈!~!不是我買..我家人買...有可能尖沙嘴買,不過唔緊要..不是我買就真係食評,只評味道.....最大的私隱爆左出來...哈!爆左自己洋名...我好怪在網上心聲.我可以盡講.我不怕..不過要我在網上貼自己個樣.個名可免則免..呢的先係最大的私隱.首先評味道...朱古力的味道.食到又聞到...而且個蛋榚口感鬆軟..而每一啖都夾住朱古力醬..幸好甜度低.....我都會推介大家一試.....

今日年初一出去同老豆拜年,食午餐後和家人行街街,我三哥帶頭行朗豪坊,臨走時他話去食雪糕和買個蛋糕返家食,我地去到只見得朱古力味,我心想唔係呀,不過算啦買咗一球$28,個姐姐好好咁話買兩球都係$38好意頭,一食嘩好濃朱古力味但唔太甜,口感好滑食後有回甘的味道,証明係靚朱古力,全家人都好開心,回家後即時試下個蛋糕$178,果然一樣唔太甜,好滑有回甘,不過真係唔食得多,因為好高卡路里,下次一定會再去食多次.