Amour Corner (已結業)

今日約朋友係旺角行街 之後大家都想食下西餐 見到呢間Amour corner 又做緊推廣啲二人套餐 就二話不說走入去食 一入門口 見裡面環境都黑黑地 都幾浪漫feel我地揀左個二人套餐第一樣 頭盤 包左6隻蠔 可以選擇三款蠔 塔蒂蠔，法國芳大奇生蠔，仲有小珍珠蠔 我地揀左每樣二隻 個人認為 三款蠔都好值得食 新鮮鮮甜😋😋😋第二樣 鵝肝配多士 仲有三款芝士黑松露 磨菇湯 夠濃味👍🏼👍🏼大蝦墨汁面 汁多味濃 推介即燒豬肋骨 個人認為醬汁偏少 可以改善最後食埋個果凍加士多啤梨雪糕 兩個都飽了😌😌😌

餐廳環境紛暗 但還好樓底高 有盞大掛燈 而且每張枱都有盞小蠟燭 播住英文慢歌 確實幾有情調 難怪有好多情侶黎呢到談心～相信除左環境外 仲有就係食物價錢相宜驅使多人黎 例如$130就可以品嚐6隻新鮮生蠔而且保證全部都係外國入口！「貴野唔一定好 平野唔一定差」— 生蠔賣相還不錯 每隻都乾乾淨淨 色澤清澈！因為每款蠔都有唔同特色 所以店員特別建議由淡至濃享用 整體感覺蠔不帶海水味 有入口爽身 亦有入口creamy！以$160品嚐到新鮮蠔可以不妨一試除左食蠔外 仲點左二人晚餐 （$468）先黎沙律跟蘑菇湯 沙律稍嫌太濕而且味道唔夠 建議可以加沙律醬增強味道芝士蕃茄煙肉燴長通粉可為今晚既高潮！通粉每粒上色上味 而且吸收蕃茄酸甜既味道 食時蕃茄味更湧出 味道更然清新另一主角係澳洲安格斯牛扒 點左5成熟！牛扒大細適中 肥膏唔多 可能因為咁既關係 所以較難切 扒肉汁亦不算多 食靠醬汁濕濕口

本身打算同朋友開開心心食餐生日飯，預先book咗檯話3位，點知去到就話同事搞錯咗冇檯要我哋等，等咗15分鐘之後有檯都還可以，但落order嗰陣要講幾次先聽到我哋要咩。一開始上頭盤--巴拿馬火腿蜜瓜，餐牌寫蜜瓜，上碟就哈密瓜，同餐牌所寫嘅有出入，火腿同哈密瓜嘅味道唔夾，令火腿變得過鹹，失望。之後上餐湯--忌廉蘑菇湯，水還水，湯渣還湯渣，湯的確有蘑菇味但湯完全冇忌廉湯應有嘅口感同香味，飲完第一啖之後失望到我寧願飲水都唔飲碗餐湯。跟住上主菜--雪花西冷牛扒，我嗌咗五成熟，切落去都算可以，但放入口係牛肉味唔重，但冇雪花牛肉應有嘅口感，略嫌偏硬。另外，我哋落完單之後就即加單要生蠔，點知連主菜都上咗食到一半，啲生蠔都未開到送上檯，最後唯有cancel。但認真講一句，1年半前我有食過呢間餐廳，嗰陣啲嘢食都還可以，點知1年半之後，失色到我決定以後都唔會再幫襯。

生日諗住係旺角搵間西餐食下，見到呢間評價唔差，就黎食下啦，坐低都覺得唔錯既，點知之後不停黎錯order，仲要一句唔好意思都無，好似係我令到佢地搞錯d order錦，呢間野真係只此一次下不為例😡😡😡

夏日炎炎熱辣辣, 最好搵個冷氣地方抖抖暑, 食返d凍野解渴。今日路經一間地舖Cafe, 門外張貼左幾款限時甜品, 賣相幾吸引, 價錢跟糖水店既差不多, 於是我地就決定去呢間食返個凍冰冰既甜品。 【西瓜冰冰】HK$78賣相非常可愛, 半個西瓜殼裝住紅卜卜既西瓜沙冰, 以朱古力粒仿做西瓜核。沙冰被刨得好幼細, 入口滑之餘, 更入口即溶, 味道唔會過甜, 非常清新, 當中更有少少菠蘿肉、椰果、Jelly同埋西瓜肉增加口感, Jelly仲係有形狀ga!! 呢個甜品果然很有心思!【椰 King】HK$56估唔到椰皇都可以咁平, 有好濃既芒果汁, 甜甜的, 當中更有大西米、椰皇糕、椰果同埋芒果肉, 滿足到唔同既口感。如果本身中意食芒果既朋友, 必要一試!不過咁靚既甜品只限 3點至6點時段, 所以想食既朋友就要留意時間喇!!!

食左經典2人套餐,餐廳幾好招呼,環境幾靚,暗暗地,氣氛都幾好,前菜ge鵝肝青蘋果吐司好香好好味,咁ge價錢有2舊完整鵝肝好抵,係我意想不到的,湯係攬碎ge姑湯,我鍾意li 隻整法ge湯,會好香~但佢li個就略淡左少少~主菜食左牛柳扒~~比想像中細舊少少,但脹卜卜,好厚,個厚度令個分量都補得返數,好淋,有肉味,好好味~~甜品都要讚下個藍莓奶凍,平時d藍莓醫有d多此1舉ge感覺,會酸,令個奶凍冇左藍莓醫仲好味,但li個唔會,,佢藍莓醫同奶凍個味好甲,加左香甜,又唔會酸,不錯~~然後價錢也不算貴,食物有水準!值得食!會再帶家人朋友黎!喜歡這餐廳!另外佢個concept都好浪漫,鼓勵人留下情深說話~如果o係度同暗戀對象表白都不錯的^____^

朋友生日，當然是到Open rice尋找一下有什麼好食的。找到這一間餐廳，看上去氣氛很好，就決定帶朋友到這邊慶祝生日一進去氣氛跟網絡上照片一樣，很有情調，歐陸式裝修，燈光昏暗，是一個很好聚會談心的地方先看看有什麼好吃的作為生蠔愛好者的我們兩話不說，馬上叫了一set生蠔吃另外叫了一個二人經典套餐小珍珠比較Creamy,吃下去有淡淡的鐵銹味塔帝蠔比較爽口，海水味較淡而法國芬大奇生蠔海水味重，吃下去比較creamy.三種之中比較喜歡這一款巴拿馬火腿很香橡木味，哈蜜瓜爽口鮮甜鵝肝配上青蘋果，清爽不而油膩沙律菜很新鮮，配上芝士碎，芝士味濃卻不膩餐湯很重野菌味西冷羊扒羊味濃而不羶，熟度是剛剛好的粉紅色，不錯牛柳牛味濃郁，肉汁豐富最後配上的甜品香草冰淇淋跟奶凍奶凍不會過甜，嫩滑細膩，出色餐廳食物質素不俗，氣氛情調極佳侍應服務熱情有禮期待下次跟老公過來燭光晚餐

早前見朋友食生蠔post晒相咁，突然想食下生蠔同惹味嘅pork rib，上網check下有咩地方有齊晒兩樣野而且又近旺角行完街行兩步就有得食嘅餐廳，search到lee間Amour Corner食西餐嘅地方。記憶中食過同名分店嘅食物印象都唔錯，訂左位估計應該唔使點等位喇掛!到左第日收左工行左陣街就少少到攞定位先，估唔到職員禮貌而且唔使等就可以入座!哈哈~坐底左睇下有咩生蠔食先！今期有三款都係黎自法國既生蠔食，3種試完後都食得出分別，個人鍾意塔蒂蠔多D，飽滿得黎滑D，另外小珍珠海水味重d咸d。頭盤揀左2款，Parma Ham唔會好咸且蜜瓜夠甜，另外鵝肝入口即融又配合青蘋果夾埋一齊食中和左唔會太肥膩。沙律冇乜特別，是日餐湯係蘑菇湯！唔係罐頭開果d，個味道都唔錯。MAIN COURSE 食PORK RIB 喇梗係，以前會又乾又硬喇，不過好彩係味道夠濃肉質夠軟，又幾好食喎! 最後一定要食埋DESSERTS就夠晒完美! 食左DREYER'S 雪糕好食，意式奶凍都算幾滑幾有奶味! 值得再黎食，可以試埋其他MAIN COURSE！

難得攜父親大人出門覓食，途經砵蘭街，被餐廳大門的晚餐餐牌吸引。老爺子年輕時就喜歡去扒房，此時一見餐牌上的牛扒羊扒，眼都亮了，我從善如流，一試這法式西餐。不負名字間的鐵塔，Amour corner 的裝潢就可見細緻用心，既有傳統扒房的復古風格，亦有法國餐廳獨有的寧靜浪漫。頭盤3選2，我們選了青蘋果鵝肝多士和迷你芝士拼盤。鵝肝的塊頭很大，份量很足，配上烘得鬆脆的麵包，薄切的青蘋果，鵝肝味濃，入口即化，蘋果清香，除去油膩，開胃可口。芝士三款，各有特色，味道由輕到濃，小而精緻。餐湯是忌簾磨菇湯，凱撒沙律的配醬不太酸，主菜上桌之前是很好入口的輕食。主菜選了烤牛扒和香草羊西冷，老爺子格外會吃，選了牛扒三成熟。牛扒的成色很悅目，厚切，肉汁內蘊，鬆化易切，醬汁配上伴碟的薯蓉又是另一番風味。法國菜很重香草味，而香草的品種很多，重要的是和主菜的配搭，amour corner的香草羊西冷就很讓人驚豔，醬料中濃郁的香草味和羊扒的味道格外般配，不會蓋了羊的鮮味，又展現了法國香料的特色。不得不說的還有甜品奶凍，表層的草莓醬酸中帶甜，下層的奶凍口感嫰滑，奶味濃郁純正，熱愛奶類甜點的甜品控們不要錯過。除了環境舒適，服

突然心血來潮想食下生蠔同pork rib，上網check下有咩restaurant有齊晒兩樣items又近旺角行完街走兩步就有得食，睇到lee間Amour Corner食西餐既餐廳。記憶中食過同名其他分舖印象唔錯，訂左20:30，估計應該唔算多人一定有位喇掛!第二晚收左工行左陣街就早5分鐘到拎左位先，職員姆好禮貌而且唔使等就可以入座幾好喎!哈哈~一坐底梗係睇下有咩生蠔試下，今期全部都係黎自法國既，要試就梗係試晒3款喇! 3種都食得出分別，個人鍾意塔蒂蠔多D，飽滿得黎滑D，唔會太重海水好咸既味道，唔錯! 頭盤有2款，HAM唔會太咸蜜瓜夠甜，鵝肝入口即融有青蘋果夾埋一齊食中和左唔會太肥膩。沙律正常，是日巡湯係MUSHROOM SOUP，唔係罐頭開，味道唔錯。MAIN COURSE 我梗係食PORK RIB 喇，食之前都有D怕又乾又硬，好彩LEE次係味道夠濃肉質夠軟唔會太硬太乾，又幾好食喎! 最後一定要食埋DESSERTS先夠完美! 我就食左DREYER'S 雪糕，個意式奶凍幾滑幾有奶味! 下次可以試埋其他MAIN COURSE~

經過見到佢地既二人餐幾抵，就吸引左我同朋友入去食下喇。.經典二人晚餐 $328頭盤 3選2我揀左巴馬火腿蜜瓜同迷你芝士拼盤蜜瓜夠甜、新鮮，配巴馬火腿一齊食真係幾match. 不過個芝士拼盤呢，個人就吾係好識欣賞🤔 特別係藍芝士，味道濃到喊😂 可能配酒會好d既。之後就係傳統凱撒沙律同是日餐湯（磨菇忌廉湯），沙律菜好新鮮，食到清甜味👍🏼 個磨菇湯都幾濃郁，吾錯！主菜方面8選2，我地揀左烤澳洲牛柳扒同燒醬烤原味豬肋骨牛扒好juicy ! 不過肉質吾夠軟腍，有點煙靭，難切開🙈個豬肋骨更好食，個燒汁醬好正，又夠入味😋同埋好大塊呢。甜品得番Dreyer's 雪糕另外，我地仲點左法國生蠔 $130（ 任選6隻）塔蒂蠔 $40/隻法國芬大奇生蠔 $44/隻小珍珠 $36/隻為左淺嘗吾同味道既生蠔過下口痕😋

終於得閒同老公去撐枱腳慶祝二週年 呢間餐廳老公揀嘅 好吾好采當日落咗一日大雨 又塞車 都好狼狽頭盤選2款 我地揀咗青蘋果鵝肝多士鵝肝入口即溶 青蘋果很清新酸酸甜甜 配埋個香口嘅麵包 巴馬火腿密瓜都吾錯 只係蜜瓜太熟 傳統凱撒沙律 是日餐湯沙律醬汁太少 冇咩味道餐湯係蘑菇湯 一粒粒打碎咗蘑菇 好香蘑菇味烤澳洲牛柳扒牛柳扒肉質鮮嫩 厚度適中 菠菜汁煙三文魚意粉菠菜汁濃郁 意粉軟硬適中 好好味另外老公升級左個心太軟甜品 心太軟唔會過熟有流心效果

辛苦搵黎志在食！一個星期總要有一兩晚搵搵朋友happy hour , 聚聚舊！一個住天南，一個住地北的我們，今次挑了旺角、油麻地交界的amour corner !貪佢地點方便，一陣返天南又好，返地北又好，都一定有車！店內環境還不錯，挺有情調的，啱晒我哋呢啲來happy hour 嘅朋友，吹水唔怕俾人偷聽!先來一人一杯啤酒，選擇好多，日本、香港、韓國嘅手工啤都有，仲有好多專為女士而設嘅口味，唔錯！叫咗半打生蠔，價錢唔貴百零蚊有交易，即開新鮮又抵食！套餐附設嘅前菜都唔錯，淨係芝士出去買都幾十蚊，抵食又好送酒！跟餐蘑菇湯，唔係一般白汁湯，有質素、蘑菇味濃郁！凱撒沙律都尚算新鮮，一般餐廳質素，冇咩特別！意粉煮得剛剛好，唔錯的一個主菜！慢煮鴨胸嫩滑鮮甜，可以係牛排以外嘅一個好選擇！總體而言，所在嘅地區方便，食物質素又唔錯！最重要係價錢唔貴，絕對係行開一個唔錯嘅選擇！

問我食西餐應該會揀那些區份！中環,尖沙咀,這些不是必然答案,現在的食肆正所謂是百花齊放,各區亦有出色的餐廳嘅.前幾天和朋友行經砵蘭街,成條街食店臨位,本想吃些比較麻甩佬的食物,打下冷,打邊爐...但行經此食店見它們介紹法國生蠔做promote 又幾吸引噃..咁就入去試試!我地揀選了一客生蠔,和二人套餐.頭盤有parma ham, salmon & scallop 跟餐送 red / white 二杯！有菜有酒,ok 噃！還有 Caesar salad , pumkin soup沙律菜很新鮮配芥茉计,開胃呀!主菜有pork ribs - 豬肋骨燒焗得很香口配薯條有豐富！另一款主菜是肉眼扒,雖然叫7成熟,但肉質依然嫩, 原因那個friend 鍾意吃熟的牛扒喎！套餐有甜品和咖啡,茶, 满足的一餐！

有幾多打工仔能夠準時收工。每晚收工都差不多九點。不可能每晩都捱公仔麵，生活並不該是這樣的。今晚要來一個有要求的 late dinner。相約老公去旺角覓食，皆因呢度應該有頗多的選擇。經過砵蘭街，見到呢間餐廳門口小擺設很得意，停低望下個餐牌，吾錯·...老公喜愛生𧐢，我愛牛扒，決定喺呢度試吓，雖然門口貼上"Full House", 好彩吾洗等太耐。首先，我們點了來了三款生𧐢，由淡至濃。跟著喺尊貴二人晚餐。頭盤可以六選三。仲有兩杯餐白酒。主菜有豬肋骨同肉眼扒。肉眼扒雖然七成熟，不會太勒仲有蜜糖芥末醬沙律同南瓜湯。呢個 late dinner 大滿足。