Amitie Kitchen

营业中

休息中

三文魚沙律：半熟既三文魚，有煙薰既香味，口感一流。配上沙律酸酸味味，非常開胃既前菜。牛肝菌露荀飯：rassorto 飯粒硬度適中，一上菜就聞到好香濃既菇菌味，食落唔會好膩口，掛汁亦掛得唔錯，加埋邪惡既芝士，每一口都好滿足西冷牛扒：叫左份medium 既牛扒。外層有微微焦香味，牛扒素質唔錯，熟度亦差唔多。食落唔鞋口，rest得夠，保留到牛扒肉汁鮮味，得8oz略嫌唔夠皮。朱古力草莓雪糕waffle:新鮮現製，上碟時仍有餘熱，賣相唔錯，口感鬆脆，配上雪糕同雜莓作點綴，為呢餐劃上完美句號。總結：食材新鮮，用心製作，味道亦唔錯，值得一試。

今日同好朋友一齊食dinner，有其他朋友推介呢間係厚福街嘅樓上西餐，話食物幾好食🤤 果然真係滿足好食嘅一餐🤤 有熱麵包，都幾鬆軟，配上旁邊果醬或者牛油，好食！ 想再食😆 火炙半熟三文魚伴紫蘇莎莎 $148 開胃，鍾意個紫蘇莎莎汁配上三文魚好夾🤤8oz美國頂級西冷 $318 牛扒要咗七成熟，餐廳幫我哋煎得啱啱好，牛扒嘅肉質鮮嫩而且牛味濃、油脂香，非常有驚喜！旁邊嘅side dish都好豐富，其中煙肉薯仔整得好香口惹味🤤香辣蕃茄花甲天使麵 $198天使麵嘅麵質細軟但係保持彈牙，非常掛汁，醬汁偏清爽而且有少少辣，令我哋食唔停口，係一個好開胃嘅pasta！士多啤梨朱古力窩夫伴士多啤梨雪糕 $88窩夫上枱時熱辣辣，外脆內軟，就咁咬一啖已經覺得好好味！ 配住酸酸甜甜嘅士多啤梨雪糕，味道同口感就更加豐富😋 甜品嘅擺盤都好靚好啱打卡！ 見隔離檯有朋友生日，可以寫碟！抹茶朱古力牛奶 $42 唔會好甜，有香濃嘅抹茶、朱古力粉撈勻飲好舒服☺️

門口那個雌性Receptionist 真係垃圾仲衰過茶記 俾錢黎睇你面色啊？唔做就冇L做啊嘛 返屋企訓覺啊嘛香港就係有你呢D咁既服務質素 先咁多人選擇北上消費食物水準冇問題 就係服務態度差唔會有下次中意睇面色既 都可以去試下既

位於厚福街嘅Amitie Kitchen由前五🌟酒店廚師主理，由頭盤，主菜到甜點都好有誠意，仲好有浪漫氣氛🌹值得再去😍!!🔸火灸三文魚伴紫蘇莎莎 $148半熟三文魚好嫩滑、厚切，酸甜醬汁將魚味提鮮，作為頭盤清新開胃🥗!🔸加拿大豬鞍扒 $268肉味濃郁帶油香，豬鞍扒嘅肉質鬆軟好juicy，執邊嘅烤配菜都好出色👏🔸牛肝菌露荀意大利飯 $208意大利飯索晒牛肝菌嘅香味，每一啖都好香濃，露筍新鮮脆嫩嘅清新口感好加分😌🔸士多啤梨朱古力窩夫+士多啤梨雪糕 $88窩夫🧇充滿濃郁蛋香，口感外脆內軟，加埋清甜士多啤梨🍓，擺盤精緻打卡一流~🔸400次美綠波波 $40打左400次嘅美綠綿滑濃郁，奶味香濃，仲有脆美綠波波增加口感，大人細路都一定愛🧒🫶!

尖沙咀嘅樓上鋪一坐低就有熱辣辣嘅麵包配有果醬 有誠意火炙半熟三文魚伴紫蘇莎莎見到個三文魚已經覺得流晒口水因為半生熟所以特別有口感有紫蘇 所以味道都幾濃郁 而且都幾開胃香辣蕃茄汁花甲天使麵甜甜酸酸又有少少辣 又係好開胃好適合依家嘅季節天使面夠幼身 同大量蕃茄一齊食好味80z美國頂級西冷好大塊口感豐富，肉質厚實，味道香濃牛扒煎得有坑紋 下低有大量蔬菜士多啤梨朱古力窩夫士多啤梨雪糕好靚，有埋文字 可以叫侍應幫你哋慶祝生日有好多果醬窩夫脆卜卜 幾有口感水蜜桃果粒茶

今晚喺尖沙咀行完街之後嚟咗厚福街一間朋友介紹嘅創意西餐廳食晚飯叫咗火炙半熟三文魚紫蘇莎莎，火炙三文魚份量好慷慨，而且配上咗特調嘅黑醋，健康之餘又好惹味，作為前菜真係一流之後叫咗牛肝菌蘆筍意大利飯，意大利飯煮得粒粒分明而又好煙靭，非常正宗，而牛肝菌同埋蘆筍嘅份量都好多，食落每一啖都有美國頂級西冷叫咗medium，肉味好香濃，而且一啲筋都冇，表面煎得香脆之餘又鎖住入面嘅牛肉汁，好出色最後想長嘅朱古力心太軟本雲呢拿雪糕我最欣賞嘅一道菜，雖然好多地方都有心太軟食，不過呢度嘅朱古力心太軟真係做到熱辣辣，面頭脆卜卜入面又有濃厚嘅流心朱古力效果，好好食凍水果茶好大杯，入面有新鮮嘅藍莓、士多啤梨等，解渴又健康呢間餐廳位於繁華嘅尖沙咀，地點方便之餘食物性價比十足， 十分推薦#amitiekitchen

平時去開尖沙咀經過厚福街都知道有好多好嘢食，最近有朋友生日，佢話H8樓上有間西餐好正，結果一試難忘，好難想像人均$500可以食到咁高質素❤️‍🔥❤️‍🔥我哋未叫嘢食就已經上咗餐包，兩款包都係酒店及嘅水準，好鬆軟，再配埋牛油同果醬，簡直想encore。前菜揀咗自家製豬手凍沙律伴話梅芥末汁($128)同埋傳統法式生生肉他他($148)。個豬手份量大到嚇親，沙律菜好爽口，個汁酸酸may may幾好好食。牛肉他他配埋隻蛋食好match，配包一齊食Perfect！Main就order咗加拿大豬鞍扒（$268）同埋牛肝菌露筍意大利飯（$208）。豬鞍煎得好腍，最欣賞佢連啲配菜同埋薯蓉都整得好出色，清晒碟！至於個意大利飯都好香口，上面仲有大量芝士，好邪惡啊！最後梗係要嗌返個甜品，我哋揀咗伯爵茶奶凍（$48）同埋朱古力香蕉金寶（$68）， earl grey味超濃仲配咗啲玫瑰花瓣，個奶凍入口好順滑，食到停唔到口👍🏻👍🏻👍🏻👍🏻另外我哋嘢飲叫咗凍開心果咖啡（$46）同埋香橙乳酸梳打（$42），開心果味超濃，每啖都飲到，係我暫時喺香港飲過最好飲嘅開心果咖啡😝

Amitie Kitchen @尖沙咀🪡尖沙咀厚福街8號H8 9樓💰$300- $400最近朋友生日想揾一間有氣氛&野食好食既餐廳，search下search下就揾到依間，啱唒一班frd/一pair情侶慶祝既餐廳，推薦推薦❤️Order完之後餐廳會上兩款麵包，搭配埋牛油&士多啤梨醬，味道正🌮火炙半熟三文魚伴紫蘇葉莎莎 $148前菜仲有三文魚沙律🥗，三文魚外層有輕微焦香，入面保持半熟鮮嫩，口感滑順，再搭配埋紫蘇葉香氣清新，食落好fresh又開胃。🍲牛肝菌蘆筍意大利飯 $208一上枱就聞到香噴噴，牛肝菌香氣濃郁，蘆筍脆口感令味道增加層次感，而意大利飯吸收唒牛肝菌&蘆荀清新口感，食落口感豐富，加分加分。🥩美國頂級西冷扒(80rz) $318我朋友期待好耐既牛扒，的確冇令佢失望，佢揀咗七成熟，肉既香味&味道非常突出，肉質鮮嫩，咬落去超級juicy，簡單調味就可以食出牛扒天然風味，非常滿足。🎁士多啤梨朱古力窩夫 $88窩夫超級正，外脆內軟，口感酥脆，咬落去有香甜味，而士多啤梨甜度啱啱好，可以互相平衡，口感增加清新感❤️食落又唔會好膩，非常正！

尖沙咀餐廳臨立，為左特別日子特意找一間比較高質的餐廳，在社交網站上發貼問朋友後，得知呢家位於H8 9樓嘅餐廳係由五星級酒店積累經驗嘅廚師主理，決定試一試。 餐廳裝潢雖簡單但好有格調，座位舒適。前菜有唔同種類嘅麵包，加上果醬和牛油，食到停唔到口。傳统法式生牛肉他他，仲有蛋黃伴隨，相當美味。主菜點了牛肝菌, 露笋意大利饭，好有口感，仲有濃郁芝士，十分惹味。美國頂級西冷8oz，熟成剛好，肉汁鮮嫰。甜品方面唔少得最喜愛嘅士多啤梨朱古力窩夫伴士多啤梨雪糕，窩夫係自家制的，夠甜又香脆，伴碟仲非常有心思。熱情果梳打，果味香濃，唔甜又清新，和牛扒、意大利飯係絕配！整體另一半感到非常滿意，網友真的介紹不錯，下次可以再試試其他

一年之前試過這間西餐，仍然很難忘他的牛扒和意粉，用平民價錢換取酒店級水準。今次再來當然要繼續試他的牛扒，但是今次我們點了risotto。前菜是火炙半熟三文魚莎莎沙律，比起上次，這次的前菜出色了不少，可能是上次豬手沙律個汁太甜了。今次呢個做得非常平衡，三文魚是輕輕的煎一煎個表面，仍然食到刺身的感覺。緊張嘅時刻來臨了，牛扒嘅擺盤同之前一樣咁出色，但係切開又點呢？一樣係完美嘅四成效果。肉質味道所有東西都和之前一模一樣，好正今次呢個risotto係新嘗試，聞落已經好香，食落去完全對板，意大利飯煮得輕微生，係Al dente 既口感，醬汁濃厚，但係又唔會太多變得水汪汪最重要係材料非常多（比飯還要多）。甜品和飲品就中規中矩，但亦可一試。

>>> 9成客都女仔 匯豐卡有88折<<<🥢🥢🥢🥢唔貴 + 有誠意 = 回訪率 90%🥢🥢🥢🥢⭐️火炙半熟三文魚：tataki煮法保留到三文魚嘅滑嫩，加上紫蘇葉莎莎、fresh 沙律菜味道清新⭐️辣蕃茄汁花甲天使麵：天使麵幼滑掛汁，茄味濃郁，花甲都幾大隻，仲可以調整辣度～⭐️美國頂級西冷扒：煮到七分熟，炭香十足，肉質嫩滑，伴碟嘅荷蘭豆同燒薯好味得來仲有煙肉粒襯托⭐️朱古力香蕉金寶：半溶流心，crumble x Nutella 醬 x 香蕉口感超正！⭐️夏日新鮮水果茶：火龍果、藍莓、士多啤梨、蘋果、twinnings 茶底、好清新🏷️飲品$46 甜品$68 前菜$138 意粉$198 牛扒$318

呢間位於尖沙咀厚福街西餐廳，地點方便，評價都相當高，決定來試試。每一道菜由頭盤，主菜，甜點，連麵包都非常精緻，味道都好獨特，色香味俱全，睇得出廚師用心製作每一道菜，真係令人一試難忘。餐廳氣氛浪漫、環境得體、景觀開揚，加上柔和舒適燈光，絕對稱得上係高品質法式餐廳。火炙半熟三文魚伴紫蘇葉莎莎三文魚肉質嫰滑，紫蘇葉完全無苦澀，加上沙律醋，好開胃。牛肝菌, 露筍意大利飯牛肝菌味道好濃郁，意大利飯軟硬適中，加埋幾片芝士，濃香而又唔膩。8oz美國USDA頂級西冷五成熟切開係呈現粉紅色，軟腍帶啲韌性，帶出鮮牛味道，口感剛好。洋甘菊花茶洋甘菊香氣令人心情放鬆，口感順滑，味道清新又有層次。士多啤梨朱古力窩夫伴士多啤梨雪糕窩夫係自家製的，成個擺盤加上味道都好療癒。

尖沙咀成日都唔知食咩，呢間係我朋友推薦，就book定位黎試！一黎就上麵包！自家製豬手凍沙律伴話梅芥末汁:沙律非常新鮮爽口,豬手凍勁有咬口，話梅芥末汁為整道菜增添了岩岩好的酸甜味,面頭落嘅炸蒜非常惹味！牛肝菌蘆筍意大利飯:牛肝菌的出名有濃郁嘅香氣鮮香味融入其中,整個口感層次豐富, 飯嘅熟度剛好，唔會過硬。美國頂級西冷扒:肉質鮮嫩多汁,煎得正好,淋上濃郁的紅酒汁,讓人回味無窮。心太軟:切開心太軟係完美嘅流心, 配上雪糕永遠都唔會輸嘅組合。西柚四季春:茶底本身幾清香加上西柚嘅酸，特別開胃！總的來說,這家餐廳的菜都表現都頗出色，期待下次再來試更多唔同嘅菜！

熱鬧的厚福街上，找到H8樓上餐廳，熱鬧中帶優靜，餐廳燈光微暗，環境闊落有空間感，枱上有小枱燈營造浪漫氣氛，拍拖聚會不錯的選擇。點完餐後，店員送上三款麵包及配牛油＆士多啤梨果醬，麵包很香焗得暖暖的，配牛油同士多啤梨醬可搽在一起吃😊火灸半熟三文魚伴紫蘇莎莎， 這個沙律前菜用厚切三文魚燒邊位半熟有雙重口感😊 新鮮沙律菜配紫蘇莎莎醬汁清新開胃😋為接下來的主菜打開序幕😊8oz 美國頂級西冷牛扒 ，7成熟的牛扒外焦內肉質好嫩多汁，散發出炭燒香味，配菜有煮過很入味有青豆，小蕃茄，粟米，蘿蔔，煙肉薯仔😊香辣蕃茄花甲天使麵，天使麵軟硬適中，蕃茄醬汁唔覺辣夠濃郁又掛汁👍除蕃茄外配料有黃燈籠椒，鴻喜菇等很豐富😊士多啤梨朱古力窩夫，擺盤精緻很吸睛，即叫即制的窩夫質感似鬆餅配士多啤梨雪糕口味很夾😊

話說厚福街一向都係高質餐廳嘅集中地有日局長友人誠邀局長去一間隱世高質西餐廳話係前酒店主廚主理 一定要試咁話WO咁局長一於試試佢一入到去個BAR枱位又幾有格調 即刻加左分完全係啱DATING既餐廳其實一定叫餐最穩陣同最抵食既但因為局長有其他盤算 所以決定係散叫!叫完乜都未上就自動自覺上左份餐包全！部！都！非！常！高！質！全部麵包都只可以講係平時係５星級酒店食到果隻質素要鬆軟有鬆軟 要有軔度有軔度 要有麥香味有麥香味唔止牛油亦都有配埋果醬 令到我想問佢叫多盤餐包食哩一盤餐包絕對唔會令到浪費QUOTA首先叫左一份牛肉他他好重既牛味 如果我無估錯佢係用左牛赤身想做撈埋蛋黃 成件事濃縮+昇華左 值得一試然後另一個前菜叫左一份豬手配沙津咸咸香香咁配上勁爽脆嘅沙律菜唔會好似普通沙律咁ＨＥＡ 可以試到多Ｄ廚藝同誠意由於前菜已經有一道牛他他所以主菜決定叫豬豬既熟度係僅僅熟 入口極之軟滑係有種滑到以為自己食緊牛既錯覺而且果隻肉香味同肉汁係完全無挑釁絕對係一份唔輸於牛扒既豬扒非常高分主食叫左意大利飯 松露味超香而且唔係停留係表面 係每一啖飯都有好食！結尾用一道甜品 朱古力金寶收尾講真你見到相都知好食 唔需要