Amuse

营业中

休息中

想輕鬆下又唔想宅在家，飲返杯都係唔錯嘅選擇。是日同朋友飲返杯，原來佢屋企附近的酒吧，每日4pm-8pm都有半價優惠（意粉、豬手、迷你漢堡及BBQ豬肋骨除外），飲品就每人最少點一杯，咁抵嘅優惠當然去坐下Chill下同飲下。餐廳仲有兩樓位置，有溫馨舒適的感覺。▪️ Papa有Baileys和鮮奶的關係，所以口感好Rich，配上忌廉和美美的乾花朱古力，打卡度Up！▪️ Candy Bear彩色的Vodka Jelly增加可愛度，由荔枝、橙汁、菠蘿汁、梳打等等，味道酸酸甜甜影入口，一定能夠得到女生們的歡心。◽️ 炸啤酒魚柳薯條有兩份大大塊的炸魚，外脆內嫩，點他他醬味道更豐富，而薯條都相當香脆好味，佐酒一流。◽️ 小食拼盤拼盤有洋蔥圈、芝士條、雞翼、煙肉腸，特別喜歡肉質保持juicy的雞翼，以及「芝」味十足的芝士條，貪心的人有福了！◽️ 炸啤酒秋葵外層香脆而秋葵亦相當好味，一條接一條！

同朋友行完嘉頓山，見時間尚早又未到晚飯時間，一於搵個地方飲杯嘢先一行落嚟就見到呢間酒吧，牆畫係本地陶藝家繪畫，加上充滿時尚感嘅藤椅，夠晒型格！點了幾款佐酒小食，加2杯special cocktail，正👍🍴炸啤酒魚柳薯條 - 用上啤酒炸漿，將魚柳炸到金黃色，外皮脆卜卜，魚肉嫩滑鮮美，另外薯條夠脆口，整碟份量都好足，佐酒小食首選！🍴小食拼盤 - 有洋蔥圈、芝士條、煙肉腸、雞翼，幾款炸物都香脆惹味，我自己就喜歡雞翼同芝士條🍴芝士肉醬玉米餅 - 有雞、牛和素食揀，我哋就揀咗牛，會比較juicy，份量都唔少，配料就有牛肉碎、芝士和辣椒，辣辣哋都幾惹味！🍸Candy bear - Vodka基酒 嘅cocktail ，加入荔枝、橙汁、菠蘿汁、石榴糖漿、梳打等營造出幻彩效果。Vodka Jelly加上熊仔糖，味道甜美又夠得意，女士們又怎能錯過🍸Dwan - 以Gin 酒作為基酒，加入蛋酒、熱情果力嬌酒、西油汁及檸檬汁，味道溫和。放上糖膠橙乾片做裝飾，賣相極靚。這杯雞尾酒更加是深水埗店限定，來到必選💫餐廳最近都有優惠，由即日起，所有食物每日 4-8pm可享半價優惠 *除意粉、豬手、迷你漢堡拼盤及B

工作忙碌，今晚放工想與知己放鬆一下，於是到了深水埗一間格調親民酒吧餐廳品嚐一邨至Chill晚餐❗餐廳裝修精緻，呈輕工業風，甚有情調，提供多款飲品，更有多款美食！店員亦殷勤有禮。除了有Happy Hour 優惠外，每日4-8pm更可享食物半價優惠！我們一行2人惠顧了以下菜式：1️⃣炸啤酒魚柳薯條 魚肉炸得黃金香脆，外脆內軟，魚肉香滑可口，份量十足，配搭厚切風味薯條，大件夾抵食，送酒一流！2️⃣特色雞翼（L)特色雞翼含有三款味道，包括水牛城辣汁、蜜糖芥末及威士忌燒烤，每款雞翼外皮香脆，內裏雞肉香滑多汁，沾滿香濃醬汁，越食越上癮。3️⃣香辣羅勒大蝦扁意粉 以香辣羅勒及新鮮香嫩大蝦烹製而成的大蝦扁意粉，扁意粉香滑彈牙，大蝦鮮味香甜，配搭豐盛美味。4️⃣Lychee Cooler以荔枝、梳打、橙汁及石榴汁糖漿製成的荔枝特調飲品，賣相精美，味道清新香甜，充滿荔枝果香。5️⃣Virgin Mojito以薄荷葉、糖漿及梳打調製而成的特調飲品，味道帶清新薄荷香，甜度適中，解膩開胃。總括而言，此餐廳的飲品精緻可口，食物質素不錯，價錢親民❗️餐廳鄰近深水埗站，絕對是深水埗一帶的抵食酒吧餐廳之選❗

難得有間舒服乾淨嘢食好美嘅Bar🫶🏻 深水埗新鋪推出happy hour 4-8pm時段半價優惠🥳🥳 多款指定食品都半價👏🏻👏🏻 本身個價已經唔貴，半價後會唔會太抵食？仲要質素都不錯👍🏻半價食品包括：炸魚薯條、雞翼拼盤、焗芝士大菇、小食拼盤等等🥰飲品方面選擇更多，cocktail, beer, wine, cocktail等都有happy hour價錢，推介俾大家🤓炸魚薯條🍟炸得好透外脆內滑，薯條再多啲就好雞翼拼盤有三種口味，bbq燒烤味、芥末醬味、辣味，係偏重口味，幾啱做送酒小食另外有小朋友關係，叫咗個野菌汁扁意粉🍝 都幾好味，小朋友鍾意食🙂

🌟Amuse🌟係深水埗嘅酒吧餐廳，餐廳牆上有來自本地藝術家嘅🎨繪畫，配合裝修同埋擺設，充滿品味🥰，感覺真係好Relax！🌟Amuse🌟做緊Happy Hour優惠，除咗🍺飲品有Discount外，由即日起，所有食物每日 4-8pm 可享半價優惠，勁抵食呀！😍🧸Candy Bear $60 (HH)Vodka based嘅cocktail🍹，酒味溫和，甜美可口🥰，賣相可愛😍，熊仔糖🧸同埋三色vodka🚥啫喱串，啲童真返晒嚟！🌅Dawn $70 (HH)以💗粉紅色＋💗橙色，來營造🌅日出時嘅天色，真係幾靚！酒味適中帶點微酸！🌮L Size 芝士肉醬肉米餅(牛) 折後 $54即焗Nachos跟埋🐂肉醬，大大兜折後都係50零蚊，抵！Nachos香脆可口🤩，仲有啲墨西哥辣椒🌶️增加風味同埋辣度，送酒一流🍻！🐓L Size 特色雞翼 折後 $69水牛城辣汁🌶️、蜜糖芥末🍯、威士忌燒烤🥃，三款口味嘅雞翼拼盤！少少辣🌶️，多多趣！🐟炸啤酒魚柳薯條 折後 $74啤酒炸漿係即叫即開，你會見到👨🏻‍🍳廚師拎隻量杯出嚟斟🍺啤酒，誠意十足👍🏻！魚柳🐟勁大塊，仲要香脆可口，配埋他他醬真係超美味😋，必點item！

/𝑨𝒎𝒖𝒔𝒆 🇭🇰/#sa深水埗篇 ➖➖➖<深水埗兩層高工業風餐廳x酒吧> ➖➖➖平時去深水埗都係去大南街基隆街多都好少去到九江街呢邊🤣位置都有少少偏僻 不過想靜靜地坐低食下野飲杯野呢度都幾好 樓底幾高 座位多 夜晚都幾有feel ❗️一入門口就見到幅好有藝術感嘅壁畫🥰佢地佐敦上海街有另一分店 而深水埗就岩岩先試業 新張期間 每日4pm -8pm 所有食物有半價優惠除咗豬手/意粉/ 迷你漢堡拼盤同豬肋骨 ➖➖➖1️⃣炸啤酒魚柳薯條 $148 (折後$74) 酒吧餐廳黎講我覺得擺盆味道幾出色☺️魚柳有兩大條 外皮薄脆魚肉都幾厚實 亦唔會好乾點埋他他汁好味🥰薯條粗幼適中 欣賞佢唔算太咸➖➖➖2️⃣焗肉醬芝士大啡菇 $98 （折後$49)原隻大啡菇非常juicy 😛而且芝士肉醬份量頗多芝士半溶 加上番茄汁 幾惹味！ ➖➖➖3️⃣德國咸豬手 $238大概2-4人份量 豬手調味剛好唔會太過重口味🤤外皮口感硬脆 部份較硬實不過肉質都算幾嫩、有膠質 唔會好鞋 有啲似食梗乳豬😛可以點埋芥茉食～➖➖➖4️⃣Dawn $70 (HH) || $98 (NH) 深水埗分店限定❗️加入左百香果liqueur 、

Amuse Bar最近喺深水埗開第二分店，樓高二層空間感絕對足夠，注意樓上坐位要先脫鞋喔。新店環境同樣帶來水泥工業風，門口當眼處有香港陶藝家繪畫嘅壁畫🤎，加上藤椅同綠色植物點綴超級舒服😌，4Pm-8Pm Happy Hour時段主餐廳食物做緊50%優惠足足半價咁濟👀，放工同朋友鬆一鬆又多個選擇啦🍻▫️德國咸豬手 $238雖然喺酒吧但食物都唔馬虎，即叫即烤！大大隻咸豬手份量十足外皮烤得香脆💥，肉質亦唔會過鹹調味得唔錯！▫️迷你漢堡拼盤 $138拼盤有齊雞扒同自家製漢堡扒，最驚喜漢堡內裡嘅牛肉餅全是手工製，用上人手打而唔喺用機器所以入口有澎湃嘅肉汁之外保持鮮嫩🤤，加上蕃茄生菜同芝士簡單嘅配搭已經好出色，底部仲有非常多香脆薯格佐酒一流呀🙌🏻！▫️香辣羅勒大蝦扁意粉 $118想飽肚啲呢到仲有幾款意粉🍝，鍾意比較濃味嘅可以試試呢款！有蕃茄嘅酸甜同時帶點微辣🌶扁意粉軟硬適中，最估唔到喺兩隻蝦竟然預先脫了殼唔洗怕整污糟雙手😆▫️Blanc $70▫️Dawn $70嚟到當然要試吓兩杯深水埗限定嘅雞尾酒，粉燈色嘅Dawn加入熱情果及西柚汁非常易入口，裝飾用上果乾麥芽糖亦都好搶眼😍另一杯Blanc就加入新鮮雪梨汁

這間位於深水埗靜謐小街巷弄裡的酒吧，隱蔽度高，裝潢走清新簡約風格，結合藝術、休閑、酒吧於一身。近門口的牆身，請來香港陶藝家陳建業 Scott Chan 加持，即興創作出充滿藝術感的概念畫作，以一滴酒帶你走進「酒後的奇妙世界」— 與朋友相聚的快樂時光、一個人獨自淺嘗的專屬時間、微醺下遇見似是而非的奇幻經歷、還有酩酊大醉後暢所欲言的快感，大家來到記得嘗試在作品內尋找一下「作品的說話」。 🦋德國咸豬手 $238豬手先以多種蔬菜及香料配上高湯慢煮上 3 小時，腍滑入味，再用人手於豬皮上刺滿細孔再低溫冷藏。當客人下單時，才即時以高溫烤焗至金黃，保證新鮮又香脆，配上酸菜及自家調配蜜糖芥末醬，解膩之餘提升層次感。🦋墨西哥芝士粟米片(牛) $88粟米片有大細之分，口味有牛、雞、素食三款選擇，小編選了細份的牛。免治牛肉比預期好食，不會好乾身，香脆的粟米片加上香濃的芝士及墨西哥醬汁，叫人吃不停口。🌟Cocktail 🦋淡墨 $68HH/$98NH全球首支無糖咖啡酒的淡墨，帶淡淡的甜，入口是咖啡豆的花果香味，加上青檸，更容易入口。🦋白蘭樹下 $78HH/$108NH充滿本土特色的白蘭樹下，芳香四溢，每一口醇

Amuse bar有兩間分店，喺深水埗同佐敦🍻 今日經過深水埗，見環境唔錯就入去試吓🍺 門口嘅牆壁有一大幅由本地陶藝家創作嘅手繪壁畫，二樓係榻榻米區，適合一大班朋友chill吓飲吓嘢🥰 🔸Old times呢杯Special cocktail用咗jack daniel's, grand marnier, tangerine peel, sour mixed, soda🥃 Whisky配上淡淡嘅陳皮香味，仲有話梅做點綴，味道幾清新特別🔸Dawn另一杯cocktail就用咗gin, advocaat, passion fruit liqueur, grapefruit juice, lemon juice🍸 玻璃糖片包裹住果乾，賣相好吸引👍🏻 飲落似果汁味嘅益力多，非常容易入口🥰🔸德國鹹豬手豬骨底下有德國酸菜，味道唔錯👍🏻 豬皮炸得好酥脆，豬皮下面嘅骨膠原口感好q彈😂 豬手調味適中，唔會太鹹，點埋香草芥末醬更加好食🍖🔸芝士肉醬玉米餅Nachos可以配牛肉、雞肉或者素，我哋今次揀咗牛肉🐂 玉米餅香脆，我幾推介💯 芝士裡面唔少辣椒粒同墨西哥辣椒片，味道香辣，送酒一流🍻 由即日起，所有食物每日

唔小心發現這間餐廳，叫左1. 雞翼拼盤(Happy Hour半價好抵），一共有3款口味都好好味，其中一款，刺激辣但真係好味2.迷你漢堡set 都好有誠意，皮脆漢堡既牛肉都juice,仲要有勁多脆薯格，份量十足3.海鮮墨汁意粉，質感ok,係淡左少少，都ok 既4.最驚喜係jelly punch, 真係好味 仲要d jelly 細細粒 一路飲 一路吸到感覺非常爽 👍🏻下次經過會再幫襯

我同幾個朋友星期日下晝2點到異常冷清 店內只有一台客人諗緊會唔會中伏🤣店內我見到shisha 估計夜晚會變成酒吧勝地所以朝早比較冷清🫢店內裝修係水泥加光影風有個種好raw 嘅感覺🤫出面擺放大型咕𠱸俾人坐仲有一塊韓式鏡可以打卡聽到呢度應該都未覺得伏🤣叫咗Half Day Breakfast($88)上嘢食嘅速度都比較慢 要半個鐘先上菜不過cafe 節奏可能比較慢活🫢驚艷到我嘅只有炒蛋 蛋味香又濃又滑至於蒜蓉多士 德國香腸 漢堡扒真係平平就係平時食開味道 唔太surprise 88蚊真係唔抵食🥲另外叫咗 BBQ 烤雞漢堡 ($88)配薯條比起其他餐廳唔同嘅係佢用竹籤篤住漢堡雞肉正常 唔會太柴 juicy有肉汁😍不過麵包質感屬於厚同乾鎖唔住肉汁 感覺差d薯條香口 感覺少少似five guys 薯條🫢我就覺得唔抵食🥹等得耐之餘 價錢同食物質素唔成正比可能shisha 更開心🤫

天氣熱，行到身水身汗，響深水埗想揾間酒吧坐低飲杯野，見到呢間Amuse，走工業文青風，好新淨，專登揀翻門口位坐，都唔會覺得好熱。佢呢度酒精類飲品都有好多選擇，當然要飲下人哋嘅signature cocktail 啦，靚女介紹我飲Candy Bear, 主要有荔枝，橙汁，vodka jelly(唔記得影低）入口本身擔心會好甜，點知飲落係一種真實嘅果汁清甜🫰🏻，非常有驚喜🤭，Happy hour $60，呢個質素，我覺得都值得，仲好清幽地hea左一粒鐘正吖👏🏼

屋企樓下開左間文青酒吧，梗係拿拿聲去試下啦，環境好靚，試需左一款 candy bear 都ok , 不過食物比預期貴，但好大份的因為深水埗相對比較平民，不過我見唔係太多人，可能未做宣傳…. 略嫌炸魚鹹左少少

呢間餐廳酒吧，喺我朋友屋企樓下新開，所以落去坐陣。嗌咗佢嘅炸魚薯條，略嫌啲炸魚有少少太鹹。Cocktail款式都好多，環境十分之唔錯，仲有不同小食可以送酒，喺區內小有咁嘅類型嘅地方。