Artisan Lounge (已結業)

第2次來K11 Musea, 第1次係尋日，感覺唔錯，所以又叫朋友黎多次，同我慶祝生日。尋日去左間室內嘅餐廳，好舒服，食物又好。諗住今日黎Artisan Lounge應該都唔會有失望。見到個個都係叫tea set ，我地3個女仔當然唔會錯過，叫左一個tea set再加多個鱈魚。喺等緊食物黎，我地更係不忙吹水啦，但發現謂商場音樂異常大聲，由於間餐廳喺商場1樓中間，所以係處於open area,你食野嘅時候，街客係會望到，商場音樂亦都係同大家聽到嘅一樣。可能就咁行街係唔覺，我地坐喺餐廳，就好大感覺，音樂似落左pub咁! 我朋友愈黎愈忟憎，於是我問waiter,請問可較細音樂嗎? 點知佢話，已經向上頭反映左好多次下，咁點解仲係咁誇張。隔左一陣，我地又忍唔住問第2個waiter,佢講笑話佢就快失聰令我地哭笑不得。唉，算啦，我地話冇下次，幾好食都冇用。金錢係買時間買地方，想傾下計都唔得!好啦，講返食物先，個tea set係吸睛嘅，尤其係scones,非常出色，不過個醬就失色!其他甜品overall都算高質素，咸食就一般，可能我地3個都唔食生野。咖啡超普通，咁嘅價錢，可以用更好嘅咖啡豆囉!我朋友叫

無意中，超級趕時間之下闖入意為quick bite, manager 答應幫手盡趕，十多分鐘上菜👍🏼，非讚不可！一份龍蝦pasta, in house pasta 口感好不可不👍🏼, sauce and lobster 味道調得很好，另外一份cod fish, 唔會覺得魚油重, 可能係個sauce中和咗👍🏼. 要咗一杯Rhapsody, 忘記咗有乜成份，但係由外觀到入口都令我讚歎👍🏼. 呢一餐由坐低至埋單都只係40分鐘左右，吃喝service全都👍🏼👍🏼👍🏼，一定要揾日再去食過好好欣賞enjoy一番😋！

一天走進花園內  閒裡嘆個 Tea心彷飄進美術館內  迎 Art Piece 處處「Artisan」位於人氣熱點 K11 Musea，其首創的 3D 懸浮下午茶與及每位 HK$1,688 的奢華下午茶，開業不久隨即引來全城熱話，而當天我們則想走得再深入點！「Artisan」設有美麗的酒吧，估計應有美麗的雞美酒出品！這杯 Words (HK$138) 放在一個書本造型的木盒內，旁邊堆放乾花，將書本的文字改用氈酒、 接骨木花、佛手柑、茉莉來表達，果然帶出另類的文青氣息！將日本襌意放於雞尾酒上的 Zen (HK$128)，個人覺得設計令人置身兼在六園當中，忘記問友人清酒、柚子、紫蘇、青檸，又可有禪味？！籠子很美，但誰會喜歡被困在籠內？Cave (HK$138) 由干邑、血橙、檸檬來調較，絕對需要美女或美男來拯救它！日常我最喜歡放空，滿腦子都是天馬行空的念頭，這杯 Rhapsody (HK$128）最適合我！ 菠蘿冧酒、梨、西柚、海鹽，還有青檸，可替我注入更狂的細胞，或者真能寫出一首狂想曲！除了下午茶和雞尾酒，正藉晚餐時段，理所當然是一試晚餐的菜式！侍應先為我們添加陳醋和橄欖油，這款「A

等左成個鐘，明明好多檯都唔安排入坐，明明有2人細檯，一定要加埋做4人檯！3個人就俾6人檯，派位個個兄台都唔知做緊咩！好喇，喺門口企左勁耐，終於入坐，叫人落單要問5次，得兩位男的可以落單，明明有好多女待應，但係佢哋樣樣都好似唔關事。好多waiters 但埋單要叫三次，仲要點左野食再漏單，人手充足但做野甩甩流流...講番食物，牛角包好好食，麵包唔錯，但上檯既牛油硬到掉落地都唔會散。簡單嚟講，服務同細節做得好差，只適合叫外賣。

近期香港最大熱的打卡勝地，不用說一定是新開不久的 K11 Musea：這個由由國際知名的海外及本地建築師、藝術家和設計師聯手設計的超大型商場，雖然還有些商店未營業，但其全新體驗式購物藝術館設計，還是吸引了不少人前往，甜魔媽媽一週內也去了兩次！首晚主要是參加 Tumi 活動，當晚飲品及食品非常吸引，一問之下原來是出自 Opera Theatre 下的 Artisan Lounge，所以今週就來了用餐。Artisan Lounge 位於樓底最高的 G/F，半開放式的園林環境十分吸引，設有全天候供應的懸浮下午茶／包含龍蝦及魚子醬的全城最貴下午茶，同時也有精緻散點餐牌，這晚決定先試後者。首先上檯的餐前麵包熱暖好吃，三款都各有特色，更吸引的是同10年陳醋，配上同樣高質的橄欖油，讓人一不小心就吃掉三數個餐包！酒會上的 Cocktail 都能如此精美，去到餐廳更加不得了，每一杯的賣相都令人拍案叫絕！上圖是食友的 Zen $128，果真有著濃濃的禪意；下圖就是我的 Words $138，是一杯有接骨木花、佛手柑及茉莉清香的 Gin cocktails，以書本形式呈上，好誘人的書香氣息！能接受較高酒精的

商場新開左半個月，今日終於都有機會嚟到～到今時今日，都有人影頭上嘅波波好好奇，唔知有乜嘢好影呢...為求方便，周圍店舖又多人，所以就揀咗依間食晚飯最好食嘅係一片片嘅麵包，入邊好似放左類似杏腩既野，甜甜地，幾特別依個素菜雲吞，啲雲吞唔係一舊舊，係一片透明嘅皮蓋住入邊嘅材料，我覺得咁樣食唔係咁好，皮同餡料好似分開食咁，反而上面嘅松露片同湯一齊食幾清甜龍蝦湯幾好飲，龍蝦味夠出，老細覺得痳痳，因爲湯上面有一粒粒好似餅碎嘅嘢，我鍾意食，但老細話影響咗個味道，左邊既係龍蝦點心，一個似龍蝦燒賣，一個係蛋撻皮裝住啲龍蝦醬呢舊慢煮和牛肉質林林地吾鞋口，口感我鍾意，但老細話塊排完全冇牛味，好差牛扒配埋番茄，番薯條上，番茄好甜，番薯條唔油，炸得幾好，亦夠甜呢杯係一杯茉莉茶味製造出mocktail嘅特飲，有好清新嘅茉莉茶味，除咗茶味，只有好輕微嘅梳打味同果汁味，味道唔算突出老細話吾係好岩食，所以叫少少就算，我見隔離幾張枱都食三層Tea，幾好喎，夜晚仲有得食，下次黎試下

呢度聽講出名過懸浮下午茶， 加上新開便同屋企人來試一試。佢有豪華版同普通版嘅tea set 選擇, 豪華版當然係用啲矜貴嘅食材，但今次就要個普通版先，豪華版加一差唔多成$2000，普通版都要690加一。原來懸浮嘅意念都只不過係將個三層架放上側邊條擺設，其實冇乜特別，我以為真係同磁石有關係。餐飲要了一壺花茶，味道普普通通，分量亦都唔算大。先來鬆餅，聽我係用半島酒店嘅配方，一樣跟兩小瓶果jam同埋忌廉，但係個忌廉好淡，鬆餅偏林，唔算鬆化，食落口一pat野，好失望。三層假基本上有兩層都係甜食，一層係咸食，甜品我最有印象係一個類似奶黃餅嘅東西，鬆鬆軟軟嘅奶黃餡都不錯，其他嗰啲賣相OK大個味道就冇乜特別。去得這這些地方high tea , 打卡，同閨蜜傾計不錯，因為都係果句，high tea 通常都係食個環境而唔係啲食物。不過依間餐廳個位置喺商場嘅中間一小部份，其實冇乜景色，呢個價錢其實夠你去好多五星級又有景色嘅餐廳high tea ，所以價錢上就見仁見智啦。

Artisan Lounge進駐尖沙咀新商場K11 MUSEA，餐廳位於商場中庭，半開放式的設計，彷如置身庭園中。而餐廳會全日供應精緻下午茶，三層Tea Set會懸浮吊起，造型相當吸睛，當時食到咁上下嘅時候諗緊食最高嗰層係咪需要企起身來拎😂點知食到一半嘅時候佢哋都會主動換隻碟😆冇得玩個架lu食物方面亦選用矜貴食材，有魚籽醬、法式血鴨包、工匠朱古力，款式有別於坊間，賣相精美😍非常適合閨蜜打卡！🧁整體食物質素屬於中上，而且夠飽！ 對於我這些大食女生來說好重要🤭😂以後大家high tea又多個選擇啦！下午茶以特別3D打印銅製吊架裝載款鹹甜點，非常獨特，超適合打卡！👍🏻😄 💰$728 hkd / 2位 (plus 10% service charge )仲記得餐廳剛出街係$690兩位咁快就加價，所以未再加價前快啲嚟試吓啦！😆至於$1688一位我諗我應該唔會試啦😆價錢同Rosewood hotel 差不多，一於下次試吓先🍰 ❤️Youtube星期二有得睇 ❤️ 📍Artisan Lounge (尖沙咀)尖沙咀梳士巴利道18號Victoria Dockside K11 Musea 地下008-008A

聽餐廳個名就知對食物有藝術感既追求位置係新商場K11 musea既大堂正中心雖然無大玻璃窗睇到維港景但佢既裝潢亦充滿英倫森林風 別有味道所謂飄浮係垂吊式既下午茶雖然之前食過其他酒店都有但留意只有幾張sofa台先有飄浮式架咋鹹點：魚子醬包點👍🏻吞拿魚薯片法式血鴨包👍🏻紫薯撻👍🏻火腿蜜瓜和青瓜三文治👍🏻甜點：法式鮮花奶凍👍🏻朱古力棒軟香芝士杯👍🏻迷你馬卡龍工匠朱古力甜粟棒棒香檸瑪德蓮自家烘焙鬆餅 (溫度唔夠 皮唔夠脆）餐飲：Tropical teaFloral therapy tea 點心賣相非常靚 所有既咸點都好得我歡心除左賣相 味道亦好食 絕對係實力表現最鍾意金泊魚子醬包(充滿大海味道、下圖右）同法式血鴨包(好鮮嫩既鴨肉、下圖左）連三文治設計亦好有創意 用非常透薄既青瓜片製作成一件圖型藝術品點心亦用咗不少類型食用花做decor 賞心悅目 非常吸晴最後埋單 $800 for 2 person比中環S個間既下午茶更貴好似一開幕報導出街既價再加咗可能之後會繼續加價 要試就趁早啦

上月曾提及嘅天價下午茶講緊嘅正正就係呢間...Mama都係揀番較多人幫襯 價錢亦相對較貼地嘅平民版每位$1688對有錢人濕濕碎但對窮L小薯如Mama可是天價外界用上浮誇字眼去形容哩個下午茶完全係得啖笑 有嘢吊住 又何來懸浮類似概念九龍香格里拉都有啦話雖如此 整體造型都吸引嘅餐廳位處商場中央 佔盡地利被植物圍繞 彷如置身奇幻森林話又說回頭 新開張時$690原來依家已經加到$720啦價錢同Rosewood打成平手想必對自己嘅出品好有信心又或反應唔錯先敢逆市加價即使唔平但booking都好爆唔知遲吓會唔會又再加價若果會 就真係早去早享受咯好少可造型精緻亦兼顧到味道選料矜貴 但Scone有進步空間最過癮佢係All Day Afternoon Tea意味著無論早午晚 任何時候都食得我果日就係lunch time去食嘅 過癮若果係下午茶狂熱份子都值得一試

今晚去左充滿建築藝術感既餐廳食my birthday dinner呢間既tea set價錢驚人，反而晚餐相對地合理少少餐前包有3款選擇，味道有驚喜喎幾好食！「櫻花大蝦🍤漢堡」賣相好吸引，用左大虎蝦，不過經過吉列炸過後，欠缺爽彈既口感，個包有別於西式漢堡，同左港式饅頭作為漢堡，整體味道不過不失吧，沒什麼特別，所以呢個價錢之下不太值得！「麵醬鱈魚扒」呢個好好食賣相又靚鱈魚扒好滑好啖啖肉，麵醬既香味好入味，仲有啲香草醬，perfect match不過個人覺得黎食過一次就足夠了沒有特別衝動令我好想再黎食

尖沙咀新開、見到好多報章雜誌介紹、一心去試……9月11號星期三晚大概七點半、其實約只有三成枱有客、都唔算忙。一行二人站在柜枱前幾分鐘、睇埋餐牌想坐低、卻一直冇人理、後來一位男經理見到我哋、完全有眼神接觸、但他卻一於懶理、到後方與另一位侍應聊天、絕對趕客。這樣的服務態度、寫多少鱔稿、食物照片多美也沒有用處。K11 Musea新場有好幾間餐廳都排長龍、亦陸續有餐廳開、此處不歡迎客戶、很自然會選擇另一家！

今日大概下午1:30打去預約星期日的枱，當時餐廳職員還幫我確定下午茶可以有生日牌，更同我說星期日見。 結果我在6:00的時候收到餐廳致電，說他們已經滿座，不接受預約訂枱，而且是整天也full Booking。非常混亂，亦令客戶非常不滿。這樣的新餐廳，不去也罷了。

Came here at around 4:30pm on a weekday and we saw there were a couple of seats available. The receptionist asked whether we were here for afternoon tea. We said no, maybe just a couple of drinks.My mum can’t sit on bar chair so we opted for a table, but they said they were full. I said I saw a couple of empty tables, and they said they’re all reserved. Just a minute later a party of three entered without a reservation. (They said no reservation and as we went up the escalator we saw them seated