Amour Corner (已結業)

今日約了之前一齊讀法文的朋友食飯，所以想找些有法國 feel 的餐廳，於是就 book 了 Amour Corner。我們點了尊貴二人晚餐。我就點了白酒，朋友就 點了 Amour 特飲！頭盤：青蘋果鵝肝多士 - 鵝肝入口即溶配上清新的青蘋果，令整體不會太重味，不會膩 多士好脆。香煎帶子配檸檬油醋汁 - 帶子好香口巴馬火腿蜜瓜 - 火腿十分均勻地放在蜜瓜上 甜味加上鹹味，互相中和 凱撒沙律 - 好清新，開開胃！凱撒沙律 + 南瓜湯 - 南瓜湯好 creamy，好有南瓜味 主菜：香煎龍脷柳配意大利香草汁 - 龍脷柳煎得剛剛好，一點都不太油膩 主菜：燒醬烤原味豬肋骨 - 香噴噴 烤得剛剛好，不會太過火，依然有肉汁 甜品：士多啤梨醬奶凍 - 很滑，不會太甜 今次沒有選擇錯，好味，下次再來我要食生蠔 ，因為餐廳有生蠔，但朋友不吃！下次我要試試！

同朋友晚飯揀左間Amour Corner，聽個名就知食法國菜啦！我地揀左個至尊二人餐，頭盤6揀3，main course 就10揀2！野飲可以揀酒或特飲！好快揀左頭盤（鵝肝萍果多士，帶子，巴拿馬火腿蜜瓜）一D都無揀錯，鵝肝入口即融，多士好脆，夾左青蘋果係中間好balance到，超正😋帶仔都好鮮添）試玩頭盤經已好滿足期待主菜！叫左龍利柳，同埋豬仔骨，都非常有水準！又有沙律，湯，好豐富食完已經爆左！再有甜品（奶凍）和餐飲 - 甜品好彩唔係好甜如果唔係真係食唔落！呢餐真係好滿足😋

有一陣子沒有吃西餐了，這晚母女放工後，相約到旺角吃飯逛街！記得旺角有間有情調性價比高的西餐廳，我們便到那裡吃晚餐！Amour Corner 經常都滿座，眼看多半是情侶，幸好等了10分鐘就有位！環境很寧靜，適合談心！這裡$128就有半打生蠔，還可以混合味道，每款都點兩隻！選手分別是來自加拿大、南非、愛爾蘭！我喜歡加拿大，夠大隻厚肉，全部都有海水味！新鮮！我們點了經典二人餐，有頭盤、沙律、餐湯、主菜、甜品和餐飲，非常豐富！頭盤選了巴馬火腿蜜瓜和蘋果鵝肝多士，鵝肝甘香肥美，入口溶化，青蘋果可以減輕油膩感！parma ham不會死咸，蜜瓜清甜！是日餐湯是蔬菜湯！凱撒沙律的沙律菜很新鮮！主菜決定要一份肉一份pasta！烤澳洲牛柳扒點了五成熟，很厚身呢，烤得好香，肉質非常鮮嫩，沒有筋，優質！菠菜汁煙三文魚意粉的意粉偏有咬口，煙三文魚份量不少，不錯！最後甜品有意式士多啤梨味奶凍，奶味香濃，口感滑溜！

是晚來到旺角的一間西餐館店舖昏暗，適合情侶約會店員熱情的推廣他們的套餐生蠔128有6隻，平均21一隻，超便宜生蠔大小適中海水味平均，肉厚而鮮甜我覺得不加醬料也無妨頭盤點了鵝肝跟火腿鵝肝中間夾了一層薄薄的青蘋果中和了鵝肝的油膩而麵包沾了鵝肝的油使氣味濃郁巴馬火腿配蜜瓜，經典的配搭沙拉跟湯都合格主菜選了牛扒跟羊架五成熟不偏不倚肉類煎得不錯，外脆內軟羊不會有很重的羶味薯泥細滑牛跟羊都是同一款燒汁跟主菜配菜都很配合最後還有甜品是奶凍我覺得以這個價錢吃得到前菜，沙拉，湯，主菜，甜品，還有餐茶，cp值高價錢也便宜，氣氛佳適合小情侶約會

今晚約左朋友黎Amour Corner食晚餐，位置夠曬方便兼且旺中帶靜，油麻地站出行3分鐘就到！餐廳門面唔算大，但入面坐位幾寬敞舒適，燈光氣氛都充滿情調，感覺不錯二人套餐幾抵食，$300零蚊由頭包到尾不過最抵都係生蠔$128/6隻，而且重有三款任選自由配搭！我地揀左三款各2隻$22/隻價錢夠曬抵食，最重要抵得黎係好新鮮又好好食，性價比超高！淨落檸檬汁已經夠曬鮮甜！最好味係愛爾蘭，勁鮮甜跟住係美國，蠔味最突出上完蠔就到頭盤兩款都有質素鵝肝煎得勁香，多士夠脆一個凱撒沙律，兩個湯澳洲牛柳扒，7成熟做到7成效果肉質不見血而不會過熟，肉味濃而不會鞋口黑松露野菌意大利飯黑松露味好香，飯很綿，濕度適中奶凍甜品，好滑漏、奶味夠香濃！整體質素唔錯抵佢平日都滿座

假日後既第一天工作，經過一天的辛勞，實在需要好好食返餐慰勞下自己，於旺角鬧市中發現有一間西餐廳Amour Corner ,今晚與好友相約來此晚膳。這裡環境寧靜座位舒適，加上柔和既燈光，讓人輕鬆自在,疲勞盡消，每枱擺設了小蠟燭更加潻幾分浪漫，眼前雖然唔係男朋友，但有這位知己良朋共晉晚餐，談談心事已然很滿足了先order半打生蠔，無食生蠔好耐啦，既然呢度有，更加唔會錯過，當中有南非、加拿大、愛爾蘭各兩隻，各有特色，鮮甜味美，但最喜歡係愛爾蘭，夠大隻嘛😄我地叫了個經典2人晚餐☆☆頭盤巴馬火腿蜜瓜~濃味的巴馬火腿配搭甜甜的蜜瓜，味道好夾。 迷你芝士拼盤，三款不同口味既芝士，滿足到我的味蕾是日餐湯，凱撒沙律主菜:烤澳洲牛柳扒,選擇七成熟剛好，雖然咁厚身，咬落好腍，又多肉汁黑松露菌意大利飯Risotto夠軟腍，口感夠煙韌意式奶凍，士多啤梨味🍓奶凍好滑又唔太甜有燭光既浪漫，柔和既情調，舒適既環境，共享二人經典晚餐+生蠔，人均消費都係二百幾，價錢十分相宜，但下次要同男朋友來食啦

好耐無食生蠔，但我男朋友唔食，我自己又唔想食太貴，上網搵到依間餐廳有$128六隻生蠔，決定試下。7pm前到餐廳已經有一半客，我地坐最入面嘅枱，環境都舒適。最怕餐廳太暗，影食物相唔靚，依間燈光浪漫得黎，張枱夠光影相，啱曬鍾意相機食先嘅人。落完單好快就上生蠔，我每款揀左兩隻，由左至右係南非、美國同蘇格蘭(餐牌嘅加拿大蠔轉左做美國蠔)。美國蠔最肥美，有淡淡海水味。南非蠔細隻，味道淡。蘇格蘭一樣細但海水味最濃。俾我再揀過我會揀六隻都要美國蠔。頭盤嘅青蘋果鵝肝多士配搭新鮮，鵝肝煎得靚，夠嫩滑，同青蘋果一齊入口，平衡左油膩感。巴馬火腿蜜瓜，火腿唔會太咸，蜜瓜爽甜。餐湯係蕃茄湯，有少少茄蓉咬下。沙律菜新鮮爽脆。最滿意嘅係主菜，香草煎封羊架一上枱已經好香！有少少肥，羊肉好嫩滑，唔洗點燒汁都好夠味。薯蓉好香口。五成熟澳洲牛柳扒夠大塊，肉質鮮嫩柔軟，點埋燒汁好正。甜品係士多啤梨醬奶凍，夠香滑。

最近朋友生日，平時成日食放題打邊爐任食嘅我地決定一改頹風，去呢間法國餐廳食西餐嘆紅肉生蠔，黎個高檔生日晚餐。餐廳裝潢設計非常別緻，一踏入餐廳感覺氣氛好輕鬆寧靜，黑白分明嘅牆壁同餐桌，配上柔和嘅黃燈，打造左一片迷人嘅國度。除左朋友聚餐，聊聊心事之外，場地亦非常適合情侶約會，浸淫係浪漫嘅氣氛之中。我地點左一份二人餐同一客生蠔，分別包含兩份頭盤、沙律同湯、兩份主菜、甜品同飲品；六隻黎自南非、加拿大、愛爾蘭嘅生蠔，全部夾埋價錢十分相宜，抵食之選。生蠔味道十分鮮甜味美，由淡至濃品嚐，即使沒有配上醬汁味道亦十分豐富，creamy得黎夾雜住海水味道，可謂真正品嚐到最原始嘅味道。頭盤我地要左巴馬火腿蜜瓜同迷你芝士拼盤，兩樣都係法國菜常見嘅頭盤，十分醒胃。火腿味道濃郁，配上新鮮蜜瓜啖啖鮮味；芝士拼盤用上blue cheese，濃濃嘅發酵苦澀味加上餅乾簡直係絕配，加上清新嘅caesar salad同羅宋湯，令人急不及待食主菜。主食方面我地要左烤澳洲牛柳扒同忌廉海蝦墨魚麵，牛柳扒肉質非常鮮嫩，配上薯蓉牛柳汁，令人愛不釋手；墨魚麵爽口彈牙，同啖啖肉嘅海蝦相映成趣，口感十分creamy濃郁。呢餐生日飯十分滿意，

在繁榮既旺角區，聽講有間西餐廳口碑唔錯。今晚同阿妹就黎到砵蘭街試呢間西餐「Amour Corner」！一踏入餐廳簡直是兩個世界一樣，餐廳裡面環境寧靜，裝修優雅，給我們很舒適的感覺！ 之後我地膽粗粗叫了一個經典二人晚餐再加半打精選生蠔推介！最先上菜是生蠔半打-南非、加拿大、愛爾蘭生蠔每樣各兩隻！ 由食南非生蠔開始-味道有濃厚既海水味；之後到加拿大生蠔- 生蠔比較肥美， 肉質creamy; 最後愛爾蘭生蠔- 先咸後有淡淡海水味！ 生蠔品嘗順序、分次分批進食，感覺很特別！前菜我極力推介青蘋果鵝肝多士！ 清新既青顏果配入口即溶既鵝肝同鬆脆既多士，簡直絕配！鵝肝不但不會太油膩，反而會有再想食既感覺！Main course 我極力推介香草煎封羊架（五成熟）！羊架不會太熟，味道適中，肉汁豐富，簡直讚不絕口！最後附上甜品-士多啤梨奶凍，又是很好味很意外驚喜既甜品，結束圓滿既晚餐！很滿足呢！

約左同事放工聚一聚，呢間係朋友介紹，位置都幾就腳，喺地鐵站行5分鐘就到。環境幾好，四周環境頗有情調，店員又好nice，過左個開心嘅一晚青蘋果鵝肝多士，餓肝都幾大塊，質感細緻柔軟，油香滿口而且甘香豐腴，入口即溶化，再加上脆身嘅多士，非常好食。迷你芝士拼盤，有三種芝士，味道都非常濃烈，但入口又唔會太鹹，豬第一次咁樣食芝士，同餅乾一齊食，一個新嘅嘗試。巴馬火腿蜜瓜，火腿薄片帶有鹹味，但唔會好鹹，再包住好juicy嘅蜜瓜，鮮甜加上鹹香，味道剛好。香煎帶子配檸檬油醋汁 ，帶子煎得好香口，配埋檸檬油醋汁，散發出檸檬油精嘅芳香，有檸檬汁清爽嘅口感，所以食落好清新，酸酸地，好開胃。煙三文魚花賣相好靚，三文魚又香又嫩。迷你德國腸拼盤，不同款式嘅腸款，有d香燒嘅味道，腸仔皮脆，唔會鹹，幾好食。凱撒沙律同蜜糖芥末沙律，菜好新鮮，個蜜糖芥末汁甜甜酸酸，入口十分清新。澳洲黑安格斯肉眼牛扒，牛扒質素幾好，揀左7成熟，煮得岩岩好冇過火，外面少少脆，裏面仍然鎖住肉汁。配菜薯蓉幾好食，好香牛油味。香草煎封羊架煎得入味而且好腍，肉嫩有肉汁，會帶輕微羶味，係豬喜歡嘅味道。燒烤醬原味豬肋骨嘅肉質口感恰到好處，香口之餘仍然保留

今晚相約好耐冇見嘅朋友大家返工各有各忙難得見面食得好啲聽講Amour Corner 有生蠔食就去試下 滿足下朋友嘅食慾餐廳易搵，環境清靜浪漫好岩情侶到來而餐廳入面亦係戀人一對對先叫左二人餐有好多選擇小弟叫左羊架羊肉配合香草封煎出黎唔膻而且肉質好淋但唔肥膩朋友嘅墨汁意粉滿滿墨汁味好香濃意粉夾雜墨魚肉絲彈牙爽口 同麵條一齊食口感好豐富講返前菜蜜瓜火腿好好食 而最出色係鵝肝唔肥膩，入口融化夾埋多士一流通常鵝肝好膩，但呢個食多幾啖都唔會有呢個感覺生蠔唔小得，都算新鮮海水咸香味 ，滴小小檸檬汁好fresh 佢有唔同品種選擇小弟就唔太識個分別 不過幾隻味咸香到唔同但都唔錯 幾新鮮係咁靚嘅環境食一餐真係一流啊

今晚想食西餐，黎到位於砵蘭街的Amour Corner，有別樹一格的門面~鋪頭選用暗色燈光，配上音樂，有一種柔和的感覺，加上枱與枱之間座位闊落，食客又自重，不會高聲談話，加上枱上放了蠟燭做點綴，令整個環境都好放鬆~看到餐牌上表示生蠔$128/6隻，仲有三款口味，急不及待點了一客。另外再點了一個經典二人餐 ($328)。先送上生蠔，隻隻都好肥美，店員細心介紹，三款口味的產地是南非、加拿大和愛爾蘭，各款兩隻，南非的很Creamy,, 有少少海水帶出的獨特口味。而加拿大的是三款最好味，最厚肉，而且非常鮮甜，愛爾蘭的是爽的，吃完生蠔，店員會為你換碟，非常細心。吃罷生蠔，送上經典二人餐。先上前菜，點了青蘋果鵝肝多士及迷你芝士拼盤。青蘋果鵝肝多士簡直是人間美食，鵝肝的外層煎得脆，入口即溶，配合酸甜的青蘋果及卜卜脆的多士，口感一流。芝士拼盤一D都唔迷你，共有三款芝士，各有特色~之後係傳統凱撒沙律及磨菇餐湯，我好鍾意個凱撒沙律，真係好好味，新鮮蔬菜配上面包粒，有點芝士粉，加埋D醋的份量適中，係令我非常開胃。而磨菇餐湯唔會咸~到主菜上場︰香草煎封羊架，我地揀左5成熟，真係煎得好好，羊架好淋好juicy，

Amour corner 呢間餐廳好近地鐵站，環境唔錯既，一入店內，就感受到浪漫的氣氛！餐廳環境較暗，每枱都有小蠟燭，很有情調。巴馬火腿蜜瓜，紅白花紋的巴馬火腿均勻地鋪在蜜瓜上，鮮甜嘅哈蜜瓜中和返ham嘅咸味，非常滋味。青蘋果鵝肝多士，鵝肝多士入口即溶，味道唔會太重，但鵝肝味久久停留口腔內，夾在鵝肝與多士中間的青蘋果片是它最大的特色，青蘋果的酸味恰好中和了鵝肝的油膩感，個多士係好脆卜卜，好食。迷你芝士拼盤包括了三種不同的芝士，藍芝士的鹹度最高，所以應放最後品嚐。磨菇湯真係要讚一讚👍飲得出佢用左好多磨菇黎煲，食到粒粒既蘑菇，所以味道好濃而且仲有好多磨菇溶喺入面！傳統凱撒沙律同蜜糖介末醬沙律，全部蔬菜都新鮮爽口！碟子是冰凍的，確保沙律的新鮮，爽脆的生菜，加上酸酸甜甜的沙律醬和微鹹的芝士碎，真的胃口大開，連沙律中的麵包粒亦能夠保持香脆。黑松露菌意大利飯，香味很濃郁，上面加咗唔少芝士，而個意大利飯口感好好，個汁幾creamy👍香草煎封羊架，要了七成熟。用刀很容易就切開羊架，可知肉質軟淋淋。入口肉味濃郁且肉汁豐富，另外有個小碟裝有燒汁，可根據自己喜好沾上，個人覺得加上燒汁更惹味，羊架又係我既最愛

好想食牛扒但又唔想食太貴，呢間係MK嘅Amour Corner就係值得推薦！ Dinner 有兩個set! 一個經典一個尊貴，我地揀左後者$468頭盆可以揀3樣！ 我地揀左帶子，蜜瓜Parma Ham同鵝肝！ 本身抱住鵝肝會中伏嘅心態！ 點知有意外經喜！三樣都無令我失望！ 讚👍🏿新鮮沙律同湯一樣照有！ 好正！ Main course 我地都叫左肉眼！ 同平時自己一田買嘅肉眼扒一樣好味🤤 呢間完全可以再返黎食！ 樣樣食材都好滿意🙌🏾

又落旺角搵食！今次同同事經過砵蘭街見到依間餐廳，大家又鐘意食蠔，見openrice咁多好評就一於試下.環境都安靜，傾計也不錯，也沒有限時，店員服務不錯.我地叫左個經典二人套餐，加個生蠔拼盤.首先係生蠔拼盤抵食，生蠔新鮮，叫左一款creamy同兩款爽口，一食完沒有腸胃不適，沒有蠔殼，依個價錢食到依個質素，good good.套餐既前菜，沙律，湯同餐飲前菜個鵝肝肥美，加上青瓜去左油膩感。火腿蜜瓜不過不失。.意大利飯幾creamy，味道不錯，加埋d菌類食好香，risotto煮得啱啱好，比一般岀去食岀色！.飯後甜品依個奶凍有驚喜，好好味，奶味好夠，我同同事旋風食曬.