影片
更多
2023-05-08
440 浏览
平時行開深水埗都係睇電腦/去鴨記買配件，今日係寶血接個護士朋友收工傾下計，佢介紹我佢醫院後面有間餐廳環境都幾好、坐得舒服就去試下一入去真係有種遠離繁囂感覺，微暗燈光、水泥牆壁加上淺綠桌椅感覺又chill又舒服🥔炸薯拼盤 $108(L) $88(S)6款醬(由左至右)：茄汁、蛋黃醬、黑松露醬、麵豉、冬陰功、泰式辣醬Girls talk 點少得食炸薯條，叫咗個大炸薯拼盤，一盤滿足哂3個願望！有薯條、薯角、薯格，另一驚喜在於有6種醬汁提供，賣相靚之餘仲可以每次都揀唔同醬汁食(必試特式麵鼓醬)，唔淨止得茄汁咁單調。3款炸薯新鮮、熱辣、脆口，下午茶就係要食邪惡小食🧆露筍雜菌松露扁意粉 $118作為黑松露愛好者嘅我地，一定揀松露意粉，依碟松露意粉每啖都滿滿松露醬，雜菌都好多仲大大塊幾抵食，值得一讚係扁意粉口感好彈牙、小麥味重，似手工製意粉🐤特色雞翼(水牛城辣汁，蜜糖芥末，威士忌燒烤) $118(L) $98(S)講講下又口痕想食d嘢，就叫多碟雞翼一路食一路再傾，鍾意依到好多拼盤，又多口味選擇，唔局限只得一種口味，3款雞翼都好惹味，一向鍾意食辣嘅Venus 私心揀水牛城辣汁最好味！🥂Dawn $70
平時行開深水埗都係睇電腦/去鴨記買配件，今日係寶血接個護士朋友收工傾下計，佢介紹我佢醫院後面有間餐廳環境都幾好、坐得舒服就去試下
一入去真係有種遠離繁囂感覺，微暗燈光、水泥牆壁加上淺綠桌椅感覺又chill又舒服
🥔炸薯拼盤 $108(L) $88(S)
6款醬(由左至右)：
茄汁、蛋黃醬、黑松露醬、麵豉、冬陰功、泰式辣醬
Girls talk 點少得食炸薯條，叫咗個大炸薯拼盤，一盤滿足哂3個願望！有薯條、薯角、薯格，另一驚喜在於有6種醬汁提供，賣相靚之餘仲可以每次都揀唔同醬汁食(必試特式麵鼓醬)，唔淨止得茄汁咁單調。3款炸薯新鮮、熱辣、脆口，下午茶就係要食邪惡小食
🧆露筍雜菌松露扁意粉 $118
作為黑松露愛好者嘅我地，一定揀松露意粉，依碟松露意粉每啖都滿滿松露醬，雜菌都好多仲大大塊幾抵食，值得一讚係扁意粉口感好彈牙、小麥味重，似手工製意粉
🐤特色雞翼(水牛城辣汁，蜜糖芥末，威士忌燒烤) $118(L) $98(S)
講講下又口痕想食d嘢，就叫多碟雞翼一路食一路再傾，鍾意依到好多拼盤，又多口味選擇，唔局限只得一種口味，3款雞翼都好惹味，一向鍾意食辣嘅Venus 私心揀水牛城辣汁最好味！
🥂Dawn $70(Happy hour) $98(Normal hour)
護士朋友揀咗依到最受歡迎嘅Dawn，味道係酸酸地少少甜Cocktail ，由西柚、檸檬汁加百香果酒、gin等製成，賣相幾特別，有支類似冰棒嘅糖漿棒連乾檸檬做裝飾
🍹Lychee Cooler $50(Happy hour) $80(Normal hour)
我依杯係Mocktail，橙橙黃黃係因為入面有橙汁、石榴糖漿、荔枝加梳打水，入口酸酸地好fresh，底層有香甜荔枝果肉加強口感，原來我依杯都係Amuse 受歡迎之選～
買單先知原來依家做緊優惠！即日起所有食物每日 4-8 pm 可享半價優惠，不過以下食物就唔包括，另外每人最少點一杯飲品
*除意粉、豬手、迷你漢堡拼盤、BBQ 豬肋骨及腸仔拼盤
Amuse
📍地址：深水埗九江街 161C 號地下
张贴
